Presentación empregada no obradoiro "Cinemas de Asia" do programa de lecer de primavera do Centro Ágora.

1. Hong Kong
Imaxe: GFDL CC BY­SA 3.0. Fonte: Wikipedia.

2. Ann Hui
許鞍華
N: 23 de maio de 1947, Anshan, Liaoning (China)
É unha das figuras máis destacadas da
nova vaga de cineastas que agroma en
Hong­Kong nos anos 70 e 80. A súa
filmografía, da que só chegou un título a
salas comerciais en España, abrangue
moi diversos xéneros e estilos, do wuxia e
o thriller ao drama intimista e o cinema
político.
Imaxe: Rmlowe, CC BY­SA 3.0. Fonte: Wikipedia.

3. Debuta como directora de cinema en
1979 e axiña transcende as fronteiras
nacionais: a terceira longa, A historia de
Woo Yuet, protagonizada por Chow Yun­
Fat, foi seleccionada en 1982 para a
Quincena dos Realizadores do Festival
de Cannes. Repite en Cannes o ano
seguinte, mais xa en selección oficial
aínda que fóra de competición, con Boat
People, que tivo unha proxección discreta
para evitar conflitos entre os gobernos
de Francia e Vietnam.

4. A súa terceira visita a Cannes chegou
con Canción do exilio, na sección Un
Certain Regard en 1990. Competiu na
Berlinale con dous filmes, Neve de verán
(1995) e Heroes correntes (1999); entre
unha e outro gañou un dos premios
honoríficos do certame, a Berlinale
Camera, en 1997. Tamén visitou San
Sebastián (Segredo visíbel, 2001) e a
Mostra de Venecia, a competición en
2011 con Una vida sencilla (Copa Volpi á
mellor actriz para Deannie Ip, o único
dela que se estreou en España) e en
2014 fóra de concurso como filme de
clausura con The Golden Era.

5. Wong Kar­wai
許鞍華
N: 17 de xullo de 1958, Xangai (China)
Cando tiña cinco anos a súa familia emigrou
a Hong­Kong, na altura colonia británica.
Comeza a traballar no cinema como
guionista; o seu debut na dirección chega en
1987 con As Tears Go By, escollida para
formar parte da Semana da Crítica de Cannes
en 1988.
Imaxe: Siebbi, CC BY­SA 3.0. Fonte: Wikipedia.

6. Cada nova entrega da súa filmografía
convértese en obxecto de culto cinéfilo:
Days of Being Wild (1990), Ashes of
Time (1994, premio á mellor fotografía
en Venecia), Chunking Express (1994, a
concurso no Festival de Locarno), Fallen
Angels (1996).
Con Happy Together (1997) é
seleccionado por primeira vez na
competición oficial do Festival de
Cannes, onde obtén o premio á mellor
dirección. Detrás da cámara, o seu
director de fotografía de referencia,
Christopher Doyle; diante, tres actores
habituais, Tony Leung, Leslie Cheung e
Chang Chen.

7. Concursa de novo en Cannes con In the
Mood for Love (2000, premio ao mellor
actor para Tony Leung e Grand Prix da
comisión superior técnica), 2046 (2004)
e My Blueberry Nights (2007).
A súa última longametraxe até o
momento é The Grandmaster, filme
inaugural da Berlinale 2013.