Toktok whe igo pas (Introduction) long karamapim Baibel stadi blong mipla long displa wik. This is the transcript of the podcast of the same name.

1. 1
Leson 1 – Disemba 30, 2017 – Jenuari 5, 2018
Pawa Blong Mani
Baibel ves blong ridim long
displa wik:
1 Jon 2:16, 17;
Luk 14:26–33;
Luk 12:15–21;
Diuteronomi 8:10–14.
Memori ves: “Noken larim
displa graun o pasin blong
laikim ol samting blong displa
graun pulim tingting blong yu.
Nogat. Larim sanis i kamap
insait long yu long niupla kain
wei blong tingting. Yu mekim olsem na bai yu luksave gut stret long wanem
samting tru God i laikim long yu. Na bai yu luksave tu long wanem samting i
gutpla, na wanem samting i hamamasim bel blong God, na wanem samting i
stre tpla pasin stret.”
Romens 12:2
Buk Baibel i tokim mipla ol lain man meri blong God long kisim was na
lukautim tingting blong mipla. Olsem mipla imas "noken larim displa grain na
ol samting blong displa graun long pulim tingting blong mipla."
Tasol laikim blong mipla long ol samting olsem mani na kago i save strong
tumas. Planti taim tumas ol displa kain laikim blong mipla save karim mipla
igo long krangki rot blong mekim pasin whe ino stret.
Displa ol samting save paolim tingting blong mipla, na mipla save ting olsem
mani bai ikarim displa ol gutpla samting kam long mipla. Kain olsem na mipla
save mangal moa yet long ol samting whe trutru em mipla ino gat nid long ol.
Displa kain ol paol mangal pasin ino save mekim sense taim yumi sidaun na
skelim gut.
Tasol inogat planti lain husait ino save tok nogat long pasin blong laikim mani
na kago blong graun. Na mi toktok long yumi olget ol lain manmeri, husait ol
lain igat planti mani na ol lain inogat mani wantaim,
Sorre part em olsem planti ol Kristen tu stap insait long displa grup.
Inogat asua long yu long gatim mani na kago. O long wok hat long sapotim yu
yet na famili blong yu.

2. 2
Tasol wanem samting bai kamap taim yumi ronim mani tumas, na displa em
kamap olsem bikpla na namba wan samting tru long laip blong yu, na em
kamap olsem as tru long stap blong yu long displa graun?
Em nau. Displa em toktok whe mipla tok pastaim olsem "graun na samting
blong graun i pulim tingting blong mipla long laikim tumas ol samting blong
displa graun." (Romens 12:2)
Seten save mekim mipla ting olsem gutpla laif em stap insait long mani
tasol. Tasol displa em ino tru. Mani em wanpla kain mask o samting blong
karamapim pes. Seten isave hait baksait long mani long trikim mipla long
bihainim em.
Mipla imas klia long displa. Pasin blong laikim tumas mani na ronim tumas
mani na kago em tupla feivaret na namba wan samting em isave yusim long
pait wantaim ol Kristen manmeri. Traim skelim traim. Husait ino save laikim
wanem samting mani iken baim insait long displa graun, long displa laip?
Tasol long arere blong em, mani em bai ino nap tru pulimapim mipla wantaim
ol bikpla na trupla ol nid long laip blong mipla.
JISAS TASOL IKEN STRETIM OLGETA WARI BLONG MIPLA.