Ang dulang 'Walang Sugat' ni Severino Reyes ay isang dramatikong salamin ng kawalang-hustisyang dinaranas ng mga Pilipino sa panahon ng mga Kastila, na may temang pagmamahalan at sakripisyo sa gitna ng digmaan. Nagsasalaysay ito ng kwento ni Tenyong at Julia sa kanilang pag-ibig at mga pagsubok dahil sa rebolusyon, na naglalaman ng mga tauhan na sumasalamin sa lipunang Pilipino. Sa kabila ng mga kahirapan, nagtagumpay si Tenyong sa kanyang laban para sa kalayaan at ang kanilang pag-ibig ay nanatiling matatag.

1. Walang Sugat
ni Severino Reyes
Ibinatay sa Pahanon ng Rebolusyon ng 1896, ang dulang Walang Sugat ay unang naipalabas sa ‘Teatro Libertad’
noong 1902. Tungkol ito sa kawalan ng hustisyang tinamasa ng mga Pilipino noong panahon ng mga Kastila. Ang
mga temang gamit nito ay pagmamahalan sa gitna ng digmaan, sakripisyo, pagkawalay, at kontradiksyon ng
indibidwal sa pamilya. Isinulat ito ni Severino Reyes upang ipakita sa lahat ang kanyang pahayag laban sa
imperyalismo. Ang orihinal na musikang kasama nito ay nagmula kay Fulgencio Tolentino.
Mga Tauhan:
Tenyong- Ang lalaking mapagmahal sa kanyang kasintahan, pamilya at sa bayan.
Julia- ang babaeng pinakamamahal ni Tenyong
Juana- ina ni Julia
Lucas- kanang kamay ni Tenyong mensahero at matalik na kaibigan
Miguel-ang lalaking ipinagkasundo kay Julia para pakasalan
Tadeo- ama ni Miguel, may lihim na pagtingin kay Juana
Kapitan Inggo-ama ni Tenyong; asawa ni Putin; namatay dahil sa kalupitan ng mga Kastila
Kapitana Putin- in ani Tenyong at asawa ni Inggo
Punong Frayle- tagapamuno sa loob ng kulungan o bilanggo.
Marcelo-Alkalde o Punong bayan
Heneral- malapit na kaibigan ni Tenyong
Kura- ang paring nagkumpisal kay Tenyong
Mediko- ang gumamot kay Tenyong
Monica- kaibigan ni Julia
Buod ng Unang Eksena (ACT I – Scene I) Dumating si Tenyong sa bahay ng kasintahan niyang si Julia. Inabutan niyang
nagbuburda si Julia ng isang panyo. Ayaw ni Julia ipakita kay Tenyong ang kanyang gawa. Nakita ni Tenyong na ang
panyo ay may mga letra ng kanyang pangalan (Antonio Narcisso Flores) ngunit sabi ni Julia ay para raw ito sa Prayle
(Among Na Frayle). Nagalit tuloy si Tenyong at gustong sunugin ang panyo. Sinabi ni Julia na para nga kay Tenyong
ang panyo at sila’y nagsumpaan na ikakasal sa altar. Biglang dumating si Lucas/Lukas, isang alalay ni Tenyong, na
nagsabing inaresto ang ama ni Tenyong at ilan pang kalalakihan ng mga Guardia Civil sa pag-aakalang sila ay mga
rebelde.
Buod ng Unang Eksena (ACT I – Scene II) Ang mga pamilya at kaibigan ng mga inaresto ay naghandang bumisita at
magbigay ng pagkain sa kulungan. Sumakay sila sa tren papunta ng kapitolyo. Inutusan ng mga Kastilang frayle si
Kapitan Luis Marcelo na paluin at saktan pa ang mga nakakulong kahit na mayroon ng namatay at nag aagaw- buhay
na si Kapitan Inggo, ang tatay ni Tenyong.
Buod ng Unang Eksena (ACT I – Scene III ) Sinabi ng punong-frayle na papakawalan na si Kapitan Inggo sa kanyang
asawa. Sinabi rin niyang pupunta siya sa Maynila upang sabihin sa Gobernador-Heneral na pakawalan na ang iba
pang mga inaresto. Ngunit iba ang plano sabihin ng prayle pagdating duon. Ipapapatay niya ang mga mayayaman at
edukadong Pilipino. Nakapiling ni Kapitan Inggo angkanyang pamilya at mga kaibigan bago siya mamatay. Pagkamatay
nito, sinumpa ni Tenyong na maghiganti!
Buod ng Unang Eksena (ACT I – Scene IV) Pinili ni Tenyong na sumali sa mga rebelde kahit anong-pilit ni Julia na
tigilan ito. Sa huli, pumayag si Julia at ibinigay
kay Tenyong ang kanyang medalyon/agimat. Nagsumpaan muli sila na mamahalin ang isa’t-isa habang-buhay.
Buod ng Ikalawang Eksena (ACT II – Scene I ) Sinabi ng ina ni Julia na ikakasal ito kay Miguel, isang mayamang
illustrado. Inayawan ito ni Julia. Hindi alam ng kanyang ina na hinihintay niya ang pagbabalik ni Tenyong. Sa kabilang
banda, nagsimulang magkarelasyon ang mga alalay nina Julia at Tenyong na sina Monica at Lucas/Lukas.

2. Buod ng Ikalawang Eksena (ACT II – Scene II/III ) Sumunod na linggo, dumating sina Miguel, ang kanyang ama, at
isang pari sa bahay nina Julia upang ayusin ang pag-iisang-dibdib nina Miguel at Julia. Kabado si Miguel at hindi
masabi ng tama ang kanyang panliligaw kay Julia. Naiba ang usapin ng kasalan nang naging pagrereklamo ito ng pari
sa lumalaking problema tungkol sa mga Pilipinong hindi na nagsisimba.
Buod ng Ikalawang Eksena (ACT II – Scene III ) Sa kuta ng mga katipunero, biglang dumating si Lucas/Lukas na may
bitbit na sulat para kay Tenyong na galing kay Julia. Nalaman ni Tenyong na namatay na ang kanyang ina at ikakasal na
si Julia kay Miguel. Balisa at malungkot sa nabasa, humingi siya ng tulong sa kaniyang heneral. Umatake ang mga
Kastila at nagsimula ang labanan.
Buod ng Ikatlong Eksena (ACT III - Scene I) Bumalik si Lukas kay Julia na walang nakuhang sagot mula kay Tenyong.
Bumisita muli si Miguel kay Julia at nagsabing magiging engrande ang kanilang kasalan. Nagkunwari si Julia na
masakit ang ulo upang iwasan si Miguel.
Buod ng Ikatlong Eksena (ACT III – Scene II / III) Dumating na ang nakatakdang araw ng kasal at napilitan na rin si Julia
na pumayag, sa pag-aakalang patay na si Tenyong at sa kagustuhang hindi mapahiya ang kanyang ina. Engrandeng
selebrasyon ang magaganap at nakatipon ang buong bayan. Pero bago mairaos ang seremonya, dumating si Lucas na
may balitang nakita na si Tenyong pero agaw-buhay itong nakaratay sa karte. Dinala si Tenyong sa pinagdausan ng
kasal ni Julia. Sa muling pagtatagpo ng magkasintahang sawi, hiniling ni Tenyong sa pari na, yaman din lamang na
mamamatay na siya, ikasal na sila ni Julia. Sa pagkamatay daw ni Tenyong, maaari nang pakasalan ni Julia si Miguel.
Dahil mukhang matutuluyan na nga si Tenyong, pumayag na rin si Miguel sa kakaibang huling hiling ni Tenyong.
Kinasal si Tenyong at Julia ng paring Kastila. Matapos ang seremonya ng kasal, biglang tumayo si Tenyong, at lahat ay
napamanghang sumigaw; “Walang sugat! Walang sugat!”.