1. Vol. VIII No.04 private circulation only April 2014
BANGALORE HONG ZIN: Pa Kaisiam leng a tanu
Muani Tombing graduation uap ding in Baga-
lore ah hong hoh. Muani Tombing ahih leh SA-
IAC ah graduate ahi. Muani leng April kha sung
mah in innlam paita ding a, a khakna leng April
6inkineidinghi.ChiinlalmuaniahihlehSAIACS
a pan M. Th in Pastoral Care and Counselling
anazoukhathakliklekahi.NuKimnu,Motherof
Ginmuan Ngaihte leng naute veh ding in Ban-
galore ah hong zin. Amau April 8 chiang in inn-
lam pai ding uh.Banah unaupa Dr. Chinkhanlun
leng IISc a Doctorate Degree la in a innkuan in
Bangalore hong hoh uh.
ANN NGAWL THUMNA: March 15 dak 11am - 5pm
kikal i Saptuam in Pastor Quater ah Anngawl
thum khawmna kinei a, huai a mi tampi tak pai
khawminnasatakiniBiakinndingngetnakinei
hi.
kOPPIH NEI DING: BCDHeutuDimthiankiminKop-
pihnaneihnadingtohkisaiinInlamhonnazot
santaa,amahMementotohkhaknaMarch23in
Biakna kikhawpna ah kinei hi
BCD heutu poimoh: BCD Heutu nih bang in hon
paisang ta ding ahih man in, BCD in Heutu ding
poimoha,MikuapeuhmahBCDlamaheutuhih
lunglut a om leh BCD Superitendent kiang ah
chiklai peuh in thuzak theih ding hi
Khuangpi thak kinei: EBCC Bangalore khangthu
a dia amasa pen a chiamteh tham khuangpi
zoudawn savun a bawl Pastor. Tunson Tunglut
in March 29, 2014 in Pathian kiang a latna nei
hi. Lungdam huai petmah, Toupan thupi na
tangta hen. Hiai khuang ahihleh Pathian it a
anasep lung lut leh mikiphal L/Upa Lianthansi-
am, Siama in kiphaltak a ahon thoh ahi. Kipak
peuhmah hang.
Worship team: March 25 in worship team ten
kithuah khawmna masapen Pastor Quarter ah
nei uh. Maban pai dingdan khawng houlimna
neihzoh in dinner ne in hun nuamtak ana zang
uh.
Naunei:PaLamchinthangKhuptonglehNuLulun
Khuptong te’n leng gil a gah vualzawlna tanu
Ramaiah Hospital ah March 4 in ananei ta uh.
Kipahpih lua hang.
Sawt lou ding aw sawt lou ding
Khovel i chih mihingte i hi ua, sing leh lou ni leh khate bel a kilawmna ahi zaw
hi. Pathian in eite amah thupina di leh amah deih banga om dia hon bawl ihi hi.
Amah deih bang in i awm kha hiam michihte kivel thak ni.
Hiai khovel ah zaw kua mah hoih bukim ki om lou hi. Himahleh Pathian zahn-
gaihna leh itna ziakin Pathian in eite hing leh damin hon koihlai hi. Hiai lei-
tung khualzinna gam ah kua mah kipak gige om kei ding. Pathianin in khovel
i khelhna ziak a ana hamsiatsa ahimanin, mihingte lungsim tawngah puakgik
jinei chiat hi. Khelhna in i kim i kiangah hon kimvel hi. Eite khelhna a pum dim i hih man in, a khen
chiangin i puk kha zel uhi. Himahleh Pathian in hon bawl eite hon it mahmah ziakin i khelhna
bangin hon thuk kei hi na hinkhua bangzahta a sia himahleh a thupi na langsak dia hon bawl ahih
man in, hon it teitei hi.
Hiai khovelah nuamsatak, pilna siamna na nei ahi mai thei, ahihkeileh na ut bang bang in na om
thei, ahoih lotel, na ut dandan in om in, Pathian vaihawmna maa ah na din hun chiangin, bang na
gen dia? Khris tellou hinkhua zaw a lauhuai in a lampi leng a lian hi.
Mi khenkhatte nuamsa tak duhduh, deihdeih nei in om mah leh uh a lungsim sunggil hi. Pathian
in khovel ah amah thupina dia honbawl ten bang hinkhua i zangua. Na khatvei chang chang in
nang leh nang na kidem sek hia? Pathian in khovel a i khelhna ziaka haksatna, lungkhamna, ana
koihsa ahi. Nang leh nang na ki ngaihtuahtuah le zaw a tawp chiah na ut lou tantan na tungkha
ding, huaiziakin na haksatna na puakgik tengteng nang hon siampa, hon theisuak vekpa kiangah
tun zel in, na tawldam ding hi...
Khovel zaw a gimhuai, a haksa lua na chi kha mai thei, ei hon siampa Pathianin ei adia mun hon
bawlsak ngaihtuah kawmin na khawvel hun zangin.
Aw na ngaklah hiam van mun thupi tun hun ding,tua mun ah lungngahna, kahna om non loud-
ing, tangtawn a kipak tawntungta ding i hi. Hiai mun tung dingin na kimanta hiam?khovelah
bangteng thuak mah lechin denchiang in tangtawn a kipahna mun tunkal ngak lahtakin na
hinkhua zangin. Na pianthak kei le zaw den chiangin vaihawm na maa ah na din chiang in na gen
ding a bei kha ding. Sanggam sawt non lou ding, aw a sawt non kei ding.
DORKA PAWL FELLOWSHIP PROGRAM
Amun : Pa Thangkhansiam Guite Inn
A-10, westwing, 4th Floor,
Grace garden apartment , Hennur cross.
Conductor – Nu Ngailiankim Khuptong
Bible simna & thumna – Nu Niangboi
(Anapalaya)
Special no. – Nu Hawmching & Nu liani
Thohlawm – Dongtu Nu Paknu
Thohlawm Lantu – Nu Hoihnu (Dorka
President)
Special item – Nu Jenny
Sharing – Nu Siami (Pastornu)
Special no. – Jalahalli Dorka Pawl
Thum khawmna Pitu – Nu Thianching
Hunkhakna – Toupa’n hon sinsak
thumna
NB. Good Friday or Easter Sunday a di lapa-
wl zilna om ngal ding
Thu tuamtuamZOGAM ZUUN TOUR 2014 report tomkim | dr pumza damtak in B’lore hong tungkik
Zogam Zuun Tour 2014 March 27 a pat ding chih himahleh lemtanlouhna om ziak in
March 29 jingdak 8:30 in Pu Vungzagin Valte (MLA Thanlon A/C) inn apat jing anne khin
thumna toh kipan khia uhi. Hiai hun ah thugentu Rev Dr. Pumzathang Tombing nung-
zui Pu Vungzagin chihlouh Pu Langkhanpau Guite(ADC Chairman), Pu B.Dongzalian
(President STC Hqt), Pu. Thankhankhup leh Zomi artist B. Muan Ngaihte, Vungngaihlun
leh tuate ban ah Bangalore a Bible zil a om Mung Hatzaw leh Siam Naulak banah mi-
dang phattuam ngai bangzah hiam ten le heutupa va zui uhi.
Zogam Zuun team-te ahih ualeh khua a phak dite lak ua masa penpen Leijangphai jing-
dak 11:45 lak in tung uh a huai hun ah mipite saptuam pawl tuamtuam apan pumkhat
kisuah in community hall ah kikhop khopna neih in om hi. Huai hun ah, thugentu Rev
Dr. Pumzathang Tombing in “Zogam Zuun” chihleh “Takkheh! Gam gua hahlou, Inn gua
hah” chihte thupi a nei in Bible tang 1 Samuel 10:26; 11:14, Vaihawmmite 21:25 leh
Ezekiel 22:1-30 te pansan in hiai tour hunsung in Thanlon, Zoutung, Bukpi, Sumtuh,
Phaitong, Sinjawl, Khuanggin, Songtal, Mualnuam leh akal a khua omte ah thugenna
nei jel uhi. Programme neih a omna khempeuh a siamsin naupang te apan laa, skit,
choreography leh cultural dance te neih in om a huai in heutute lungsim khoih mah-
mah hi. Amau ten ahihleh April 2 in Mualnuam ah jingdak 10 in kikhopna nei in huai jou
phet nitaklam dak 2:30 in hon ki pan khia uhi. Pu Vungzagin in Thuangtam tan va kha
in Lamka lam hon paisuak ua, nitak dak 6:30 lak vel di khong in damtak in Lamka tung
kik uhi. Huchi in Dr. Pumza leng April 4, Sintawpni nitak in lenna vangkhua Bangalore
hong tungta.
~By BiakSang Tombing
Report by: Pauthiansiam Naulak
BYF Bangalore makaih a Daniel Scholarship fundraise a paizom touzel a, April 12,
Second Saturday in sa zuakna nei nawn ding uh. Saptuam mipi ten ana lei sak siausiau
nawn ding in leng ngen uh. Kha lui a ana leisak te tung ah leng lungdamthu Whatapp
tung tawn lou deuh, Connection tungtawn in khak uh.

2. Miss Tinglamkim Missionary nasep Sharing
1 6 M arch 2 0 1 4 | E B C C B angalore
Zomi te Gospel Miss Tinglamkim, Pathian nna missionary nasep IEM tetoh a sepna kum 30 valta hi. Aman
ahun tamzaw Gujarat Khristian te gawtna otnagam ah sawtpi sem hi. Amah Tamilnadu a IEM ladies virgins
conference 18-20 March 2014 sung omding ah hohdek in Bangalore hong tawn kha masa hi. Amah missionary
nasepna sharing na biakin ahong nei ding a ichialna uh hong hih tangtun sak ziakin atungah kipahthu igen uhi.
Huai ni a biakin kai khate tengteng hampha kisa mahmah uhi. I vek ua isim ding uh deihna in anuai ah tamlou
itaklang uhi.
1. Missionary nasep ding a sapna: A pianthak chiil apan in Pathian nasep lunggulh mahmah a, adiakin Mission-
ary nasem a kuan lunggulh hi. EBC Missionary Kamzathang condolence service na mun ah missionary nasem a
kuan khe mai ding in Pathian khut ah kilatkhiakna taktak nei hi.
2. Kuankhiakna: Saptuam tungtawna Missionary nasem ding lak na ah application form fillup mah leh office
pan sapna leng ngahlou hi. Missionary ding a pawlsawm pass bek ahih ding chih ahi ziak in aman pawl 6 tan
vuak ana sim ahih man in nawlkhin in omkha hi. Himahleh lungke tuanlou hi. Nikhat saptuam makaite kiang ah
pawlsawm e! sawmlou e! chih bangmah ka kidalsak nawnkei ding a Missionary in kuankhe ding ka hi chi’n vagen
top hi. Huchia sawm taktak mah ahih leh chi’n saptuam makaite’n IEM te dawpsak ua, Bangalore ah Interview
dingin saptuam makaite khat toh kuan khia uhi.
Editors: Ginvanglian Tombing | Paubiaksang Ngaihte
E-mail: connectionebcc@gmail.com
3. Bangalore IEM a lutna: Indian Evangelical Mission
office ah Interview ding in va tung uhi. Midang inter-
view dia hongkuan tengin certificate hoih pipi khawng
tawi uh hileh kilawm in ka thei a, sappau leh vaipau
zangthei chiat uh hi’n ka thei hi. Himahleh ken bel
certificate bangmah ka nei kei a, kaneih sun Bible ka
tawi a, pau leh ham leng Vaiphei pau vuak hoihtakin
ka pauthei hi. Interview board te toh leng deihbang a
ki hou theilou kahih ziakun lamethuailou kisa in pai-
san mai ding in ka dingkhia uhi. Interview a tute lak a
khat in na khut a natawi bang hihiam chin honkan a,
a et ding in ka pia hi. A man ka Bible a velleh pentui a
ki gitsuak vek amuh in lamdang sa lua a, bangchidan
a hiai hichi git zengzung na hiam chin hon kan hi. “Ka
sim chiang a hoihsa ing a, anuai ka git zel hi, ka sim
suksuk chiang a hoihsa vek ka hih man in ka gitgit leh
a vek a git suak kha ka hi chin ka gensawn sak hi”. Huai
azak tak unh hon sam thak nawn ua, alaizang uah
hon tusak ua, alak ua numei khat in kalutung a akhut
koih in, kap zen in thumna hon neihsak hi. Akiang a
pasal tuteng leng a ki nul chiat sim uhi. Azoh un, a lak
ua khat in alu su ngaungau in hon paisak hi. Kou leng
lung nuam sim takin ka pawtkhia uhi. A zingchiang in
result hong suak petmah a, kei min leng missionary
nasem dinga telkhiak in ka omkha petmah a ka kipak
mahmah mai hi.
4. Missionary Field ah. Gujarat a singtangmi namniam
te lak ah ahon sawl ua, amaute pau kava sin pah a,
apaina lamlam ua va zui mai ka hih ziakin kha thum
sung in ka pautheih na khop ka ngah pah hi. Ka va
sepna khuamite un saimsin dingdan thei nailou ahih
ziakun kei pawl guk lel himahleng ka va zattheih
mahmah hi. Amaute kiang a omtheih na ding in social
service banghiam hih ngai teitei hi. Huchilou in amau
lak ah kuamah teng sak, omsak lou uhi. Kou leng
damdawi bangzahhiam ka pua ua, ka hawm zel uhi.
Pathian in azat leh Digene leh Paracetamol lel inleng
natna tampi hihdamzou ahi chih ka va muh beh hi.
5. Field Experience:
i) Dawimat hihdamna: Pathian in a nasepte uleh
thumnate uh vualzawl a, kikhekna thupitak ava sepna
gam singtangmite ading in hongtung hi. Nikhat nupi
dawimat hai leh damzou nawnlou ding a upmoh huai
thumsaktu ding in sam uhi. Mihing et in damzou
nawnlou ding in lang mahleh Pathian in athumnate
uh dawng pah a, damna lamdang takin hon tang hi.
Hiai thu kimlehkiang ah naktakin taklat in om a, Jesu
Khrist nungzui dia kisa thak pung hulhul mai uhi.
ii) Doudalmite lohsam: Khristian a tampi ahong lut
zungzung ziakun Khrist doudal tute koute that ding
in hong kuan ua, inkong ah hon sam khia uhi. Amau
kuate hon sawl na hi ua hon chih chiang un kou Path-
ian hon sawl ka chi zel ua, koia na permit uh hon chih
chiangun kou Mathai Bung 28: 19-20 na ka chi zel uhi.
Atawp in amauten tua permission kigelhna bu Bible a
mu ut in a phen sosouh mai ua, hon loh dingdan thei-
lou in a kiknawn uhi.
iii) Doudalte lohsam lai: Ka omna khua ua khawmpi
thupitak hong nei uhi. Tua khawmpi a hong hoh ten ka
intual uh dailenna mun in hong zang ua, ka hawlhawl
chiang unleng phatuam lou ahih ziakin atawp in ka
sikna ding uh leng awnglou khop in ka intual uh ekin
dim hi. “ Nou that chimitmai ding tuma hongkuante na
inkong ua ek atam luat ziak in kik uhi” chi’n a khawmpi
zoh nung un ka khuapih miten hon hilh uhi. Chin gen
hi.
iv) Doudalte buaigawp uh: Mi sawmli vual ka inkong
ua hongding in koute thah mai ding in hon samkhia
uhi. Kouleng thumang takin ka pawtkhia ua, ahon thah
ma un thumna ka nei masa uhi. Ka thumlai in Pathian
houpihna ka za hi. Kalungsung ah hiai mite Pathian
thu hilh in tua ban mu nawnlou ding na hi chih aw in
hon hilh hi. Kenleng hangsan takin amaute Pathian
thu ka hilh ekek mai hi. Alak ua aheutupa uh hileh
kilawm pen a heh mahmah a, hon naih atum a, ahon
naih dek chiangin a hon khoih kha thei kei a, ka kikal
ua amah ana daltu om hileh kilawm in ka mu hi. Atawp
in a kihemkhia ua, ava kihou ua, ahon pai mang san
vek uhi. A thu uh kazak thak uleh alak ua mikhat a mit
hihmial a om guih, bang mah mutheilou a ahongom
takin a vek ua lau in a taimang ana hi uh ahi chih ka
thei khia uhi. Huaihun lai a, amaute ana panpih gingtu
hinailou akhuamite lak a ana telkhate leng awlawl in a
hong tuah sia hiaihiai uhi.
6. Biakin amah inmun ah. Pathian in a nasepnate uh
vualzawl zel in, Christian pung hulkhul mai uhi. Amah
leng asepna khua sawtta ahih man in Northeast Re-
gional Secretary ding in kaisang sak ua, Northeast lam
ah hong kisuan kheta hi. Himahleh Gujarat a ava sep-
na mun a saptuamte khangtouzel ahih man un Biakin
building neithei ding dan a ahong kilat takun tua Zomi
Nungak tenna inn mun mahmah a Biakin Building
hoihtak khat, amah theih gige na leng hikawm ding in
tungkhe velvol mai uhi, chih saptuamte kiang ah hon
gen hi.
7. Hichibang a Pathian it, amah nasem ding a ahinna
pephal eimiten, Northeast miten ineihkhak uh ham-
phat huai isa mahmah uhi. Aman Zomite leh Lamka
siatna; Lamlian leh Tui leh Mei ginalou te leng pawna
mahmah hi. Amah Zomi Nungak ahih sese zawkmah
lai ziakin ihampha uhi. Gospel ziak a tunitan Nungak
a om ahih ziakin ken tuh amah Zomi Gospel Miss chih
title ka khusak hial hi. Amah bang a Pathian nasepna
a kipe ngap kalsuan na sulnung zuun ding in kua kua
iom ua? Amah atawpna hisak mai ding I di uam??
Hilou e maw Tuailai Takheh!
Thugen gelhsawn tu: Pastor Tunson