1. რეფლექსია
სამოდელო გაკვეთილი “მხედველობის ორგანოს აგებულება.მხედველობის რეცეპტორების
ტიპები.ფერადი მხედველობა*
პედაგოგი-ნინელი კუხალაშვილი
ინოვაციური სამოდელო გაკვეთილის ჩატარება სასწავლო გაჩერებებით გადავწყვიტე.
სააწავლო გაჩერებები დიფერენცირებული სწავლების ფორმაა და შესაბამისად ინფორმაციის
მოპოვების სხვადასხვა ხერხი ავირჩიე-ესენია ვიდეორგოლი, ექსპერიმენტები, სქემების
საფუძველზე მონაცემთა ანალიზი, სახელმძღვანელოსთან მუშაობა. მეათე კლასელი
მოსწავლეებისთვის გაკვეთილი დამღლელი რომ არ ყოფილიყო მხოლოდ ერთ გაკვეთილში
დავგეგმე აქტივობები და არ ავიღე გაკვეთილების სერია. დროის მოგების მიზნით კლასი
წინასწარ დავყავი ჯგუფებად, მოვაწყვე ოთახში მაგიდები ჯგუფური მუშაობისთვის და
დავახვედრე სასწავლო რესურსები და ინსტრუქცია, გაკვეთილზე დროის მოგების შესაძლებლობა
მომცა აგრეთვე რესურსების სწორად ორგანიზებამ და განლაგებამ.
მოსწავლეებს სამუშაო მაგიდებთან დახვდათ მკაფიო ინსტრუქციები, ინსტრუქციებს ეწერა
ჯგუფის ნომრები, ამან არეულობა და ზედმეტი შეკითხვების დასმის პრობლემა მოაგვარა.
პირველი აქტივობის მიზნის გაცნობის დროს მივეცი მითითებები რომელი მეთოდით
ვისარგებლებდი მიზნის მისაღწევად და რა რუბრიკებით ვისარგებლებდი შეფასების
დროს.შევახსენე ქცევის წესებიც.
მეორე აქტივობა ცოდნის კონსტრუირება მოვახდინე სასწავლო გაჩერებებით.
პირველ გაჩერაბაზე წარმოდგენილი თვალის მოდელის საშუალებით ბავშვებმა სწორად
გასცეს პასუხები, თუ რა ნაწილებისგან შედგება თვალი,რა გზას გაივლის საგნებიდან
წამოსული სინათლე და როგორ ხდება საგანთა ფოკუსირება.
მეორე გაჩერებაზე იყო * დაკარგული სიტყვების* პოვნა სახელმძღვანელოს გამოყენებით,ამ
აქტივობამ დიდი ინტერესი გამოიწვია,ყველა მათგანი სახელმძღვანელოში ეძებდა რომელი
სიტყვები იყო *დაკარგული*.
მესამე გაჩერებაზე წარმოდგენილი იყო ორი ექსპერიმენტი.ექსპერიმენტებმა სიხარული
გამოიწვია ბავშვებში.
მოსწავლეებს დახმარება მხოლოდ ექსპერიმენტი: * თვალი ბროლი,როგორც ლუპა*
გაასაანალიზებლად დაჭირდათ, სადაც უნდა მიეღოთ ყვავილიანი ქოთნის თავდაყირა
გამოსახულება კედელზე. დახმარება გავუწიე ყველა ჯგუფს ახნის საშუალებით.
მეოთხე გაჩერებაზე წარმოდგენილი იყო სქემები მხედველობის დარღვევების
შესახებ.ცხრილები ყველა ჯგუფმა უშეცდომოდ შეავსო.
წარმოდგენილი მქონდა ალტერნატიული გაჩერებაც.სადაც ბავშვები სლაიდის საშუალებით
გაეცვნენ სხვადასხვა ცხოველის მხედველობის ორგანოებს.
ნამუშევრების წარმოდგენის დროს ერთმა მოსწავლემ გააკეთა თავისი ჯგუფის პრეზენტაცია
და შეადარა სხვა ჯგუფის ნამუშევრებს. უკეთესი იქნებოდა, სხვა ჯგუფებისთვის მეკითხა,
განსხვავებულად ხომ არ ჰქონდათ წარმოდგენილი ინფორმაცია და რატომ? განმსაზღვრელი
შეფასებით მხოლოდ პრეზენტატორები შევაფასე.უმჯობესი იქნებოდა სხვებიც
შემეფასებინა.რასაც მომავალში გავითვალისწინებ.
როგორც მოსწავლეთა თვითშეფასებებიდან გამოიკვეთა, ყველაზე მეტად გაჩერება
ექსპერიმენტი მოეწონათ, ეს მეც შევამჩნიე საგაკვეთილო პროცესში, ყველაზე აქტიურად და
ხალისით ამ გაჩერებაზე მუშაობდნენ.განსაკუთრებით კი პირველმა ექსპერიმენტმა *როგორ
2. ვიპოვოთ ბრმა ხალი * გამოიწვია.ყველა მათგანი ცდილობდა საკუთარ თავზე აღმოეჩინათ
ბრმა ხალი. მოსწავლეთა შეფასება გამიადვილა განმავითარებელმა დაფამ,სადაც ვაკეთებდი
აღნიშვნებს ჯფუფური და გაჩერებებზე მუშაობის დროს
მეოთხე აქტივობა ვედეორგოლით:* იცით თუ არა* დავამთავრე.სადაც წარმოდგენილი იყო
თვალზე 25 საოცარი ფაქტის შესახებ.
დამსწრე კოლეგებისთვის მეთოდი ,,სასწავლო გაჩერებები“ საინტერესო აღმოჩნდა, როგორც
აღნიშნეს, მოსწავლეები აქტიურად იყვნენ ჩართული სამუშაო პროცესში და ამ მეთოდს
თვითონაც გამოიყენებენ მაქსიმალური ჩართულობის მისაღწევად.