Presentación empregada no obradoiro "Como se fai unha película" do Centro Ágora.

1. Como se fai unha película
Produción

2. Fases da produción dun filme
Desenvolvemento: prepárase un “tratamento” (resumo de 20­30 páxinas do
relato, personaxes, etc), adquírense os dereitos da obra na que se inspira (se é
necesario), escríbese o guión. Elabórase un orzamento inicial do filme e unha
previsión de financiamento. Preséntase o proxecto a axudas públicas, televisións,
axencias de ventas e distribución, pitchings, etc.
Pre­produción: conxunto de preparativos necesarios para a rodaxe, unha vez
que o proxecto está en marcha (acadou financiamento). Selecciónase todo o
equipo técnico e artístico necesario para o filme, búscanse as localizacións
precisas, prepáranse os decorados e o vestiario, etc.
Produción: obtención das imaxes “en bruto” do filme.
Post­produción: montaxe das imaxes e sons, integración dos efectos visuais e
sonoros, banda sonora, axustes de cor (etalonaxe), etc.
Distribución: o filme rematado preséntase en festivais de cinema, estréase en
salas comerciais e comercialízase no mercado da exhibición doméstica (TV,
plataformas dixitais, DVD/Bluray). Créase material promocional, de prensa, etc.

3. O produtor planifica e coordina a produción dun filme en todas as súas fases
(incluída, claro, a busca de financiamento). A medida que medra a complexidade
do proxecto, faise necesario diversificar as tarefas.

4. Produtor executivo: segundo as regras
do Producers Guild of America (PGA),
para que unha persoa reciba crédito
como tal debe asegurar unha parte do
financiamento do filme ( 25%) e/ou ≥
facilitar a súa escritura, tipicamente
adquirindo os dereitos do material no
que se basea. En xeral, os produtores
executivos participan no financiamento
ou serven para atraer investidores e
poden tamén supervisar ou asesorar
noutras áreas, mais non participan na
produción propiamente dita.
O número de “produtores executivos” nos filmes
foi medrando nas últimas décadas: se nos 90 un
filme de Hollywood típico tiña dous produtores
executivos, en 2013 a media eran 4,4.
O actor Brad Pitt é produtor executivo, entre outros
filmes, de Moonlight (Barry Jenkins, 2016). Tarell Alvin
McCraney, autor da obra de teatro na que se basea,
tamén aparece acreditado como produtor executivo.

5. Produtor: acredítanse como “produced by” as persoas máis importantes na
produción dun filme. Segundo as regras do Producers Guild of America, iso
implica que esa persoa traballou na concepción orixinal da produción, escolleu
guionista, asegurou os dereitos necesarios e o financiamento inicial e supervisou
o proceso de desenvolvemento; e/ou escolleu o equipo creativo principal
(director, director de fotografía, director de produción, deseñador de produción,
elenco), aprobou guión de rodaxe, plan de rodaxe e orzamento durante a pre­
produción; e/ou supervisou o traballo diario da rodaxe, ofreceu asistencia
continua ao principal equipo creativo (sexa no propio lugar de rodaxe ou a
distancia) e exerceu como intermediario cos investidores e distribuidores do
filme durante a produción; e/ou exerceu como consultor directo durante a post­
produción do filme (co equipo de montaxe, son e efectos) e participa activamente
na estratexia de promoción e distribución no mercado local e estranxeiro.
­> Para saber máis: http://www.producersguild.org/?page=coc_tmp

6. O actor Brad Pitt é produtor, entre outros, dos filmes The
Tree of Life (Terrence Malick, 2011) e 12 Years a Slave
(Steve McQueen, 2013).

7. Co­produtor / line producer: segundo a PGA, é a persoa que ten
responsabilidade principal na loxística da produción, dende a pre­produción até
completar o filme. Todos os xefes de departamento informan ao Co­Produtor /
line producer, que á súa vez informa directamente ás persoas acreditadas co
sintagma produced by.
Produtor asociado (associate producer): executa algunhas funcións que nel
delega algunha das persoas acreditadas baixo o sintagma produced by. “This does
not include persons whose primary function is as an assistant”.
Supervisor ou xefe de produción (production supervisor / manager):
informa ao co­produtor / line producer, ten responsabilidade na loxística da
produción.
Coordinador de produción (production coordinator): informa ás persoas con
crédito produced by, co­produtor / line producer e supervisor ou xefe de
produción. Interactúa con varios departamentos e facilita as necesidades de
produción, entre elas (mais non só) a contratación de equipamentos e persoas,
seguros, viaxes e dietas, etc.
­>Categorías definidas para a produción, posprodución e produción de efectos visuais. Máis
información: http://www.producersguild.org/?page=coc_tmp_2

8. produced by ADELE ROMANSKI p.g.a.
produced by DEDE GARDNER p.g.a., JEREMY KLEINER
p.g.a.
executive producers SARAH ESBERG, BRAD PITT
executive producer TARELL ALVIN McCRANEY
co­producer ANDREW HEVIA
co­producer VERONICA NICKEL
associate producer JOHN MONTAGUE
an A24 and PLAN B ENTERTAINMENT presentation
a PLAN B ENTERTAINMENT/PASTEL production

9. Line producer VERONICA NICKEL
Unit production manager JENNIFER RADZIKOWSKI
Additional Line Producer ELANE SCHMIDT SCHNEIDERMAN
Production Coordinator PEDRO GUILLEN
Production Supervisor STEVE DEL PRETE
Assistant Production Supervisor ROGER MENDOZA
Associate Production Supervisor REYNALDO RODRIGUEZ
...
Key Set PA Duane Kidd
Production Assistants ALLEN GROOVER, ANDRE ADAMS,
BRYAN ANGARITA, CAROLINA ROMERO, DANNY GAURINO,
DANNY GONZALEZ, DANNY RODRIGUEZ, JASON WOOL,
MATTHEW ROMANSKI, ROBERT COLOM, SHELBY HALBERG

10. p.g.a. (The Producers Mark) aparece logo dos nomes de certos produtores
que reciben nos filmes o crédito “produced by”. A marca é o acrónimo do
Producers Guild of America e ponse sempre en letras minúsculas. É unha
certificación; non sinala a afiliación desa persoa ao Producers Guild, senón
que indica que a acreditación de produción axústase ao estándar da PGA, é
dicir, que o produtor ou produtora en cuestión exerceu as funcións que o
PGA indica no seu código. “The Producers Guild believes that audiences
deserve to know which producers, among an often­extensive list of credited
individuals, actually did the work”.

11. Plan B Entertainment Inc é unha produtora fundada en novembro de 2001 por
Brad Pitt, Brad Grey e Jennifer Aniston. En 2005 Brad Pitt converteuse no único
propietario, logo do seu divorcio de Jennifer Aniston e da designación de Brad
Grey como director executivo (CEO) de Paramount Pictures. A súa sede está en
Beverly Hills, California. Na actualidade Brad Pitt é o director executivo da
compañía, da que é presidenta Dede Gardner. En 2013 ela e Brad Pitt nomearon a
Jeremy Kleiner co­presidente.
Entre as películas producidas por Plan B están The Departed (Martin Scorsese,
2006), The Assassination of Jesse James by the Coward Robert Ford (Andrew
Dominik, 2007), The Tree of Life (Terrence Malick, 2011), Moneyball (Bennett
Miller, 2011), World War Z (Marc Foster, 2013), 12 Years a Slave (Steve McQueen,
2013), Selma (Ava DuVernay, 2014), The Big Short (Adam McKay, 2015), Voyage
of Time (Terrence Malick, 2016) e Moonlight (Barry Jenkins, 2016).

12. A24 é unha produtora independente fundada en agosto de 2012 por Daniel Katz,
David Fenkel e John Hodges. Ten a sede en Nova York. Dedícanse á produción e
distribución de filmes.
A24 distribuíu nos Estados Unidos filmes como Spring Breakers (Harmony Korine,
2013), Locke (Steven Knight, 2013), Ex­Machina (Alex Garland, 2015), Amy (Asif
Kapadia, 2015), Room (Lenny Abrahamson, 2015) e The Lobster (Yorgos
Lanthimos, 2015).
Moonlight é o primeiro filme no que A24 participa na produción, ademais de
encargarse da súa distribución.

13. O escritor Tarell Alvin McCraney escribiu en 2003 unha peza
teatral autobiográfica, In Moonlight Black Boys Look Blue. A obra
non se representou.
Logo de facer varias curtas, a primeira longametraxe de Barry
Jenkins foi Medicine for Melancholy (2008), que fixo con 15000
$ que lle prestou un amigo. O filme exhibiuse en festivais
importantes (South by Southwest, Toronto, Viennale), recibiu
boas críticas e obtivo tres candidaturas aos Independent Spirit
Awards. Despois deste éxito inicial, Barry Jenkins escribiu varios
guións, ningún dos cales chegou a bo porto.
En 2013 a produtora Adele Romanski, esposa do director de
fotografía James Laxton, animou ao cineasta a emprender un
novo filme canto antes. Tiveron coñecemento da obra de
McCraney e Jenkins decidiuse a traballar sobre ela despois de
diversas conversas co escritor. Nesa altura nace a idea de
estruturar o filme en tres segmentos. Jenkins e McCraney son os
dous de Miami, teñen idade parecida e comparten elementos do
relato (por exemplo, unha nai drogadicta).
No Festival de Telluride de 2013 a produtora Plan B amosou
interese polo proxecto, ao cal se sumou. Despois entrou A24,
que por primeira vez participaba na produción ademais de
facerse cargo da distribución.

14. Barry e Adele chegaron a Miami en agosto de 2015 e empezaron
oficialmente cos preparativos a mediados de setembro. A rodaxe
comezou un mes despois na mesma zona (Liberty Square, en
Liberty City) onde McCraney e Jenkins viviran na infancia e
mocidade.
Os tres actores que representan ao personaxe principal Chiron
non se viron na rodaxe, por expreso desexo do director para evitar
que se imitasen os uns aos outros. Naomie Harris fixo todas as
súas escenas en tres xornadas, aproveitando ocos na promoción
de Spectre. Mahershala Ali voaba a Miami nas fins de semana,
pois durante a semana rodaba en NY a serie Luke Cage. O tempo
total de rodaxe foi de vinte e cinco días, máis catro de
preparativos.
O director de fotografía foi James Laxton. Tomaron a decisión de
evitar unha aparencia naturalista, “documental”, e optaron polo
formato panorámico (cámara dixital Arri Alexa). Da montaxe
encargáronse Nat Sanders (capítulos 1 e 2) e Joi McMillon
(capítulo 3). Laxton, Romanski, Jenkins, Sanders e McMillon
coñécense dende hai quince anos, da escola de cinema de Florida.
A música é de Nicholas Britell.

15. A estrea mundial do filme tivo lugar no festival de Telluride o
2 de setembro de 2016. Logo pasou por Toronto e o New York
Film Festival. Estreouse nos EEUU de maneira limitada en 4
salas o 21 de outubro para ir ampliando pouco a pouco o
número de pantallas até un máximo de 650 en novembro. A
acollida crítica foi moi favorábel. Na estela das candidaturas ao
Oscar ampliou de novo o número de salas en xaneiro, até
1104. A recadación nos EEUU até a data anda polos 20 millóns
de dólares.
O orzamento do filme foi de 1,5 millóns de dólares.

16. 'Moonlight' Producer Talks Casting Mahershala Ali, Challenges of
a Shoestring Budget
Rebecca Ford / Hollywood Reporter
http://www.hollywoodreporter.com/news/oscars­moonlight­producer­talks­
casting­mahershala­ali­challenges­a­shoestring­budget­974062

17. The Craft of ‘Moonlight’: How a $1.5 Million Indie Landed Eight
Oscar Nominations
Chris O'Falt / Indiewire
http://www.indiewire.com/2017/02/moonlight­oscar­nominations­indie­film­best­
picture­1201779770/