1. ALAMAT
- Isa sa mga itinuturing na panitikan bago pa man dumating anf
unang mananakop na mga Kastila sa dalampasigan ng Pilipinas.
Kalimitan sa mga alamat ay pasalindila lamang na isinasalaysay
ng mga unang Pilipino.
2. NAHAHATI ANG ALAMAT
SA DALAWANG PANGKATIN
1. ETIOLOGICAL – mga alamat na nagpapaliwanag at sumasagot sa mga
tanong tungkol sa pinagmulan ng pangalan ng mga bagay o pook.
3. 2. NON-ETIOLOGICAL – nauukol sa mga dakilang tao at sa pagpaparusa sa
nagawang malaking kasalanan. Kabilang din ditto ang mga tungkol sa mga
santo at supernatural na nilikha tulad ng aswang, tikbalang, manananggal,
engkanto, at multo.
4. BAHAGI NG ALAMAT
1. SIMULA – dito mattagpuan ang mga tauhan na gumaganap sa alamat. Dito
rin inilalarawan ang tagpuan na tumutukoy sa lugar kung saan naganap ang mga
aksiyon o insidente, gayundin ang panahon kung kalian nangyari ang mga ito.
5. 2. GITNA – makikita ang saglit na kasiyahan, tunggalian, at kasukdulan ng
kuwento. Ang saglit na kasiyahan ay naglalahad ng panandaliang pagtatagpo ng
mga tauhang masasangkot sa suliranin. Ang tunggalian naman ay nagsasaad ng
pakikipagtunggali o pakikipagsapalaran ng mga pangunahing tauhan laban sa
posibleng suliranin na kakaharapin. Samantala, ang kasukdulan naman ay
tumutukoy sa pinakamaigting na pangyayaring magaganap sa kuwento.
6. 3. WAKAS – inilalahad ang kakalasan ng kuwento na nagpapakita ng unti-
unting pagbaba ng kuwento mula sa maigting na pangyayari patungo sa
katapusan. Ang katapusan naman ay naglalahad ng resolusyon sa mga
kinakaharap na suliranin. Ito ay maaring magdulot ng kasiyahan, kalungkutan,
pagkakatalo, o pagkapanalo.