2. Lakbay-Sanaysay
Nagtataglay ito ng mga pahayag tungkol sa
karanasan sa paglalakbay. Isinusulat ito
upang ilahad sa mambabasa ang mga nakita
at natuklasan sa paglalakbay gamit ang
pandama, paningin, pakiramdam, panlasa,
pang-amoy at pandinig.
3. Ayon kay Nonon Carandang, ito ay
tinatawag niyang sanaylakbaykung
saan ang terminolohiyang ito ayon sa
kanya ay binubuo ng tatlong konsepto.
Sanaysay
Sanay
Lakbay
4. Ayon kay Patti Marxen, sa artikulong
“The Art of Travel Essay,” ang isang
mapanghikayat na lakbay-sanaysay ay
dapat makapagdulot hindi lamang ng
mga impormasyon kundi ng matinding
pagnanais na mag-lakbay.
5. Lakbay Sanaysay
Sa pagsulat nito, maaring gamitin ang pagtatangi
at paghahambing sa mga lugar, upang malinang
ang wastong pagtitimbang-timbang ng mga
ideya, mula sa maganda o hindi kanais nais,
kapaki-pakinabang o walang kabuluhan,
katanggap-tanggap o hindi katanggap-tanggap,
at kapuri-puri o hindi kapuri-puri.
6. Mga dahilan ng Pagsulat ng Lakbay-
Sanaysay
Una
Upang itaguyud ang isang lugar at kumita sa pagsusulat.
Pangalawa
Layunin nitong makalikha ng patnubay para sa mga posibleng manlalakbay.
Pangatlo
Maaari ding itala ang pansariling kasaysayan sa paglalakbay tulad ng
espiritwalidad, pagpapahilom, o kaya’y pagtuklas sa sarili.
Pang-apat
Upang maidokumento ang kasaysayan, kultura, at heograpiya ng lugar sa
malikhaing pamamaraan.
7. Mga Bahagi
Simula /Panimula
- Ito ang pinakamahalaga na bahagi dahil dito ang inaasahan kung ipagpatuloy ng mambabasa sa
kanyang binabasang sulatin. Dapat makuha ng akda ang atensyon at damdamin ng mambabasa.
Gitna/Katawan
- Dito naman sa bahaging ito mababasa ang mga mahalagang puntos o ideya ukol sa
paksang pinili at sinulat ng may akda. Dito rin natin malalaman ang buong puntos dahil
ipinapaliwanag ng maayos at mabuti ang paksang pinag uusapan o binibigyang pansin.
Wakas
- Sa bahaging ito isinasara ng akda ag paksang nagaganap sa gitna o katawan ng isinulat niya.
Dito rin naghahamon ang akda sa mga isip ng mga mambabasa na maisakatuparan ang mga
isyung tinatalakayan niya.
8. Mga Dapat tandaan sa Pagsulat ng Lakbay-Sanaysay
1. Magkaroon ng kaisipang manlalakbay sa halip na isang turista
Bago magtungo sa lugar na balak mong puntahan ay dapat magsaliksik o magbasa
tungkol sa kasaysayan nito. Pag-aralan ang kanilang kultura, tradisyon, relihiyon, sistemang
politikal at ekonomikal maging ang lengguwaheng ginagamit sa lugar na iyon.
2. Sumulat sa unang panauhang punto de bista
Magkaroon ng kritikal na pananaw sa pagsulat sa pamamagitan ng malinaw at malalim na
pag-unawa sa mga ideyang isusulat.
3. Tukuyin ang pokus ng susulating lakbay-sanaysay
Buksan ang isip at damdamin sa paglalakbay lawakan ang naaabot ng paningin, talasan
ang isip, palakasin ang pandama at pang amoy, sensitibong lasahan ang pagkain.
9. 4. Magtala ng mahahalagang detalye at kumuha ng mga
larawan para sa dokumentasyun habang naglalakbay
Ang mga pangunahing gamit na dapat dala ng taong susulat ng lakbay sanaysay ay
ang panulat, kuwaderno o dyornal, at kamera. Mahalagang maitala ang pangalan ng
mahahalagang lugar, kalye, restoran, gusali, at iba pa.
5. Ilahad ang mga realisasyon o mga natutuhan sa ginawang
paglalakbay
Tiyakin na mapupukaw ang kawilihan ng mambabasa sa susulating lakbay-sanaysay.
6. Gamitin ang kasanayan sa pagsulat ng sanaysay
Kung susulat ng lakbay-sanaysay, huwag gumamit ng mga kathang-isip na ideya.
Isulat ang katotohanan sapagkat higit na madali itong bigyang-paliwanag gamit ang
mga malikhaing elemento.
10. ANG PICTORIAL ESSAY
Ang PICTORIAL ESSAY ay isang sulatin kung
saan higit na nakararami ang larawan
kaysa sa salita o panulat. May pagkakataong
nakaugnay ito sa isang lakbay-sanaysay
lalo na’t karamihan ng lakbay-sanaysay ay may
kasamang larawan.
11. Sa pagsulat ng pictorial essay dapat lamang tandaan
ang sumusunod:
• Ang paglalagay ng larawan ay dapat na isinaayos o pinag-isipang mabuti sapagkat ito ang
magpapakita ng kabuoan ng kuwento o kaisipang nais ipahayag.
• Ang mga nakatalang sulat o katitikan sa bawat larawan ay suporta lamang sa mga larawan
kaya’t hindi ito kinakailangang napakahaba o napakaikli. Kailangang makatutulong sa pag
unawa at makapukaw sa interes ng magbabasa o titingin ang mga katitikang isusulat dito.
• May isang paksang nais bigyang-diin sa mga larawan kaya’t hindi maaaring maglagay ng mga
larawang may ibang kaisipan o lihis sa paksang nais bigyang-diin. Kailangang maipakita sa
kabuoan ang layunin ng pagsulat o paggawa ng pictorial essay.
• Isipin ang mga manonood o titingin ng iyong photo essay kung ito ba ay mga bata, kabataan,
propesyonal, o masa upang maibatay sa kanilang kaisipan at interes ang mga larawan ilalagay
gayundin ang mga salitang gagamitin sa pagsulat ng mga caption.