Aizawl Venglai Branch YMA Weekly News

1. YMA Motto : YMA chu tanpui ngaite tanpuitu a ni
VOL. XXI ISSUE NO.47 NI 21.11.2010
VengchhungNews
Bengvarna Editorial Staff Pu
Lalrintluanga Chhangte chu a u
Dr.Lalrinawmi, Ludhiana-a awm damlohna
avangin ni 18 November 2010 khan a nu Pi
Lalzamliani nen Ludhiana ah an zin.
Pu Ramchullova S/o Pu Hrangtinzula,
Sec-II Bike accident vanga Presbyterian
Hospital, Durtlanga awm chu ni 19
November 2010 khan a lo chhuak. In lama
enkawl chhunzawm a ni.
Tv.Lalparmawia S/o Manhlira (L), Sec-
II leh Lalengzauvi C/o Chuangkimi, Sec-II
te chu ni 17 November 2010, zing kar khan
Aizawl Venglai Presbyterian Kohhran Hall-
ah an innei. Kan lawmpui e.
Tv.Lalnghinglova Hmar S/o Pu
Lalchhuanliana, Sec-I ‘American Youth:
Inspiring Leadership and Civic Participation’
tih Programme hmanga USA a zin chu ni 16
November 2010 khan dam takin a lo haw
leh ta.
Pi Sapliani M/o Pi Zairemkungi Sec-I(Pu
Rohmingthanga leh Pi Lalthapuii te nu),
Ramhlun Venglaia cheng chu ni 18
November 2010 khanAsthma vangin a boral.
Tv.Chuauhnuna, Sec-II tuna Ngopa
BDO hna chelh mek chu mahni pawipang
buaipuia kan veng lama a awm lai a ni.
I hmalam hun chu beiseiawm hle mahse, che lova i thut reng chuan a thamral tho tho ang - Will Rogers
Aizawl Venglai, 21 November 2010: Ni 10 November 2010 khan Central YMA
Hallah Central Co-ordination Committee Vawi 64 na neih a ni. Meeting hi Pu Lal
Chungnunga, President, CentralYMA-in kaihruaiin tun hnaia Muallungthu-a naupang
kum tlinglo pawngsual leh thah a nih dante leh pawikhawihtu man a nih dante leh
mipui thinrim sosang kut tuara a boral tak thute chu Chairman sawmna angin Pu R.
Lalngheta, Treasurer, CentralYMAhnen atangin ngaihthlak a ni. Naupang vanduai ta
leh a chhungte CCC Palaite chuan a tuarpui tak meuh a ni.
Central Co-ordination Committee
Vawi 64-na neih a ni
65th
YMAGeneral Conference ni 19-
21 October, 2010 Lungleia neih zawh tak
thlirletna neih a ni a, kawng hrang hranga
sawihona hun hman a ni. A thlengtu
Lunglei mipuite an inpekna leh
hawihhawm ziate, Refreshment sem dan
mumal deuh zawka kalpui a tul hle a hriat
a nih thute, hruaitu-hlun chawimawina
sem hun hi hun tha laiah hman zawk thin
ni tawh se tihte, Mizo kutchhuak ngei
Pandal kan hmang thei lawmawmziate,
leh thil dang tamtak sawihova thlirletna
hun hman a ni.
65th
YMA General Conference
thurel bawhzui chungchang:
a) YMA khawih:
1. ‘YMA kalphung inzirtir uar ni rawh
se’ tih chu CEC in a tul angin ruahmanna
rawn siam se tih a ni.
2. ‘Kan ram thing chereu zel tur ven
nan Kuang atan thingphel hmang tlem
turin leh remchang dang hmang zawk
turin Central YMA-in hma la rawh se’
tih chu CEC in a tul angin ruahmanna
rawn siam se tih a ni.
3. ‘Mizo hming hawha hnamdang
sumdawngte titawp turin Central YMA-
in hma la rawh se’ tih chu CEC in
ruahmanna lo siam se tih a ni.
4. ‘Reserve Bank of India phalna nei lo,
a pung tam tak pek tiama mipuite sum
lalut thinte khuahkhirhna dan hi khauh
taka kenkawh a nih theih nan Central
YMA-in hma la rawh se’ tih chu a tul angin
CEC in rawn bawhzui se tih a ni.
b) Sorkar khawih:
1. ‘Mizoram Drugs Contgrol Act kan
ram mil turin siam ni ve rawh se’ tih chu
chak leh zuala he dan hi kan neih ngei
theih nan CEC in atul anga bawhzuiin
Sorkar ah ngen nise tih a ni.
2. ‘National Highway 54 hi Sorkar-in
National Highway a nih angin enkawl
rawh se’ tih leh ‘Mizorama kawngpui
hrang hrangte hi tun aia tha zawka
siam turin Sorkar ngen ni rawh se’ tih
chu sawihonate hre rengin CEC in
bawhzui dan tur ruahmanna rawn duang
se tih a ni.
4. ‘Halpuah leh halmawi hi engtik
hunah pawh khap chhunzawm zel turin
Sorkar ngen ni rawh se’ tih chu a tul
angin CEC in bawhzuiin ruahmanna rawn
siam se tih a ni bawk.
Tin, Chairman sawmna in Mamit leh
Ngopa a leikhi/Leimin an tawrh dan report
chu Mamit Sub-Headquarters YMA leh
Tuiphal Group YMA hruaitute hnen
atangin ngaihthlak a ni bawk.
CCC Meeting hi Ramhlun North
Branch YMA ten zanriah tuihnai tak an
buatsaih sak a, Meetinga kal ten puar takin
an ei hlawm a ni. Tin, Ramhlun North
Branch YMA hian Ushering, Reception
an tih vek bakah zaithiam te an rawn zaitir
theih avangin an chungah Committee chu
a lawm hle bawk a ni.
ElectoralRollHriattirna
Special Summary Revision of Photo
Electoral Rolls neih a ni leh dawn a. India
khua leh tuite tan Ni 1 January 2011 a kum
18 tling turte tan Roll a inthun dil emaw,
Roll a chuang tawhsa paih leh siam that
duhte chuan Dilna form Pu Valbuanga leh
Pu Lalramchuana, Section-II te hnenah leh
Pu RC.Lalruatchhunga leh Pu Lalhlimpuia,
Section-I te hnenah lam theih a ni. Heng
Form-te hi Fill up zawhah an hnenah bawk
thehluh leh tur a ni. Heng Form te hi Ni 23
November 2010 ral hma ngeiin a chunga
hming tarlante hnenah hian thehluh leh vek
tur a ni ang. Hun tiam hnulam a mi chu
pawm theih a ni lovang.
BawlhhlawhpaihMotor
Aizawl Venglai bawlhhlawh paih
Motor kal dan thar duan a ni a, kar
khatah vawi thum- thawhtan, ninga leh
inrinni ah a kal thin tawh dawn a ni.
Vengchhung mipuite’n lo ngaihven ila
a tha ange.

2. A tul baka tam engmah sawi ngai suh - Richard Brinsley Sheridan
VOL. XXI : ISSUE NO.47 NI 21.11.2010 (PATHIANNI) PHEK 2-NA
SEMTUTE:
Bial -1 : Isak Lalduhsaka
Bial -2 : Zothansiami
Bial -3A : Lalkroshlua
Bial -3B : Lallawmsangi
Bial -4 : Lalhminghlua
Bial -5 : Zonunsanga
Bial -6 : Lalthansanga
Bial -7 : Isak Lalhriatkima
Bial -8 : Vanlalawmpuii
Pu Dinpuia
YMA THIL TUM
Hunawl hman that
Zofate hmasawnna
ngaihtuah
Kristian nundan
tha ngaihsan
EDITORIALBOARD:
Manager : T.Benjamin (9862365379)
Editor : Malsawmtluanga (9862077970)
Jt. Editors : Jimmy Lalrinkima (9612393154)
G.S.Munga (9862310962)
News Editors : Lalthlamuana (9436153936)
C.Lalramngheta Sec-I (9612612932)
K.Lalrinzuala Sec-II (9612393130)
Cir. Managers: Freddy Lalnuntluanga Varte (9615820254)
Lalsangzuala (9862326647)
Columnists : Thuamtea (9862303327)
Lalthanpuia (9862371957)
RC.Lalruatchhunga (9436146266)
Editorial...
K e i n i
B e n g v a r n a
buaipui ve hi
kan lo intithu
lutuk ta thin a, chanvo
ruatna thleng thleng hian kan lo
‘edit’ vak mai thin! A awl a la tam
deuh avanga thiante hming duh
duh kan lo ziah belh ve ringawt
chang te, chumi avanga chawlhni
tuk Pu Valbuanga Phone kan dawn
thute...a tam mai! ‘ c h a n v o
ruatna’ hi duhthu-a lo edit ve
ngawt chi a lo nilo! Pu Valbuanga
a zahawm duh riau nia!
Hei kum tir lama min pek tawh
Pu Dinpuia tawnhriat leh vei zawng
tlai khawhnu-ah kan han chhuah
a, kumtir hruaitu tharte intuaihriam
hunlaia chhuah atan kan it leh
hnuhnawh. Nia, an pawnfeng
chhing leh an sam phir ringawtte
entawn lo hian an tih tak takna te
hi i zir tel ve ang u.
Tichuan maw Tenun, Zokhaw
lamah chuan kawihthuang leh
tlaizawng parte kha sava chi
tinrengte khan an lo tlan leh tawh
ngei anga, tlangsamte pawn par an
thulh leh dawn chuang reng reng
hleinem... Chung khuarel mawina
leh lunglenna thlarau han chan leh
takah chuan....
‘A saw tlang romei zing ri riai sawn,
Ka lung min len min hnem zo an
awmlo;
A lo her liai liai e, eng tak min hawn
ang maw,
I tawng em sirvate ka di ve kha?’
Van chung sang taka chhum
lengvak inphan diar diarte, tlai ni
tla tur sen ruai maite, zing boruak
thiang leh kopanga daifim paw
chiaite hi, a runthlak thin... Nang
vangin....
Tenun, a mawi thin hring kan nun!
ADBhotutenennithum
Khawvel hmun hrang hranga chengte hian hnathawh dan kawnghmang hran hran kan
nei a. Japanese hote chu hnam taima-a sawi an ni a. British hote chu mi kherkhiap tak niin
an sawi bawk a, Indian ho chu muangchanga thawka, tei rei peih tak an ni bawk a. Keini
mizote pawh hian min awptu India sorkar hnathawh dan hi kawng tam takah kan entawn a,
amaherawhchu, kan tei rei peihna hian a tlin ve mang thin lo thung. Tuikukho chu kawng
chho an kal dawn hian an chawl phawt a, mizote erawh chu kawng chanve-ah kan chawl
thin an ti!
Tun February thla tir lam khan ADB loan
chungchanga Mizoram sokar hnathawh dante
enfiahin ADB Official pahnih, Hiranya
Mukhopadyay, Delhi-a mi leh Gambhir Bhatta,
Manila-a mite Aizawl-ah an lo kal a. Hna an
ngah thin em avangin chhun leh zan pawh thlei
hrang mang lovin kawngah an rawn thang a.
Ningani-ah lo thlengin, zirtawp leh inrinni chama
Pathianni-a haw thlak leh nghal tum an ni a.
LengpuiAirport-ah kan lo hmuak a.An thlenna
tura kan lo ruahman Tourist Lodge, Chaltlang
lamah inbual faite an duh takin tiin hruai chhoh
kan tum a. Mahse chu lama kal ta lo chuan
Capital Complex lamah, kan hotute nen a tuk
meeting-a ngaihtuah turte sawiho hmasa turin
Capital Complex lamah an rawn tlang nghal a.
Sawihona an neih hnuin Khaw thim dawn ruaiah
Tourist Lodge lam pan chuan an chho ta a.
Kan hotute’n kan mikhualte chu an thlenna
lamah mamawhte an nei em tiin han enzui teh u
min ti a, an kal hnu reilo teah kan um chho ve
nghal a. Inbual faia mut hahchawlhte an
mamawh kan rin avangin haw san leh thuai kan
tum a. An room-a kan han lut chu le, an
thawmhnaw hak ngai ang angin, laptop leh
lehkhabu hlai tawk nen an lo bur leh fe tawh a.
Tlai lama kan hotute nena an thil sawihote an lo
ennawn mek a, a tuk zirtawpni meeting-atan an
inbuatsaih nghal char char a ni.
A tuk zirtawpni chuan hma deuh taka Office
thlen tumin ka chhuak a, anni chu an lo awm
hman der tawh a. CS an hmuh hnuah dar
11:00AM-ah meeting tan a ni a. Chutah te hlei
hlei chuan an fakawm; kan chawchhun tur lo
thlen har luat vangin keiniho chu kan chiar kan
chiar tawh a. Engmah ei lova dar 2:00
thleng an awm hnuah pawh an la pangngai
pat reng a ni. Meeting chhawng hnih kan
neih hnuah Office-a kan la awm lai la lain
meeting minute draft an rawn peih nghal
vek a.An draft minute chu kan thlirho leh
thuak hnuah kan bang ta a.
A tuk leh Inrinni chuan a hma nia kan
thu ngaihtuahte leh document hrang hrang
print turin Office kan kal leh a. Kan
hmalaknate an hmuh dan tlangpui an sawi
a, hma lak zel dan tur kawngte min
kawhhmuh nual hnuah an haw ta a ni.
Annilehkeinihnathawhdan kalphung
(system) inanglo em em mai hi mak ka ti.
Keini chu Office-ah dak a lo kal a, hotute’n
an han hmuh kual vek hnuah dealing
assistant hnen a lo thleng a. Dealing
assistant chuan file-a a han put up hnuah
hotute’n thu an han titlu mai ngam lo va,
file vawi 2/3 a kal kual hnuah hotu sang a
han thleng a, tih fuh loh tum phei chuan
thutlukna ber pawh hriat harsa khawpin
an ziak kual a, tih leh ngaihna hriat harsa
khawpin thu a saisa nuaih thei a ni. Anni
ve thung chuan an kalna apiangah laptop
leh document pawimawh an keng a. An
awmna hmun apiang kha an office a ni
nghal mai a. An thuneihna chin an
hrechiang a. An hnena thu thleng reng
reng chu an thuneihna chinah chuan
thutlukna an siam nghal mai a, an thutlukna
ang ang kha an communicate nghal bawk
a. Hotu sang lama thu thlen pawh an nei
ve nual ang, amaherawhchu thuneihna

3. Fin. Secretary: Pu Lalremmawia
Branch Executive committee in a lo rel
lawk tawh angin Aizawl Venglai ram
BungherhahnilenginNi17November2010
khan hnatlang neih a ni a. He hnatlang hi
Branch Rising Day denchhena buatsaih a
ni. Branch Executive Member te leh Sec-
tion I & II Office Bearers te hnatlangah
hian an kal a.Aizawl Venglai ram hi kumtin
sam thin a ni a. Tun tumah hian sam lovin
hlo kahna a kapin enchhin a ni.
Hnatlangte hman tur Thosi kahna bur
Pu Kiamlova Section-I chuan a thawhna
Dept. a mi bur thum min hawh tir a, tin, Pu
Lalhmachhuana (Tawia) Section-I in a
VOL. XXI : ISSUE NO.47 NI 21.11.2010 (PATHIANNI) PHEK 3-NA
A harsat ber lai pawha bei tlat thintu chuan hnehna a chang nge nge thin - Roger Bannister
Ngaihdan
Topic: Ka vei zawng
Raymond Ralte
Aizawl Venglai Branch YMA-in Kum 20 a tling ta
Bungherhah hnatlang neih a ni
Aizawl Venglai Branch YMA chuan
kum 20 a tling ta.Aizawl Venglai Branch
YMA hi ni 17 November 2010 khan din a
ni. He kum 20 chhung hian hna tam tak
thawh a ni a, hmasawnna tam tak hmuh a
ni bawk.YMAram leite,YMAHall sakte
bakah zaipawl leh ram pum huap
infiamnaah te tel thin a ni a, hnuhma tha
tak tak kan lo hnutchhiah fo tawh a ni.
Hruaitu hmasate heng mite hi an ni:
President: Pu Laldawngliana
Vice President: Tv.Zodinsanga
Secretary: Tv.Valbuanga
Asst.Secretary: Tv.Laldinpuia
Treasurer: Nl.H.Lalsangliani
mimal ta Hlo kahna bur khat min hawh tir
bawka,PuT.LalduhawmalehPuHL.Hluna
Section-I ten tui ken nan Galon lian leh
Bucket min hawh tir bawka, an chungah
Branch YMA a lawm hle a ni. Pu
LalronghakaSection-IIchuanhlokahnabur
thar hlak Branch YMA min pe bawk a.
BranchYMAtana inphal tak takte chungah
Branch YMA chu a lawm hle a ni.
Hnatlanga kal te: Pu PB.Zanghinglova,
Pu Lalhmuchhuaka, Pu John
Hrangkhuma, Pu H.Lianzuala, Pu
Lalnunsanga Varte, Tv.Lalnundika,
Nl.C.Lalrinmawii, Nl Zorammawii,
Nl.Lalbeiseii leh Pu lalhlimpuia te an ni.
Article Chhunzawmna...
chin mumal tak an neih avang leh, an thil
tih turah an chian fo thin avangin an
hnathawh a chak bik em em a ni.
Mizoram-ah pawh hian distribution of
powers (thuneihna insem zai dan) leh
division of labour hi hman ve kan han tum
sa teh thin a, mahse chung lam amite
mitmei kan ven nasat luat avangin kan
thuneihna chin ang ang pawh kan hmang
chhuak ngam lo va; thutlukna siam turin
hun kan mamawh rei lutuk a, hei hian
mahni inrintawkna a tihniam a, nasa takin
kan hnathawh kal lai a tithuanawp a ni.
A hna hniam lam thawktute pawhin
kan zir chuang lo. Kan hriat awm tak hi
kan hre lo va, kan hriat atana tul lem lo
thilte hi kan ngaihven zawk fo thin. Dealing
assistant chuan a hna khawih lai chu a hre
chiang fo tur a ni a. Hotute’n thutlukna fel
tak an lo siam theih nan rawtna pawh a
remchan chuan mumal taka siam thin a
tul hle. Hotute hnenah chuan hna hrang
hrang a luh khawm thin avangin a chin
chhuakin thil an hre lo fo thin a, chuvangin
a hnuaia mite chuan mahni chanvo kha
hriat chian a tul a ni.
Mahni dinhmunah hian kan lungawi
hma lua em ni le? Hmasawnna chu kan
duh a, sorkar pawhin ram hmasawnna turin
thawk chur chur mai se kan duh theuh mai.
Mahse chu hmasawnna program ah chuan
tel veah kan inngai em le? Ram hian hma
sawn se kan duh lain mahni pawh hian
hma kan sawn ve tur a ni tih hi kan
ngaihtuah ngai em? Kan hnathawhna
hmunah ni tin kan feh chhuak a,
ngaihtuahna seng mang lovin kan hawng
leh a. Ni thar hian chona thar min pe se la,
thil thar lo thleng zelte hian hneh zel duhna
thinlung min pe tel teh se.
Vei zawng sawi tur
em chuan Venglai pa
ka nih chin hi la rei
heklo le, engtak chu
sawi ang i maw tiin
hruaitu zahawmtakte
ngenna hi ka
inkhâpthlûkpui reng
mai zawng a nih hi.
Kan vengchhûngah hian thil thalo
engpawhmaihialenglotihhika tawnhriat
pakhat ve a ni a, mahse phalloh thil han
khap bur erawh kan neih awm ka hre
miahlohianvengchhûnginrelbawlnafelzia
hi a târlang chiang viau chuan ka hre lawi
si. Hetiang tak hian Mizoram pum hi kal
thei ila chuan thenawm khawvengte tana
hnawksaknihhlaulehthilthalolakamahni
pawh inveng zolo te tan pawh a VDP te
inpekna leh kohhranho tawngtaina azarah
kan tha tlâng zawk ngei hian ka ring thin.
Zawlaidî te mawlh mai hi a nia ka vei thin
ni, kan hruaitute pawh hian “Kan
vêngchhûng mite hian an rui ang” tih ai
chuan “Kan tu leh fate hian zawlaidî
sawifiah nan Grape tui sawr tih an hmang
zui mai ang” tih hi an hlauh zawk ka ring
hial thin.
Zo tawng kan hman dante mawlh mai
hi keini vêng hi chuan kan hmang tha
thawkhat chuan ka hria a (sawisel tur chu
awm zeuh zeuh mahse). Han sawi tak tak
nan chuan hmun a tlem deuh sia, hun
remchang ah kan la chip hrep ang chu ka
ti deuh.
Tun tum zawng siamthat ngai lam aiin
a tha sa chhawmnun lam ka rawn tuipui
ve a nih hi.
Pu Mahmua
Tunlai hian hmeichhe
pawngsual a lar hle a,
kumtlinglo, naupang
thlengin an bang ta lo.
He sual lian tak mai hi
engtianga buaipui tur
nge ni ang a, engtiangin
nge hma kan lak ang tih
hi bengsika kan
ngaihtuah tlan a ngai ta
hle a ni.
Pawngsual lar na chhan ber chu mipat
hmeichhiatna lama serh leh sang kan neih
loh vang te, kan nun zalen lutuk vangte,
Pathian tihna kan neih loh leh Pathian Thu
meuh pawhin min thunun zawh tawh loh
vangte a ni ber mai. Hetianga kan kal zel
chuan sualna rapthlak tak takte kan la
hmachhawn zel ang tih hi a rin theih a ni.
Tunlai khawvelah hi chuan milem thalo
leh film thalo en turte a tam ta hle mai a,
chutih laiin kan hmeichhiate lahin
inthuamna/incheina ah an inthlahdah tulh
tulh zel mai bawk nen! Khawvel chakna in
min hip ang angin kan kal zel a, chu chuan
sual a hring a, hmeichhe pawngsualte a lo
lar ta em em mai a ni.
Sualna leh thlemnate hi he khawvel kan
awm chhung hi chuan a bo dawn lova,
chung sualna laka himna tur erawh chu
Pathian Thu eng atanga thil kan thlir thiam
chauhin kan nei thei dawn a ni.
Inlafitila,nakumlamahchuanPro
Fightahtelvetumtenggg....
- Tv.Thuamtea
Full Face nena han inkhai luh zan
tawhhichuanafelthlupzelmaiani!
- Tv.David Puia

4. VOL. XXI : ISSUE NO.47 NI 21.11.2010 (PATHIANNI) PHEK 4-NA
Typeset at YMA Computer, Aizawl Venglai : Printed at Louis Bet, Chanmari
Published by Aizawl Venglai Branch YMA, Aizawl Mizoram. 2010, Copies - 420
PawlHuangKumpuanHuang
Mahni hmasialna hi mihringa buaina
min thlentu lian tak a ni. Kan Pathian Thu
(Bible) ah pawh mahni hmasial lo tur leh
mahni inhmangaih anga vengte (midangte)
hmangaih ve turte, mahni aia midangte tha
zawka ngai turte in min zirtir a. Hei hi
Chanchin Tha in a tum leh kan Lal Isua
pawhin a lo nunpui leh nunpui ve tura min
duh chu a ni. He nun hi kan tlakchham thin
avangin buaina kan tawka, kan thin a rim
a, kan buai zo ta thin a ni. Kan hmasialna
avang hian midangte nen inrem lohna kan
nei a, midangte nen kan inrem loh chuan
Nimin ni 20 November 2010 zing kar
khanAizawlVenglaiKohhranSocialFront
hmalakna in BasketBall Court chhak
kawngchhiasiamthainAizawlVenglaiKTP
teanhnatlang.
InfiamnaHuang
nun hona a buai a, chhungkua leh
khawtlang nun pawh a tha thei lo thin a
ni.
Kan khawtlang nun chhiatna pakhat
chu mahni hmasialna a nih chuan kan
khawtlang nun siam tha turin keimahni
theuh hi insiam tha ila, mahni aia
midangte tha zawka ngaiin, keimah ka
inhmangaih ang tak hian mi dangte
hmangaihin an hmakhuate ngaichang ve
ila; tichuan Remna a leng anga, Pathian
Ram a thleng anga, kan khawtlang nun
pawh a nuam mai dawn a ni.
VDP Huang
Tv.VanlalruataS/oPiLalrengliani,Sec-
II chu Parvon Spas a zuar lai CADS ten
an man a, VDP an rawn hriattir avangin ni
15 November 2010 zan khan VDP inah koh
a zawhfiah a ni a, hetiang thil thalo hi ching
zui tawhlo turin nasa taka zilh a ni. Ti leh
tawhlo tura a intiam hnuah tawngtai sak a
ni a, haw tir a ni.
Zan lamah duty a nih leh tawh avangin
member ten message ngaichang ila,
thahnemngai taka thawkchhuak thin tura
ngen kan ni. Tin, dan bawhchhiate tana
hriattur pawimawh chu tawngtaina
hmanruaa kan hman thin avang hian in lo
zuam palh ange. VDP vuak nat dan hi a
sang hret hret a nia. I sual sima nun kawng
dik i zawh theihna tur a nih dawn phawt
chuan thahnem ngai takin an vaw rak thei
reng che a ni tih theihnghilh suh.
Basketball Court bula Power Trans-
former hi naupangte’n an nel hle mai a, nu
leh pate’n kan fate zilh ngun a pawimawh
hle.
GET FREE ENTRYGET FREE ENTRYGET FREE ENTRYGET FREE ENTRYGET FREE ENTRY
to
ROCK WITH FLOROZONEROCK WITH FLOROZONEROCK WITH FLOROZONEROCK WITH FLOROZONEROCK WITH FLOROZONE
On 16th December 2010, 7:00
P.M. at
Vanapa Hall
Buy 500ml ofAlovera Lotion &
Moisturiser worth Rs.150 at
JENNY COSMETIC STOREJENNY COSMETIC STOREJENNY COSMETIC STOREJENNY COSMETIC STOREJENNY COSMETIC STORE
New Market &
BAMA DAWRBAMA DAWRBAMA DAWRBAMA DAWRBAMA DAWR, Zarkawt
Hriattirna
Kum2011chhungaYMAHallhnuai
luah duh tan dilna ziakin Branch YMA
Hruaitute hnenah thehluh theih a ni. De-
cember Ni 16 thleng dilna hi thehluh
theih a ni ang.
Sd/-
Secretary
Aizawl Venglai Branch YMA
FIRST-STEP PRE SCHOOLFIRST-STEP PRE SCHOOLFIRST-STEP PRE SCHOOLFIRST-STEP PRE SCHOOLFIRST-STEP PRE SCHOOL
Kum 2011 session a tan November
atanga December ni 9 thlengin
Admission a tih theih ta e.
Zing dar 9:30 - 12:30
CONTACTCONTACTCONTACTCONTACTCONTACT:
School: 2315523, 9612163794
Pi Tei: 9612325445, 2914675
Director
FIRST-STEP PRE SCHOOLFIRST-STEP PRE SCHOOLFIRST-STEP PRE SCHOOLFIRST-STEP PRE SCHOOLFIRST-STEP PRE SCHOOL
Electric Veng
R.Dara Colony
Innei thar
Lalparmawia S/o Manhlira(L),
Sec-II leh
Lalengzauvi, Sec-II
LawmthuSawina
Kan fapa Lalparmawia leh
Lalengzauviteni17November2010a
AizawlVenglai Presbyterian Kohhran
Hall-a an inneihna min lawmpuia min
tawiawmtukhawtlanglehKohhranmipui
zawng zawngte chungah lawmthu kan
sawitakmeuhmeuhani.
PiDurtlangthangi
Section-II
World No.1 lo ni
tawh Carlos Moya
chuan hnuk ulh
teuhin Tennis
khawvel a
chawlhsan thu a
puang ta. Kum 34
mi Moya hi a
World No.1 hlui Moya chawl dawn:
kephah hliam a dam mai thei lova, a duh
aia hma in chawlh thu tlukna a siam ta niin
a sawi.
1998 French Open Champion hian a
tum dan chuan December hian Seville a
Tournament khelh leh phawt a rilruk a,
mahse kum 15 a lo luchilh tawh profes-
sional huang a chhuahsan lo thei ta lo. 1997
Austrlian Open ah khan Moya hian Final
lutin Pete Sampras a hneh lova, 1999 khan
ATP Rankingah No.1 niin 1973 atanga
Ranking siam a nih atangin Spanish zinga
a ler luah thei hmasa ber a ni. ATP Title
20 lai a la hman a ni. May thlaa Madrid
Masters a khelh chu a inkhelh hnuhnung
ber a lo ni ta a ni.
Given a chhuak duh tak tak ta:
Shay Given chuan Manchester City
chu kum thar lamah chuan a chhuahsan
ngei tawh tur thu a sawi. England Goal-
keeper Joe Hart laka a hmun lum a hlauh
tak avangin Substitute nih reng mai chu
a nin tawh thu a sawi.
Zanina Fulham nena an inkhelh
hunah pawh a khelh ngei hmel a, chu
pawh chu Joe Hart inhliam vang chauh
niin a lang. Given hi tunah kum 34 mi
niin an ram Republic of Ireland tan
match 109 a lo khel tling tawh a, Re-
public of Ireland tan khel tam ber record
kawl mektu a ni. Euro Football khawvela
Manchester City tana beih chu mahni
intihzahawm lohna tling pha hial tawhah
a ngaih thu a sawi bawk.