Kagamitan sa Pagkatuto sa Filipino Baitang 10

1. Ni Victor Hugo
Aralin 5
KAGAMITANG
PAMPAGKATUTO
(Learning Material)
Sa Filipino
Baitang 10
Inihanda ni
MARIA RAMELIA M. ULPINDO
Guro sa Filipino- Baitang 10
Baguio City High School
Nobela Mula sa France
Unang Markahan

2. GUIDE CARD (Pamatnubay)
Sa iyong paglalakbay may madadaanan kang mga istasyon na susubok sa
iyong kakayahan/kasanayan upang makamit mo ang tagumpay.
Unang Istasyon ay ang GUIDE CARD (PAMATNUBAY)
Sa istasyong ito matutunghayan ang aralin at ang layunin na ating pagtutuunan ng pansin.
Ikalawang Istasyon ay ang ACTIVITY CARD ( PAGSUBOK)
Ito naman ay kinapapalooban ng gawain na susubok sa iyong kasanayan o kakayahan at pagkama-
likhain upang matamo mo ang iyong layunin.
Ikatlong Istasyon ay ang ASSESMENT CARD (PAGTATAYA )
May mga katanungan dito na iyong sasagutan. Ang mga katanungan na makikita sa bahaging ito ay
makatutulong sa iyo upang mapalawak pa ang iyong kaalaman.
Ikaapat na Istasyon ay ang ENRICHMENT CARD (PAGPAPALAWAK)
Makikita mo ang gawain na tutulong sa pagpapalawak pa ng iyong kaalaman hinggil sa ating paksa.
Ikalimang Istasyon ay ang REFERENCE CARD (Susi sa Pagwawasto)
Ang Susi sa Pagwawasto (Key Answers) ay inilaan naman para sa pagwawasto ng iyong mga sagot
sa bawat pagsubok na iyong isinagawa.
Istasyon 1
Kumusta na kaibigan? Handa ka na ba sa gawain natin ngayong araw na ito?
Bago ka dumako sa istasyon 2, basahin muna sa pahina 10-11 ang mga karagdagang kaalaman upang mas
madali ang iyong pagbiyahe sa bawat istasyon. Matapos mong basahin ang nasabing pahina ay sagutin na
ang unang pagsubok sa susunod na pahina.
Lakbay na!
2
Kung gayun ay kailangan mo lang ng masusing pag-intindi
at malawak na pang-unawa sa mga pagsubok na pagda-
daanan mo. Dahil ang mga gawaing nakapaloob dito ay su-
subok sa kakayahan mo bilang manlalakbay. Kailangan lang
magbigay ng oras at panahon upang mapagtagumpayan mo
ang mga ito

3. ACTIVITY CARD
Unang Pagsubok: TALASALITAAN
Alam kong handa ka na, simulan na nating suungin ang mga pagsubok at
dito mahahasa rin ang kakayahan mo sa pagsagot sa mga talasalitaan.
Mahusay! Natapos mo ang unang pagsubok.
Maglakbay na sa susunod na istasyon….
Istasyon 2:
Basahin at unawain ang mga pangungsap sa Hanay A. Ayusin ang pinagulong salita sa hanay
B upang matukoy ang kahulugan ng salitang nasalungguhitan sa Hanay A. Isulat sa Hanay C
ang wastong kahulugan.
3
HANAYA
HANAY B HANAY C
1-2. Nang araw ding iyon, iniluklok siya sa
trono at ipinarada palibot sa ilang lugar sa Paris
sa pamamagitan ng pangungutya ng mga taong
naroroon na nakibahagi sa kasiyahan
1.
2.
1. UPIANOP
2. ALTAPIANL
3. Sa paghahanap ng makakain , nasilayan ni
Gringoire ang kagandahan ni La Esmeralda.
3.3. KTAANI
4. Si Frollo ay nakatanaw lamang mula sa tuk-
tok ng Notre Dame at nakaramdam ng matind-
ing panibugho sa nasasaksihan.
4.4. SEPGAESOLS
5. Nang sumapit ang hatinggabi, sinundan niya
si Phoebus sa pakikipagtipan kay La Esmeralda.
5.5. PIKPAAAITIKGK
6. Hinila niya paitaas ang dalaga patungo sa
Katedral at tumatangis na isinigaw ang kata-
gang “Santuwaryo.”
6.6. KUMIYIA
7. Naroon sila upang sagipin ang dalaga
sapagkat narinig nila nagbaba ng kautusan ang
parliyamentaryo na paaalisin si La Esmeralda sa
katedral.
7.7. GIILTSA
8-9. Labis na pagkamangha ng dalawa nang
mabatid nila na sila ay mag-ina.
8.
9.
8. GAPTAKGULA
9. MMAALNA
10. Nang mabatid ni Quasimodo na nawa wala
si La Esmeralda, tinunton niya ang tuktok ng
tore at doon hinanap ang dalaga.
10.10. GTNIUON

4. Alam niyo ba na ang nobelang Ang Kuba ng Notre Dame ay isinulat ni Victor Hugo? Gus-
to niyang sa pamamagitan ng kanyang isinulat ay maramdaman ng mga tao na kahit anong
pisikal na katangian meron ang isang tao ay tao pa rin ito, humihinga, tumatawa, umiibig at
nakakaramdam ng sakit. Kaya naman kung pwede ay tigilan na ang pagpapasakit o di kaya ay
huhusga sa kanila.
Ano nga ba ang nobela? Sa pagsubok sa ibaba tukuyin mo kung anong mga parirala o
pahayag ang may kaugnayan sa nobela.
Panuto: Lagyan ng tsek ( / ) ang kahon kung ang pangungusap ay may kaugnayan sa nobela
Ikalawang Pagsubok
4
1. isang kuwento o kasaysayan
2. binubuo ng sukat at mga talata
3. binubuo ng mga kabanata
4. bungang- isip/ katha na nasa anyong prosa
5. tungkol sa mga kaispan at bagay-bagay na maaaring kapulutan ng
mga impormasyon
6. tumutugon sa mga katanungang Sino? Ano? Kailan? Saan?
7. isang pag-aaral
8. naglalahad ng isang kawil ng kawili-wiling mga pangyayari na
pinaghabi-habi sa isang mahusay na pagkakabalangkas
9. naglalarawan ng iisang kakintalan
10. paggamit ng malikhaing guniguni
Binabati kita sa iyong tagumpay!
Humahanga ako sa galing mo.
Ngunit di pa tayo tapos kaibigan…
Ipagpatuloy pa ang paglalakbay.
Ang huling pagsubok ay tungkol sa
nobelang Ang Kuba ng Notre
dame. Lakbay na!

5. Ikatlong Pagsubok:
Magaling! Natapos mo rin ang pangatlong pagsubok. Kung nakuha mo lahat ang ta-
mang sagot , isa ka ngang manlalakbay. Ngunit kaibigan, may ikatlong istasyon pa sa
susunod na pahina. Dumako na tayo sa susunod na istasyn. Lakbay na!
5
Ang huling pagsubok ay tungkol sa mahalagang detalye na makikita sa “Ang Kuba ng
Notre Dame”. Kung ika’y nalilito pa, maaring basahin mo muli ang nobela sa huling
pahina upang matulungan ka sa mga pagsubok.
1. Pierre Gringoire
a. Tinawag siyang babaeng “hamak na mana-
nayaw” at “anak ng magnaanakaw”
2. La Esmeralda
b. Nais niyang niyang bihagin ang dalaga at ita-
go sa kaniyang selda sa Notre Dame
3. Claude Frollo
c. Hindi siya matagumpay na agawin ang kaaba-
lahan ng mga tao sa panonood ng parada
4. Sister Gudule
d. Itinanghal siya bilang “Papa ng Kahangalan”
dahil sa taglay niyang labis na kapangitan
5. Quasimodo
e. ang kapitan ng mga tagapagtanggol sa kahari-
an
6. Phoebus
f. Ang sumulat ng akdang “Ang Kuba ng Notre
Dame
7. Victor Hugo
g. Pinaniniwalaan na dating mayaman subalit
nawalan ng bait nang mawala ang anak na ba-
bae
Pagtapat-tapatin
Hanapin sa Hanay B ang tumutu-
koy sa Hanay A. Isulat sa kahon
bago ang bilang ang tamang sagot.

6. ASSESSMENT CARD (Pagtataya)Istasyon 3:
Ang bawat paglalakbay ay may hangganan. Sa bawat yugto ng ating buhay ay nakaranas na tayo ng mga pag-
subok. Katulad ng pangunahing tauhan sa nobela na hindi niya maunawaan kung bakit siya nakararanas ng
panghuhusga mula sa kapwa. Subukan mo ring sagutin ang mga katanungan sa ikatlong istasyon sa ibaba upang
tuklasin kung hanggang saan ang natamo sa pag-aaral sa nobela.
Piliin at isulat sa patlang
ang letra ng tamang sagot.
_____1. Nang araw na iyon, iniluklok siya sa trono at ipinarada palibot sa ilang lugar sa Paris sa pamamagitan ng
pangungutya ng mga taong naroroon na nakibahagi sa kasiyahan.
Ipinapakita sa pahayag na ang mga tao sa Paris ay ___________________.
a. masayahin b. mapanghusga c. maalalahanin d. mainipin
_____ 2. Uri ng panitikan na naglalahad ng isang kawil ng mga pangyayari na hinabi sa isang mahusay na
pagkakabalangkas.
a. nobela b. maikling kuwento c. tula d. sanaysay
_____ 3. Ang tatlong elemento na karaniwang matatagpuan sa isang mahusay na nobela ay _________, ___________ at
_____________.
a. may tugma, sukat at himig
b. sumasagot sa tanong na sino? ano? at bakit?
c. isa ang kuwento o kasaysayan, isang pag-aaral at paggamit ng malikhaing guni-guni
d. binibigyang- halaga ang kilos o galaw, ang pagsasalita at kaisipan ng tauhan
_____ 4. Ang nobela ay binubuo ng mga ________________.
a. saknong b. taludtod c. kuwento d. kabanata
_____ 5. Ang tauhang si Frollo sa nobelang “Ang Kuba ng Notre Dame” ay isang paring nag-alaga sa kubang si
Quasimodo. Paano siya ipinakilala bilang kontrabida sa akda?
a. stereotypical b. hindi stereotypical c. tauhang bilog d. tauhang lapad
_____ 6. Ang kuba ng Notre Dame ay itinanghal bilang _____________________.
a. Papa ng Roma b. Hari ng Notre Dame c. Papa ng Kahangalan d. Hari ng Kabaitan
_____ 7. Nagmakaawa siya na bigyan siya ng tubig subalit tila bingi ang mga taong nakatingin sa kanya.
Sinong tauhan ang tinutukoy sa panghalip na siya?
a. Gringoire b. Frollo c. Esmeralda d. Quasimodo
_____ 8. Dumating si La Esmeralda. Lumapit ang dalaga sa kanya na may hawak na isang basong tubig. Pinainom siya.
Paano inilarawan si La Esmeralda sa pahayag?
a. may malasakit sa kapwa b. may malaking pagkagusto c. may kababaang loob
_____ 9. Nang mabatid ni Quasimodo na nawawala si La Esmeralda, tinunton niya ang tuktok at doon hinanap ang
dalaga. Ano ang damdamin ang nanaig kay Quasimodo sa pahayag?
a. pag-aalala b. kagalakan c. katusuhan d. pag-iisip
_____ 10. Nang mamataan si Frollo, hinila niya ito at sa matinding lungkot na nararamdaman ay inihulog niya sa tore ang
paring kumupkop sa kanya. Ano ang nagtulak kay Quasimodo na gawin ito kay Frollo?
a. matinding galit b. matinding hinanakit c. matinding pagdurusa d. matinding pasasalamat
Hindi pa tapos kaibigan, halika na
sa susunod na pahina. Alamin natin
ang huling pagsubok.
6
Yehey! Lapit
na! Kaya pa!

7. Mahusay! Binabati kita sa sipag at tiyaga na iyong ipinakita. Ang susunod naman na gagawin ay ang
pagpapakita kung hanggang saan ang nalalaman mo sa mga panandang pandiskurso na maaaring maghudyat ng
pagkakasunod-sunod ng mga pangyayari.
Istasyon 4: ENRICHMENT CARD
(Pagpapalawak)
A. Punan ang patlang ng angkop na mga hudyat sa pagsusunod-sunod ng pangyayari. (sa madaling
sabi, saka, dahil, kung bukod sa)
Si Amanda Bartolome ay isang babaeng nagsisikap matunton at maunawaan ang tunay na ka-
hulugan n pagiging isang babae sa gitna ng masalimuot na kalagayan ng bansa nonng dekada ’70 sa ila-
lim ng Batas Militar. (1) ____________ isang babae, kumikilos siya bilang isang ina sa limang anak na
pulos lalaki at asawa ayon sa dikta ng lipunan at ng asawa niyang si Julian. Bagaman tradisyonal,
umiiral sa pamilyang Bartolome ang kalayaan sa pagpapahayag ng damdamin (2) ___________ kaya’t
lumaki ang kanilang mga anak na mulat ang kamalayan sa nangyayari sa lipunan. (3) ______________
dito’y sumali sa kilusang makakaliwa ang kanilang panganay na si Jules, (4) ________________ naging
makata at manunulat naman si Emman, at nahilig sa musikang rock n roll si Jason. Si Gani naman ay
malayang pinasok ang pagiging US Navy bagaman taliwas ito sa paniniwala ng mga kapatid. (5)
_______________ nanatiling matatag ang pamilya Bartolome sa kabila ng napakaraming pagsubok ng
panahon. Dito rin nasubok ang katatagan ng pagsasama nina Amanda at Julian, kung saan si Amanda ay
nagnais na matunton ang sarili bilang isang babae, malayo sa dikta ng lipunan, at ng asawa.
B. Gamitin sa pangungusap ang sumusunod na panandang pandiskurso o hudyat sa pagkasunod-sunod ng
mga pangyayari sa pagsasalaysay ng isaang napanood na palabas.
1. magsisimula ako sa __________________________________________________________
2. huwag lang ________________________________________________________________
3. bunga nito _________________________________________________________________
4. sakali _____________________________________________________________________
5. sa ibang salita _______________________________________________________________
7
Mahusay kaibigan! Tagumpay ka
sa iyong paglalakbay. Malayo ang
iyong mararating dahil sa iyong
kakaibang tiyaga at galing.
Hango sa Filipino– Ikasampung Baitang Modyul para sa Mag-aaral Unang Edisyon 2015. Pilipinas ng Vibal Group
Inc. Pahina 84.

8. Sa wakas, tapos ka na! Tignan natin kung matagumpay mong nalagpasan ang mga pagsubok na iyong tinahak. Kung marami
kang nakuha, ibig sabihin ay isa kang huwarang manlalakbay at magiting na mandirigma na handang sumuong sa laban ng
buhay na kahit anumang balakid sa buhay ay handang lumaban at hindi sumusuko hanggang wakas.
REFERENCE CARD (May Tama Ka!)
A. Susi sa PagwawastoIstasyon 5:
Unang Pagsubok Ikatlong PagsubokIkalawang Pagsubok
1. PINAUPO 6. UMIIYAK 1. / 6. / 1. C 6. E
2. PANLALAIT 7. ILIGTAS 2. x 7. / 2. A 7. F
3. NAKITA 8. PAGKAGULAT 3. / 8. / 3. B
4. PAGSESELOS 9. MALAMAN 4. / 9. x 4. G
5. PAKIKIPAGKITA 10. TINUNGO 5. x 10. / 5. D
8
ACTIVITY CARD (Pagsubok)
ENRICHMENT CARD (Pagpapalawak)
1. B 6. C
2. A 7. D
3. C 8. A
4. D 9. A
5. C 10. A
ASSESSMENT CARD (Pagtataya)
1. bukod sa
2. kung
3. dahil
4. saka
5. sa madaling sabi

9. Narito ang mga pinagkuhanan at pinagbasehan ng mga gawain, aralin at mga larawan upang magabayan ka sa iyong
paglalakbay.
9
Modyul para sa mag-aaral
https://www.google.com.ph/search?
q=quasimodo+clipart&biw=977&bih=451&source=lnms&tbm=isch&sa=X&ved=0ahUKEwjJ9YHKjLbOAhXDnZQ
KHS6ICjsQ_AUIBigB#imgrc=PS5L9YyR6pAR2M%3A
https://www.google.com.ph/search?
q=notre+dame+clip+art&biw=977&bih=451&tbm=isch&imgil=JQZh0hShPk5vOM%253A%253BbfcJQcT8H7--
9M%253Bhttp%25253A%25252F%25252Fworldartsme.com%25252Fnotre-dame-
clipart.html&source=iu&pf=m&fir=JQZh0hShPk5vOM%253A%252CbfcJQcT8H7--9M%
252C_&usg=__MlaeM97f26C1KiwJUbJc4v6dZJE%3D&ved=0ahUKEwiGhvCP6rXOAhXMppQKHX-
QAtwQyjcINQ&ei=IJWqV4b2EczN0gT_oIrgDQ

10. Ang Kuba ng Notre Dame (Buod)
ni Victor Hugo
Isinalin sa Filipino ni Willita A. Enrijo
Sa isang malawak na espasyo ng Katedral nagkikita-kita ang mamamayan upang magsaya para
sa “Pagdiriwang ng Kahangalan » na isinasagawa sa loob ng isang araw taon-taon. Taong 1482 nang
itanghal si Quasimodo – ang kuba ng Notre Dame bilang “Papa ng Kahangalan » dahil sa taglay niyang
labis na kapangitan. Siya ang itinuturing na pinakapangit na nilalang sa Paris. Nang araw na iyon,
iniluklok siya sa trono at ipinarada palibot sa ilang lugar sa Paris sa pamamagitan ng pangungutya ng
mga taong naroroon na nakikibahagi sa kasiyahan. Naroroon si Pierre Gringoire, ang nagpupunyaging
makata at pilosopo sa lugar. Hindi siya naging matagumpay na agawin ang kaabalahan ng mga tao sa
panonood ng nasabing parada. Malaki ang kaniyang panghihinayang sapagkat wala man lang
nagtangkang manood ang kaniyang inihandang palabas. Habang isinasagawa ang mga panunuya kay
Quasimodo, dumating ang paring si Claude Frollo at ipinatigil ang kaganapan. Inutusan niya si
Quasimodo na bumalik sa Notre Dame na kasama niya.
Sa paghahanap ng makakain, nasilayan ni Gringoire ang kagandahan ni La Esmeralda- ang
dalagang mananayaw. Ipinasiya niyang sundan ang dalaga sa kaniyang pag-uwi. Habang binabagtas ni
La Esmeralda ang daan, laking gulat niya nang sunggaban siya ng dalawang lalaki- sina Quasimodo at
Frollo. Sinubukang tulungan ni Gringoire ang dalaga subalit hindi niya nakaya ang lakas ni Quasimodo
kung kaya’t nawalan siya ng malay. Dagli namang nakatakas si Frollo. Dumating ang ilang alagad ng hari
sa pangunguna ni Phoebus- ang kapitan ng mga tagapagtanggol sa kaharian. Dinakip nila si Quasimodo.
Samantala, hatinggabi na nang pagpasiyahan ng pangkat ng mga pulubi at magnanakaw na bitayin si
Gringoire . Lumapit si La Esmeralda sa pinuno ng pangkat at nagmungkahing huwag ituloy ang pagbitay
sapagkat handa siyang magpakasal sa lalaki sa loob lamang ng apat na taon, mailigtas lamang ang
buhay ni Gringoire sa kamatayan.
Nang sumunod na araw, si Quasimodo ay nilitis at pinarusahan sa tapat ng palasyo sa
pamamagitan ng paglatigo sa kaniyang katawan. Matindi ang sakit ng bawat latay ng latigo na ipinapalo
sa kaniyang katawan. Inisip niya ang dahilan ng kaniyang pagdurusa. Ang lahat ng iyon ay kagustuhan at
ayon sa kautusan ni Frollo- na kailanman ay hindi niya nagawang tutulan dahil sa utang na loob.
Kasabay ng sakit na nadarama niya ay ang matinding kirot na nalalasap sa bawat panghahamak sa
kaniya ng mga taong naroroon. Nagmakaawa siya na bigyan siya ng tubig subalit tila bingi ang mga
taong nakatingin sa kaniya- na ang tanging gusto ay lapastanganin at pagtawanan ang kaniyang
kahabag-habag na kalagayan. Dumating si La Esmeralda. Lumapit ang dalaga sa kaniya na may hawak
na isang basong tubig. Pinainom siya. Samantala, sa di kalayuan ay may babaeng baliw na sumisigaw
kay La Esmeralda. Tinawag siya ng babaeng “hamak na mananayaw” at “anak ng magnanakaw”. Kilala
ang babae sa tawag na Sister Gudule. Siya ay pinaniniwalaan na dating mayaman subalit nawala ang
bait nang mawala ang anak na babae, labinlimang taon na ang nakalilipas.
Makaraan ang ilang buwan, habang si La Esmeralda ay sumasayaw sa tapat ng Notre Dame at
pinagkakaguluhan ng maraming tao, napagawi ang mga mata ni Phoebus sa mapang-akit na
kagandahan ng dalaga. Nang mapuna ni La Esmeralda si Phoebus ay napaibig dito ang dalaga. Tila siya
nawalan ng ulirat nang kaniyang marinig ang paanyaya ng binata na magkita sila mamayang gabi upang
lubos na magkakilala. Si Frollo ay nakatanaw lamang mula sa tuktok ng Notre Dame at nakaramdam ng
matinding panibugho sa nasasaksihan. Ang kaniyang matinding pagnanasa kay La Esmeralda ang nag-
udyok sa kaniya na talikuran ang Panginoon at pag-aralan ang itim na mahika. Mayroon siyang
10

11. masamang balak. Nais niyang bihagin ang dalaga at itago sa kaniyang selda sa Notre Dame. Nang su-
mapit ang hatinggabi, sinundan niya si Phoebus sa pakikipagtipan kay La Esmeralda. Habang masayang
nag-uusap ang bagong magkakilala ay biglang may sumunggab ng saksak kay Phoebus ngunit mabilis
ding naglaho ang may sala. Hinuli ng mga alagad ng hari si La Esmeralda sa pag-aakalang siya ang may
kagagawan ng paglapastangan sa kapitan.
Matapos pahirapan sa paglilitis, sapilitang pinaako kay La Esmeralda ang kasalanang hindi niya
ginawa. Pinaratangan din siyang mangkukulam. Siya ay nasintensyahang bitayin sa harap ng palasyo.
Dinalaw siya ni Frollo sa piitan at ipinagtapat ang pag-ibig sa kaniya. Nagmakaawa ang pari na mahalin
din siya at magpakita man lang kahit kaunting awa ang dalaga subalit tinawag lamang siya ni La Esme-
ralda ng tiyanak na monghe at pinaratangang mamamatay tao. Tumanggi siya sa lahat ng alok ni Frollo.
Bago ang pagbitay, iniharap si La Esmeralda sa maraming tao sa tapat ng Notre Dame upang kutyain.
Napansin ng dalaga ang anyo ni Phoebus kaya isinigaw niya ang pangalan ng binata. Si Phoebus ay na-
kaligtas sa tangkang pagpatay sa kaniya. Tumalikod si Phoebus na tila walang naririnig at tinunton ang
bahay ng babaeng kaniyang pakakasalan. Ilang sandali’y dumating si Quasimodo galing sa tuktok ng
Notre Dame patungo kay La Esmeralda gamit ang tali. Hinila niya paitaas ang dalaga patungo sa Kate-
dral at tumatangis na isinigaw ang katagang “Santuwaryo ». Si Quasimodo ay napaibig kay La Esmeral-
da nang araw na hatiran siya ng dalaga ng tubig sa panahong wala man lang magnasang tumulong sa
kaniya. Matagal na niyang pinagplanuhan kung paano itatakas si La Esmeralda sa naging kalagayan ng
dalaga. Batid ni Quasimodo na ang dalaga ay mananatiling ligtas hangga’t nasa katedral. Sa mga araw
na magkasama ang dalawa, mahirap para kay La Esmeralda na titigan ang pangit na anyo ni Quasimo-
do. Di nagtagal, naging magkaibigan ang dalawa.
Lumusob sa katedral ang pangkat ng mga taong palaboy at magnanakaw – sila ang kinikilalang
pamilya ni La Esmeralda . Naroon sila upang sagipin ang dalaga sapagkat narinig nila na nagbaba ng
kautusan ang parliyamentaryo na paaalisin si La Esmeralda sa katedral. Samantala, inakala naman ni
Quasimodo na papatayin ng mga lumusob si La Esmeralda kaya gumawa siya ng paraan upang iligtas
ang dalaga. Malaking bilang ng mga lumusob ang napatay ni Quasimodo. Habang nagkakagulo,
sinamantala ni Frollo na makalapit kay La Esmeralda. Nag-alok siya ng dalawang pagpipilian ng dalaga:
ang mahalin siya o ang mabitay? Mas pinili ni La Esmeralda ang mabitay kaysa mahalin ang isang
hangal na tulad ni Frollo. Iniwan ni Frollo ang dalaga na kasama si Sister Gudule. Labis ang
pagkamangha ng dalawa nang mabatid nila na sila ay mag-ina. Nakilala ni Sister Gudule si La Esmeralda
dahil sa kuwintas na suot ng dalaga. Ito ang kaniyang palatandaan na suot ng kaniyang anak bago
mawala. Ninasa ni Sister Gudule na iligtas ang anak subalit huli na ang lahat.
Nang mabatid ni Quasimodo na nawawala si La Esmeralda, tinunton niya ang tuktok ng tore at
doon hinanap ang dalaga. Sa di kalayuan , napansin niya ang anyo ng dalaga. Si La Esmeralda ay
nakaputing bestida at wala ng buhay. Naantig siya sa kaniyang nasaksihan. Labis na galit ang
nararamdaman niya kay Frollo na noon pa man ay batid niya na may matinding pagnanasa sa dalaga.
Nawala sa katinuan si Quasimodo. Nang mamataan niya si Frollo, hinila niya ito at sa matinding lungkot
na nararamdaman ay inihulog niya ito mula sa tore- ang paring kumupkop sa kaniya. Inihulog niya sa
kamatayan ang taong naghatid ng pagdurusa sa babaeng kaniyang minahal. – si La Esmeralda. Habang
nakatitig sa wala ng buhay na katawan ng dalaga, sumigaw si Quasimodo, “walang ibang babae akong
minahal“. Mula noon, hindi na muling nakita pa si Quasimodo.
Matapos ang ilang taon, nang matagpuan ng isang lalaking naghuhukay ng puntod ang libingan ni
La Esmeralda, nasilayan niya ang hindi kapani-paniwalang katotohanan- nakayakap ang kalansay ng
kuba sa katawan ng dalaga.
11

12. Pagsasanib ng Gramatika at Retorika
Alam mo ba na...
ang mga panandang pandiskurso ay maaaring maghudyat ng pagka-
kasunod-sunod ng mga pangyayari o di kaya’y maghimaton tungkol sa
pagkakabuo ng diskurso ? Karaniwan nang ito ay kinakatawan ng mga
pang-ugnay o pangatnig.
Halimbawa
• at, saka, pati – nagsasaad ng pagpupuno o pagdaragdag ng impormasy-
on
• maliban , bukod kay , huwag lang , bukod sa – nagsasaad ng pag-
bubukod o paghihiwalay
• tuloy, bunga nito , kaya, naman – nagsasaad ng kinalabasan o kinahi-
natnan
• kapag , sakali, kung – nagsasaad ng kondisyon o pasubali
12

13. Republic of the Philippines
Department of Education
Cordillera Administrative Region
Division of Baguio
Baguio City High School
Governor Pack Road, Baguio City
SERTIPIKASYON NG PAGGAMIT
Ang Kagamitang Pampagkatuto ng Ang Kuba ng Notre Dame ay sadyang inihanda
para makatulong sa pag-aaral ng nabanggit na akdang pampanitikan.
Ito ay inihanda ni Bb. Maria Ramelia M. Ulpindo -Teacher III sa Kagawaran ng Filipino
sa Ikasampung Baitang.
Ang sertipikasyon na ito ay pagpapatunay na nagamit ang nabanggit na kagamitan para
mas lalong mapadali ang pag-aaral ng akdang pampanitikan na nakapaloob sa K-12 kuriku-
lum, Ikasampung Baitang sa asignaturang Filipino.
Pangalan ng Guro Lagda Petsa

14. Pangalan ng Guro Lagda Petsa

15. ROMULO M. FLORA.
Punong-guro IV sa Sekundarya
Mahal na Punongguro:
Magandang araw po!
Ang Baitang 10 – Kagawaran ng Filipino ay buong tapat at galing na nakikiisa sa pagsasakatupa-
ran ng tunay na dekalidad ng edukasyon para sa ating paaralan.
Ako po ay isa sa mga guro ng Baitang 10 sa asignaturang Filipino na nagtataguyod ng tunay na
dekalidad na edukasyon. Bilang tugon po sa mga ito na makakatulong sa ating paaralan. Ako po ay
naghanda ng kagamitan para makatulong sa mga mag-aaral at para rin sa aking mga kapwa guro
sa paaralang ito. Ito po ay pinamagatang “Kagamitang Pampagkatuto ng Ang Kuba ng Notre
Dame”.
Naniniwala po ako na makakatulong ito sa ating paaralan para mapangalagaan ang ating litera-
turang Pilipino at lalong maliwanagan ang mga mag-aaral sa
kahalagahan ng pag-aaral ng akdang ito.
Sa malugod po ninyong pagtanggap, ako po ay humihingi ng pahintulot para
maipagamit ito sa mga kapwa ko guro.
Maraming salamat po!
Lubos na gumagalang,
MARIA RAMELIA M. ULPINDO
Teacher III
Binigyang-pansin nina:
MAYLYN G. SAMIDAN DEAN B. MENDOZA
Pinunong Guro III – Filipino Pinunong Guro III – Filipino
Pinagtibay ni:
ROMULO M. FLORA
Punongguro IV sa Sekundarya

16. Republic of the Philippines
Department of Education
Cordillera Administrative Region
Division of Baguio
Baguio City High School
Governor Pack Road, Baguio City
DAHON NG PAGPAPATIBAY
“Kagamitang Pampagkatuto ng Ang Kuba ng Notre Dame”
Ang kagamitan na ito ay inihanda para sa mas
makabuluhang pag-aaral ng nabanggit na akdang pampanitikan sa
asignaturang Filipino, Ikasampung Baitang
Ito ay inihanda ni:
MARIA RAMELIA M. ULPINDO
Guro sa Filipino Baitang 10 ng Baguio City High School.
Sinuri ni:
MARITES V. OSOTEO
LRMDS Coordinator
Binasang-nilalaman ng mga Pinunong Guro sa Kagawaran ng Filipino:
MAYLYN G. SAMIDAN DEAN B. MENDOZA
Pinunong Guro III-Filipino Pinunong Guro III-Filipino
Pinagtibay ni:
ROMULO M. FLORA
Punong-guro IV sa Sekundarya