Presentación empregada no obradoiro "Cinemas de África" do Centro Ágora da Coruña.

1. Souleymane Cissé
(1940)

2. Souleymane Cissé naceu en Bamako
(Malí) o 21 de abril de 1940, no seo dunha
familia musulmá. Foi un grande amante do
cinema desde a súa infancia. A súa paixón
levouno a Moscú grazas a unha bolsa,
primeiro para ter formación como
proxeccionista e logo para estudar guión e
dirección no Vgik, o Instituto Gerasimov de
Cinematografía, entre 1963 e 1969. Nesa
altura, ao abeiro das aulas de cinema, fai as
súas primeiras curtas.

4. De regreso a Malí, traballa no servizo
cinematográfico do Ministerio de
Información do país, para o cal fixo
varios documentais e arredor de
trinta reportaxes. En 1972 dirixe a
mediometraxe Cinq jours d’une vie,
sobre un mozo expulsado dunha
escola coránica que sobrevive nas
rúas a base de pequenos furtos.

5. Completou en 1974 a súa
primeira longametraxe, Den
Muso (A moza), falada en lingua
bambara, mais a súa exhibición
foi prohibida pola censura
maliana, descontenta cunha
historia de violación e embarazo
non desexado dunha moza
muda. O director mesmo foi a
prisión acusado de aceptar
financiamento francés para o
filme.

6. Relato de explotación laboral e loita
de clases, Baara (O traballo) foi
presentada no Festival de Locarno
1978 e gañou ao ano seguinte o
maior premio do FESPACO, o Étalon
de Yennenga.

7. En 1982 chega ao Festival de Cannes
(sección Un Certain Regard) con Finyé
(O vento), historia de amor entre a filla
dun militar e un estudante novo que
serve de retrato dunha sociedade en
pleno cambio. Con este filme gaña por
segunda vez o premio maior do FESPACO
en 1983.

8. Integrou a competencia internacional de
Cannes 1987 (e obtivo o premio do
xurado) con Yeelen (A luz). Esta sublime
aventura iniciática e heroica tivo unha
rodaxe longa (entre outubro de 1984 e
novembro de 1986, con diversas paradas
forzadas polas circunstancias) e chea de
incidentes: tormentas de area, a morte
repentina dun dos actores, Ismaila Sarr, a
enfermidade do director de fotografía,
Jean Noel Ferragut...
É a única película de Cissé que tivo estrea
comercial en España, en novembro de
1987. Foi vista en salas por 42206
persoas.

9. Recuncou na competencia internacional
de Cannes 1995 con Waati (O tempo),
coprodución ambientada na Suráfrica do
apartheid. Aínda regresou a Cannes, fóra
de concurso e en sesións especiais, cos
seus seguinte filmes, a ficción Min Ye
(Dime quen es), en 2009, e o documental
O Ka (A nosa casa), en 2015.

10. Souleymane Cissé recibiu
unha homenaxe no festival
Cines del Sur de Granada
en 2009.