Pasin blong peim tait em rot God i mekim blong mipla long sapotim na karim wok blong telimautim Gutnius blong Jisas. Taim mipla peim wanpla 10 tait blong mipla taim, em mipla sowim bilip blong mipla long God.
1. Leson 8: Februari 17 – 23
Pawa we stap insait long pasin blong givim
Baibel ves blong ridim long displa wik:
Mak 16: 15;
1 Pita 3: 8,9;
1 Korin 9: 14;
Rom 3: 19 – 24;
Memori ves:
13 Ol man i mekim wok long haus bilong God, ol i save kisim kaikai
long haus bilong God. Na ol man i mekim wok bilong alta, ol i save
kisim hap abus bilong ol ofa ol manmeri i mekim long alta. Ating
yupela i no save long dispela? 14 Olsem tasol Bikpela i bin givim tok
long yumi olsem, ol man i save wok long autim gutnius, ol i mas kisim
ol samting bilong helpim bodi long ol manmeri i kisim gutnius.
(1 Korin 9:13, 14 TPB)
Olsem yumi i bin lukim long las wik, buk Baibel i lainim mipla long peim
wan-10 tait. Pasin blong peim tait i minim olsem mipla i givim bek long God
wanpla 10 long olgeta moni we i kam stap long han blong mipla. Peim wan-10
tait em i wankain olsem mipla winim wanpla tes. Taim mipla peim wan-10 tait
blong mipla taim, em mipla sowim bilip blong mipla long God. Na mipla winim
displa tes taim mipla peim wan-10 tait (2 Korin 13:5).
Namba wan taim tru we mipla ridim toktok blong pasin blong peim wan-10 tait
insait long buk Baibel em i stap insait long stori blong Abraham long buk Stat
14:18 – 20. Insait long displa stori, Abraham i givim wan-10 tait long
Melkisedek. Buk Baibel i tokim mipla tu olsem ol pris na Livai i kisim tait long
wok ol i bin mekim insait long haus holi blong God (2 Stori 31:4 – 10). Long
tede, ol wan-10 tait ol lain blong God i givim i go insait long sapotim ol wokman
blong God husait i telimautim Gutnius.
2. Tait em plen blong God. Olsem na mipla nid long anasten na klia gut long
impoten blong peim wan-10, na long luksave long wanem rot displa moni em ol
yusim insait long sios long wokim wok blong God.
God i wokim displa plen long halivim mipla long gro strong insait long spirit na
long lotu blong mipla. Pasin blong peim tait em rot God i mekim blong mipla
long sapotim na karim wok blong telimautim Gutnius blong Jisas. Olsem na
olgeta lain blong God husait i stap pas wantaim em imas peim tait blong ol. Yes,
peim wan-10 tait em namba wan wok stret ol lain husait i lukautim ol samting
blong God imas mekim.
Long displa wik bai mipla lukluk moa iet long plen blong God insait long pasin
blong givim wanpla 10 tait.
***