Filipino 3 tg draft 4.10.2014

DRAFT
April 10,2014
Patnubay ng Guro sa Filipino 3
2
Aralin 1
Ako Ito
Lingguhang Layunin
Pag-unawa sa Pinakinggan
Nakasasagot sa mga tanong tungkol sa tekstong napakinggan
Wikang Binibigkas
Naisasagawa ang maayos na pagpapakilala ng sarili
Gramatika
Nagagamit ang pangngalan sa pagsasalaysay
Pag-unawa sa Binasa
Naiuugnay ang binasa sa sariling karanasan
Kaalaman sa Aklat at Limbag
Nahuhulaan ang nilalaman/paksa ng aklat sa pamamagitan ng pamagat
Pagsulat at Pagbabaybay
Nasisipi nang wasto at maayos ang mga salita
Paunang Pagtataya
Punan ng angkop na salita ang sumusunod na pangungusap upang mabuo ang talata.
Isulat ang sagot sa sagutang papel.
Ang Batang Masipag Mag-aral
Si Lilia ay isang batang masipag mag-aral.Bago siya matulog sa gabi muli
niyang binabasa ang _______ na itinuro ng kaniyang _____ upang sa
kinabukasan ay makasagot at makasali sa talakayan sa klase.Sa panahon
ng pagsusulit, walang oras na hindi nag-aral si ______ dahil para sa kaniya
makatutulong ito upang makakuha ng mataas na marka. Hindi rin siya
nakalilimot na tumulong sa kaniyang_____ sa mga gawaing-bahay.
Unang Araw
Layunin
Nasasagot ang mga tanong ayon sa napakinggang kuwento
Naisasagawa nang may kaayusan ang pagpapakilala sa sarili
Paksang-Aralin
Pagpapakilala ng Sarili
Panlinang na Gawain
1. Tukoy-Alam
Hayaang ipakilala ng mga bata ang kanilang sarili.
Tumawag ng mga volunteer para sa gawaing ito.
2. Paglalahad
Anong karanasan sa unang araw ng pasukan ang hindi mo malilimutan?
Sabihin ang pamagat ng kuwentong babasahin.
Ano kaya ang nangyari sa unang araw ng pasukan?

DRAFT
April 10,2014
3
3. Pagtalakay at Pagpapahalaga
Basahin nang malakas.
Unang Araw ng Pasukan
Itanong:
Ano ang nararamdaman ng mga bata sa unang araw ng pasukan?
Bakit masaya ang mga bata?
Bakit kakaiba ang nararamdaman ni Ella?
Bakit siya malungkot?
Ano kaya ang sumunod na nangyari?
Paano mo ipakikilala ang iyong sarili?
Basahin sa mga bata ang sinabi ng bagong kaibigan ni Ella.
Para sa Guro : Gumawa ng puppet upang magamit sa gawain na ito.
Ipakilala ang puppet na ginawa sa pamamagitan ng pagsasabi ng :
Ako si Marina.
Ako ay pitong taong gulang.
Nasa ikatlong baitang ako.
Nakatira ako sa Purok 4.
Itanong:
Ano ang unang sinabi ni Marina tungkol sa kaniyang sarili?
Ano-ano pa ang sinabi niya?
Ano ang dapat tandaan sa pagpapakilala ng kaniyang sarili sa kapwa bata?
Paano kung sa matanda siya magpapakilala?
4. Pagpapayamang Gawain
Maghanda ng isang musikang patutugtugin.
Iayos pabilog ang mga bata.Sabihin sa kanila na habang tumutugtog ang
musika ay ipapasa nila ang bola sa kanilang katabi sa kanan. Kung sino ang may
hawak ng bola paghinto ng tugtog ang siyang magpapakilala ng sarili sa
Unang araw ng pasukan sa Paaralang Elementarya ng Sta.
Clara.Makikita ang tuwa at galak sa bawat isa. Natutuwa ang lahat
na makitang muli ang mga kaklase at kaibigan. Abala ang lahat
sa paghahanap ng bagong silid-aralan , maliban sa isang batang si
Ella. Siya ay bagong mag-aaral sa paaralan. Bagong lipat lamang sila
sa lugar kaya wala pa siyang kakilala o kaibigan man lang. Palinga-
linga siya sa paglalakad. Pasilip-silip siya sa mga silid-aralan. Ang
takot niya ay pilit na itinatago hanggang sa mapaiyak na siya nang
tuluyan.Ilang saglit lang, isang maliit na boses ang kaniyang narinig.
“ Ano’ng pangalan mo?” Isang matamis na ngiti ang kaniyang
iginanti sabay sabing, “Ako si Ella. Ikaw?”

DRAFT
April 10,2014
4
pamamagitan ng pagbuo ng mga pangungusap na nasa tsart . Ulitin ito hanggang
sa makapagpakilala ang lahat ng bata.
Ako si ________________
Ako ay _________ taong gulang.
Ipinanganak ako noong _______________.
Nakatira ako sa___________________________.
Ang aking mga magulang ay sina________________ .
5. Paglalahat
Itanong:
Ano ang dapat tandaan sa pagpapakilala ng sarili?
Pasagutan sa mga bata ang mga patlang sa ibaba upang higit na maunawaan ang
mga dapat tandaan sa pagpapakilala ng sarili.
Sa pagpapakilala ng aking sarili ay unang sinasabi ang aking _____.
Sinasabi din ang araw, buwan at taon ng aking ______.
Ang lugar kung saan ako nakatira ay tumutukoy sa aking _______.
Binabanggit din ang pangalan ng aking mga ______.
6. Karagdagang Pagsasanay
Tumawag ng ilang bata na magsasabi ng isang pangalan ng kaniyang kaklase at
ilang impormasyon na natatandaan niya tungkol sa tinukoy na kamag-aral. Ipaturo
din sa tinawag na bata ang inilalarawang kaklase.
Ikalawang Araw
Layunin
Nasasagot ang mga tanong tungkol sa binasang kuwento
Naiuugnay ang binasa sa sariling karanasan
Paksang-Aralin
Pag-uugnay ng Karanasan sa Binasa
Panlinang na Gawain
1. Tukoy-Alam
Linangin ang salitang pista sa pamamagitan ng concept map.
Itanong: Nakadalo na ba kayo sa isang pista?
Ano-ano ang inyong nakita o naranasan?
Isusulat ng guro ang sagot ng mga bata sa concept map.
Ano ang ibig sabihin ng salitang pista? Ipagamit ang bagong salita sa mga bata.
pista

DRAFT
April 10,2014
5
2. Paglalahad
Pagpapalawak ng Talasalitaan
Sabihin ang kahulugan ng may salungguhit na salita na matatagpuan din sa loob
ng pangungusap.
1. Si Kaka Felimon ang pinakamatanda sa pamilya kaya maraming humihingi ng
kaniyang payo.
2. Ipinagmamalaki ng mga Bikolano ang Bulkang Mayon sa kanilang lugar.
3. Ang pamahalaang lokal ay nagbigay ng mahalagang anunsiyo tungkol sa
padating na bagyo sa kanilang lugar.
4. Marami palang malilikhang kapaki-pakinabang na bagay mula sa indigenous
materials tulad ng basket na gawa sa kawayan.
Ipagamit sa mga bata ang mga bagong salita sa sariling pangungusap.
Itanong
Nakapunta ka na ba sa isang pistahan?
Hayaang magbahagi ang mga bata ng sariling karanasan.
Itanong:
Ano ang nais ninyong malaman sa kuwento?
Isulat sa pisara ang mga tanong na ibibigay ng mga bata. Gabayan sila
upang makapagbigay ng tanong.
3. Pagtatalakay at Pagpapahalaga
Ipabasa “Ang Pistang Babalikan Ko” sa Alamin Natin, p. 2.
Balikan ang mga tanong na ginawa ng mga bata bago nila basahin ang kuwento.
Pasagutan ang mga ito sa kanila.
Itanong:
Ano ang pamagat ng kuwento?
Ano-ano ang pangyayari sa kuwentong binasa?
Ano ang katapusan ng kuwento?
Anong okasyon ang inilalarawan sa kuwento?
Ano-anong kaugaliang Pilipino ang nabanggit sa kuwento?
Ginagawa pa ba ang ganito sa inyong lugar?
Dapat pa ba ito ipagpatuloy? Bakit?
Paano natin mapapahalagahan ang mga kaugaliang sariling atin?
Pasagutan ang Linangin Natin , p. 3.
5. Paglalahat
Pagawain ng kiping ang mga bata. Magpagupit ng isang dahon mula sa isang
berdeng papel. (Maaaring ipakita muna sa mga bata kung paano ito isagawa.)
Ipasipi at ipakumpleto sa mga bata ang pangungusap batay sa natutuhan niya sa
aralin.
Itanong:
Ano ang natutuhan mo sa aralin?
Pasagutan ang Pagyamanin Natin p. 4.

DRAFT
April 10,2014
6
Ikatlong Araw
Layunin
Nagagamit ang pangngalan sa pagsasalaysay tungkol sa mga tao, lugar, at bagay
sa paligid
Paksang-Aralin
Paggamit ng Pangngalan sa Pagsasalaysay
Panlinang na Gawain
1. Tukoy-Alam
Sabihin sa mga bata na magmasid sa paligid.
Itanong: Ano-ano ang nakikita ninyo sa paligid?
Gabayan ang mga bata na bumuo ng pangungusap tungkol sa nakita nila sa
paligid.
Itanong : Ano-ano ang pangngalan na ginamit sa pangungusap?
2. Paglalahad
Itanong : Ano ang ginagawa mo kung malapit na ang pista sa inyong bayan?
Ipabasa ang “Pista sa Aming Bayan” sa Alamin Natin, p. 4.
Itanong:
Ano ang magaganap sa bayan?
Ano-ano ang ginagawang paghahanda ng mga tao?
Ganito rin ba ang ginagawa sa inyong pamayanan tuwing sasapit ang kapistahan?
Anong kaugalian ang ipinakita sa talata?
Ano ang katangian ng mga tao na binanggit sa talata?
Dapat ba silang tularan? Paano mo sila tutularan?
Paano ka makatutulong kapag may okasyon sa inyong bahay?
Bigyan ang mga bata ng isang card. Ipasulat sa mga ito ang mga ngalan ng
tao/bagay/lugar/pangyayari sa talatang muling babasahin ng guro.
Ipadikit sa mga bata ang kanilang sagot sa pisara.
Ipabasa ang mga ito sa mga bata. Linangin ang bawat salita.
Ano ang tawag sa mga salitang ito?
Alin-aling salita ang dapat magkakasama?
Pabigyang-katwiran ang ginawang pagsasama ng mga salita.
Paano isinulat ang mga salita sa bawat kategorya?
Ipagawa ang Linangin Natin, p. 5.
5. Paglalahat
Ipakumpleto ang pangungusap na makikita sa Tandaan Natin, p.5 .
Ano ang pangngalan?
Ang pangngalan ay ngalan ng tao, bagay, hayop, pook/lugar, o pangyayari.
Pasagutan ang Pagyamanin Natin, p. 5.

DRAFT
April 10,2014
7
Ikaapat na Araw
Layunin
Nahuhulaan ang nilalaman/paksa ng aklat sa pamamagitan ng pamagat
Nasisipi nang maayos at wasto ang mga salita
Paksang-Aralin
Pagsipi ng mga Salita
Panlinang na Gawain
1. Tukoy-Alam
Magpaskil ng ilang salita sa paligid ng silid-aralan.
Bigyan ng pagkakataon ang mga bata na makapag-ikot sa loob ng silid-aralan.
Ipasipi sa kanila ang limang salita na kanilang nababasa at nauunawaan ang
kahulugan.
Ipabasa sa mga bata ang kanilang ginawa.
Isulat ang sagot ng mga bata sa pisara. Pag-usapan ang kahulugan ng bawat salita.
2. Paglalahad
Magpakita ng isang alkansiya.
Pag-usapan ito sa klase.
Sabihin ang pamagat ng kuwento.
Itanong: Ano kaya ang nangyari sa kuwento?
Isulat ang mga sagot ng mga bata.
Ipabasa sa mga bata “ Ang Aking Alkansiya” na nasa Alamin Natin, p. 6.
Balikan ang mga hula ng mga bata sa simula tungkol sa mga mangyayari sa
kuwento.
Itanong: Tama ba ang hula mo?
Tungkol saan ang kuwento?
Ilarawan ang batang nagkukuwento.
Dapat ba siyang tularan? Bakit?
Ano-anong ginagawa niya na ginagawa mo rin?
Ipabasang muli ang kuwento sa mga bata.
Ipasipi sa mga bata ang mga salitang hindi nila nauunawaan.
Ipabasa ang mga ito.Linangin ang bawat salita.
Tama ba ang pagkakasipi ninyo?
Paano mo sinulat ang bawat salita?
May sapat bang layo ang mga letra sa isa’t isa?
Pantay-pantay ba ang pagkakasulat mo?
4. Kasanayang Pagpapayaman
5. Paglalahat
Itanong: Ano ang dapat tandaan sa pagsipi ng ngalan ng tao? Bagay? Lugar?
Hayop?
Ipakumpleto sa mga bata ang pangungusap na makikita sa Tandaan Natin, p. 7.
Pasagutan ang Pagyamanin Natin, p. 7.

DRAFT
April 10,2014
8
Ikalimang Araw
Panlingguhang Pagtataya
Layunin
1. Makagawa ng sariling name tag
2. Maipakilala nang maayos ang sarili sa mga bagong kaklase
3. Masipi ang pangalan ng limang bagong kaklase
Gagampanan ng bawat mag-aaral
1. Ang bawat mag-aaral ay gagawa ng sariling name tag sa loob ng 10 minuto.
2. Gamit ang name tag, ipapakilala ang sarili sa mga kaklase. Matapos ipakilala ang
sarili, isusulat ang nakalap na limang pangalan ng bagong kaklase at isasagawa ito
sa loob ng limang minuto.
3. Paupuin nang pabilog ang mga bata. Ihagis sa isang bata ang bolang hawak na
magsasabi ng pangalan ng dalawang pangalan ng kaniyang kaklase. Matapos ang
gawain, siya naman ang maghahagis ng bola upang sumunod sa kaniyang ginawa,
Kalagayan
Ang mga mag-aaral ay magpapakilala ng sarili at magkakaroon ng bagong mga
kakilala. Ito ay tatasahin sa pamamagitan ng nakalakip na pamantayan.
Bunga
Naipakilala ang sarili sa limang bagong kamag-aaral.
Pamantayan sa Pagsasagawa
4 3 2 1
Malinaw at wasto ang pagkakasulat ng pangalan .
Malinaw at maayos ang pagpapakilala ng sarili sa ibang bata.
Nasipi nang may wastong baybay ang pangalan ng limang
kaklase.
Natapos ang gawain sa itinakdang oras.
Aralin 2
Pamilya Ko
Lingguhang Layunin
Pag-unawa sa Napakinggan
Nasasagot ang mga tanong tungkol sa tekstong napakinggan
Nagagamit ang naunang kaalaman o karanasan sa pag- unawa ng napakinggang
teksto

DRAFT
April 10,2014
9
Pag-unawa sa Binasa
Nasasagot ang mga tanong tungkol sa tulang binasa
Kamalayang Ponolohiya
Natutukoy ang salitang magkakatugma
Gramatika
Nagagamit ang pangngalan sa pagsasalaysay tungkol sa mga tao, lugar at bagay
sa paligid
Pagsulat at Pagbaybay
Nasisipi nang wasto at maayos ang mga salitang magkakatugma
Estratehiya sa Pag-aaral
Nakikilala ang iba’t ibang bahagi ng aklat
Paunang Pagtataya
Sabihin ang bahagi ng aklat na tinutukoy sa bawat pangungusap.
Piliin ang inyong sagot sa kahon.
Paunang Salita Pahinang Pabalat
Karapatang Pag-aari Talaan ng Nilalaman
1. Talaan ito ng bilang at pamagat ng yunit, mga kuwento, tula at ang mga pahina
nito.
2. Makikita rito ang nagmamay-ari ng sinulat na aklat at ang naglathalang kompanya.
3. Ang pamagat ng aklat, ang pangalan ng mga may-akda at publikasyon ng aklat.
Unang Araw
Layunin
Nagagamit ang naunang kaalaman o karanasan sa pag- unawa ng napakinggang
teksto
Paksang-Aralin
Pagsagot sa mga Tanong Tungkol sa Tekstong Napakinggan
Panlinang na Gawain
1. Tukoy-Alam
Tumawag ng ilang bata upang magsabi ng pangalan ng kanilang kaklase at kung
ano ang natatandaan nila na ginawa nila noong nagdaang bakasyon kasama ang
kaniyang sariling pamilya.
2. Paglalahad
Itanong:
Ganito rin ba ang pamilya mo?
Iparinig ang teksto.

DRAFT
April 10,2014
10
Ang Aming Simpleng Pamilya
Sa isang simpleng bahay kami nakatira ng aking Nanay at Tatay. Ang aking
Tatay Pio ay isang simpleng kawani ng gobyerno. At si Nanay Conching naman
ay isang guro sa paaralang aking pinapasukan.
Tatlo lamang kami sa aming bahay. Pero ang lahat ng gawain ay nagiging
madali dahil sa aming pagtutulungan. Ang aming hapag-kainan ay napupuno ng
tawanan sa pagkukuwentuhan namin ng mga pangyayari sa buong maghapon.
Kapag may libreng oras at may sobrang pera, namamasyal din kami sa kung
saan-saang lugar. Sa panahon naman na may problema, ito rin ay nagiging
magaan dahil na rin sa pagmamahalan namin sa isa’t isa at sa pagtitiwala sa
Poong Maykapal.
Itanong:
Tungkol saan ang talatang napakinggan?
Sino-sino ang bumubuo sa pamilya ni Mang Pio?
Ilarawan ang bawat isa.
Ano-ano ang masasayang sandali para sa kanila?
Ganito rin ba kayo sa inyong pamilya?
Ano-ano ang ginagawa ninyo kasama ang buong pamilya?
Ilarawan ang sariling pamilya.
Katulad din ba ito ng pamilya ni Mang Pio?
Ano ang kayamanan ng pamilya nila?
Ikaw, ano ang kayamanan mo? Ipaliwanag ang sagot.
Pangkatin ang klase.
Ipakuwento sa bawat bata sa pangkat ang mga gawain ng kanilang sariling
pamilya.
5. Paglalahat
Pagawain ang mga bata ng simpleng larawan ng pamilya sa pamamagitan
ng pagguhit.
Hayaang ipakita ng mga bata ang kanilang ginawa at makapagkuwento sila
tungkol sa iginuhit.
Ikalawang Araw
Layunin
Nasasagot ang mga tanong tungkol sa tulang binasa
Natutukoy ang mga salitang magkakatugma
Paksang-Aralin
Pagbibigay ng Kahulugan sa Binasang Tula
Panlinang na Gawain
1. Tukoy-Alam
Itanong Ano ang ginawa mo kagabi kasama ang pamilya mo?

DRAFT
April 10,2014
11
Pagbabahagi ng karanasan ng mga mag-aaral.
2. Paglalahad
Ipaawit: “Nasaan si Tatay?”
Basahin sa mga bata ang tulang “Ang Aming Mag-anak” sa Alamin Natin, p.7.
Itanong:
Ano ang pamagat ng tula?
Ilarawan ang pamilyang binanggit sa tula.
Paano ipinakita ng bawat isa ang pagtutulungan? Pagdadamayan?
Ganito rin ba ang iyong mag-anak?
Hayaang sagutin ito ng mga bata batay sa kanilang sariling karanasan.
Paano mo ipakikita ang pagmamahal at pagmamalaki sa sariling pamilya?
Ipabasang muli ang tula.
Ipasuri ang mga salitang may salungguhit.
Ipasulat ang mga ito sa pisara.
Ipabasa ang mga salita. Linangin ang bawat salita.
Itanong:
Aling mga salita ang dapat magkakasama?
Ipaliwanag ang ginawang pagsasama-sama ng mga salita.
Ano ang napansin mo sa hulihang tunog ng mga salita?
Aling mga salita ang magkakatugma?
Gumawa ng isang puno ng mga salita. Isulat ang mga salita sa bawat dahon na
ididikit sa puno. Siguraduhin na may mga salitang magkakatugma. Ipagawa ang
Linangin Natin, p. 8.
5. Paglalahat
Ano-ano ang salitang magkakatugma?
Ipakumpleto ang pangungusap sa Tandaan Natin, p. 8.
Isulat ang ilang mga tugma sa isang malinis na papel. Siguraduhin sapat ang
laki ng mga ito upang mabasa ng lahat ng mag-aaral. Basahin ang mga
tugma kasama ang mga bata. Pasagutan ang Pagyamanin Natin, p. 9.
Ikatlong Araw
Layunin
Nagagamit ang pangngalan sa pagsasabi ng mga pangalan ng mga tao, lugar,
at bagay sa paligid
Paksang-Aralin
Paggamit ng Pangngalan
Panlinang na Gawain
1. Tukoy-Alam
Sabihin sa mga bata na ipakilala ang bawat kasapi ng pamilya.
Bawat bata ay gagawa ng hand puppet.

DRAFT
April 10,2014
12
Sa bawat daliri ng puppet, isusulat ng mga bata ang ngalan ng bawat kasapi ng
kaniyang pamilya.
2. Paglalahad
Sino-sino ang kasapi ng iyong pamilya?
Tumawag ng ilang bata upang ipakita ang ginawang puppet at magsabi ng ilang
bagay tungkol sa sariling pamilya.
Isulat sa pisara ang ngalan na babanggitin ng mga bata. Ipabasa ito sa mga bata.
Ipabasa muli ang tula sa Alamin Natin, p. 8.
Sino-sino ang kasapi ng pamilyang binanggit sa tula?
Isulat ang sagot ng mga bata sa pisara. Ipabasa ito. Tanungin ang mga bata ng iba
pa nilang alam/ginagamit na katawagan sa bawat kasapi ng pamilya.
Ano ang katangian ng bawat isa sa tula?
Ganito rin ba ang pamilya mo?
Paano mo pinahahalagahan ang mga ginagawa sa iyo ng ibang kasapi ng iyong
pamilya?
Ipabasa sa mga bata ang sinulat na mga pangngalan na hinango mula sa mga sagot
nila sa puppet at sa pagtalakay ng tula.
Ano ang tinutukoy ng bawat ngalan?
Ano ang tawag natin sa mga salitang ito.
Ipabasang muli sa mga bata ang mga salitang inilista mula sa tula. Ipagawa ang
Linangin Natin, p. 8.
5. Paglalahat
Maghanda ng ilang larawan tungkol sa pamilya. Ipakita ang bawat isa sa mga
bata. Ipagawa ang Pagyamanin Natin, p. 9.
Ikaapat na Araw
Layunin
Nakikilala ang iba’t ibang bahagi ng aklat
Paksang-Aralin
Ang Iba’t Ibang Bahagi ng Aklat
Panlinang na Gawain
1. Tukoy-Alam
Ano-ano ang gawain ng bawat kasapi ng iyong pamilya?
Paano ka tinutulungan ng iyong pamilya sa mga gawain mo sa paaralan?
2. Paglalahad
Itanong: Ano-ano ang bahagi ng bawat aklat?
Ano ang gamit ng bawat isa?
Ipabasa ang tulang “Mga Bahagi ng Aklat” na nasa Alamin Natin, p. 9.

DRAFT
April 10,2014
13
Itanong:
Ano-ano ang bahagi ng aklat?
Ano ang tungkulin ng bawat bahagi ng aklat?
Paano mo pangangalagaan ang bawat bahagi ng aklat?
Paano mo pahahalagahan ang gawain ng bawat kasapi ng iyong pamilya?
Ipagawa ang pagsasanay sa Linangin Natin, 9.
Ipakuha sa mga bata ng sariling aklat. Ipatukoy sa kanila ang bawat bahagi nito.
4. Paglalahat
Ano ang natutuhan ninyo sa aralin?
Ipagawa ang Pagyamanin Natin, p.10.
Ipakuha ang gamit ng mga bata sa Art.
Gabayan ang bawat bata na makagawa ng dummy ng isang aklat.
Ipasulat ang ngalan ng bawat bahagi ng aklat.
Ikalimang Araw
Layunin
Makalikha ng isang tula ukol sa sariling pamilya
Mabigyang- buhay ang tula sa malikhaing pamamaraan
Gagampanan ng bawat pangkat na mag-aaral
1. Hahatiin ang mga mag-aaral sa apat na pangkat. Gagawa ang bawat pangkat ng
isang tula sa loob ng 15 minuto at karagdagang 10 minuto upang bigyang-buhay
ito sa malikhaing pamamaraan. (Maaaring kantahin, lagyan ng akmang kilos o
galaw at iba pa. Bigyang-laya ang mga mag-aaral sa kung paanong paraan nila ito
bibigyang-buhay. )
2. Pagtatanghal ng bawat pangkat.
Kalagayan
Ang mga mag-aaral ay gagawa ng tula ukol sa sariling pamilya. Lalapatan nila ito
ng sariling interprestasyon. Ito ay tatayain sa pamamagitan ng nakalakip na pamantayan.
Bunga
Tula tungkol sa sariling pamilya

DRAFT
April 10,2014
14
4 3 2 1
Malalim at
Makahulugan
ang kabuuan ng
tula.
Makahulugan ang
kabuuan ng tula.
Bahagyang may
lalim ang kabuuan
ng tula.
Mababaw ang
kabuuan ng tula.
Piling-pili ang
mga salita at mga
parirala.
May ilang piling
salita at mga
parirala.
Ang mga salita ay
hindi gaanong
pinili.
Ang mga salita ay
hindi pinili.
Aralin 3
Pag-uugali Ko
Lingguhang Layunin
Nasasagot ang mga tanong tungkol sa napakinggang kuwento
Wikang Binibigkas
Nagagamit ang magalang na pananalita sa pagbati, pakikipag-usap at paghingi ng
paumanhin
Pag-unawa sa Binasa
Nakasusunod sa nakasulat na panuto
Pag-unlad ng Talasalitaan
Nakikilala at napagyayaman ang talasalitaan sa pamamagitan ng paggamit ng mga
salitang magkasingkahulugan
Gramatika
Nagagamit ang pangngalan sa pagsasalaysay tungkol sa mga tao, lugar, at bagay sa
paligid
Palabigkasan at Pagkilala sa Salita
Nakababasa ng mga salitang may dalawa hanggang tatlong pantig
Komposisyon
Nasisipi nang wasto at maayos ang mga parirala
Paunang Pagtataya
Mag-usap tayo!
Pangkatin ang mga mag-aaral. Ang bawat pangkat ay muling hahatiin upang
makabuo ng tig-iisang pares.
Ipagawa sa mga mag-aaral ang usapan sa pamamaraang dyad .
Ano ang iyong sasabihin sa bawat sitwasyon?
Sitwasyon 1: Isang umaga, nakita mo ang nanay ng iyong kaibigan.
Inaasahang sagot: “Magandang umaga po, Gng. _____.”
Sitwasyon 2: Dinalaw mo ang iyong lolo at lola na matagal mo nang hindi nakikita.
Inaasahang sagot: “Kumusta po kayo Lolo at Lola?”

DRAFT
April 10,2014
15
Pag-uulat ng bawat pangkat gamit ang gabay na katanungan:
1. Ilahad ang pagkakapareho at pagkakaiba-iba ng sagot ng bawat pares.
2. Anong karagdagang kaalaman ang natutuhan?
Unang Araw
Layunin
Nasasagot ang mga tanong tungkol sa napakinggang kuwento
Nagagamit ang magagalang na pananalita sa pagbati, pakikipag-usap, at paghingi
ng paumanhin
Paksang-Aralin
Paggamit ng Magagalang na Pananalita
Panlinang na Gawain
1. Tukoy-Alam
Ipalarawan sa mga bata ang kanilang lolo at lola.
Hayaang ibahagi ng mga bata ang kanilang karanasan tungkol sa kanilang lolo at
lola.
2. Paglalahad
Piliin sa loob ng panaklong ang kasingkahulugan ng salitang may salungguhit.
1. Dumalaw si Lea sa kaniyang kaibigang may-sakit.
( bumisita, nagtampo, nagpaalam )
2. Masarap tumira sa probinsiya dahil payak ang pamumuhay doon.
( maingay, simple, marumi)
3. Maraming magandang tanawin ang makikita sa probinsiya ng Ilocos.
( lungsod, bayan, lalawigan)
4. Sabi ng tatay ko, manang-mana ako sa kaniya dahil pareho kaming
mabait.
( magkaiba, magkatulad, magkabagay)
Sabihin ang pamagat ng babasahing teksto.
Itanong : Ano kaya ang nangyari kina Lolo at Lola?
Isulat ang hula ng mga bata sa pisara.
Basahin nang malakas sa mga bata.
Ang Mahal kong Lolo at Lola
Bakasyon nang dumalaw ang pamilya ni Benjie sa kaniyang Lolo Benny at
Lola Berna sa Bicol. Payak at masaya ang buhay ng kaniyang Lolo at Lola sa
probinsya kaya naman gustong-gusto ni Benjie ang magbakasyon sa kanila.
Lolo Benny: Salamat at dinalaw ninyo kami.
Benjie: Mano po, Lolo. Mano po, Lola. Magandang umaga po!
Nanay: Pasensiya na po kayo at ngayon lang kami nakadalaw.
Kumusta po?
Lola Berna: Ayos lang ‘yun, apo. Ang mahalaga andito ka na ngayon.
Saan mo ba gustong mamasyal?

DRAFT
April 10,2014
16
Benjie: Naku, Lola, gusto ko lang kayong makasama.Tutulungan ko kayo
sa inyong mga gawaing-bahay.
Lolo Benny: Ito talagang apo ko, manang-mana sa akin!
Lola Berna: Mana sa iyo o sa akin? (mapapaupo na parang nahihilo)
Benjie: O, Lola, ayos lang po ba kayo?
Lola Berna: Nahihilo lamang ako, dahil siguro sa panahon.
Lolo Benny: Dapat kasi ay hindi ka na masyadong nagkikikilos dito sa bahay.
Benjie: Tama po si Lolo Benny, Lola. Maari po bang ako na lang ang
gumawa ng gagawin ninyo? Ngayon na nandito po ako, ako muna
ang mag-aalaga sa inyo.
Lola Berna: Naku! Salamat, apo, pero huwag mo akong intindihin. Kaya ko pa
naman.
Lolo Benny: Hay ang apo ko talaga, mana sa akin. Napakabait!
Benjie: Salamat po!
Nagkatinginan ang Nanay at Lola Berna. At sila’y nagtawanan.
Itanong :
Sino ang pangunahing tauhan sa kuwento?
Kailan dumalaw ang pamilya ni Benjie sa Bicol?
Bakit sinabi ng lolo na hindi na dapat kumikilos ang lola ni Benjie?
Paano mailalarawan ang batang si Benjie?
Ano-ano ang magagalang na pananalitang ginamit ni Benjie sa usapan?
Ano-ano ang magagalang na pananalitang ginagamit sa pagbati?
Ano ang dapat tandaan sa pakikipag-usap sa mga matatanda?
(Bigyang-diin na ang paggamit ng po at opo ay kaugalian lamang ng mga
Tagalog. Ang mga Bisaya at iba pang pangkat etniko ng Pilipinas ay hindi
gumagamit nito, at hindi ibig sabihin na sila ay hindi na magagalang na
Pilipino. Sa halip, sa tono, intonasyon at diskurso makikita ang paggalang.)
Paano pa maipakikita ang pagiging magalang sa mga nakatatanda?
Ano ang dapat sabihin kung nais humingi ng paumanhin?
Magpagawa ng isang dula-dulaan na nagpapakita ng
- magalang na pagbati
- pakikipag-usap sa nakatatanda
- pakikipag-usap sa mga hindi kakilala
- paghingi ng paumanhin
5. Paglalahat
Hayaang magbahagi ang mga bata ng isang karanasan tungkol sa pagiging
magalang.

DRAFT
April 10,2014
17
Ikalawang Araw
Layunin
Nakasusunod sa nakasulat na panuto
Nakikilala at napagyayaman ang talasalitaan sa pamamagitan ng paggamit ng
mga salitang magkasingkahulugan
Paksang-Aralin
Pagsunod sa Nakasulat na Panuto
Panlinang na Gawain
1. Tukoy-Alam
Isulat ang sumusunod na panuto sa isang malinis na papel at ipagawa ang mga ito
sa mga mag-aaral. Tingnan kung masusunod ang mga ito ng mga mag-aaral.
2. Paglalahad
Linangin ang salitang masipag.
Ipagamit ito sa sariling pangungusap.
Itanong : Bakit kaya gustong-gusto ni Ian ang araw ng Sabado?
Isulat sa pisara ang hula ng mga bata.
Hula Ko Tunay na Nangyari
Ipabasa sa mga bata ang “Ang Sarap Talaga” sa Alamin Natin, p.10.
Itanong:
Tama ba ang hulang ibinigay bago basahin ang kuwento?
(Balikan ang tsart na ginawa at lagyan ng sagot ang kolum ng tunay na nangyari.)
Sino ang bida sa kuwento?
Paano siya inilarawan sa kuwento?
Ano-ano ang patunay ng katangiang ito?
Bakit para kay Ian, masarap ang araw ng Sabado? Ganito rin ba ang pakiramdam
mo sa araw ng Sabado? Ipaliwanag ang sagot.
Dapat ba siyang tularan?
Ano-ano kaya ang mga tuntunin sa bahay nila na kaniyang sinunod?
Ipabasa sa mga bata ang mga nakasulat na panuto.
Ipagawa ang mga ito.
1. Gumuhit ng isang bilog. Sa loob nito, isulat ang pangalan mo.
2. Sa kaliwa ng bilog, gumuhit ng isang puso. Kulayan ito ng pula.
3. Sa itaas ng bilog, gumuhit ng isang ulap. Isulat dito ang isang utos na
sinunod mo sa bahay.
1. Umupo nang maayos.
2. Itaas ang dalawang kamay.
3. Sabihin nang malakas ang iyong pangalan.

DRAFT
April 10,2014
18
4. Sa kaliwa ng bilog, gumuhit ng isang parihaba. Isulat dito ang isang bagay
na ayaw mong gawin.
5. Sa ibaba ng bilog, gumuhit ng isang parihaba. Isulat dito ang “Ako ay
masunurin.”
Nasunod mo ba ang mga panuto?
Bakit? Bakit hindi?
Maghanda ng ilang learning centers sa loob ng silid-aralan.
- Art Center (lagyan ng kagamitan sa art)
- Music center (lagyan ng cassette o radyo, tape o CD ng mga awit)
- Writing center (lagyan ng papel , lapis)
Sabihin sa mga bata na pumili ng isang center na nais nilang puntahan.
Ipagawa ang nakasulat na mga panuto sa center na pupuntahan. Bigyan sila ng
ilang minuto upang maisagawa ang mga panuto sa pupuntahan. Matapos ang
nakalaang oras, hayaang ipakita ng mga bata ang kanilang natapos na gawain at
pag-usapan ito sa klase.
- Art center – Gumuhit ng isang malaking puso. Magpunit ng maliliit na papel
mula sa colored magazine na makikita sa center. Idikit ito sa loob ng
malaking puso upang maging kulay nito.
- Music Center – Gumawa ng pangkat na may tatlong miyembro. Mag-aral ng
isang bagong awit.
- Writing center – Sumulat ng dalwang panuto na nais mong ipagawa sa ibang
kaklase.
5. Paglalahat
Hayaang mamasyal ang mga bata sa loob ng silid-aralan .
Ipabasa at ipatala ang isang nakapaskil na panutong nasunod. Bigyan nang sapat
na oras ang mga bata na maisagawa ito. Matapos ang laang oras, ipabasa sa mga
bata ang nasunod nilang panuto.
Ikatlong Araw
Layunin
Nagagamit ang pangngalan sa pagsasalaysay tungkol sa tao, lugar, at bagay sa
paligid
Paksang-Aralin
Paggamit ng Pangngalan sa Pagsasalaysay
Panlinang na Gawain
1. Tukoy-Alam
Bigyan ng flashcard ang bawat bata.
Pasulatin ang bawat bata sa hawak na card ng isang pangngalan.

DRAFT
April 10,2014
19
Ipapasa ito sa kaklaseng nasa kanan, magpasulat sa kaniya ng isang salita tungkol
sa pangngalang nakasulat sa papel.
Ipasa muli sa kanan ang papel. Hayaang gumawa ng pangungusap gamit ang mga
salitang nakasulat sa card. Ibalik sa orihinal na may-ari ang papel.
Tumawag ng ilang bata upang ipabasa ang pangungusap na nasa card.
Ipapaskil ito sa pisara matapos basahin nang malakas.
2. Paglalahad
Ipabasang muli ang ”Ang Sarap Talaga” sa Alamin Natin, p.10.
Itanong:
Ano-ano ang pangngalan na ginamit sa kuwento? Ipatala ang mga ito.
Ipabasa sa mga bata ang nakatalang pangngalan.
Alin-alin ang ngalan ng tao? Bagay? Pangyayari?
Papiliin ang mga bata ng isang pangngalan. Ipagamit ito sa sariling pangungusap
na nakabatay sa binasang kuwento.
Balikan ang mga pangungusap na nakasulat sa card sa unang gawain.
Ano-ano ang pangngalan na ginamit sa bawat pangungusap?
Ipapangkat ang mga ito ayon sa kategorya.
Paano isinulat ang bawat pangngalan?
Maghanda ng ilang mga larawan ng tao, bagay, hayop at pangyayari.
Ilagay ito sa isang malaking kahon.
Ipagawa ang pagsasanay sa Linangin Natin, p. 11.
5. Paglalahat
Ipagawa ang Pagyamanin Natin, p. 12.
Pakuhanin ang mga bata ng isang bagay mula sa hardin na ididikit sa kanilang
notebook. Pasulatin ang mga bata ng isang pangungusap tungkol dito.
Ikaapat na Araw
Layunin
Nakababasa ng mga salitang may dalawa hanggang tatlong pantig
Nasisipi nang wasto at maayos ang mga parirala
Paksang-Aralin
Pagsipi ng mga Parirala
Panlinang na Gawain
1. Tukoy-Alam
Sumulat sa flashcard ng ilang salita na may dalawa at tatlong pantig.
Ipabasa ito sa mga bata.
2. Paglalahad
Ipabasa ang “Ang Sarap Talaga” sa Alamin Natin, p. 10.
Ipasipi sa mga bata ang mga salitang may dalawa at tatlong pantig.

DRAFT
April 10,2014
20
Gamitin ang format.
Dalawang Pantig Tatlong Pantig
Ipabasa ang mga salitang may dalawang/tatlong pantig.
Pag-usapan ang kahulugan ng bawat salita. Ipagamit ang mga ito sa pangungusap.
Ipasipi sa mga bata ang parirala na nagtataglay ng mga salita sa talaan.
Ipabasa ang mga parirala.
Itanong:
Ano ang mapapansin sa pagkakasulat ng parirala?
Ano ang pagkakaiba ng parirala sa pangungusap?
Ipagawa sa mga bata ang pagsasanay sa Linangin Natin, p. 12.
5. Paglalahat
Ano ang dapat tandaan sa pagsipi ng parirala? Ipakumpleto ang pangungusap sa
Tandaan Natin, p. 12.
Ipabasang muli ang “Ang Aking Alkansiya” sa Alamin Natin, p. 6.
Ipasipi ang mga parirala na nagpapakita ng mga laging ginagawa ng tauhan sa
kuwentong binasa.
Ikalimang Araw
Layunin
Maipakita ang tamang paraan ng pagbati, pakikipag-usap at paghingi ng paumanhin
Gagampanan ng bawat pangkat ng mag-aaral
1. Ang mga mag-aaral ay hahatiin sa ilang pangkat. Ang bawat pangkat ay gagawa ng
isang usapan na kinapapalooban ng tamang pagbati, pakikipag-usap at paghingi ng
paumanhin sa loob ng 15 minuto at karagdagang 5 minuto upang makapag-ensayo.
(Bigyang-laya ang mga mag-aaral sa kung paanong paraan nila ito bibigyang-
buhay)
2. Pagtatanghal ng bawat pangkat.
Kalagayan
Ang bawat mag-aaral ay gagawa ng usapan ukol sa tamang pagbati,
pakikipag-usap at paghingi ng paumanhin na sumasalamin sa tamang pag-uugali
o kaasalan. Ito ay tatasahin sa pamamagitan ng nakalakip na pamantayan.
Bunga
Usapang nagpapakita ng tamang pagbati, pakikipag-usap at paghingi ng
paumanhin

DRAFT
April 10,2014
21
4 3 2 1
Nagamit nang
wasto ang mga
natutuhang
magagalang na
pananalita.
May isang
magalang na
pananalita na hindi
angkop sa
sitwasyong
ipinakita.
May isa hanggang
dalawang
magagalang na
pananalita na hindi
angkop sa
sitwasyong
ipinakita.
Hindi gumamit ng
magagalang na
pananalita.
Naipahayag ang
ideya nang may
tama at wastong
lakas, bilis at diin
ng boses.
Naipahayag ang
ideya nang may
katamtamang lakas,
bilis at diin ng
boses.
Mahina ang boses. Halos hindi
napakinggan ang
usapan dahil sa
sobrang hina ng
boses.
Ang usapan ay
kaugnay ng
paksang ibinigay.
Ang usapan ay hindi
kaugnay ng paksang
ibinigay.
May iba’t ibang
paksa na
napakinggan sa
usapan.
Walang paksa ang
usapang ipinarinig
sa klase.
Aralin 4
Maglibang Tayo
Lingguhang Layunin
Pag-unawa sa Pinakinggan
Napagsusunod-sunod ang mga pangyayari ng kuwentong napakinggan sa
pamamagitan ng larawan
Pag-unawa sa Binasa
Nasasagot ang mga tanong tungkol sa kuwentong binasa
Napapantig ang mga salita nang pabigkas
Nababaybay nang wasto ang mga salitang natutuhan sa aralin
Gramatika
Nagagamit ang pangngalan sa pagsasalaysay tungkol sa mga tao, lugar, at bagay
sa paligid
Nakakagamit ng diksiyunaryo

DRAFT
April 10,2014
22
Paunang Pagtataya
Sa bawat pangkat, hatiin muli sa tigdadalawa (dyad) upang ipakilala ang sarili at
ikuwento kung anong ginagawa kapag bakanteng oras. Isagawa ito sa loo ng 2 minuto
at karagdagang 5 minuto upang ibahagi sa grupo ang narinig na kuwento.
Pag-uulat ng bawat pangkat gamit ang gabay na katanungan
1. Anong kasagutan ang magkakapareho? Magkakaiba?
2. Anong mensahe ang ipinararating nito?
Unang Araw
Layunin
Napagsusunod-sunod ang mga pangyayari ng kuwentong napakinggan sa
pamamagitan ng larawan
Paksang-Aralin
Pagsusunod-sunod ng mga Pangyayari
Panlinang na Gawain
1. Tukoy-Alam
Ipakita ang mga larawan.
Ipaayos ang mga larawan sa tamang pagkakasunod-sunod ng mga ito.
Ipasalaysay sa mga bata ang kuwento na ipinakikita ng mga larawan.
Kailan nilalaro ang ipinakita sa larawan?
2. Paglalahad
Ano ang ginagawa ninyong magkakaibigan o magkakapatid pagkatapos ng ulan?
Itanong: Bakit mapalad si Isan?
Basahin nang malakas ang kuwento .
Mapalad si Isan
ni Josenette Pallaza Brana
Matapos ang isang linggong pag-ulan, sumikat din ang araw.
“ Isan! Isan!,” tawag ng mga kaibigan niya.
“Akyat tayo sa bundok, maglaro tayo doon!” Masarap magpadulas sa mga
damo.”
Mananakbong
bata na may
hawak na
medalya
Tumatakbong
mga bata
Mga
Mananakbong
bata sa starting
line

DRAFT
April 10,2014
23
“Hintay lang! Magpapaalam ako kay Inay,”sigaw ni Isan.
“Huwag anak. Mapanganib ngayon ang umakyat sa bundok. Hindi kayo dapat
maglaro doon. Katatapos lamang ng bagyo. Baka kung ano ang mangyari sa inyo.
masyadong madulas ang daan,” sagot ng ina.
Hindi na nagpilit si Isan. Mabuti na lamang at sinunod niya ang kaniyang ina.
Bandang hapon nakarinig sila ng balita na may pagguho ng lupa sa karatig-pook nila.
Nabalitaan din ang nangyari sa mga batang umakyat sa bundok.
“Mapalad ako,” ang bulong ni Isan.
Itanong:
Sino-sino ang tauhan sa kuwento?
Ano ang ibig gawin ng mga kaklase ni Isan?
Bakit hindi pumayag ang ina ni Isan na sumama siya sa bundok?
Ano ang huling nangyari sa kuwento?
Ano kaya ang maaaring mangyari kung sumama si Isan?
Anong magandang pag-uugali ang ipinakita ni Isan?
Tama ba ang mga ipinakita niyang ito?
Sino sa mga tauhan ang nais mong tularan? Pangatwiranan ang sagot.
Kung ikaw si Isan, sino ang susundin mo: ang mga kaklase mo o ang iyong ina?
Pangatwiranan ang sagot.
Ano-ano ang libangan ninyong magkakapatid/magkakaibigan sa tuwing bakanteng
oras? Kung umuulan? Pagkatapos ng ulan? Kung mainit ang panahon?
Maghanda ng mga larawan tungkol sa kuwentong binasa (nang malakas) sa mga
bata. Ipakita ang mga ito.
Pag-usapan ang bawat isa.
Sabihin sa mga bata na iayos ang mga larawan ayon sa tama nitong pagkakasunod-
sunod.
Tumawag ng ilang bata upang isalaysay muli ang napakinggang kuwento sa tulong
ng mga iniayos na larawan.
5. Paglalahat
Pagawain ang mga bata ng filmstrip ng napakinggang kuwento.
Ipakita sa mga bata ang modelo ng filmstrip.
Ipaguhit sa bawat kahon ang mga pangyayari sa napakinggang kuwento nang may
wastong pagkakasunod-sunod.

DRAFT
April 10,2014
24
Ikalawang Araw
Layunin
Nasasagot ang mga tanong tungkol sa tekstong binasa
Paksang-Aralin
Pagsagot sa mga Tanong Tungkol sa Binasa
Panlinang na Gawain
1. Tukoy-Alam
Ipakita ang ilang mga larawan tungkol sa laro ng lahi.
Ipatukoy sa mga bata ang ngalan ng bawat laro.
2. Paglalahad
Gumawa ng mini-survey sa klase tungkol sa kung ano ang nilalaro ng bawat bata.
Ipatanong : Ano ang paborito mong laro? Ipatala ang sagot sa tsart na nasa ibaba.
Laro Babae Lalaki Kabuuan
Tumawag ng ilang bata upang iulat ang nakalap na impormasyon.
Isulat sa pisara ang mga inulat na impormasyon ng mga bata.
Ipabasa nang tahimik ang “Tara na, Laro Tayo!” sa Alamin Natin, p.13.
Itanong:
Ano ang pamagat ng talata?
Tungkol saan ito?
Ano-ano ang laro sa computer na alam mo?
Ano ang mga laro ng lahi na tinukoy sa talata? Alam mong laruin ang mga ito?
Ipasalaysay sa mga bata kung paano ito laruin.
Ano ang isinisimbulo ng mga laro ng lahi?
Ano ang magandang naidudulot ng paglalaro sa ating isip at sa ating katawan?
Dapat pa ba nating laruin ang mga laro ng lahi? Bakit?
Balikan ang mini-survey na isinagawa.
Itanong: Alin-alin dito ang laro ng lahi?
Ano-ano pang libangan ang mabuti sa ating isipan at pangangatawan?
Ipagawa ang gawain sa Linangin Natin, p. 14.
Hatiin sa pangkat ang klase.
Isulat ang isang teksto at ilang katanungan para sa bawat pangkat.
Luksong tinik Tumbang
preso
Patintero Sungka

DRAFT
April 10,2014
25
Ibigay ito sa bawat pangkat upang basahin at sagutan.
Pag-uulat ng bawat pangkat. Talakayin ang kanilang mga sagot.
5. Paglalahat
Ano ang natutuhan mo sa aralin? Ipakumpleto ang pangungusap sa Tandaan
Natin, p. 14.
Ikatlong Araw
Layunin
Nagagamit ang pangngalan sa pagsasalaysay tungkol sa mga tao, lugar at bagay
sa paligid
Nahahati nang pabigkas ang isang salita ayon sa pantig
Nababaybay ang mga salitang natutuhan
Paksang-Aralin
Ang Gamit ng Pangngalan
Panlinang na Gawain
1. Tukoy-Alam
Ipakita ang ilang bagay tulad ng bola, sipa, sungka, lubid, at lata.
Itanong: Sa anong laro ito ginagamit?
2. Paglalahad
Sino-sino ang kasama mo tuwing maglalaro?
Saan kayo naglalaro?
Ipabasang muli ang “Tara na, Laro Tayo.”
Kumpletuhin ang tsart sa pamamagitan ng pagsagot sa mga ibinigay na tanong.
Anong laro? Sino ang maglalaro? Kailan lalaruin? Saan nilalaro?
Hayaang ipakita ng bawat pangkat ang natapos na gawain.
Ipabasa sa mga bata ang mga salita sa bawat hanay.
Ano ang tinutukoy ng bawat salita sa unang hanay? Pangalawa? Pangatlo? Pang-
apat?
Tumawag ng ilang bata upang magsalaysay tungkol sa isang laro na nasa talaan.
Pangkatin ang klase. Gumawa ng sarili at bagong laro na ipakikilala sa klase.
Talakayin ang kagamitang gagamitin; kung sino ang maglalaro gayundin

DRAFT
April 10,2014
26
kung saan ito lalaruin; at kung paano ito lalaruin.
Ipagawa ang natapos na laro sa ibang pangkat.
5. Paglalahat
Ipasalaysay sa mga bata ang isang laro na gustong-gusto nila. Pahulaan ito sa mga
kaklase. Ipatukoy din ang pangngalan na ginamit sa pagsasalaysay.
Ikaapat na Araw
Layunin
Nakakagamit ng diksiyunaryo
Paksang-Aralin
Paggamit ng Diksiyunaryo
Panlinang na Gawain
1. Tukoy-Alam
Itanong :
Tuwing magbabasa ka, ano ang ginagawa mo kapag may salitang hindi
nauunawaan?
2. Paglalahad
Magpakita ng manipis o anumang diksiyunaryong magagamit.
Itanong:
Nakagamit na ba kayo ng diksiyunaryo?
Hayaang magbahagi ang mga bata ng kanilang naging karanasan sa paggamit
nito.
Ipasuri ang isang pahina ng diksiyunaryo sa Alamin Natin, p.15.
Ano ang pamatnubay na mga salita sa pahinang ito?
Ano-anong salita ang nakatala sa pahina?
Ano-ano ang iba’t ibang entry sa diksiyunaryo na makikita sa pahina?
Paano inayos ang mga salita sa diksiyunaryo ?
Paano ang tamang pagpapantig sa salitang pruweba ? Pukawin? Proyekto?
Ano ang kahulugan ng salitang pruweba ? Pukawin? Proyekto?
Anong bahagi ng pananalita ang salitang pruweba ? Pukawin? Proyekto?
Ipakita sa mga bata ang tamang paggamit ng diksiyunaryo.
5. Paglalahat
Paano ginagamit ang diksiyunaryo ? Ipakumpleto ang pangungusap sa p. 16.
Pabalikan ang “Tara na,Laro Tayo” sa Alamin Natin, p. 13.
Ipatala sa mga bata ang mga salitang hindi nauunawaan.
Ipahanap at sipiin ang kahulugan ng mga ito gamit ang diksiyunaryo.

DRAFT
April 10,2014
27
Ikalimang Araw
Layunin
Makagawa ng collage na sumasalamin sa maganda o kaaya-ayang libangan ng mga
bata
Magamit ang pangngalan sa pagsasalaysay ng isang kuwentong may kaugnayan
sa natapos na collage
Gagampanan ng bawat pangkat na mag-aaral
1. Ang mga mag-aaral ay hahatiin sa ilang pangkat.
2. Ang bawat pangkat ay gagawa ng isang collage na nagpapakita ng isang kaaya-
ayang libangan. Magpakuha ng iba’t ibang gamit tulad ng papel, mga tuyong
dahon at maliliit na sanga, at plastic.
3. Gamit ang mga nakolektang kagamitan, ipagawa ang napagkasunduang larawan
ng kaaya-ayang libangan. Ipagawa ito sa kalahating bahagi ng isang manila paper.
4. Magpasulat ng isang talata na may apat hanggang limang pangungusap tungkol sa
natapos na collage. Paguhitan ang pangngalan na ginamit.
Kalagayan
Ang mga mag-aaral ay gagawa ng isang collage na nagpapakita ng maganda o
kaaya-ayang libangan ng mga bata gamit ang iba’t ibang bagay na matatagpuan sa
loob o labas ng silid-aralan. Matapos silang makagawa ng collage, gagamitin naman
nila ito upang makagawa ng kuwentong isasalaysay sa klase. Ito ay tatasahin sa
pamamagitan ng nakalakip na pamantayan.
Bunga
Collage at kuwento hinggil dito na ginagamitan ng pangngalan.
Pamantayan Inaasahang
Puntos
Nakuhang
Puntos
Naipakita nang malinaw at maayos ang ideya na
kaugnay ng paksang ibinigay.
5
Orihinal ang ideya na ipinakita. 5
Gumamit ng iba’t ibanbg texture sa paggawa ng
collage.
5
Gumamit ng tamang kombinasyon ng kulay
upang maipahayag nang wasto ang ideya.
5

DRAFT
April 10,2014
28
Aralin 5
Pangarap Ko
Lingguhang Layunin
Naisasakilos ang tula na napakinggan
Pag-unawa sa Binasa
Naibibigay ang tauhan, tagpuan at banghay ng kuwento
Gramatika
Nagagamit ang mga salitang ako, ikaw at siya sa usapan at sitwasyon
Komposisyon
Nakasusulat ng may wastong baybay, bantas, gamit ang malaki at maliit na letra
upang maipahayag ang ideya, damdamin o reaksiyon sa isang paksa o isyu
Paunang Pagtataya
A. Punan ng panghalip na ako, ikaw at siya ang patlang.
Ang Pangarap ni Ivy
Nasa bukuran ang magkaibigan. Pinanonod nila ang mga bituin.
Divine : Hayun, tingnan mo, may falling star.
Ivy : Yehey, nag-wish ako. Eh, _____ Divine ano ang wish mo?
Divine : Wish ko na makarating _____sa buwan. Anong wish mo?
Ivy : Makita kung sino ang nagpapadala ng mga falling stars.
Divine : Weh, tao ba yun?
Ivy : Kung sino man _____ay gusto ko siyang makita.
Divine : Bakit gusto mo siyang makita?
Ivy : Hihingi _____ng maraming bituin, para mas maraming
wishes.
Unang Araw
Layunin
Naisasakilos ang tulang napakinggan
Paksang-Aralin
Pagsasakilos ng Tulang Napakinggan
Panlinang na Gawain
1. Tukoy-Alam
Ipalagay sa graphic organizer ang mga salitang may
kaugnayan sa salitang pangarap.

DRAFT
April 10,2014
29
2. Paglalahad
Tukuyin ang kahulugan ng salitang may salungguhit mula sa mga salitang nasa
loob ng panaklong.
1. Langhapin mo ang bango ng bulaklak.
(titigan, amuyin, hawakan)
2. Ang puno ay hitik sa bunga, lahat ay nais kumuha.
(marami, malaki, kokonti)
3. Ang kaniyang damit ay mamahalin;siguradong ginto ang halaga.
(murang halaga, mataas ang halaga, walang halaga)
4. Masarap maglakad sa baybayin at panoorin ang mga bangkang papalaot.
(tabi ng dagat, malayo sa dagat, ilalim ng dagat)
5. Makakamtan mo ang tagumpay kung ikaw ay magsisikap.
(magagawa,makakamit, malalagpasan)
Ipagamit sa sariling pangungusap ang mga salitang may salungguhit.
Sabihin ang pamagat ng tula.
Magpagupit sa mga bata ng isang ulap. Ipasulat sa loob nito ang sagot sa
tanong na, “Ano ang pangarap mo sa buhay?”
Iparinig ang tula.
Pangarap Ko
ni Elgee Ariniego
Pangarap ko’y magaganda ang mga bulaklak
Langhapin ang bango nito’t halimuyak.
Pangarap kong akyatin bundok na mataas
Sa puno na hitik ay makapamitas.
Pangarap kong sisirin dagat na malalim
Makakita ng mga perlas na mamahalin.
pangarap

DRAFT
April 10,2014
30
Pangarap kong maglakad sa pinong baybayin
Habang ang alon sa paa ko’y dadamhin.
Pangarap kong ito ay pangarap lamang
Sa pagsisikap ko ito’y makakamtan.
Itanong:
Angkop ba ang pamagat sa nilalaman ng tula?
Sino ang sumulat ng tula?
Ano-ano ang pangarap niya?
Paano niya ito makakamit?
Tama ba na mangarap ang isang batang tulad ni Elgee? Bakit?
Paano mo makakamit ang pangarap mo?
Pangkatin ang mga mag-aaral. Bigyan ang bawat pangkat ng sipi ng tula.
Talakayin sa pangkat ang tula at hayaan silang gumawa ng pagsasakilos
tungkol dito.
Ipakita sa lahat ang inihandang pagsasakilos ng tula. Bigyang-halaga ang
ginawa ng bawat pangkat.
5. Paglalahat
Padugtungan ang napakinggang tula sa pamamagitan ng pagsasakilos ng
kanilang pangarap.
Ikalawang Araw
Layunin
Naibibigay ang tauhan, tagpuan, at banghay ng kuwento
Paksang-Aralin
Ang mga Elemento ng Kuwento
Panlinang na Gawain
1. Tukoy-Alam
Linangin ang salitang pangarap.
Ano ang pangarap mo? Ano ang gagawin mo upang maabot ito?
2. Paglalahad
Sino-sino ang kaibigan mo?
Pare-pareho ba kayo ng pangarap? Ano-ano ang kanilang pangarap?
Itanong : Ano ang pangarap ng magkakaibigan?

DRAFT
April 10,2014
31
Ipabasa sa mga bata ang kuwento na “Pulang Watawat” sa Alamin Natin, p.16.
Hatiin ang klase sa pangkat. Ipagawa sa bawat pangkat:
Pangkat I – Iguhit kung saan naglalaro ang mga bata
Pangkat II – Igawa ng name tag ang mga bata na naglalaro
Pangkat III – Isadula ang mga pangyayari sa kuwento
Itanong:
Ano ang pamagat ng kuwento?
Sino-sino ang tauhan sa kuwento?
(Tawagin ang Pangkat I)
Saan naganap ang kuwento?
(Tawagin ang Pangkat II)
Ano-ano ang pangyayari sa kuwento?
(Tawagin ang Pangkat III)
Ano ang pangarap ng magkakaibigan?
Nakuha ba nila ito? Bakit hindi?
Tama ba ang ginawa ng magkakaibigan sa kuwento?
Kung ikaw si Anna, ano ang gagawin mo?
Gagawin mo rin ba ang ginawa ng magkakaibigan?
Ano ang dapat nating gawin upang maabot ang pangarap natin sa buhay?
5. Paglalahat
Ano-ano ang elemento ng kuwento?
Ipagawa ang gawain sa Pagyamanin Natin, p. 18.
Ipabasa sa mga bata ang “Paglalakbay sa Baguio.” Ibigay ang hinihingi sa
organizer na nasa LM.
Ikatlong Araw
Layunin
Nagagamit ang ako, ikaw, at siya sa usapan o sitwasyon
Paksang-Aralin
Gamit ng Ako, Ikaw at Siya
Panlinang na Gawain
1. Tukoy-Alam
Ipabasa sa mga bata ang mga salitang nakasulat sa flashcard.
ako ikaw siya
Ipagamit ang bawat salita sa sariling pangungusap.
Isulat sa pisara ang mga pangungusap na ibibigay ng mga bata.
2. Paglalahad
Ano-ano ang pangarap ng magulang mo para sa iyo?

DRAFT
April 10,2014
32
Ipantomina ito at pahulaan sa kaklase.
Tumawag ng tatlong bata na babasa at gaganap sa bawat tauhan sa usapan.
Habang binabasa ito ng tatlong bata, pasundan naman ang usapan sa Alamin
Natin, p. 17.
Itanong:
Ano ang pinagkuwentuhan ng magkakaibigan?
Ano ang pangarap ng bawat isa?
Sino ang tinutukoy ni Jacko nang sabihin niyang ikaw?
Sino ang tinutukoy ni Bobie nang sabihin niyang siya?
Sino ang nagsabi ng ako?
Kailan ginagamit ang ako? Ikaw? Siya?
Balikan ang mga pangungusap na ibinigay ng mga bata sa umpisa ng klase.
Tama ba ang pagkakagamit ng ako? Ikaw? Siya?
Pabuuin ang klase ng pangkat na may tatlong miyembro.
Pag-usapan ang pangarap ng bawat isa.
5. Paglalahat
Kailan ginagamit ang panghalip na ako? Siya? Ikaw?
Pasagutan ang Tandaan Natin, p. 19.
Ginagamit ang panghalip na ako pamalit sa ngalan ng taong nagsasalita.
Ginagamit ang panghalip na ikaw sa ngalan ng taong kinakausap.
Ginagamit ang panghalip na siya pamalit sa ngalan ng taong pinag-uusapan.
Pasulatin ang mga bata ng isang maikling script na may gamit na ako, ikaw at
siya. Pag-usapan ang pangarap ng bawat isa.
Ikaapat na Araw
Layunin
Nakasusulat nang may wastong baybay, bantas, gamit ang malaki at maliit na letra
upang maipahayag ang ideya, damdamin o reaksiyon sa isang paksa o isyu
Paksang-Aralin
Pagsulat ng Talata
Panlinang na Gawain
1. Tukoy-Alam
Itanong:
Ano-ano ang paraan ng pag-abot sa pangarap?
Gumawa ng mini-survey tungkol dito. Ipahanda ang papel at kuhanin ang sagot sa
tanong ng limang kaklase.
Punan ang tsart.

DRAFT
April 10,2014
33
Mga paraan Bilang ng Lalaki Bilang ng Babae Kabuuan
Pag-usapan ang natapos na tsart.
2. Paglalahad
Itanong :
Ilang beses ka nang nakaliban sa klase?
Ano ang mangyayari kung lagi kang liban sa klase?
Ipabasa ang talatang “Pag-abot sa Pangarap” na nasa Alamin Natin, p.19.
Itanong:
Tungkol saan ito?
Ano-ano ang dahilan ng mga bata sa hindi nila pagpasok sa paaralan?
Kung lahat ng bata ay ganito, sa palagay mo ba maaabot nila ang kanilang
pangarap? Pangatwiranan ang sagot.
Paano mo mahihikayat ang mga kaklase na huwag lumiban sa klase?
Ipabasa muli ang talata.
Paano isinulat ang pamagat? Talata?
Paano sinimulan ang pangungusap? Talata?
Ano-anong bantas ang ginamit sa pangungusap? Talata?
Ano ang ipinapahiwatig nito?
Itanong :
Sang-ayon ka ba sa mga sinabi sa talata? Sumulat ng pangungusap tungkol dito.
Ipabasa sa mga bata sa klase ang isinulat na pangungusap.
Isulat ang mga pangungusap na ibibigay ng mga bata sa anyong talata.
Ipabasa ang natapos na talata at pasulatin ang mga bata ng pamagat para dito.
Hayaang ipakita ng mga bata ang kanilang isinulat na pamagat.
Tama ba ang pagkakasulat ninyo?
5. Paglalahat
Ano-ano ang dapat tandaan sa pagsulat ng isang talata?
Ipabasang muli ang talatang nagawa ng klase.
Gabayan ang mga bata sa pagsusuri ng kanilang isinulat sa pamamagitan ng
sumusunod na tanong: (Isulat ito sa isang malinis na papel)

DRAFT
April 10,2014
34
1. Paano isinulat ang pamagat?
2. Nakapasok ba ang unang pangungusap sa talata?
3. Paano sinimulan ang mga pangungusap?
4. Tama ba ang pagkakasulat ng mga pangngalang pantangi at pambalana?
5. Tama ba ang ginamit na mga bantas?
6. Tama ba ang pagkakabaybay ng mga salita?
Ikalimang Araw
Layunin
Makagawa ng isang sulating pinamagatang “Ang Pangarap Ko” na binubuo ng
sampung pangungusap
Magamit ang tamang bantas at mga panghalip gaya ng ako, ikaw o siya
Ang bawat mag-aaral ay gagawa ng isang sulatin na pinamagatang
“Ang Pangarap Ko” na binubuo ng tatlong pangungusap, at ginamitan ng tamang
bantas at panghalip gaya ng ako, ikaw o siya.
Kalagayan
Ang mga mag-aaral ay gagawa ng isang sulatin na pinamagatang “Ang Pangarap
Ko” na binubuo ng tatlong pangungusap, na ginagamitan ng tamang bantas at
panghalip gaya ng ako, ikaw o siya. Ito ay tatasahin sa pamamagitan ng nakalakip na
pamantayan.
Bunga
Sulating pinamagatang “Ang Pangarap Ko”
Pamantayan sa Pagsulat
PUNTOS PAMANTAYAN
12 Nakabuo ng isang sulatin na may sampung pangungusap na :
a) ginamitan ng angkop na bantas at panghalip gaya ng ako, ikaw o siya,
at b) may pagkakaugnay-ugnay ang lahat ng pangungusap.
9 Nakabuo ng isang sulatin na may walong pangungusap na:
a) ginamitan ng angkop na bantas at panghalip gaya ng ako o siya, at
b) may pagkakaugnay-ugnay ang lahat ng pangungusap.
6 Nakabuo ng isang sulatin na may limang pangungusap na:
a) ginamitan ng angkop na bantas at panghalip gaya ng ako, at
3 Nakabuo ng isang sulatin na may tatlong pangungusap na:
a) ginamitan ng angkop na bantas at panghalip gaya ng ako, at

DRAFT
April 10,2014
35
Aralin 6
Kakayahan Ko
Lingguhang Layunin
Nakasusunod sa panutong may dalawa hanggang tatlong hakbang
Wikang Binibigkas
Nagagamit ang magagalang na pananalita sa pakikipag-usap sa matatanda at
hindi kakilala
Pag-unawa sa Binasa
Nasasagot ang mga tanong tungkol sa tekstong procedural
Gramatika
Nagagamit ang kami, tayo, kayo at sila sa usapan at sitwasyon
Natutukoy ang mga salitang magkatugma
Nababaybay nang wasto ang mga salitang di-kilala batay sa kanilang bigkas
Nabibigyang-kahulugan ang pictograph
Paunang Pagtataya
Pagpangkat-pangkatin ang klase .
Bigyan ang bawat pangkat ng kagamitan para sa paggawa ng banderitas.
Pagawain sila ng banderitas na may limang tatsulok.
Ipasulat sa bawat tatsulok ang isang pares ng mga salitang magkakatugma.
Ipatapos ang gawain sa loob ng 8 minuto.
Ipasabit sa mga bata ang natapos na banderitas at magsagawa ng gallery walk.
Ano-ano ang nabasang salitang magkakatugma?
Unang Araw
Layunin
Nakasusunod sa panutong may dalawa hanggang tatlong hakbang
Paksang-Aralin
Pagsunod sa Panuto na may Dalawa hanggang Tatlong Hakbang
Panlinang na Gawain
1. Tukoy-Alam
Ipagawa sa mga bata.
Isulat ang buo mong pangalan sa isang malinis na papel.
Gumuhit ng isang malaking bilog na may bituin sa loob.
Kulayan ng pula ang bituin.
Pumalakpak ng tatlong beses.
Maupo nang maayos.
Itanong:Nasunod mo ba nang maayos ang mga panuto? Pangatwiranan ang sagot.

DRAFT
April 10,2014
36
2. Paglalahad
Magpatugtog ng isang bilang na maaaring sayawan.
Sabihin sa mga bata na sundan ang mga kilos na ipakikita sa kanila.
Tingnan kung nakasusunod ang lahat.
Itanong:
Nakasunod ka ba? Bakit? Bakit hindi?
Ipagawa sa mga bata.
1. Gumuhit ng isang parihaba. Sa loob nito iguhit ang kakayahan mo.
2. Gumuhit ng isang bilog. Sa loob nito iguhit ang hindi mo kayang gawin.
3. Gumuhit ng dalawang tatsulok. Sa loob nito, isulat ang isang kakayahang nais
mo sana na mayroon ka.
Ipasa ang natapos na gawain sa kaklase sa kaliwa.
Basahing muli ang mga ibinigay na panuto.
Patingnan sa kaklase kung nakasunod nang maayos ang kaniyang kapareha.
Palagyan ng tsek kung nasunod at ekis kung hindi nasunod ang bawat panuto.
Ipabalik sa mga bata ang iniwastong papel ng kaklase.
Ano ang ginawa mo at nasunod mo ang lahat ng panutong ibinigay?
Bakit hindi?
Ano ang kahalagahan ng pagsunod sa mga utos/tuntunin?
Ano ang dapat gawin upang makasunod nang maayos sa mga nakasulat na
panuto/sinabing panuto?
Ano ang puwedeng mangyari kung hindi natin susundin ang mga nabasa o
napakinggang panuto?
Ipagawa .
1.Gumuhit ng tatsulok at isulat sa loob nito ang nais mong maging paglaki.
2. Iguhit sa loob ng isang bilog ang isang taong iyong hinahangaan.
3. Isulat at guhitan ng dalawang beses ang gagawin mo upang maabot ang iyong
pangarap.
5. Paglalahat
Ipalaro : “Ang Utos ng Hari”
Tumawag ng isang bata na tatayong “hari” na siyang magpapakita ng mga kilos
na gagayahin ng iba pang bata. Ang batang hindi makasusunod sa mga
ipinagagawa ng hari ang siyang susunod na maging “it” o taya.
Ikalawang Araw
Layunin
Nasasagot ang mga tanong sa binasang tekstong procedural
Paksang-Aralin
Pagsagot sa mga Tanong

DRAFT
April 10,2014
37
Panlinang na Gawain
1. Tukoy-Alam
Ano ang isang proyekto sa Art na natapos na?
Paano ito isinagawa? Hayaang ibahagi ng mga bata ang mga hakbang na
kanilang sinunod?
2. Paglalahad
Ipakita ang isang tunay na alkansiya.
Itanong:
Ano ang gamit ng bagay na ito?
Paano kaya ito gawain?
Ipabasa ang mga hakbang sa paggawa ng alkansiya sa Alamin Natin, p. 21.
Itanong:
Ano-ano ang kagamitang kailangan sa paggawa ng alkansiya?
Ano ang unang hakbang na ginawa? Pangalawa? Panghuli?
Ano kaya ang nangyari kung hindi mo sinunod ang mga nakasulat na hakbang?
Ipagawa ang Linangin Natin, p.21.
5. Paglalahat
Ipaskil sa pisara ang paraan ng paggawa ng pinwheel. Maghanda rin ng
katanungan tungkol dito. Pasagutan ang mga ito sa mga bata.
Ikatlong Araw
Layunin
Nagagamit nang wasto ang kami, tayo at sila sa usapan at sitwasyon
Nagagamit nang wasto ang magagalang na pananalita sa pakikipag-usap sa
nakatatanda at mga hindi kilala
Paksang-Aralin
Paggamit ng Kami, Tayo at Sila
Panlinang na Gawain
1. Tukoy-Alam
Tumawag ng ilang bata upang magkuwento tungkol sa mga ginagawa nilang
magkakaibigan upang makatulong sa mga nangangailangan?
Ano-ano ang panghalip na ginamit sa pagkukuwento?
Ano ang pinalitan ng mga ito?
2. Paglalahad
Pag-usapan ang mga nakitang pagtutulungan ng mga Pilipino nang maranasan ng
bansa ang hagupit ng bagyong Yolanda.
Paano mo ipinakita ang pagtulong sa mga nasalanta ng bagyo o ng iba pang
kalamidad na nangyari sa bansa?

DRAFT
April 10,2014
38
Ipabasa ang usapang “Maliit Man ay Malaki Rin” sa Alamin Natin, p. 22.
Itanong:
Ano ang pamagat ng usapan?
Tungkol saan ang usapan?
Sino ang nag-uusap?
Ano ang ginawa ng bawat isa?
Tama ba ang ginawa ng magkakaibigan?
Dapat ba silang tularan?
Ipabasa sa mga bata ang mga pangungusap na may mga salungguhit na salita.
Sino ang tinutukoy ng kami? Tayo? Sila?
Pasagutan ang Linangin Natin, p.23.
Sa tulong ng larawan, piliin ang angkop na pamalit sa ngalan ng tao sa
bawat pangungusap.
5. Paglalahat
Kailan ginagamit ang sila? Kami? Tayo? Ipatapos ang pangungusap sa p. 24.
Ang kami at tayo ay ginagamit sa unang panauhan upang tukuyin ang taong
nagsasalita sa pangungusap.
Ang kayo ay ginagamit sa ikalawang panauhan upang tukuyin ang taong
kinakausap.
Samantalang,ang sila ay ginagamit sa ikatlong panauhan upang tukuyin ang taong
pinag-uusapan.
Pagawain ng isang usapan gamit ang kami, tayo at sila upang ipakita ang mga
kaya nilang gawin sa pagtulong sa kapwa.
Ikaapat na Araw
Layunin
Nabibigyang- kahulugan ang pictograph
Paksang-Aralin
Pagbibigay Kahulugan sa Pictograph
Panlinang na Gawain
1. Tukoy-Alam
Ano-ano ang ginagawa mo upang makatulong sa mga taong kailangan tulungan
mo?
2. Paglalahad
Paano tayo makatutulong sa mga biktima ng kalamidad?
Isulat ang sagot ng mga bata.

DRAFT
April 10,2014
39
Itanong: Ilan ang handang tumulong sa pamamagitan ng (Banggitin ang bawat
sagot ng bata sa unang tanong.) Itala ang bilang ng babae at lalaki na tutulong sa
paraang binanggit sa pamamagitan ng pictograph.
Gamitin ang tsart sa pagpapakita ng sagot ng mga bata.
Gawain sa
Pagtulong
Bilang ng mga Bata
Bago magsimula ang klase maghanda ng cut-outs ng batang babae at lalaki. Idikit
ang mga cut-out ng babae at lalaki sa tapat ng bawat paraan ng pagtulong na
binanggit nila.
Itanong:
Tungkol saan ang graph?
Ano-ano ang paraan ng pagtulong?
Aling paraan ang may pinakamaraming gumawa? Pinakakaunti?
Ano ang kabutihang dulot ng pagtutulungan?
Ano ang gagawin mo kung hindi mo kayang pumunta sa isang relief center para
tumulong sa pag-iimpake para sa mga biktima ng kalamidad?
Paano mo maipakikita ang pagtulong sa mga taong nangangailangan sa iyong
paligid?
Hatiin ang klase at ipagawa ang Linangin Natin, p.24.
5. Paglalahat
Ikalimang Araw
Layunin
1. Makagawa ng isang isang liham pangkaibigan na kinapapalooban ng mga
pamamaraang (procedure) dapat sundin sa paggawa ng “Egg Sandwich”
2. Magamit ang tamang bantas at mga panghalip gaya ng kami o tayo o sila sa
pagbubuo ng pangungusap
1. Ang bawat mag-aaral ay susulat ng isang liham na pangkaibigan na
pumapaksa sa sumusunod na pamamaraan o procedure sa paggawa ng egg
sandwich.
1. Balatan ang isang nilagang itlog.

DRAFT
April 10,2014
40
2. Sa isang mangkok, durugin ang itlog gamit ang tinidor.
3. Lagyan ng limang kutsarang mayonnaise.
4. Lagyan ng sapat na dami ng asin upang magkalasa.
5. Haluin nang mabuti.
6. Kumuha ng isang tinapay at ilagay ang natapos na palaman.
2. Gagamitin ang tamang bantas at iba-ibang uri ng panghalip sa pagbuo ng
pangungusap.
3. Isasagawa ito sa loob ng 45 minuto.
Kalagayan
Ang mga mag-aaral ay gagawa ng isang liham na pangkaibigan na kinapapalooban
ng ng mga pamamaraang (procedure) dapat sundin sa paggawa ng “egg sandwich”
na ginagamitan ng tamang bantas at panghalip gaya ng kami, tayo o sila. Ito ay
tatasahin sa pamamagitan ng nakalakip na pamantayan.
Bunga
Liham Pangkaibigan
Pamantayan sa Pagsulat
PUNTOS PAMANTAYAN
12 Nakabuo ng isang liham na pangkaibigan na:
a) kinapapalooban ng lahat ng pamamaraang dapat sundin sa paggawa
ng egg sandwich; b) ginamitan ng angkop na bantas at panghalip gaya ng
kami o tayo o sila; at c) may pagkakaugnay-ugnay ang lahat ng
pangungusap.
9 Nakabuo ng isang liham na pangkaibigan na: a) kinapapalooban ng pitong
pamamaraang dapat sundin sa paggawa ng egg sandwich; b) ginamitan ng
angkop na bantas; at c) at maliban sa isa may pagkakaugnay-ugnay ang
lahat ng pangungusap.
pamamaraang dapat sundin sa paggawa ng egg sandwich; at b) ginamitan
ng angkop na bantas.
pamamaraang dapat sundin sa paggawa ng egg sandwich
Aralin 7
Paniniwala Ko
Lingguhang Layunin
Pag-unawa sa Pakikinig
Naisasalaysay muli ang napakinggang teksto sa tulong ng larawan
Natutukoy ang kahulugan ng mga salita sa pamamagitan ng mga kasalungat na
mga salita

DRAFT
April 10,2014
41
Nakapagpapalit at nakapagdaragdag ng mga tunog upang makabuo ng bagong salita
Pag-unawa sa Binasa
Naisasalaysay muli ang binasang teksto nang may tamang pagkakasunod-sunod
sa pamamagitan ng pangungusap
Gramatika
Nagagamit ang kami, tayo, kayo, at sila sa usapan at sitwasyon
Nagagamit ang malaki at maliit na letra at mga bantas sa pagsulat ng mga salita,
parirala at pangungusap na natutuhan sa aralin
Nakagagamit ng diksiyunaryo
Paunang Pagtataya
A. Bilugan ang magkasalungat na salita sa bawat pangungusap.
1. Ang pagdiriwang ng kapistahan ay tradisyon ng mga Pilipino. Sa loob at labas
man ng bansa ito ay ipinagdiriwang.
2. Mula pagsikat hanggang sa paglubog ng araw, ang mag-anak ay abala sa
paghahanda ng mga pagkain para sa darating na mga bisita.
3. Si Rona ay masiglang bata samantalang si Jona naman ay matamlay.
4. Ang masipag na si Emma ay pinarangalan ng klase habang nakatingin nang may
panghihinayang ang tamad na si Mario.
5. Madali lang ang pagsusulit para kay Luisa dahil pinag-aralan niya ang mahirap
na aralin kagabi.
Unang Araw
Layunin
Naisasalaysay muli ang napakinggang teksto sa tulong ng larawan
Natutukoy ang kahulugan ng mga salita sa pamamagitan ng mga kasalungat na
mga salita
Paksang-Aralin
Pagsasalaysay Muli
Panlinang na Gawain
1. Tukoy-Alam
Ipatala sa mga bata ang naaalala nila kapag naririnig ang salitang tradisyon.
Pag-usapan sa klase ang itinala ng mga bata.
2. Paglalahad
Pangkatin ang klase. Bigyan ng puzzle ang bawat pangkat.

DRAFT
April 10,2014
42
Basahin nang malakas.
Pagdiriwang ng Pista
Tradisyon na ng mga Pilipino ang pagdiriwang ng kapistahan taon-taon.
Ang lahat ay nananabik sa pagdating ng araw ito. Panahon ito ng pagkikita-kita
ng mga magkakamag-anak, magkakaibigan, magkakakilala at magkakapamilya.
Halos lahat ay nagiging abala sa pag-aayos ng sari-sariling bahay. Ang
iba naman ay nagbibigay ng oras sa pagkakabit ng banderitas. Bawat pamilya,
mahirap man o mayaman ay may mga handang pagkain upang may maihain sa
panauhing darating.
Simple man o magarbong paghahanda tuwing kapistahan, ang diwa ng
pasasalamat sa Poong Maykapal sa mga biyaya sa nagdaang taon ay hindi
mawawala sa puso ng bawat Pilipino.
Itanong:
Ano ang pagdiriwang na binanggit sa teksto?
Paano naghanda ang mga tao bago pa man sumapit ang araw ng pista?
Sa mismong araw ng pista? Pagkatapos ng pista?
Ganito rin ba ang ginagawa ninyong paghahanda?
Paano ipinapakita ang pagkakaisa sa pagdiriwang ng kapistahan?
Bakit nagdiriwang ng kapistahan?
Ano-ano ang paniniwala kung may pagdiriwang ng pista?
Magpakita ng mga larawan tungkol sa binasang talata.
Sabihin: Pagsunud-sunurin ang mga ito ayon sa napakinggan.
Larawan ng fiesta na ginawang
puzzle

DRAFT
April 10,2014
43
payapa
Ipasalaysay muli ang napakinggan sa pamamagitan ng larawan.
Ipabasa at ipasuri sa mga bata ang sumusunod na pangungusap.
1. Simple man o magarbong paghahanda tuwing kapistahan, ang diwa ng
pasasalamat sa Poong Maykapal sa mga biyaya sa nagdaang taon ay hindi
mawawala sa puso ng bawat Pilipino.
2. Bawat pamilya, mahirap man o mayaman ay may mga handang pagkain
upang may maihain sa panauhing darating.
Ano ang ibig sabihin ng magarbo? Mahirap?
Ipagamit ang mga salitang ito sa sariling pangungusap upang matiyak na
naunawaan ng mga bata ang kahulugan nito.
Ipabasa muli sa mga bata ang pangungusap. Tukuyin ang kasalungat na
salita ng magarbo/mahirap.
Ipakita ang graphic organizer.
Ano ang salitang kasalungat ng salitang nasa loob ng bilog? (Isulat sa organizer
ang sagot ng mga bata.)
* Ipalit ang bawat salitang nakalista na nasa loob ng bilog. Ano ang kasalungat na
salita ng bawat isa? Maaari rin namang gumamit ng ibang salita na natutuhan sa
nakaraang aralin.
mabango mabigat
madilim mataas
Ipagamit ang mga salita sa pangungusap upang maipakita ang pagiging
magkasalungat ng mga salita na binigyang-kahulugan.
Hayaang magkuwento ang isang bata sa pangkat.
Ipaguhit ang mga pangyayari sa napakinggang kuwento.
Tumawag ng ibang bata upang isalaysay ang kuwento sa pamamagitan ng mga
iginuhit ng pangkat.
5. Paglalahat
Sa anong paraan pa maisalaysay muli ang isang kuwentong napakinggan?
Kailan nagiging magkasalungat ang mga salita?
Bumasa sa mga bata ng isang kuwentong hindi pa nagagamit sa klase.
Ipaguhit sa mga mag-aaral ang bahagi na nagustuhan nila.
Matapos ang ilang minuto, hayaang ipakita ng ilang bata ang kanilang natapos na
gawain at ipakuwento ang pangyayari sa iginuhit na bahagi ng napakinggang
kuwento.

DRAFT
April 10,2014
44
Ikalawang Araw
Layunin
Napapalitan at nadadagdagan ang mga tunog upang makabuo ng bagong salita
Naisasalaysay muli ang binasang teksto nang may tamang pagkakasunod-sunod
sa pamamagitan ng pangungusap
Paksang-Aralin
Pagsasalaysay Muli ng Binasang Teksto
Panlinang na Gawain
1. Tukoy-Alam
Itanong: Ano ang suliraning naranasan na ng inyong pamilya?
Ano ang ginawa ninyo nang ito ay maranasan?
Hayaang magbahagi ang mag-aaral ng karanasan tungkol dito.
2. Paglalahad
Gabayan ang mga bata sa pagbuo ng mga tanong na nais nilang masagot habang
binabasa ang kuwento.
Ipabasa ang kuwentong “Huwag Mawalan ng Pag-asa” sa Alamin Natin, p.25.
Itanong sa mga bata kung mayroon silang salita/mga salita na hindi naunawaan sa
kuwentong binasa. Itala ang sagot ng mga bata.
Linangin ang bawat salita.
Pabalikan ang mga tanong na ginawa bago bumasa. Pasagutan ito sa mga bata.
Ihanda ang sumusunod na tanong sa mga istrip ng cartolina.Ilagay ang mga ito sa
malaking kahon o basket. Magpatugtog ng musika habang umiikot ang basket ng
mga tanong. Pagtigil ng musika, ang batang may hawak ng basket ang siyang
bubunot ng tanong at sasagot nito.
Itanong :
Ano ang nangyari kay Mang Lando?
Bakit siya dinala sa ospital?
Ano ang naramdaman ng asawa at mga anak ni Mang Lando sa pangyayaring
naganap?
Ano ang unang pangyayari sa kuwento? Gitnang pangyayari? Huling
pangyayari?
Isulat sa pisara ang mga pangungusap na ibibigay ng mga bata.
Ipabasa ang mga ito.
Iayos nang may wastong pagkakasunod-sunod ang mga pangungusap.
Hayaang isalaysay muli ng mga bata ang binasang kuwento sa pamamagitan
ng pangungusap.
Paano ipinakita ng pamilya ang labis nilang pananalig sa Panginoon?
Anong katangian mayroon ang pamilya?
Dapat ba natin silang tularan? Bakit?
Ipabasa ang mga salitang mula sa binasang kuwento.
- sapa - dama

DRAFT
April 10,2014
45
Sabihin: Hanapin ang pangungusap kung saan ginamit ang mga salita.
Ano ang ibig sabihin ng salitang sapa? Dama?
Ipagamit ang mga ito sa sariling pangungusap.
Kung papalitan natin ang mga unang tunog ng bawat salita, ano ang bagong
salitang mabubuo?
Gamitin ang tsart sa pagtatala ng mga sagot.
Bagong Salita
sapa mapa, tapa, kapa
dama
Ngayon naman, padagdagan ng tunog o pantig ang mga salita.
5. Paglalahat
Ano ang natutuhan sa aralin? Ipakumpleto ang Tandaan Natin p. 26.
Matapos ang inilaang oras, ipabasa sa mga bata salitang itinala at mga nabuong
salita sa tulong ng kaklase.
Ikatlong Araw
Layunin
Nagagamit ang kami, tayo, kayo at sila sa usapan at sitwasyon
Nagagamit ang malaki at maliit na letra at mga bantas sa pagsulat ng mga salita,
parirala at pangungusap na natutuhan sa aralin
Paksang-Aralin
Gamit ng Kami, Tayo, Kayo, at Sila
Panlinang na Gawain
1. Tukoy-Alam
Basahin ang mga sitwasyon. Sagutin ang tanong.
1. Sina Mira at Maya ay may mabubuting kalooban. Sina Mira at Maya ay laging
tumutulong sa mga nangangailangan. Sina Mira at Maya ay laging bukas-
palad sa mga lumalapit sa kanila.
Anong salita ang maaaring ipalit sa pangalan nina Mira at Maya?
2. Ako, sina Paolo at Mark ay nakapulot ng pitaka na may lamang pera. Hinanap
ko, nina Paolo at Mark ang nagmamay-ari ng pitaka upang isauli ito.
Anong salita ang maaaring ipalit sa pangalan ko at nina Paolo at Mark?
2. Paglalahad
Sabihin sa mga bata na pag-uusapan sa pangkat ang kani-kanilang
pinaniniwalaan.
Papaghandain ang bawat pangkat upang iparinig ang usapang ginawa. Ipagamit
ang kami, tayo, sila at kayo.

DRAFT
April 10,2014
46
Bigyang-halaga ang ginawa ng bawat pangkat.
Itanong :
Kailan ginagamit ang kayo? Sila? Kami? Tayo?
Ipasuri sa mga bata ang mga pangungusap sa Alamin Natin, p.27.
Ano ang salitang ipinanghalili sa ngalan nina Marco, Gab at ako? Peter, Gary,
ikaw at ako? Mang Carding, Aling Perla at ikaw? Carlos, Jenny at Edward?
Magsagawa ng isang mini-interview sa loob ng klase.
Bawat bata ay magtatanong sa dalawa hanggang apat na kaklase ng kanilang
paniniwala tungkol sa multo, duwende, engkanto.
Matapos ang inilaang oras, ipagawa ang Linangin Natin, p. 27.
Pasulatin ang mga bata ng mga pangungusap tungkol sa nakalap na impormasyon.
Ipaalala sa mga bata na gamitin sa pangungusap ang sila, kayo, tayo at kami.
5. Paglalahat
Kailan ginagamit ang sila? Kami? Tayo? Kayo? Ipakumpleto ang pangungusap sa
Tandaan Natin, p. 27.
Bigyang-halaga ang gagawing pagtatanghal ng bawat pangkat.
Ikaapat na Araw
Layunin
Nagagamit nang wasto ang diksiyunaryo
Paksang-Aralin
Wastong Paggamit ng Diksiyunaryo
Panlinang na Gawain
1. Tukoy-Alam
Paano gamitin ang diskyunaryo?
2. Paglalahad
Ipabasang muli ang “Huwag Mawalan ng Pag-asa” sa Alamin Natin, p. 24.
Ipatala sa mga bata ang mga salitang hindi nila nauunawaan mula sa binasang
teksto.
Ipasipi mula sa diksiyunaryo ang isang kahulugan nito.
Ipagamit sa mga bata ang format na ito.
Salitang Hindi Ko Maunawaan Kahulugan Mula sa Diksiyunaryo
Ano-ano ang salitang hindi nauunawaan mula sa binasa?
Itala sa pisara ang sagot ng mga bata.
Ipabasa ang mga ito.
Ano ang kahulugan ng bawat isa?

DRAFT
April 10,2014
47
Ipagamit ang mga salita sa sariling pangungusap.
5. Paglalahat
Paano gamitin ang diksiyunaryo?
Ipatala sa mga bata ang tatlong salitang natutuhan mula sa mga nagdaaang aralin.
Ipasulat ang kahulugan ng bawat isa buhat sa diksiyunaryo.
Ikalimang Araw
Layunin
Makagawa ng talaan ng talahuluganan ng mga salitang pinamagatang “ Ang Aking
Diksiyunaryo”
Magamit ang kuwentong “Huwag Mawalan ng Pag-asa” sa pagsusulat ng tatlong
salitang natutuhan sa talahuluganan ng mga salita
Magamit ang dictionary entry bilang gabay sa paggawa ng talahuganan ng mga
salita
Makasulat ng tatlong salitang hindi nauunawaan sa kuwentong “Huwag Mawalan
ng Pag-asa” at makagawa ng “Aking Diksiyunaryo.”
Kalagayan
Ang mga mag-aaral ay magsasagawa ng talaan ng talahuluganan ng mga salitang
pinamagatang “Ang Aking Disyunaryo”. Gagamitin bilang sanggunian ang
kuwentong “Huwag Mawalan ng Pag-asa” upang makabuo ng talahuluganan na may
tatlong salitang bibigyan ng kahulugan. Ito ay tatasahin sa pamamagitan ng
nakalakip na pamantayan.
Bunga
Ang Aking Diksiyunaryo
PUNTOS PAMANTAYAN
12 Naisulat nang paalpabeto ang tatlong salita mula sa kuwentong “Huwag
Mawalan ng Pag-asa” sa “Ang Aking Diksiyunaryo.” Nabigyan ang
bawat isa nang wastong kahulugan. Nagamit ang dictionary entry bilang
gabay sa paggawa ng talahuluganan ng mga salita.
dalawang salita ng wastong kahulugan. Nagamit ang dictionary entry
bilang gabay sa paggawa ng talahuluganan ng mga salita.

DRAFT
April 10,2014
48
isang salita nang wastong kahulugan. Nagamit ang dictionary entry
bilang gabay sa paggawa ng talahuluganan ng mga salita..
Mawalan ng Pag-asa” sa “Ang Aking Diksiyunaryo.”
Aralin 8
Karapatan Ko
Lingguhang Layunin
Naibibigay ang mensahe ng napakinggang kuwento
Pag-unawa sa Binasa
Nakapagbibigay ng wakas sa binasang kuwento
Wikang Binibigkas
Nagagamit ang magagalang na pananalita sa panghihiram ng gamit
Gramatika
Nagagamit ang panghalip na pamatlig na ito, iyan, at iyon
Komposisyon
Nasisipi nang maayos at wasto ang mga salita mula sa tekstong binasa
Nababaybay nang wasto ang mga salitang may tatlo o apat na pantig
Nagagamit ang iba’t ibang bahagi ng aklat sa pagkalap ng impormasyon
Paunang Pagtataya
Pangkatin ang klase at ipagawa ang isinasaad sa matatanggap na activity sheet.
Bigyan ang bawat pangkat ng activity sheet na nakasulat ang isa sa sumusunod.
Gawain 1 Naubos na ang berdeng krayola at nais ng buong
pangkat manghiram sa kabilang pangkat. Ipakita ang gagawin sa
pamamagitan ng isang dula-dulaan.
Gawain 2 Ano ang sasabihin mo kung manghihiram ka ng isang aklat sa
silid-aklatan? Isulat ang mga sasabihin.
Pagpapalahad ng sagot ng bawat pangkat.
Ano ang mga ginamit na salita upang ituro ang tinutukoy na mga bagay?
Unang Araw
Layunin
Nasasagot ang mga tanong sa kuwento
Naiguguhit ang mensahe ng napakinggang kuwento
Paksang-Aralin
Pag-unawa sa Napakinggang Kuwento

DRAFT
April 10,2014
49
Panlinang na Gawain
1. Tukoy-Alam
Ano-ano ang alam mong karapatan mo?
2. Paglalahad
Itanong:
Ano-ano ang mga salitang maiuugnay ninyo sa salitang mapalad?
Sabihin ang pamagat ng kuwentong babasahin sa mga bata.
Ano kaya ang nangyari kay Marina? Isulat ang sagot ng mga bata.
Basahin ang kuwento.
Marinang Mapalad
Si Marina ay isang batang ulila. Bata pa siya ay namatay na ang kaniyang
mga magulang sa isang aksidente. Kaya nga’t siya ay kinupkop ng kaniyang
tiyahin na walang anak. Itinuring siya ay parang tunay na anak. Pinag-aral siya.
Ibinili ng lahat ng kaniyang pangangailangan. At higit sa lahat binigyan ng isang
pamilya na kaniyang matatawag. Tunay na mapalad si Marina.
Itanong
Sino ang inilalarawan sa kuwento?
Ano ang nangyari sa kaniya?
Bakit siya mapalad?
Ano-anong karapatan ang naibigay sa kaniya?
Ano-ano ang karapatang naibibigay sa iyo ngayon?
Paano mo pahahalagahan ang mga karapatang ito?
Ipakuha sa mga bata ng kagamitan para sa paggawa ng poster.
Ipaguhit ang mga dahilan ng pagiging mapalad ni Marina.
5. Paglalahat
Magpagawa sa mga bata ng isang maikling liham ng pasasalamat sa magulang sa
pagbibigay-buhay at pagpapaaral sa kanila.
Ikalawang Araw
Layunin
Nasasagot ang tanong tungkol sa binasang kuwento
Nakapagbibigay-wakas sa binasang kuwento
Paksang-Aralin
Pagbibigay ng Wakas sa Binasang Kuwento
Panlinang na Gawain
1. Tukoy-Alam
Hayaang magbahagi ang mga bata ng isang karanasan ng kanilang pamamasyal
kasama ang pamilya.

DRAFT
April 10,2014
50
2. Paglalahad
Anong lugar sa Pilipinas ang nais mong mapuntahan?
Bakit gusto mong makarating dito?
Itanong: Ano kaya ang mangyayari pagkatapos ng limang tulog?
Ipabasa ang kuwentong “Limang Tulog” sa Alamin Natin, p.28.
Pangkatin ang mga bata. Bigyan ng sapat na oras ang bawat pangkat upang
tapusin ang gawaing iaatas sa kanila.
Gawain 1 Isadula kung bakit excited si Flor.
Gawain 2 Iguhit ang mga naisip ni Flor.
Gawain 3 Isulat ang mga pangyayari sa kuwento.
Pagtatanghal ng bawat pangkat.
Balikan ang kasagutan sa pag-uumpisa ng klase.
Tama ba ang naging hula ninyo?
Bakit excited si Flor?
Ano ang nangyari sa kaniya?
Sa palagay mo, nakasama kaya siya? Bakit mo nasabi?
Ano ang gagawin mo kung hindi ka makakasama dahil may sakit ka?
Ano ang gusto mong maging wakas ng napakinggang kuwento?
Ano-anong karapatan ang tinamasa ni Flor sa kuwento?
Natatamasa mo rin ang mga ito?
Pagpangkat-pangkatin ang klase. Bigyan ng sitwasyon ang bawat pangkat.
Atasan silang isadula ang sa palagay nila ay naging wakas ng napiling kuwento .
5. Paglalahat
Tumawag ng ilang bata at pabasa ang natapos na gawain.
Kunin ang papel na pinagsulatan ng mga bata ng kanilang sagot. Bigyan ng puna
kung paano isinulat ang talata. Matapos bigyan ng puna, ibalik ito sa mga bata
upang muling maisulat ang talata.
Ikatlong Araw
Layunin
Nagagamit ang mga magagalang na pananalita sa panghihiram ng gamit
Nagagamit ang ito, iyan / iyon sa pangungusap
Paksang-Aralin
Gamit ng Ito, Iyan, at Iyon

DRAFT
April 10,2014
51
Panlinang na Gawain
1. Tukoy-Alam
Itanong:
May ipinadadala ang iyong guro pero nakalimutan mo, ano ang gagawin mo?
2. Paglalahad
Ano ang nangyari kay Flor sa “Limang Tulog”?
Ipabasang muli ang kuwento sa Alamin Natin, p. 29.
Itanong:Ano kaya ang gagawin niya kung sa pasukan ay kulang ang kaniyang
gamit sa paaralan pero may pinaglumaan naman ang kaniyang ate o kuya?
Ano kaya ang sasabihin niya?
Isulat ang sasabihin ng mga bata.
Ipabasa ang mga pangungusap na ibinigay ng mga bata.
Itanong:
Alin sa mga pangungusap ang tamang pagsasabi na nais mong manghiram ng
gamit?
Ipabasa ang usapan sa Alamin Natin, p. 30.
Bigyan ng pansin ang mga salita na nakasalungguhit sa usapan.
Itanong:
Ano-anong gamit ang hiniram ni Flor?
Ano-anong salita ang ginamit niya sa panghihiram?
Ano ang sasabihin mo kapag pinahiram ka?
Anong salita ang ginamit sa pagtuturo ng mga gamit sa usapan?
Ano ang tinukoy ng ito? Iyon? Iyan?
Kailan ginamit ang ito? Iyon? Iyan?
Nasaan ang bagay na itinuro nang gamitin ang ito? Iyon? Iyan?
Ano ang karapatan ni Flor ang naipakita sa kuwentong binasa?
Paano mo maipakikita ang pagpapahalaga sa karapatan sa pag-aaral?
Ipagawa ang pagsasanay sa Linangin Natin, p. 31.
Pagawain ang bawat paresng bata ng isang usapan na gamit ang ito, iyan at iyon.
Pagtatanghal ng bawat pares ng bata.
Tama ba ang paggamit ng ito? Iyon? Iyan?
5. Paglalahat
Kailan ginagamit ang ito? Iyon? Iyan?
Humanap ng isang bagay na nakikita sa paligid.
Ituro ito gamit ang wastong pamatlig na ito, iyan at iyon.

DRAFT
April 10,2014
52
Ikaapat na Araw
Layunin
Nasisipi ang mga salita mula sa tekstong binasa
Nababaybay at nasusulat nang wasto at maayos ang mga salita na may tatlo o
apat na pantig
Nagagamit ang iba’t ibang bahagi ng aklat sa pagkalap ng impormasyon
Paksang-Aralin
Paggamit ng Iba’t Ibang Bahagi ng Aklat
Paglinang na Gawain
1. Tukoy-Alam
Ipalaro : Pinoy Henyo
Pahulaan ang bahagi ng aklat na nakasulat sa papel.
2. Paglalahad
Ipaturo sa mga bata ang iba’t ibang bahagi ng aklat.
Pag-usapan ang kahalagahan ng bawat bahagi.
Ipagawa sa mga bata ang panuto na mababasa sa Alamin Natin, p. 31.
Pagtalakay sa mga sagot ng mga bata.
Gabayan ang mga bata kung may maling kasagutan.
Saan makikita ang pahina ng isang tekstong nais basahin?
Saan makikita ang “Talaan ng Nilalaman?”
Kung wala ang “Talaan ng Nilalaman,” ano pang bahagi ng aklat ang maaaring
pagkunan ng pahina ng isang tekstong kailangan?
Paano mo pangangalagaan ang mga aklat?
Anong karapatan ang natatamasa mo kung nagkakaroon ka ng pagkakataon na
makabasa ng aklat upang malibang? Upang makakuha ng impormasyon na
kailangan mo sa pag-aaral?
Ipabasa ang mga salitang inilista mula sa binasang akda. Ipasulat ito sa mga bata
sa pisara.
Ilang pantig mayroon ang bawat salita?
Linangin ang bawat salita at ipagamit sa sariling pangungusap.
Ipagawa ang mga panuto sa Linangin Natin, p. 32.
5. Paglalahat
Ano ang natutuhan mo sa aralin? Ipakumpleto ang pangungusap sa Tandaan
Natin, p. 32.

DRAFT
April 10,2014
53
Ikalimang Araw
Layunin
Makagawa ng album tungkol sa karapatan ng mga bata
Magamit ang panghalip na ito, iyan o iyon
Ang bawat mag-aaral ay inaasahang makagawa ng album ng larawang
nagpapakita ng karapatan ng mga bata, at makasulat ng isang pangungusap tungkol
sa larawang ginupit at idinikit sa album.
Kalagayan
Ang mga mag-aaral ay gagawa ng album na may tatlong larawan na
nagpapakita ng karapatan ng mga bata. Inaasahan din na makasusulat sila ng isang
pangungusap tungkol sa bawat larawang idinikit sa album.
Bunga
Album ng mga Karapatan ng mga Bata
PUNTOS PAMANTAYAN
12 Ang album ay malinis, maayos, makulay at naipakita ang mga larawan
sa malikhain at orihinal na pamamaraan. Naidikit ang tatlong larawan sa
isang malikhaing paraan at nalagyan ng angkop na pangungusap gamit
ang panghalip na ito , iyon o iyan.
9 Ang album ay malinis, maayos, at makulay. Naidikit ang mga larawan
nang maayos at nalagyan ng angkop na pangungusap gamit ang
panghalip na ito , iyon o iyan.
6 Ang album ay maayos at makulay. Nakapaglagay ng tatlong larawan at
nakasulat nang angkop na pangungusap gamit ang panghalip na ito o
iyon o iyan.
3 Ang album ay maayos at makulay. Nakapaglagay ng dalawang
larawan.
Aralin 9
Tungkulin Ko
Lingguhang Layunin
Nasasagot ang mga tanong tungkol sa napakinggang teksto
Wikang Binibigkas
Naiuulat nang pasalita ang mga naobserbahang pangyayari sa pamayanan
Gramatika
Nagagamit ang panghalip na ito, iyan, at iyon

DRAFT
April 10,2014
54
Nakagagamit ng pahiwatig sa pag-alam ng kahulugan ng mga salita (tulad ng
paggamit ng mga salitang magkasalungat)
Pag-unawa sa Binasa
Nagbabago ang dating kaalaman batay sa mga natuklasang kaalaman sa binasang
teksto
Nagagamit ang malaki at maliit na letra at mga bantas sa pagsulat ng mga
parirala at pangungusap
Paunang Pagtataya
Basahin sa mga bata.
Galing sa tindahan si Terry. May nakasalubong siyang isang marungis na bata na
kasa-kasama ang kaniyang maliit na kapatid. Ilang araw na raw silang hindi kumakain.
Ipasulat sa mga bata ang sagot sa kanilang sagutang papel.
1. Sino ang nanggaling sa tindahan?
2. Ano ang nangyari sa magkapatid?
3. Ano kaya ang ginawa ni Terry?
Basahing muli ang sitwasyon at mga tanong.
Talakayin ang sagot sa bawat tanong.
Tama ba ang pagkakasulat mo sa ngalan ng tao? Sa pangungusap?
Unang Araw
Layunin
Nasasagot ang mga tanong tungkol sa napakinggang teksto
Naiuulat ang mga nasaksihang pangyayari sa pamayanan
Paksang-Aralin
Pag-unawa sa Napakinggang Teksto
Panlinang na Gawain
1. Tukoy-Alam
Maghanda ng mga larawan ng mga gawain sa bahay, paaralan, at pamayanan.
Ipakita ito sa mga bata.
Pag-usapan ang bawat larawan.
2. Paglalahad
Ipatala sa mga bata ang ginagawa nila sa bahay, paaralan, at sa pamayanan.
Ipagamit ang talaan na ito.
Ang mga ginagawa ko sa…
tahanan
paaralan
pamayanan
Ipabasa sa mga bata ang kanilang itinala.
Itanong: Bakit mo ginagawa ang mga ito?

DRAFT
April 10,2014
55
Basahin nang malakas sa mga bata.
May mga tungkuling na dapat gampanan sa paaralan, tahanan, at
pamayanan.
Ang sumusunod ay tungkulin sa tahanan: sumunod sa utos ng mga
magulang, iayos at iligpit ang mga laruan pagkatapos maglaro; magpaalam sa
magulang kung aalis; tumulong sa mga gawaing-bahay; at igalang ang mga
magulang at kasama sa bahay. Tungkulin ng mga bata sa paaralan na: sumunod at
makinig sa guro, gumawa ng takdang-aralin, sumunod sa mga batas at alituntunin
sa paaralan katulad ng pagsusuot ng uniporme, paggalang sa watawat at pagpasok
sa tamang oras. May mga tungkulin din sa pamayanan. Ang mga ito ay pagsunod
sa batas trapiko, pakikiisa sa mga proyekto ng pamayanan, pagpapanatiling
malinis sa lugar, at pakikipagkasundo sa mga kapitbahay.
Mahalagang isagawa ang mga nabanggit na mga tungkulin para sa
ikabubuti ng mga bata. Lalaki silang maayos, may respeto at may pagmamahal sa
sarili, sa magulang at sa kanilang bayan.
SES Teacher Nora
http://rosericnors.blogspot.com/2012/02/tungkulin-ng-mga-bata-sa-paaralan.html
Itanong:
Batay sa binasa, ano ang ibig sabihin ng salitang tungkulin?
Saan-saan may tungkulin na dapat gampanan ang bawat isa?
Ano-ano ang tungkulin sa bahay? Paaralan? Pamayanan?
Ginagawa mo ba ang mga tungkulin na nabanggit?
Bakit? Bakit hindi?
Hayaang magbahagi ang mga mag-aaral ng karanasan sa pagtupag ng tungkulin.
Ano ang kabutihang dulot sa pagtupad ng mga tungkulin?
Ano ang mangyayari kung hindi naman tutuparin ang mga tungkulin?
Tumawag ng ilang bata upang magbahagi ng isang naobserbahang pangyayari sa
tahanan/paaralan/pamayanan na may kinalaman sa pagsunod sa isang tuntunin.
Ano ang dapat tandaan kung magsasalaysay ng isang pangyayari?
Ano ang dapat gawin kung magmamasid ng isang pangyayari upang iulat?
Maghanda ng mga istrip ng papel na may nakasulat na mga karapatan ng mga
bata.
Pabunutin ang bawat pangkat ng isang istrip ng papel.
Ipatanghal sa bawat pangkat ang tungkulin na katapat ng karapatang mabubunot.
Tumawag ng isang bata upang isalaysay sa kaniyang sariling salita ang
naobserbahang pangyayari.
5. Paglalahat
Ano ang dapat tandaan sa pag-uulat ng isang pangyayaring naobserbahan?
Papikitin ang mga bata.

DRAFT
April 10,2014
56
Ipaisip sa kanila ang mga pangyayaring naobserbahan sa kanilang paglalakad o
habang patungo sila sa paaralan.
Ipamulat ang mga mata.
Tumawag ng ilang bata upang magsalaysay ng kanilang naobserbahan.
Itanong sa mga batang nakapakinig ng pag-uulat:
Tama ba ang paraan ng kaniyang pagkakaulat?
Ikalawang Araw
Layunin
Nababago ang dating kaalaman batay sa mga natuklasang kaalaman sa binasang
teksto
Nakagagamit ng pahiwatig upang malaman ang kahulugan ng mga salita tulad ng
paggamit ng mga kasalungat na salita
Paksang-Aralin
Paggamit ng mga Magkasalungat na Salita
Panlinang na Gawain
1. Tukoy-Alam
Maghanda ng larawan ng mga pagkain sa iba’t ibang pangkat ng pagkain.
Ibigay ang bawat larawan sa mga bata.
Ipadikit ang mga ito ayon sa kanilang tamang kategorya.
Suriin ang pagpapangkat na ginawa.
Ano ang go food? Grow food? Glow food?
2. Paglalahad
Pagpapalawak ng talasalitaan
Ipabigay ang kasalungat na kahulugan ng mga salitang may salungguhit.
1. Maraming kumain ng kanin ang nanay ni Rolly, kaya mataas ang
cholesterol niya. Pinayuhan siyang kumain lamang ng kaunti upang maging
mababa ang kaniyang kolesterol. (kasalungat- mababa)
2. Matapos kong kumain ng maalat na pagkain , kumain naman ako ng matamis
na tsokolate. (kasalungat - maalat)
3. Nakakapagpapayat ang tsokolate, kabaliktaran sa pag-aakala ng marami na ito
ay nakakataba. (kasalungat – nakakataba)
4. Ang tsokolate ay may antioxidants na maaaring makapagpakinis ng
magaspang na kutis. (kasalungat – magaspang)
Ipagamit ang mga bagong salita sa pangungusap.
Mahilig ka ba sa tsokolate?
Hayaang ibahagi ang karanasan ng mga bata na may kinalaman sa pagkain ng
tsokolate.
Ano ang alam mo tungkol sa tsokolate?
Isulat sa tamang kolum ang sagot ng mga bata.

DRAFT
April 10,2014
57
ALAM KO NA NGAYON KO LANG NALAMAN
Ano pa ang nais ninyong malaman tungkol sa tsokolate?
Isulat sa tamang kolum ang sagot ng mga bata.
Ipabasa nang tahimik ang teksto sa Alamin Natin, p. 32-33.
Matapos basahin ang teksto, ipasulat ang mga bagong natutunan tungkol sa
tsokolate.
Ipabasa ang kasagutan sa mga bata.
Ano-ano ang magagandang dulot ng pagkain ng tsokolate?
Kailan nagiging masama sa katawan ang pagkain ng tsokolate?
Ano-ano sa dating kaalaman mo sa tsokolate ang nagbago?
Ano ang tungkulin mo sa iyong sarili pagdating sa pagkain?
Paano mo maisasagawa ang tungkulin mo sa iyong sarili?
Ipagawa ang Linangin Natin,p. 34
Papunan ang tsart sa ibaba tungkol sa paniniwala mo tungkol sa tsokolate bago at
matapos basahin ang teksto.
NOON NGAYON
Masama sa katawan Mabuti sa katawan
* Siguraduhin na ang ilalagay ng mga bata ay magkakasalungat na ideya.
Ipabasa sa mga bata ang natapos na gawain.
Talakayin ang kanilang kasagutan.
5. Paglalahat
Ano-ano ang natutuhan mo sa aralin?
Magsagawa ng isang gallery walk na nagtatampok ng mga iginuhit ng mga bata.
Bigyang-halaga ang ginawa ng bawat bata.
Ikatlong Araw
Layunin
Nagagamit ang mga panghalip na ito, iyan, at iyon
Paksang-Aralin
Paggamit ng Panghalip na Ito, Iyan at Iyon
Panlinang na Gawain
1. Tukoy-Alam
Linangin ang salitang tungkulin.
2. Paglalahad
Kailan ginagamit ang ito? Iyon? Iyan?

DRAFT
April 10,2014
58
Ipasuri ang mga larawan na nasa Alamin Natin , p. 34.
Ano ang ginagawa ng bata sa bawat larawan?
Alin-aling larawan ang dapat magkakasama?
Hayaang pagpangkat-pangkatin ng mga bata ang mga larawan.
Tumawag ng ilang pares ng bata upang tukuyin ang mga larawan gamit ang
salitang ito, iyan, at iyon.
Pabilugin ang mga bata.
Sabihin sa kanila na sa pagtigil ng tugtog, ang batang may hawak ng bola ang
magbibigay ng isang pangungusap na may gamit na ito, iyon at iyan.
5. Paglalahat
Kailan ginagamit ang ito? Iyan?Iyon?
Upang mapatibay at mapayaman ang nililinang na kasanayan, ipagawa ang
Pagyamanin Natin, p. 35.
Ikaapat na Araw
Layunin
Nagagamit ang malaki at maliit na letra at mga bantas sa pagsulat ng parirala at
pangungusap.
Paksang-Aralin
Pagsulat ng mga Pangungusap
Panlinang na Gawain
1. Tukoy-Alam
Pasulatin ang mga bata ng ginawang tungkulin sa bahay nang nagdaang gabi.
Ipapaskil ito sa inilaang paskilan sa loob ng silid-aralan.
Bigyan ng tatlong minuto ang mga bata na makapaglibot sa loob ng silid upang
mabasa ang ginawa ng mga bata.
Matapos ang inilaang oras, itanong: Ano-ano ang ginawa ng mga kaklase ninyo?
Itala ang mga pangungusap na ibibigay ng mga bata.
Ipabasa ito .
2. Paglalahad
Ipakitang muli ang mga larawan na ginamit sa Ikatlong Araw.
Bigyan ng istrip ng papel ang mga bata. Pasulatin sila ng isang pangungusap
tungkol sa larawang ipinakita.
Bigyang muli ng panibagong istrip ng papel ang bawat bata.
Pasulatin ang mga bata ng isang pangungusap na nagpapahayag ng damdamin
tungkol sa larawang ipakikita ng guro.
Bigyan ng istrip ng papel ang mga bata upang isulat dito ang isang tanong tungkol
sa larawang ipakikita ng guro.

DRAFT
April 10,2014
59
Ipabasa ang mga nagawang pangungusap sa mga bata.
Ipapaskil ang mga pangungusap sa pisara.
Itanong:
Alin-aling pangungusap ang dapat magkakasama?
Ano ang napansin sa bawat pangkat ng pangungusap?
Paano sinimulan ang mga pangungusap?
Paano nagtapos ang pangungusap na nagsasalaysay? Nagsasaad ng damdamin?
Nagtatanong?
Anong tawag sa mga bantas na ginamit?
Matapos ang inilaang oras, ipasulat sa mga bata ang kanilang sagot sa pisara.
Tama ba ang pagkakasulat ng bawat pangungusap?
Paano iwawasto ang mali ang pagkakasulat?
5. Paglalahat
Kailan ginagamit ang malaki at maliit na letra at mga bantas?
Ginagamit ang malaking letra sa:
unang letra ng unang salita sa pangungusap
unang letra ng pangalan ng tao
unang letra ng tanging ngalan ng hayop, lugar at iba pa
Ginagamit ang maliit na letra sa karaniwang salita.
Ginagamit ang tuldok (.) sa hulihan ng pangungusap na pasalaysay.
Ginagamit ang panandang pananong (?) sa pangungusap na nagtatanong.
Ginagamit ang panandang padamdam (!) sa pangungusap na nagpapahayag ng
matinding damdamin.
Ginagamit ang kuwit (,) bilang tanda ng pahinga o paghihiwalay ng mga salita.
Isulat nang wasto ang “Panatang Makabayan,” sa isang malinis na papel.
Matapos ang inilaang oras para sulatin ito ng mga bata nang walang huwaran,
ipakita sa mga bata ang wastong pagkakasulat nito.
Hayaang makipagpalit ng papel ang mga bata sa kanilang katabi. Palagyan ng
puna kung naisulat o hindi nang wasto ang teksto.
Ipabalik ang papel sa sumulat upang maiwastoito nang isinasaalang-alang ang
mga puna mula sa kaklase.
Ikalimang Araw
A. Iparinig ang maikling talata. Sagutin ang mga tanong pagkatapos. Isulat ang letra
ng tamang sagot.

DRAFT
April 10,2014
60
Isang maliit at magandang nayon ang aming lugar sa probinsiya. Sa bukid
nagtatrabaho ang aming mga magulang. Sila ay magsasaka. Nagtatanim sila ng
iba’t ibang uri ng mga halaman na ibinibenta sa bayan.
Isang araw, habang sila ay nasa bukid, naiwan kaming magkakapatid sa
bahay. “Ella, ikaw ang maghuhugas ng pinggan sa umaga at si Nico naman sa
gabi. Ako na ang magluluto ng ating pagkain,” wika ni Ate Lany.
Tulong-tulong ang magkakapatid sa mga gawain sa bahay, at ginagawa nila
nang maayos ang kani-kanilang tungkulin. Pag-uwi sa bahay ng mag-asawa ng
hapong iyon, nawika ng ina,“ Salamat mga anak, napapanatili ninyong malinis at
maayos ang ating tahanan.”
1. Sa bukid nagtatrabaho ang aming mga magulang, sila ay ___________.
A. mangingisda B. magsasaka C. magtotroso D. magkakaingin
2. Ang magkakapatid ay nagtutulong-tulong sa gawaing-bahay upang
A. mapanatili ang kalinisan C. matuwa ang magulang
B. papurihan sila D. mabigyan ng pabuya o regalo
3. Tama ba ang ginawang pagpapalaki ng mga magulang ni Nico sa kanila? Bakit?
A. Oo, dahil lalaki sila na responsableng mamamayan.
B. Oo, dahil palaging matutuwa ang kaniyang mga magulang.
C. Hindi, dahil inaabuso ng kaniyang mga magulang ang kanilang karapatan.
D. Hindi, dahil hindi makatarungan na sila ay pagtrabahuhin sa loob ng tahanan.
B. Ibigay ang kasalungat na kahulugan ng salitang nakasalungguhit.
4. Isang maliit na nayon ang tirahan namin sa probinsiya.
5. Malumanay magsalita ang aking nanay.
6. Ang magkakapatid ay tulong-tulong sa mga gawain sa bahay.
7. Tungkulin ng bawat miyembro ng pamilya na magtulungan upang mapanatili ang
kaayusan.
8. Napapanatiling malinis at maayos ang ating tahanan kapag sama-sama.
C. Ipasulat muli ang talata gamit ang wastong bantas gayundin ang maliit at
malaking letra.
lunes maagang gumising si brille upang ihanda ang sarili sa pagpasok sa
eskwela matapos maligo dumiretso siya sa kusina at kumain busog nabusog si
brille sa napakasarap na umagahang inihanda ng ina humalik si brille sa pingi ng
ina at nagpaalam aalis na po ako inay masayang wika ni brille mag-iingat ka anak
ang tugon ng ina

Filipino 3 tg draft 4.10.2014

Recommended

Recommended

More Related Content

What's hot

What's hot (20)

Viewers also liked

Viewers also liked (19)

Similar to Filipino 3 tg draft 4.10.2014

Similar to Filipino 3 tg draft 4.10.2014 (20)

More from PRINTDESK by Dan

More from PRINTDESK by Dan (20)

Recently uploaded

Recently uploaded (20)

Filipino 3 tg draft 4.10.2014