fdghhjgjghj

1. Мұғалім
туралы мәлімет
Серікова Гүлнар
Нұрмағамбетқызы
бастауышсынып мұғалімі
Атырау облысы
Махамбетауданы
Еңбекшіл ауылының негізгі
мектебі
Лауазымы «Өзін-өзітану» пән мұғалімі
Білімі Жоғары
Еңбек өтілі 7 жыл
Санаты Жоғары
Мекен-жайы Атырау облысы,
Махамбет ауданы, Еңбекшіл ауылы
Ұялы телефоны +77786490741
E-mail Gulnar169@bk.ru

2. Мектебі: Еңбекшіл ауылының негізгі мектебі
Мерзiмі: 5.05.15
Сабақ №32
Тақырыбы:Салауаттылық –менің қалауым
Құндылық: Дұрыс іс – әрекет
Қасиеттер:Салауаттылық, денсаулықты бағалай білу.
Сабақтың түрі: ашық сабақ
Сабақтың әдісі:сұрақ-жауап, әңгімелесу, топтық жұмыс, көрнекілік
Мұғалiмі:Серікова Гүлнар Нұрмағамбетқызы
Сыныбы:5
Мақсаты:Оқушылардың «денсаулық» ұғымының
құндылығы туралы түсініктерін кеңейте отырып, салауатты өмір
салты жайлы мағұлмат беру.
Міндеттері:
- салауатты өмір салты туралы білімдерін бекіту;
- денсаулыққа зиянды жағымсыз әрекеттерге қарсылық
сезімдерін ояту;
- денсаулықты бағалауға тәрбиелеу
Ресурстар:
мәтін, нақыл сөздер,
үнтаспа, бейнетаспа,
интерактивті тақта,
плакат, маркер т. б
құралдар
І. Ұйымдастыру кезеңi. Сәлемдесу, оқушылардың көңіл-күйін
сұрау.
-Қайырлы күн балалар!
-Көңіл-күйлеріңіз қалай?
ІІ. Тыныштық сәтi.
«Күннің нұры»
Ыңғайланып отырып, денелеріңізді тік ұстаңыздар. Аяқ-
қолыңызды айқастырмаңыз. Қолдарыңызды тізеңізге немесе
үстелге қоюға болады. Көздеріңізді жұмуларыңызды өтінемін.
Елестетіңіз, күн нұры сіздің төбеңізден өтіп, кеудеңізге қарай
бойлап барады. Кеудеңіздің орта тұсында гүл түйнегі
орналасқан. Гүлдің түйнегі нұрдан баяу ашылып келеді. Балғын
және таза әсем гүл сіздің әр ойыңызды, әр сезіміңізді,
эмоцияңыз бен тілек-қалауыңызды шайып, жүрегіңіздің
қауызын ашты.
Нұр сәулесі сіздің бойыңызға ақырын тарай бастағанын
елестетіңіз. Ол біртіндеп күшейе түсуде. Оймен осы нұрды
қолдарыңызға түсіріңіз. Сіздің қолдарыңыз нұрға бөленіп, сәуле
шашуда. Қолымыз тек жақсы, ізгі істер істейді және баршаға
көмектеседі. Нұр аяқтарыңызға тарады. Аяқтарыңыз нұр
сәулесін шашуда. Олар сізді тек жақсылық жасау үшін жақсы
жерлерге апарады. Олар нұр мен махаббат құралына айналды.
Одан әрі нұр сіздің аузыңызға, тіліңізге тарады. Тіліңіз тек
шындықты және жақсы, ізгі сөздер ғана айтады. Нұрды
3-слайд
Жағымды баяу музыка
ырғағымен

3. құлақтарыңызға бағыттаңыз, құлақтарыңыз тек жақсы сөз бен
әсем әуенді ғана естиді. Нұр көздерімізге де жетті, көзіміз тек
жақсыға қарап, бәрінен жақсылықты ғана көреді. Сіздің басыңыз
түгелдей нұрға бөленіп, басыңызға тек ізгі, сәулелі ой келеді.
Нұр бірте-бірте қарқын және шұғылана бастайды, сіздің
денеңізден шығып, жан-жағыңызға сәуле шашады. Осы нұрды
туысқандарыңызға, мұғалімдеріңізге, достарыңызға,
таныстарыңызға бағыттаңыз. Нұрды уақытша түсініспей,
ренжісіп жүрген адамдарға да бағыттаңыз, олардың да жүрегі
нұрға толсын.
Осы нұр бүкіл әлемге: барлық адамдарға, жан-жануарларға,
өсімдіктерге, барлық тірі жанға таралсын... Ғаламның барлық
түпкір-түпкіріне нұр бағыттаңыз. Ойша айтыңыз: «Мен
нұрлымын... Нұр менің ішімде... Мен Нұрмын».
Осындай Нұр, Махаббат және Тыныштық күйінде отыра
тұрыңыз...
Енді осы Нұрды жүрегіңізге орналастырыңыз. Нұрға толы бүкіл
әлем сіздің жүрегіңізде. Оны осындай әсем қалыпта сақтаңыз.
Жаймен көзіңізді ашуға болады.
Рахмет!
II. Үй тапсырмасы.
Мәтінмен жұмыс
Оқушылардың әуес болу, әуестік әлемі жайлы ойларын
білу мақсатында оқулықтағы «Әуестік әлегі» деген аңыз
әңгімесі оқып беріледі. Аңызды оқи отырып, оқушылар өздерінің
бойындағы әуестіктің қаншалықты пайдалы жағы бар екеніне
сын көзбен қарайды. Бірақ осылармен қатар адамның жақсы
өмір сүруіне кедергі келтіретін, денсаулығына зиянды әуестік
әлемі барын, түсінеді. Адам бойындағы жақсы қасиеттерді
дағдыға айналдырып, күнделікті салауатты өмір салтының
ережелерін сақтау керек
Әуестік әлегі
(Аңыз)
Шәкірт:
-Ұстаз, адамның әр нәрсеге әуестігі, құштарлығы
болмауы мүмкін бе?
-Мүмкін,-деп жауап берді ұстаз.
-Онда оны адам деуге бола ма?
-Сен әуестік дегеннің не екенін түсінбей отырсың, -деп
жауап берді ұстаз. –Мен әуестікке бой алдырып, өз денесіне
4-слайд
Мәтін оқылады.

4. зиянкестік жасамайтын адам туралы айтып отырмын. Ол өмірге
парасаттылықпен қарап, өзіне-өзі қастандық жасамайды.
-Егер адамда қызығушылық болмаса, ол өмірден өз
орнын қалай табады.
-Тәңір адамға дене беріп қана қоймай, оны тіршілікпен
нұрландырды. Ал ол тәңір берген денесіне қиянат жасамай, оны
мәпелеп, қадірлей білуі керек. Кез келген нәрсеге қызығып,
әуестене берсең, қажетсіз нәрселермен оны қажытып жібердің.
Дұрысы – ағашқа сүйеніп, ән шырқа! Шалғынға жатып, демал!
Өз өміріңе рақаттана біл!
*Әуес болу адам өміріне қалай әсер етеді?
*Әуес болудың жақсы жақтары бар ма?
*Жаман істерге әуес болудың салауаттылыққа әсері
қандай?
*Жақсы әуестіктерге нелер жатады?
*Жақсы әуестіктің адам өмірінде қандай маңызы бар?
ІІІ. Дәйексөз
Сау дене, азат ақыл, адал көңіл,
Үшеуімен болады бақытты өмір.
Халық мақалы.
5- слайд
Мағынасын ашып, жаңа
сабаққа көшу.
ІV. Шығармшылық жұмыс
Санау арқылы 3 топқа бөлу.
І топ
Денсаулық туралы мақал-мәтелдер
ІІ топ
Азат ақыл деген не?
ІІІ топ
Сахналау «Бақытқа барар жол»
Оқушылардың жаманан жиреніп, жақсыдан үйренуге
талпынысын арттыру мақсатында сахналау ұсынылады.
Нұрлан мен атасының аяқталмаған әңгімесін оқушылар өздері
әртүрлі жағдайда аяқталуы мүмкін. Жауаптарды тыңдай
6- слайд
3 топ өз ой-пікірлерін
қорғайды.

5. отырып, өз бойларындағы қандай жақсы қасиеттер мен
кедергі болатын жаман қасиеттерін біледі.
Бақытқа барар жол
Нұрлан:
Ата, өз денсаулығымды қалай сақтауға болады, ақыл беріңізші?
Ол үшін көп ақша, жақсы қызмет керек пе?
Атасы: Маған сенің арманың ьелгілі болады. Бірақ сен айтқан
көп ақша, жақсы қызмет адамды бақытты ете алмайды.
Нұрлан: Сонда не істеуім қажет?
Атасы: Балам, өз бақытың өз қолыңада. Ол үшін адам жағымсыз
әдеттерден аулақ болып, жақсылыққа ұмытылып жүру керек.
Нұрлан: Тек жамандықтан қашық болу, жақсылыққа ұмытлу
деген не?
*Сендер Нұрланның сұрағына қалай жауап берер едіңдер?
*Адамды бақытқа жетелейтін құндылықтар мен
қасиеттердің тізімін құрастырыңдар.
*Адамды бақытқа жетелейтін қандай қасиеттерді білесіңдер?
V. Мұғалім сый қоржынынан
«Бақытты болам десеңіз»
1. Ең бірінші өзіңнің жақын-жекжат, ағайын тумаңды
сүй.
Жақсы көретін адамыңа уақытыңды көбірек бөліп, қол
ұшын риясыз беруге тырыссаң, өзіңді бақытты сезінесің.
2. Жұмысыңды бар күшіңді жұмсап, ықыласпен істе.
Өміріміздің көбін жұмыспен өткіземіз, сондықтан оны
азапқа айналдырудың қажеті жоқ. Өзіңе ұнаған
мамандықты таңда. Бұл өзіңе де, қоғамға да әлдеқайда
тиімді.
3. Адамдардан көмегіңді аяма.
Басқаның қамын ойлау, біреу үшін өз пайдамыздан
бастарту, қай-қайсымыздыңжүрегіміздің түпкірінде
жатқан қасиет. Тәккаппарлыққа бой бермей, қажет еткен
адамға жақсылық жасауға тырыс. Ол адамның көңілінің
жұбанып, қуанғанын көріп, өзің де бақытқа кенелгендей
боласың.
4. Бақытты болуға тырысыңыз.
Не нәрсе көңіліңізді көтеріп, қуантады, бақылап көріңіз,
7- слайд
«Кемпірқосақ» құрастыру
7 түрлі түсті жолақтардан
оқушылар оқиды.

6. Салыңыз суға кеткен жағдайда, жүрегің қалаған іспен
айналыс (әрине, қылмыстан басқа)
5. Дене қимылы белсенділігі.
Неге екені белгісіз, қандай да қимыл белсенділігінен дені
сау адам ләззат алады.
Дене қозғалысымен айналысқанда шексіз рақатқа
батырады. Сондықтан өзіңе ыңғайлы спорт түрімен
айналысып, қаласаң жүгіріп, билеуіңе болады.Ерте тұрып
есік алдын сыпырып, қарын лақтыру да сергітіп, өзіңді
бақытты сезінуіңе себебін тигізеді.
6. Өміріңе жаңалық енгіз.
Бізді бала кезімізден бірқалыпты өмір сүруге
дағдыландырған. Әрине, белгілі күн тәртібі, үйренген
әдет ғұрып, мәңгілік дос-жаран, тұрақты жұмыс, демалыс
орны жамандықтың нышаны деп ешкім айта алмас. Бірақ
соның бәрі зеріктіріп жіберген кезде өмірге өзгеріс
енгізудің ешқандай айыбы жоқ.
Қайта үйреншікті әдетті мезгіл-мезгіл жаңалап, өзгертіп
отыру-көңіл күйге жақсы әсер беріп, өмірге деген
құштарлығыңды артырады.
7. Өзіңді бақытсыз сезген жағдайда да өмірден түңілме.
Өмірдің өзі түгелімен қайғы мен қуаныштан, күйініш пен
сүйініштен, жақсылық пен жамандықтан тұрады.Өмірдің
күрес екенін ұмытпаған жөн. Сондықтан алдағы күннен
үміт күтіп, қиындықты жеңуге бел бусаң, қайғы-қасірет
атаулы сеннен аулақ жүреді.
VI. Бірге ән саламыз
Бала тілегі
Сөзін жазған:С.Молдасанұлы
Әні жазған:Ф.Лұқпанова
Бал-балалық , балдырған шақ сан арман,
Барлық бала армандауға жаралған.
Кел, достарым әндетіңдер, билеңдер,
Гүлденсін деп атамекен қара орман. (2 рет)
Болашақтың иесіміз бәріміз,
Туған жердің түрлендірер нәріміз.
Алтын бесік-ұлан-байтақ елімде,
Жарқын болсын шырқап айтар әніміз. (2 рет)
Әнді орындау.
6- слайд
VII. Қорытынды.
«Менің қалауым –салауатылық» топтастыру
- дұрыс тамақтану;
- зиянды әдеттерден аулақ болу;
7- слайд

7. - жеке бас тазалығын сақтау;
- денешынықтырумен айналысу;
- оң эмоциялардың көп болуы;
- қоршаған ортаның тазалығы;
- күн тәртібін сақтау;
- үнемі қозғалыста болу;
VIIІ. Үйге тапсырма:
«Менің денсаулығым-менің байлығым» шығарма жазу
ІХ.Қорытындылау:
Ұлы ойшыл Сократқа кезіңде мынадай сұрақ қойылыпты:
«Адамға өмірде не қымбаттырақ байлық па, әлде атақ па?»
депті. Сонда Сократ «Байлық та, атақ та, даңқ та адамды шын
бақытты ете алмайды. Дені сау кедей, ауру патшадан
бақыттырақ» деп жауап беріпті. Яғни, адам бақытты болу үшін
оған денсаулық керек, ал денсаулықтың кепілі салауаттылық.
Отанымыздың ертеңгі жағдайы сендердің қандай азамат болып
өскендеріңе байланысты. Ертеңгі күн әрқайсысың мемлекетті
құрайтын адам, әр мамандықтың иесі боласыңдар, қызмет
атқарасыңдар. Сол қызмет барысында халыққа, мемлекетке
қызмет етесіндер. Сондықтан жаман әдеттерден аулақ болып
төзім, табандылықпен білім сатысынан көрініп саналы, сауатты,
салауатты азамат болып, қазақ елінің жарқын болашағын
кұрайтын жастар болып өсе беріңдер.
8- слайд
Х. Соңғы тыныштық сәті
Мұғалім жәй дауыспен:
- Әрқайсымыз оң қолымызбен жүрегімізді ұстап көрейік. Өз
жүрегіміздің жылылығын сезініп, жүрек жылуымызды
адамдарға, айналамызға жеткізу үшін іштей оларға жақсы
тілектер тілейік. Жақсы ой ойлайық, жақсы сөз сөйлейік, жақсы
іс жасайық! Бүгінгі сабақтан алған әсерлеріңізді жүректеріңізге
түйіп алыңыздар. Рахмет! Көздеріңдіашуғаболады.
9- слайд