K.I

1. BANGHAY ARALIN SA G10 ARALING PANLIPUNAN
QUARTER 2
DLP No. 3
PAUNLARIN
I. LAYUNIN
A. Kasanayan sa Pagkatuto
1 Naiuugnay ang iba’t ibang perspektibo at pananaw ng globalisasyon bilang
suliraning panlipunan AP10GKA-IIa-2
Mga Layunin
2.1 Naiisa – isa ang iba’t ibang perspektibo at pananaw tungkol sa kasaysayan
at simula ng globalisasyon.
2.2 Nailalahad ang iba’t ibang perspektibo at pananaw ng globalisasyon .
2.3 Naipaliliwanag ang dahilan kung bakit nagiging suliraning panlipunan ang
iba't ibang perspektibo at pananaw ng globalisasyon.
II. NILALAMAN
B. Aralin/Paksa: GLOBALISASYON: Konsepto at Perspektibo
III. KAGAMITANG PAMPAGKATUTO
A. Sanggunian
Mga pahina sa Gabay ng Guro
Mga pahina sa Kagamitang Pang-mag-aaral
Mga pahina sa Teksbuk
Karagdagang kagamitan mula sa Portal ng LR
B. Iba pang Kagamitang Panturo
IV. PAMAMARAAN
1. Panimulang Gawain
a. Balik-aral: Punan mo!. Tumawag ng mag-aaral upang punan ang patlang ng
angkop na mga salita upang mabuo ang kahulugan ng globalisasyon.
b. Pagganyak : 1.Quotation: Ipapaliwanag sa mag-aaral ang:
Ang globalisasyonay ______ ng mabilisang ______ o paggalawng mga
_____, bagay, ______ at ______ sa iba’t ibang direksiyon na nararanasan
sa iba’t ibang panig ng _______.
proseso tao impormasyon produkto daigdigpagdaloy
y
CHANGE IS THE ONLY PERMANENT THING IN
THIS WORLD

2. Pagganyak : 2.Hugot Lines: Pagawain ng hugot lines ang mag-aaral tungkol
sa, pagbabago o kaya'y paglipas ng panahon. Tumawag ng mag-aaral at
ipabasa ang kanilang ginawa sa harap ng klase
c. Paglahad ng Layunin : Sa araling ito ay aalamin ang iba't ibang 't ibang
Perspektibo.at Pananaw ng Globalisasyon
2. Panlinang na Aralin: INTEGRATIVE APPROACH
Gawain 1: Discussion method
Panuto: Tatalakayin sa klase ang iba't ibang perspektibo at pananaw ng
globalisasyon. Hayaang magbahagi ng kaalaman ang mga mag-aaral sa
talakayan sa pamamagitan ng pagsagot sa ilang katanungang ibibigay ng guro.
LIMANG PERSPEKTIBO O PANANAW TUNGKOL SA KASAYSAYAN AT SIMULA NG
GLOBALISASYON.
Una ay ang paniniwalang ang ‘globalisasyon’ ay taal o nakaugat sa bawat isa.
Ayon kay Nayan Chanda (2007), manipestasyon ito ng paghahangad ng tao sa
maalwan o maayos na pamumuhay na nagtulak sa kaniyang
makipagkalakalan, magpakalat ng pananampalataya, mandigma’t manakop at
maging adbenturero o manlalakbay.
Ang pangalawang pananaw o perkspektibo ay nagsasabi na ang globalisasyon
ay isang mahabang siklo (cycle) ng pagbabago. Ayon kay Scholte (2005),
maraming ‘globalisasyon’ na ang dumaan sa mga nakalipas na panahon at ang
kasalukuyang globalisasyon ay makabago at higit na mataas na anyo na
maaaring magtapos sa hinaharap. Mahirap tukuyin ang panahon kung kailan
nagsimula ang globalisasyon kaya higit na mahalagang tingnan ang iba’t ibang
siklong pinagdaanan nito.
Sa kabilang banda, ang pangatlong pananaw ng globalisasyon ay naniniwalang
may anim na ‘wave’ o epoch o panahon na siyang binigyang-diin ni Therborn
(2005). Para sa kanya, may tiyak na simula ang globalisasyon at ito’y makikita
sa talahanayan na nasa kasunod na pahina.
Hawig ng ikaapat na pananaw ang ikatlo. Ayon dito, ang simula ng
globalisasyon ay mauugat sa ispesipikong pangyayaring naganap sa
kasaysayan. Sa katunayan, posibleng maraming pinag-ugatan ang
globalisasyon. Ilan dito ang sumusunod:
o Pananakop ng mga Romano bago man maipanganak si Kristo (Gibbon 1998)
o Pag-usbong at paglaganap ng Kristyanismo matapos ang pagbagsak ng
Imperyong Roman
o Paglaganap ng Islam noong ikapitong siglo
o Paglalakbay ng mga Vikings mula Europe patungong Iceland, Greenland at
Hilagang America
o Kalakalan sa Mediterranean noong Gitnang Panahon
Maaaring nagsimula ang globalisasyon sa kalagitnaan ng ika-20
siglo nang unang ginamit ang telepono noong 1956 o nang
lumapag ang ‘transatlantic passenger jet’ mula New York hanggang
London. Maaari rin namang nagsimula ito nang lumabas ang unang
larawan ng daigdig gamit ang satellite ng taong 1966. Mayroon ding
nagsasabi na ang globalisayon ay nagsimula noong taong 2001
nang pabagsakin ng mga terorista ang Twin Towers sa New York.
Ang pangyayaring ito ay gumising sa marami na kinakailangan ang
higit na pag-aaral sa isang ‘global’ na daigdig.

3. o Pagsisimula ng pagbabangko sa mga siyudad-estado sa Italya noong ika-12
siglo
Maaaring nagsimula ang globalisasyon sa kalagitnaan ng ika-20 siglo nang
unang ginamit ang telepono noong 1956 o nang lumapag ang ‘transatlantic
passenger jet’ mula New York hanggang London. Maaari rin namang nagsimula
ito nang lumabas ang unang larawan ng daigdig gamit ang satellite ng taong
1966. Mayroon ding nagsasabi na ang globalisayon ay nagsimula noong taong
2001 nang pabagsakin ng mga terorista ang Twin Towers sa New York. Ang
pangyayaring ito ay gumising sa marami na kinakailangan ang higit na pag-
aaral sa isang ‘global’ na daigdig.
Ang huling pananaw o perspektibo ay nagsasaad na ang globalisasyon ay
penomenong nagsimula sa kalagitnaan ng ika-20 siglo.
Tatlo sa mga pagbabagong naganap sa panahong ito ang sinasabing may
tuwirang kinalaman sa pag-usbong ng globalisasyon. Ito ay ang:
Pag-usbong ng Estados Unidos bilang global power matapos ang
Ikalawang Digmaang Pandaigdig.
Ipinakita ng Estados Unidos sa daigdig ang kaniyang lakas-militar nang
talunin ang Japan at Germany sa Ikalawang Digmaang Pandaigdig,
naungusan ang France at Great Britain sa usaping pang-ekonomiya at
sakupin ang mga Asyanong bansang Korea (taong 1950) at Vietnam (
taong 1960-70).
Paglitaw ng mga multinational at transnational corporations (MNcs
and TNCs)
Bagamat ang mga makapangyarihang korporasyon sa daigdig ay
nagsimula noong ika-18 hanggang ika-19 na siglo mula sa Germany,
Great Britain at United States, marami sa mga ito ay kasalukuyang
nagtutuon ng pansin sa ibang bansa partikular sa mga developing
nations. Isa sa mga halimbawa nito ay ang Ford at General Motors. Dati’y
mamimili ng sariling bansa ang pokus ng mga kompanyang ito subalit sa
kasalukuya’y malaking bahagdan o porsyento ng kanilang kita ay
nanggagaling sa mga bansa sa Asya at Latin America. (Tatalakayin ang
isyung ito sa mga susunod na bahagi.)
Pagbagsak ng Soviet Union at ang pagtatapos ng Cold War
Sinasabing ang pagbagsak ng ‘Iron Curtain’ at ng Soviet Union noong
1991 ang naghudyat sa pag-usbong ng globalisasyon. Matapos ang
pangyayaring ito’y mabilis na nabura ang markang naghahati at
naghihiwalay sa mga bansang komunista at kapitalista. Pumasok ang
mga multinational companies (MNCs) sa mga bansang dating sakop ng
USSR tulad ng Ukraine, Estonia at Latvia. Nagbukas ang mga bansang ito
sa migrasyon, media, turismo at ugnayang panlabas.
PAMPROSESONG TANONG
1.Ano ang iyong pagkakaunawa sa suliraning panlipunan?
2. Maari bang magdulot ng suliraning panlipunan ang mga
perspektibo atpananaw ng globalisasyon?
3. Ipaliwanag ang iyong sagot?

4. Gawain 2: Tilamsik Kaalaman
Panuto: Punan ang graphic organizer na Balangkas- Kaalaman batay sa iyong
naunawaan sa binasang teksto. Isulat sa unang kolum ang pananaw tungkol
sa pag-usbong ng globalisasyon at sa pangalawang kolum naman ang
mahahalagang kaisipan kaugnay nito. Isulat sa ikatlong kolum ang mga susing
salita o esensyal na kaisipan sa bawat pananaw..

5. 3. Pangwakas na Gawain
a. Paglalahat:
b. Paglalapat:
Window Shopping:. Papuntahin ang mga mag-aaral sa isang sari-sari store,
grocery store, canteen at mga kauri nito at paglilistahin sila ng mga produktong
makikita rito. Mula dito’y pipili sila ng lima sa mga produkto o serbisyong
makikita o ipinagbibili rin sa ibang bansa. Isulat ang mga ito sa talahanayan sa
ibaba.
a. Pangalan
b. Kompanya (kung mayroon man)
c. Bansang pinagmulan
PRODUKTO/SERBISYO KOMPANYA BANSANG PINAGMULAN
1
2
3
4
5
PAMPROSESONG TANONG
1. Bakit sinasabing matagalnang may globalisasyon?
Naniniwala ka ba dito? Ipaliwanag ang iyong sagot.
2. Sa mga pananaw atperspektibong inihain,alin sa mga ito
ang sa iyong palagay ay katanggap-tanggap?
Pangatuwiranan.
Sa araw na ito ay tinalakay ang:___________________________
__________________________________.;
PAMPROSESONG TANONG
1. Ano-anong produkto atserbisyo ang iyong natuklasan na
ipinagbibili hindilamang sa loob ng ating bansa kundimaging
sa iba pang bansa?
2. Sa anong mga bansa nagmula ang mga produkto o
serbisyong nabanggit?
3. Paano kumalatang mga produktong ito sa iba’tibang panig
ng daigdig.

6. c. Pagtataya
Panuto: Isulat ang bilang 1 hanggang 5 sa patlang kung aling
perpektibo/pananaw ang kinakatawan ng bawat pahayag.
______1. Naniniwalang may anim na ‘wave’ o epoch o panahon na siyang
binigyang-diin ni Therborn
______2. Ang simula ng globalisasyon ay mauugat sa ispesipikong
pangyayaring naganap sa kasaysayan.
______3. Nagsasabi na ang globalisasyon ay isang mahabang siklo (cycle) ng
pagbabago
______4. Nagsasaad na ang globalisasyon ay penomenong nagsimula sa
kalagitnaan ng ika-20 siglo.
______5. Ang paniniwalang ang ‘globalisasyon’ ay taal o nakaugat sa bawat isa
d. Pagpapahalaga
V. 1. MGATALA
_______________________________________________________________
2. PAGNINILAY
A. Bilang ng mag-aaral na nakakuha ng 80% sa pagtataya _______________
B. Bilang ng mag-aaral na nangangailangan ng iba pang gawain para sa
remediation
_________________________________________________________
C. Nakatulong ba ang remedial?_______ Bilang ng mag-aaral na nakaunawa
sa aralin______________________________________________________
D. Bilang ng mag-aaral na magpapatuloy sa remediation?________________
E. Alin sa mga istratehiyang pagtuturo ang nakatulong nang lubos?_________
___________________Paano ito nakatulong? _______________________
F. Anong suliranin ang aking naranasan na nasolusyunan sa tulong ng aking
punong- guro at superbisor?______________________________________
G. Anong kagamitang panturo ang aking nadibuho na nais kong ibahagi sa
mga kapwa ko guro?_________________________________________
NOTE:
Kapag kulang sa oras, ang gawain 2 sa Paglinang ng aralin hanggang
Pangwakas na gawain ay pwedeng ipagawa sa susunod na araw.
Ang window shopping sa Paglalapat ay pwedeng pre assigned sa mga
bata.
3
2
1
Bakit mas tinatangkilik ng
mga Pilipino ang produktong
banyaga?