2. Ang pananagutan ay itinuturing na
kasingkahulugan ng mga salitang
tungkulin, obligasyon, at
responsibilidad. Ang pananagutan ay
ang mga dapat gawin ng isang sektor
o tao para sa kaniyang sarili at para
sa kaniyang bayan.
3.
4.
5. Magkaibigan sina Buboy at Anna.
Lagi nilang nakakalimutang
magtapon ng basura sa tamang
lugar. Itinatapon nila ang mga
plastik na baso, plastik na bag,
bote, balat ng kendi sa kalye, sa
ilog at kung saan-saan lang, maliban
sa basurahan.
6. Hindi nila alam na sa ilalim ng
ilog ay may nabuhay na Mata ng
Halimaw. Ang mga basurang
itinapon nina Buboy at Anna ay
isa-isang dumikit sa Mata ng
Halimaw.
7. Ito ang nagbigay ng buhay sa
halimaw.Araw-araw nagtatapon ng
basura sina Buboy at Anna kung
saan-saan nang walang
pagpapahalaga sa kapaligiran. At
araw-araw, ang mga basurang
itinapon nila ay kumapit sa Mata ng
Halimaw.
8. hanggang sa tinubuan na ito ng bibig,
mga kamay at paa … gawa lahat sa
basurang itinatapon nila. Ang halimaw ay
hindi na lang isang mata … Ngayon ito ay
MALAKI na! Ito ay buhay at
NAKAKATAKOT! Naku! Isa na siyang
Basura Monster!!!
9. Sobrang dami ng basura sa ilog! Ang
lason mula sa maruming ilog at sa
Basura Monster ay unti-unting
pumatay sa mga isda. Isang araw,
umahon ang Basura monster sa ilog
at naglakad sa lupa.
10. Tinapakan ng basura monster ang mga
puno at sinira ang mga kagubatan.
Hinabol nito ang mga tao lalo na ang
mga bata. Takot na takot sina Buboy at
Anna. “ Naku!” ang sabi nila, “Ganito ba
ang mangyayari kung hindi natin alagaan
ang ating mundo
11. “Hindi na tayo dapat magtapon ng
basura kung saan-saan. Ano ba ang
pwede nating gawin? Huli na ba ang
lahat?” Nagtungo ang dalawang bata
sa Alkalde at humingi ng tulong.
12. Pinatawag ng Alkalde ang taumbayan-
mga magulang, mga bata, tagalinis ng
kalsada, mga bumbero, mga pulis -
upang pag-usapan ang solusyon sa
problema. Paano ba nila labanan ang
Basura Monster? Paano ba nila malutas
ang problema tulad ng Basura Monster?
13. Sabi ng Mayor, “Nabubuhay ang
Basura Monster dahil kinakain nito
ang lahat ng basurang itinatapon na
lang natin nang walang pag-iingat at
pakundangan sa kapaligiran.”
14. “Maging responsable na tayo!”
“Bawasan natin ang ating basura!” “
Gamitin natin ang mga bagay na
meron pang pakinabang. Huwag na
tayong magtapon nang magtapon ng
basura kung saan-saan … lalo na
sa mga maruruming ilog.”
15. “Dahil kapag hindi natin ginawa ito,
lalong lalaki at lalakas ang Basura
Monster hanggang sa dumating ang
araw na hindi na natin siya kayang
labanan!” “Hindi magtatagal ang
mundo natin ay mawawasak! Ito ba
ang gusto nating mangyari?”
16. “Hindi!” ang sigaw ng mga bata.
Mula noon, natuto na ang
taumbayan na magbukod ng mga
basura. Lahat ng “recyclables ay
pinagsama-sama. Ang mga bote sa
bote, papel sa papel, plastik sa
plastik … ang mga nabubulok ay
pinagsama-sama rin.
17. At lahat ng mga tao ay natuto nang
mag-recycle. Hindi sila bastang
nagtatapon ng mga bagay na pwede
pang magamit tulad ng mga plastik
bag, tasa, at bote. Natuto na rin
silang magbawas ng basurang
itinatapon.
18. Dahil dito, humina ang Basura Monster.
Wala na itong makain na basura. Hindi na
niya kayang mabuhay na walang basura sa
ilog. Nakita ng taumbayan kung paanong
unti-unting nawala ang kapangyarihan ng
Basura Monster hanggang sa hindi na nito
kayang sirain ang kapaligiran. “ Yehey!”
sigaw ng mga bata.
19. “Natalo rin natin ang Basura
Monster!” masayang sigaw ng
taumbayan.“Lahat ng ito ay dahil
tulung-tulong tayong gumawa ng
paraan upang iligtas ang
kapaligiran.” ang sabi ng Alkalde.
20. “At hindi tayo dapat huminto.
Ugaliin na nating gawin ito
habang buhay.” Sumang-ayon
sina Buboy at Anna sa Alkalde
dahil sa mahalagang aral na
natutunan nila.
21. Muling dumami ang mga isda,
muling lumago ang mga puno at
muling luminaw ang tubig sa
ilog. At naligtas ang mundo
mula sa paninira ni Basura
Monster.
22. 1. Sino ang magkaibigan sa
kuwento?
2. Ano ang ginagawa ng
mag-kaibigan?
3. Tama ba ang ginagawa
nila? Bakit?
23. 4. Ano ang nagyari sa mga
itinatapon nilang basura?
5. Ano ang ginawa ng taong
bayan pagkatapos ng
nangyari?
24. Ang kalinisan at kaayusan sa
pamayanan o barangay ay
pananagutan ng mamamayan.
Mahalaga ang pakikilahok at
disiplina upang mapanatili ito.
25. Narito ang ilang bagay na
malaki ang maitutulong
kung gagampanan nang
may pananagutan.
