1. 9-р ангийн Түүхийн хичээлийн хэрэглэгдэхүүн
Сэдэв. Шинэ сонголт, өөрчлөлт шинэчлэлт
1.Монголын ардчилсан холбооны мөрийн хөтөлбөрөөс: “ Жинхэнэ социализм нь хөгжингүй
капитализмыг бодвол хүн төрөлхтөний соёл иргэншлийн дэвшил цэцэглэлтийн илүү өндөр үе
шат мөн гэсэн онолын үндэслэлийг Монголын Ардчилсан Холбоо баримталж байна. Жинхэнэ
социализмд хүрэхийн тулд Монголын ард түмэн түүхийн хөгжлийн бүхэл бүтэн зурвас үеийг
туулах учиртай . Энэхүү зурвас үед хорь-гучаад оны хувьсгалт арчдчиллын уламжлал сэргэн
мандаж, хүнлэг ардчилсан нийгэм төлөвшин хөгжих их үйлс ундрах болно.
“1990 оны ардчилсан хөдөлгөөний түүхэнд холбогдох баримт бичгүүд “ /тэргүүн дэвтэр/
УБ.2004.65 дахь тал.
2.МоАН-ын I их хуралд тавьсан улс төрийн илтгэлээс : “ Энэрэнгүй ардчилсан нийгэм
байгуулахыг дээд зорилгоо болгосон Монголын Ардчилсан Нам улс орноо хөгжүүлэгч нь бие
хүн, ард түмэн мөн гэх үздэг учир бие хүнийг бүхий л талаар хөгжүүлэхийг эрхэмлэнэ.
“1990 оны ардчилсан хөдөлгөөний түүхэнд холбогдох баримт бичгүүд “ /тэргүүн
дэвтэр/ УБ.2004.277дахь тал.
3.МАХН -ын Төв Хорооны VIII бүгд хурлын тогтоолоос : БНМАУ-ын Үндсэн хуулийн “ Бүгд
Найрамдах Монгол Ард Улсын төр , нийгмийн удирдан чиглүүлэгч хүч бол бүхнийг ялагч
марксист -ленинист онолыг үйл ажиллагаандаа удирдлага болгодог Монгол Ардын Хувьсгалт
Нам мөн “ гэсэн оршил болон “ Улс ба хөдөлмөрчдийн олон түмний бусад бүх байгууллагын
манлайлагч бөгөөд жолоодогч Монгол Ардын Хувьсгалт Намд ажилчин , хоршоолсон
хөдөлмөрчид , сэхээтний эгнээнээс шалгарсан хамгийн идвэхтэй , ухамсартай иргэд эвлэлдэн
нэгдэнэ. “ гэсэн 82 дугаар зүйлээс татгалзах саналыг БНМАУ-ын Ардын Их Хуралд уламжлах
нь зүйтэй гэж үзсүгэй” .
Төв хорооны өргөх бичгүүд 134тал .