3. Waarheen is ek op pad?
Hos 6:3 En laat ons ken—laat ons dit najaag
om die HERE te ken; ......
Ken = ondervind
Hoe ken ons die Here?
Hoe leer ek Hom so ken?
- Tyd bestee
- Saam met Hom te leef
- Ondervindings deurgaan
- Hom te vertrou
4. Psa 34:9 Smaak en sien dat die HERE
goed is; .....
“Ken” kom nie vanself nie
Hos 6:3 En laat ons ken — laat ons dit
najaag om die HERE te ken; ......
Wat van Nuwe Testament?
5. Fil 3:8-10 Ja waarlik, ek ag ook alles
skade om die uitnemendheid van die
kennis van Christus Jesus, my Here, ... as
wins te verkry en in Hom gevind te word,
... sodat ek Hom kan ken en die krag van
sy opstanding en die gemeenskap aan sy
lyde terwyl ek aan sy dood gelykvormig
word,
So hoe ernstig is ons om Hom te leer ken?
Editor's Notes
#Hoe smaak hierdie vrug?
Koejawel. Wie wil probeer om die smaak te beskryf? Wat van vreemde vrug uit ander land. Kan die vrug, sy eienskappe, gesondheidsvoordele ens. gaan oplees sonder om ooit 100% seker te wees hoe die vrug smaak. Sal slegs weet hoe die vrug smaak as jy een bekom en proe. Dan sal jy weet hoe hy smaak en of jy van hom hou.
#Smaak is moeilik om te berskryf
Indien jy ’n wye raamwerk van smake en hul beskrywende woorde het, is dit makliker maar steeds moeilik om ’n smaak te beskryf. Dit maklikste manier is om te sê dit smaak soos ....... My vrou kan ’n varknek gaarmaak dat hy soos skaapboud smaak. Dit is nie skaapboud nie, maar proe baie so.
#Waarheen is ek op pad?
Hosea sê ...
#Hos 6:3 ....
Wat die profeet hier probeer tuisbring is presies wat ek probeer doen het met die openingsvoorbeeld. Sekere goed is moeilik om te beskryf. Die enigste manier om regtig te weet hoe dit smaak of hoe dit voel of hoe dit werk is deur persoonlike ondervinding. Ander kan ons probeer verduidelik, maar daar is niks wat kom by persoonlike ervaring nie. Al beskryf iemand anders iets hoe goed, of ek daarvan gaan hou of nie sal uiteindelik finaal bepaal word wanneer ek dit self proe.
#Ken = ondervind
Waar die Bybel hier praat van ken is dit meer as kopkennis. Dit verwys na baie goed ken wat slegs kan kom wanneer ek iets self ondervind het. Ons sal moontlik almal sê dat ons Pres Zuma ken. Hierdie kennis is egter beperk tot dit wat ons erens van hom gehoor, gesien en gelees het. Niemand van ons het hom al persoonlik ontmoet en genoeg tyd onder verskillende omstandighede met hom spandeer dat ons kan sê ons ken hom regtig vanuit persoonlike ondervinding nie.
#Hoe ken ons die Here?
Ken ons Hom vanuit dit wat ons hoor ander van Hom vertel. Ken ons Hom vanuit dit wat ons in die Bybel van Hom lees? Ken ons Hom vanuit dit wat ons in ander se lewens sien? Hierdie goed is alles ’n goeie begin. Hierdie goed kan alles help. Dit kan egter nooit net dáárby bly nie. Dit is nie wat Jesus in gedagte het nie. Hy wil hê dat ons Hom sal ken vanuit persoonlike ondervinding.
#Hoe leer ek Hom so ken?
Ek leer Hom so ken deur dit wat ek in die Bybel lees, van ander hoor en sien te gaan beproef/leef. Ek leer Hom so ken namate ek bereid is om die goed wat ek in die Bybel lees te gaan doen of ophou doen. Ek kan Hom slegs so leer ken deur in ’n verhouding met Hom te staan. Hoe meer en beter tyd ek met Hom spandeer, hoe beter sal ek Hom leer ken.
#Tyd bestee
Daar is nie ’n manier wat ek God sal leer ken vir wie en wat Hy regtig is sonder om tyd met Hom te maak nie. Praat van tyd wat net ek en Sy tyd is. Kwaliteit tyd. Daarmee saam ook kwantiteit tyd. Ek maak Hom dus deel van my lewe.
#Saam met Hom te leef
Maak Hom deel van vreugdes, oorwinnings, opgewondenheid, teleurstellings, spanning ens..
#Ondervindings deurgaan
Dit is gewoonlik die minder lekker een. U sien ek kan net sê ek weet, vanuit persoonlike ondervinding, dat God genees as Hy my van my siekte kom genees het. Ek weet dit, want die Here het al by meer as een geleentheid my van verskillende siektes kom genees. Ek kan net sê ek weet dat God voorsien as ek erens in nood was en God vir my kom voorsien het.
So skep God negatiewe omstandighede. Nee!!! Hy laat dit wel soms toe. Ons sien baie keer hierdie slegte omstandighede as die straf van God of as bewys dat die Here nie lief het of omgee nie. Dit is egter presies die teenoorgestelde. Hy wil hê dat ons groter sekerheid sal hê oor Sy grootheid en alvermoee. Dit kom net deur hierdie tipe van ondervindings.
#Hom te vertrou
Ek sal Hom nooit leer ken soos Hy wil hê ek Hom moet leer ken as ek Hom nie kan leer vertrou nie. Vertrou is om te glo wat Hy sê. Omdat ek glo wat Hy sê doen ek wat Hy sê. Kan ek die inleiding gebruik. Hy wil hê dat ons self die vrug sal proe, nie tevrede sal wees met die smaak beskrywing van ander nie. Ander mag dalk ’n agenda hê hoekom hulle die smaak beskryf soos hulle dit beskryf. Hulle mag dalk deur ander beinvloed wees deur dit te beskryf soos hulle dit beskryf.
#Psa 34:9 .....
Vat self die Bybel, begin Hom te lees. Moenie tevrede wees met wat ander sê daarin staan nie. Begin self met die Here praat. Moenie staatmaak op ander se gebede vir jou nie. Begin self die Bybel deel te maak van wat jy doen en hoe jy dit doen. Praat self met die Here oor die dinge wat jy nie verstaan of die oenskynlike teenstrydighede wat jy beleef nie. Kies om na Hom toe te hardloop met jou stryd, hartseer, woede en teleurstellings, nie weg van Hom af nie. Gee Hom ’n kans om saam met jou deur die dinge te werk.
#“Ken” kom nie vanself nie
Niemand het sy huweliksmaat/ vriend leer ken deur bloot na hom te kyk nie. Dit was deur tyd en ondervindings, m.a.w., moeite wat julle mekaar leer ken het. Dit vra werk. Dit is maklik wanneer alles maklik en lekker gaan. Dit is iets anders wanneer verskille en teleurstellings kom. Hosea stel dit so ...
#Hos 6:3 ......
Najaag kan ook vertaal word met jag. Laat ons heeltyd/die hele tyd op die Here se spoor bly. Ons moet Hom nie een oomblik uit ons sig verloor nie. Dit verg inspanning, vra dat ek wakker sal wees. Ons is bereid om moeite te doen vir baie ander goed. Kan ons nie met die mees belangrike persoon en verhouding op aarde ook meer moeite begin doen nie?
#Wat van Nuwe Testament?
Dalk sê jy maar hierdie vers is O/T. Kry ons hierdie tipe van oproep ook in die N/T. Is dit nie dalk nou anders nie. Die antwoord is Ja en Nee. Dit is anders in die sin dat elke persoon nou in ’n persoonlike verhouding met God kan staan wat dan selfs die O/T opdrag onderstreep. Die antwoord is ook Nee ...
# Fil 3:8-10 .....
Hier sien ek ’n baie groter erns en intensiteit wanneer dit kom by “laat ons ken”. Paulus skryf aan die Fillipense dat Hy weet dat daar sekere goed is wat hy net persoonlik sal kan beleef as hy bereid is om selfs te sterf. Dit vat hierdie saak na ’n heel ander vlak.
#So hoe ernstig is ons om Hom te leer ken?
Is ons tevrede met die lees van die Bybel en hoor by ander of is ons bereid om te sê: Here, dit is die heel Nbste ding in my hele lewe? As jy dit sê, kom ons staan...
