осолоос сэргийлэх

1. УНДРАХ-ИРЭЭДҮЙ өэмт
АХУЙН ОСОЛ ГЭМТЛЭЭС СЭРГИЙЛЭХ
Posted by tuul tula
УНДРАХ-ИРЭЭДҮЙ ӨЭМТ
ЧД 19-р хороо 2-р гудамж
22 тоот
Утас. 99026227
веб: undrakhireedui.com
ӨӨРЧЛӨХ ШААРДЛАГАТАЙ ЗАН ҮЙЛ
Хүүхдээ ваннд усанд оруулахдаа
Ваннд эхлээд хүйтэн усаа хийх
Хүйтэн усны дээрээс халуун усаа хийж дадах;
Тохойгоороо халуун хүйтнийг нь шалгаж сурах;
Хүүхдээ хооллох үедээ зэрэгцэж хоолоо идэхгүй байх
Бага насны хүүхдээ хооллохдоо гар хүрч болзошгүй газраас нь халуун хоол цайг холдуулах;
Хүүхдээ хөхүүлж байхдаа хоол цайгаа идэхгүй байх;
Эцэг эх хоол ундаа хийж байх үедээ хүүхдээ хол байлгах;
Хоол хийхдээ хүүхдээ өрхийн бусад гишүүдээр авахуулах эсвэл хөдөлгөөнийг нь хорих ор, тэрэг зэрэгт суулгах;
Хүүхдийн гар хүрэх газраас аюултай зүйлсийг холдуулах
Халуун зүйл хадгалагч сав болох ус буцалгагч, данх, тогоотой хоол цай зэргийг хүүхдийн гар хүрэх газраас хол тавьдаг байх;
Халуун буцалж байгаа хоол, цайнаас хүүхдээ хол байлгах;
Ахуйн хэрэгсэл болох индүү, үсний хайч зэргийг хүүхдийн гар хүрэхгүй газар байршуулах, хэрэглэж дуусаад далд хийж хэвших;
Ахуйн хэрэглээний бодис болох аяга таваг угаагч шингэн, белизна зэргийг далд газар хадгалах;
Гал гаргах хэрэгсэл болох шүдэнз, асаагуур зэргийг хүүхдийн гар хүрэх газраас холдуулах;
Эцэг эх хүүхэддээ тавих анхаарлаа сайжруулах
Насанд хүрээгүй эсвэл өндөр настай хүнтэй бага насны хүүхдээ орхихгүй байх (аюул учрахад хурдан шийдвэр гаргаж чадахгүй);
Баяр ёслол, аялал зугаалгын үед хүүхдээ заавал насанд хүрсэн хүнээр харуулах (Бүх хүн баярладаг тул хүүхдэд тавих анхаарал суларч хүүхэд осолдох аюултай);
Цахилгаан хэрэгслийн бүрэн бүтэн байдлыг хангах
Цахилгаан ил утсыг хүүхдийн гар хүрэх газраас далд байршуулах;
Ил задгай хамгаалах хэрэгсэл нь эвдэрсэн гэр ахуйн цахилгаан хэрэгслийг засаж сэлбэх, ил байлгахгүй байх;

2. Нийтийн зам, харгуй дээр тээврийн хэрэгслийн оролцоотойгоор гарах гэмтэл золгүй тохиолдлыг зам тээврийн осол гэнэ.
Түлэгдэлт буюу дулааны өндөр хэмээс шалтгаалах осол гэмтэл гэдэг нь халуун шингэн /шалзлах/, халуун хатуу биет / хавьталтын түлэгдэлт/ эсвэл галын / галын түлэгдэлт/ улмаас хүний арьс ба уушги гэмтэхийг хэлнэ. Түлэгдэлтийн улмаас гэмтсэн арьсны давхарга хэсэгчлэн болон бүтэн гэмтэж болно. Химийн хорт бодисоор амьсгалснаас шалтгаалан уушиг гэмтэх, мөн химийн бодисын улмаас амны хөндий, хоол боловсруулах замын салст гэмтэхийг түлэгдэлд хамааруулан авч үзнэ.
Живэх гэдэг нь шингэн зүйл амьсгалын замаар орж, амьсгал боогдуулахыг; унах гэдэг нь хүн өөрөөсөө дор байгаа газар, шал болон бусад зүйл дээр унаснаас гэмтэхийг; хордолт гэдэг нь хор болон бусад хорт зүйлийн нөлөөгөөр үүсэж байгаа үйл ажиллагааны өөрчлөлтийг тус тус хэлнэ.
ТҮЛЭГДЭЛТИЙН ҮЕД ДАРААХ ЗҮЙЛИЙГ ХЭЗЭЭ Ч ХЭРЭГЛЭЖ БОЛОХГҮЙ
Осол гэмтэл
Хэзээ ч хийж болохгүй
Шинжлэх ухааны үндэслэлтэй тайлбар
Барааны саван
Хүйтэн гадаргуугаар хүрдэг учир өвдөлт түр намдаж байгаа мэт санагдана.
Элсэн чихэр
Бактери, нян нь чихэрлэг орчинд үрждэг. Иймд нянгийн тоог нэмэгдүүлэх болно.
Уушгины улаан эм
Бактери нянд тэсвэртэй шархыг бий болгодог. Түлэгдэлтийн улмаас хүнд үүсэх хордлогыг гүнзгийрүүлдэг.
Хоромхон тос
Өнгөц түлэгдэлтэд хэрэглэдэг.
Өндөгний шар
Бактери, нян нь үржих уураглаг орчинг бий болгоно. Иймд нянгийн тоог нэмэгдүүлэх болно.
Хөлдүү мах
Хүйтэн гадаргуугаар хүрдэг учир өвдөлт түр намдаж байгаа мэт санагдана. Түүхий болгоогүй тул бохирдол ихтэй байгаа тул халдвар шарханд шууд орох эрсдэлтэй.
Амьтны цус
Ариун бус. Амьтны цусанд агуулагдах нянгууд шархаар дамжин хүний биед орно. Бактери, нян нь үржих орчинг бий болгоно.
Гутлын тос
Дулааны түлэгдэлтийг химийн түлэгдэлт болгон хувиргадаг.
Хорын цаас
Дулааны түлэгдэлтийг химийн түлэгдэлт болгон хувиргадаг.
Тээврийн хэрэгслээр зорчихдоо суудлын даруулга, бэхэлгээ хэрэглэснээр зорчигч, жолоочийн биед учрах осол гэмтлийг бууруулж, урьдчилан сэргийлж болно
Суудлын даруулга, хүүхдийн суудал нь аюулаас хамгаалах хэрэгслийн нэг бөгөөд осол
гэмтлийн үед учрах гэмтлээс