1. OS TORRENTES Son cursos de auga con cauce fixo, de escasa lonxitude e forte pendente. Poden levar auga todo o ano, ou quedar secos no período de estiaxe. Nas zonas de alta montaña, como por exemplo os Pirineos, o caudal é maior nas épocas de desxeo e cando se orixinan fortes treboadas no verán. En Galicia o maior caudal aparece nas épocas nas que chove moito.
2.
3. Canle de desaugue ou de escoadoiro : Constitúe a canle principal do torrente, onde predomina o transporte dos materiais, sendo tamén importante a erosión.
4. Cono de dexección : Nesta zona acumúlanse os materiais transportados polo torrente, formando unha mestura de clastos de tódolos tamaños. Se o tamaño do cono é grande chámaselle abano aluvial.
5. Val de Pineta (Pirineos) Aquí observamos a canle de desaugue dun torrente de alta montaña. Non leva moito caudal porque xa rematou a temporada de desxeo.
6. Val de Pineta (Pirineos) Nesta vista do mesmo torrente obsérvase parcialmente na parte alta a cunca de recepción, que inclúe os glaciares do Monte Perdido.
7. Aigüestortes (Pirineos) Os materiais arrastrados pola auga ó longo do escoadoiro van erosionando as rochas do leito, formando pozas ou marmitas de xigante.
8. Val de Forcau (Pirineos) Nos desaugadoiros dos torrentes son tamén moi abundantes as fervenzas.
9. Val de Benasque (Pirineos) Aquí pódese observar como un torrente forma un cono de dexección ó chegar á base da montaña.
10. Parque Nacional de la Vanoise (Savoie, Francia) Nos Alpes os terrentes son aínda máis espectaculares, formando verdadeiras fendas nas montañas.
11. Biescas (Pirineos) Para evitar os danos causados polos torrentes nos momentos de enchente, realízanse canalizacións dos mesmos. Aquí vemos o torrente de Arás (Pirineos) antes de que á súa beira se instalara o camping “Las Nieves”.
12. Biescas (Pirineos) Aquí podemos observar desde lonxe o cono de dexección no que estaba situado o camping “Las Nieves”, que quedou arrasado o 7 de agosto do ano 1996, morrendo 87 persoas. Recorda pinchando: Cono de dexección.