1. P R I V A T E E D U C A T I O N A S S I S T A N C E C O M M I T T E E
STUDENT LEARNING MATERIAL
Most Essential Topic #1: Uri ng Teksto
Lesson # 1: Persuweysib at Argumentatib
PANIMULA
Kumusta ka, aking mag-aaral?
Halina at lakbayin natin ang ating pagkatuto! inaasahan ko mula sa inyo ang patuloy na sigasig at kawilihan.
a. Ang ating pag-uusapan ngayon ay tungkol sa tekstong persuweysib at argumentatib. Pinagtitibay ng kaalaman at kasanayan sa pagbasa at pagsusuri
ng iba’t ibang teksto ang kakailanganin upang makabuo ng isang ganap na pananaliksik. Sa pamamagitan ng pag-aaral ng persuweysib at argumentatib,
magagawa mo na makilala ang wasto at tumpak na proposisyon, pangangatuwiran, at paghihikayat. Ang paglalahad ng katotohanan at impormasyon
batay sa mga pag-aaral at kinikilalang datos ang siyang susi upang makabuo ng tekstong persuweysib at argumentatib.
Para mapagtagumpayan mo ang araling ito, at bago natin pag-aaralan ang nabanggit kong paksa ay susubukin ko muna kung magagawa mo na ang mga
sumusunod na layunin:
1. Bumuo ng balangkas ng proposisyon at katuwiran ng isang napapanahong isyu sa lipunang ginagalawan; at
2. Maibahagi ang kahulugan, katangian at kalikasan ng tekstong persuweysib at argumentatib.
2. P R I V A T E E D U C A T I O N A S S I S T A N C E C O M M I T T E E
Paalala at Paunawa:
1. May isa synchronous session (1 hour) at asynchronous consultation para sa araling ito. Makipag-ugnayan lamang sa akin sa tulong ng messenger, email,
o sa Google Classroom para sa inyong mga katanungan.
2. Sa sesyong ito, inaasaahan ang mga sumusunod na layunin:
a. Bumuo ng balangkas ng proposisyon at katuwiran ng isang napapanahong isyu sa lipunang ginagalawan; at
b. Maibahagi ang kahulugan, katangian at kalikasan ng tekstong persuweysib at argumentatib
3. Inaasahang sa pagtatapos ng araling ito ang mga mag-aaral ay nailalapat ang mga batayang kaalaman at kasanayan sa tekstong persuweysib at argumentatib sa mga
tekstong binasa o napakinggan sa telebisyon at radyo. Ang kaalaman at kasanayang natutuhan sa araling ito ay magbibigay ng panaklaw sa pagtutuos ng kanilang mga
desisyon at opinion sa mga napapanahong isyu sa sosyo-politika ng ating ginagalawang lipunan.
PAGTALAKAY
Sa sandaling ito ng ating aralin, matatamo ang nilalaman at ang kinakailangang pagganap para sa paksang tekstong persuweysib at argumentatib. Inaasahan ang
iyong mapanuring pagbasa para sa pag-unawa ng mga kaisipan tungkol sa kalikasan at katangian ng tekstong impormatibo at prosidyural. Kung magkaroon man
ng saglit na pagkalito sa mga bahagi ng aralin, mangyaring magmensahe sa inyong guro sa agarang pagtugon sa iyong kailangan. Padayon sa iyong pagtuklas ng
bagong kaalaman at kasanayan!
Paksa: Persuweysib at Argumentatib
Pormatibong Tanong:
Ano-ano ang mga konsepto na kinakailangang malaman upang matukoy ang katangian at kalikasan ng Tekstong Persuweysib?
Ano-ano ang mga konsepto na kinakailangang malaman upang matukoy ang katangian at kalikasan ng Tekstong Argumentatib?
Gawaing pampagkatuto:
DEBATE: Pagbuo ng balangkas ng proposisyon at katuwiran ng isang napapanahong paksa batay sa kahulugan, katangian at kalikasan ng tekstong persuweysib at
argumentatib.
3. P R I V A T E E D U C A T I O N A S S I S T A N C E C O M M I T T E E
NILALAMAN
I. TEKSTONG PERSUWEYSIB
A. KAHULUGAN AT LAYUNIN
a. Ang tekstong ito ay isinusulat upang maglahad ng mga bagay na paniniwalaan ng mambabasa at tuluyang makumbinsi o mahikayat itong
sumunod o sumang-ayon at higit sa lahat ay baguhin ang takbo ng isip ng mambabasa.
b. Layunin nitong kumbinsihin ang mga mambabasa hinggil sa isang isyu. Naglalahad ito ng iba’t ibang impormasyon at katotohanan upang
suportahan ang kanyang paksa.
B. KATANGIAN
a. Pumupukaw sa interes ng mambabasa upang makumbinsing maniwala sa lahad ng teksto
b. May pagganyak na tono ng teksto
c. Gumagamit ng paraan ng panghihikayat na binigyang-talakay ng isang Griyegong Pilosopo na si Aristotle
1. Ethos- Ang paggamit nito ay nakatuon sa kahusayan ng isang manunulat. Pumapaimbalot dito ang malawak na kaalaman, kasanayan, at
karanasan ng manunulat upang paniwalaan ito ng mambabasa.
2. Pathos- Emosyon ang sangkap ng ganitong uri ng panghihikayat. Hindi lingid sa kaalaman ng sino mang manunulat na ang emosyon ang
nagbibigay ng dahilan upang madala ang mambabasa sa pagsang-ayon sa nilalaman ng teksto.
3. Logos- ginagamitan ito ng talino sa pagsasaayos ng datos, impormasyon, at katotohanan upang maniwala ang mambabasa na ang nilalaman
ng teksto ay nakakiling sa wasto, tumpak, at realidad.
C. HALIMBAWA
a. Balangkas ng talumpati lalo na sa pangangampanya
b. Balangkas ng isang patalastas
c. Balangkas ng isang Plataporma
d. Balangkas ng paghihimok ng pagbabago
D. PAGBASA AT PAGSUSURI NG TEKSTONG PERSUWEYSIB
4. P R I V A T E E D U C A T I O N A S S I S T A N C E C O M M I T T E E
Mga mapaghamong katanungan:
1. Ano ang pinapaksa ng teksto?
2. Anong pamamaraan ng panghihikayat ang ginamit ng manunulat upang maniwala ang mga mambabasa?
3. Anong mga punto ang ginamit upang makumbinsi ang mambabasa na paniwalaan ang nilalaman ng teksto?
Ang Makabagong Teknolohiya
(Nikko Pajarito, 2017)
Tayo ay nasa makabagong hinerasyon na maraming makabagong imbensiyon. Hindi maaaring itigil ang patuloy na pagbabago sa buhay,dahil ang
pagbabago na ito ay nagbibigay ng maayos at makabagong imbensyon. Isa sa makbagong imbensiyon ay ang technolohiya. Napapaoob dito ang Internet, ang
internet ay gumaganap na libangan, Kumonikasyon, at impormasyon! Ito ay talagang kahanga-hangang pagbabago na naimbento lalong lao nasa pangangailangan
ng dagdag na kaalaman.
Malaking bahagi ang teknolohiya upang maayos na maipakita ang mga aralin na itinuturo sa loob ng klase. Marami nang mga naimbentong teknolohiya
simula pa noong mga nakalipasna taon. Naging magandang imbensyon ay ang makinalya na nagbigay daan para sa hustong pagbabago ng sistema ng pagtuturo
kung saan mas napabilis at epektibo ang pagbuo ng mga basahin.
Ito ay isang malaking tulong para sa ikaka-unlad ng edukasyon dahil sapamamagitan ng internet, maaari mong madaling gawin ang ilang mga pananaliksik
nang walang anumang mgagatos. Nakakatulong iyo na gumawa ng malakas na pag-iisip dahil maraming impormasyon na maaaring maibigay sa iyo.
Halimbawa nalang ang imbensyong nagawa saa huling kalahati ng ika-20 na siglo, ang simpleng makinarya o prodyektor na ang ginagamit sa mga klasrum
upang magaral. Ito ay may kakayahan na palakihin ang mga litrato upang mas maayos na maipakita ang mga halimbawa ng mga tagapagturo. Ngunit sa
makabagong panahon ngayon, ang pinakamalawak at pangunahing instrumento na ginagamit sa edukasyon ay ang internet na mapagkukunan ng mga
impormasyon.
Masasabi natin na malaking tulong ang teknolohiya sa pag-unlad sa aspeto ng kaalaman at ng edukasyon. Subalit kailangan nating tandaan na nararapat
nating gamitin ito ng wasto. Huwag natin hayaan ang ating mga sarili na abusuhin ang teknolohiya. Maaaring makapagdulot ito ng mga masasamang epekto sa atin
kapag ito ay nagamit sa hindi tamang paraan.
(https://g11pietypangkatbpersweysib.blogspot.com/2017/02/ang-makabagong-teknolohiya.html)
GAWAIN
5. P R I V A T E E D U C A T I O N A S S I S T A N C E C O M M I T T E E
Lagyan ng tsek (√ ) ang mag pahayag na naglalarawan sa tekstong persuweysib.
____1. Layunin ng tekstong persuweysib ay magbigay ng katwiran ng isang bagay.
____2. Isinasaalang-alang ang mga mambabasa upang mahikayat silang sumang-ayon.
____3. Ang sangkap ng tekstong persuweysib ay iba’t ibang paraan ng panghihikayat.
____4. Naglalahad ito ng datos at impormasyon tungkol sa isang paksa o isyu.
____5. Inilalarawan nito ang mga katangian ng paksa ng teksto.
____6. Kadalasang ginagamit ang tekstong ito bilang balangkas sa mga patalastas.
____7. Naghihikayat ang tekstong ito sa pamamgitan ng pagpukaw sa interes ng mambabasa.
____8. Ang tekstong ito ay nagmumula sa pamamatuwid ng manunulat.
____9. Naglalahad ng ebidensya ang tekstong ito.
____10. Ginagamit kadalasan ito ng mga politiko sa kanilang mga talumpati.
II. TEKSTONG ARGUMENTATIB
A. KAHULUGAN AT LAYUNIN
a. Ang tekstong ito ay gumagamit ng katotohanan sa paglalahad ng katuwiran. Ang pagkiling lamang sa obhektibong punto ang ginagamit sa
tekstong ito. Ang katotohanan at pagiging obhektibo ay nagpapakita ng pagpapatibay sa mga puntong inilalahad sa teksto.
b. Ang layunin ng tekstong ito ay manghikayat gamit ang katuwiran na buhat sa katotohanan at pagpapatibay. Layunin nitong ipagtanggol ang
posisyon sa isang tiyak na paksa o usapin gamit ang mga ebidensya mula sa personal na karanasan, kaugnay na mga literatura at pag-aaral,
ebidensyang kasaysayan at resulta ng empirikal na pananaliksik.
B. KATANGIAN
a. Mahalaga at napapanahong paksa
b. Maikli ngunit malaman at malinaw na pagtukoy sa tesis sa unang talata ng teksto
c. Malinaw at lohikal na transisyon sa pagitan ng mga bahagi ng teksto
d. Maayos na pagkakasunod-sunod ng talatang naglalaman ng mga ebisensyang argumento
e. Matibay na ebidensya para sa argumento
6. P R I V A T E E D U C A T I O N A S S I S T A N C E C O M M I T T E E
C. PAGSULAT NG TEKSTONG ARGUMENTATIB
a. Pumili ng napapanahong paksa
b. Tukuyin kung anong panig ng paksa ang nais patunayan ang katotohanan nito
c. Maggalugad ng mga ebidensya at pagpapatunay.
d. Gumawa ng burador ng iyong balangkas (tesis sa unang talata, pagtalakay ng mga ebidensya sa katawan, paglalahad ng konklusyon ng iyong
pangangatuwiran)
e. Basahin muli ang iyong burador at suriin ang maaaring pinakamalakas na punto ng iyong pangangatuwiran sa katotohanan ng iyong proposisyon.
D. PAGSASAGAWA NG ISANG DEBATE
a. Kaligirang pangkaalaman ng Debate
1. Ang debate ay sumasaklaw sa pangangatuwiran ng dalawang magkasalungat na panig ng isang paksa o issue.
2. Naglalaman ito ng tesis, proposisyon, argumento, at mga pagpapatunay buhat sa katotohanan.
b. Pagpili ng Paksa/Proposisyon
1. Ang proposisyon ay hindi dapat masaklaw kundi ay tiyak ang patutunguhan ng mga punto. Halimbawa:
Sa paksang Pagsasalegal ng Abortion sa Pilipinas ang proposisyon ay maaaring tungkol sa pag-abuso sa karapatang pantao
2. Ipahayag ang iyong proposisyon sa paturol na anyo
c. Paghahanda sa Debate
1. Pangangalap ng kinakailangang datos, impormasyon, pananaliksik, katotohanan, at ebidensya
2. Pagbuo ng burador ng iyong pangangatuwiran
3. Pagpapatunay ng iyong mga katuwiran
d. Paraan ng Debate: Oregon-Oxford
1. Ang bawat pangkat ay binubuo ng dalawa hanggang sa tatlong kasapi.
2. Ang oras ng pagbasa ng balangkas o talumpati ay walo hanggang sampung minuto.
3. Sa bawat pagtatapos ng talumpati ay magkakaroon ng pagtatanong mula sa kabilang pangkat.
4. Sa dulo ng lahat ng talumpati ay may rebuttal o sandal ng pagtuligsa
7. P R I V A T E E D U C A T I O N A S S I S T A N C E C O M M I T T E E
GAWAIN:
Ikaw ay inaasahang magsasagawa ng pagtatalo o debate hinggil sa isang napapanahong paksa upang lubos na magamit ang natutuhang kahulugan, katangian at
kalikasan ng at argumentatib. Sundin ang panuto sa ibaba:
1. Pumili ng napapanahong paksa mula sa iba’t ibang isyu ng ating ginagawalang lipunan sa kasalukuyan.
2. Bumuo ng proposisyon mula sa panig na iyong kakikilingang patunayan.
3. Magdalumat ng mga maaaring datos, impormasyon, pananaliksik, katotohanan, at ebidensya.
4. Isaisip ang mga nailahad na paghahanda sa debate.
5. Isulat ang iyong talumpati na naglalaman ng iyong pangangatuwiran at pagpapatunay.
6. Maglista ng maaaring pagtuligsa.
7. Para sa mga mag-aaral na may koneksiyon sa internet, isasagawa ang debate via GMeet or ZOOM.
8. Para sa mga mag-aaral na walang koneksiyon sa internet, pasulat na debate ang ihahanda.
PAGBATI SA IYO, AKING MAG-AARAL
Sa puntong ito ay natamo mo ang kaalaman at kasanayan sa pagbasa, pagsusuri, pagsulat ng tekstong persuweysib at argumentatib. Ang kaalaman at
kasanyang ito ay magpapadayon sa iyo sa pagkakaroon ng wasto at tumpak na pagkiling sa katotohanan. Magbibigay sa iyo ito ng direksyon sa iyong mga magiging
desisyon sa buhay lalo’t tayo ay patuloy na humaharap sa pagbabago ng atinh lipunan at henerasyon.
Ipagpatuloy mo iyong kawilihan at sigasig sa pag-aaral!