ETIKA SA PANANALIKSIK-SALVATIERRA, NICAMARI DC..pptx
Rehiyonal na Panitikan bilang Pambansang Panitikan
1. Jemima Nicole S. Francisco
2012-22524 BSE major in English
Rehiyonal na Panitikan bilang Pambansang Panitikan
Tinalakay sa nasabing forum ang isyu tungkol sa Panitikan sa panahon ng K to 12. Ako ay nahuli sa
pagdating sa nasabing forum ngunit ako ay maraming napulot na kaalaman sa nasabing konperensya. Ayon sa
DepEd order 73 o ang batas na nagsasailalim sa K to 12, ang pamantayan ng pagtuturo sa isang bata ay ang mga
sumusunod: mga kasanayang pampagkatuto, pagtataya at instruksiyon. Ito ang batayan na ibinigay ng DepEd na
dapat sundin ng mga guro na magtuturo ng asignaturang Pilipino. Sinabi rin ng tagapagsalitang si Ginang
Christy Chioco, ang DepEd na ang magbibigay ng learner’s material o kung ano ang ituturo sa mga bata pati na
ang teacher’s guide o kung paano ituturo ang mga aralin sa mga estudyante. Ngunit sinabi niya rin na hindi
dapat tayo kumahon sa learner’s material na ginawa ng DepEd, bagkus ay dapat tayong maghanap ng
panibagong ituturo sa mga bata (halimbawa, kung ikaw ay magtuturo sa Cebu, ipakilala at ituro mo ang
panitikan ng mga Cebuano) namas lalong magpapakilala sa kanila ng kanilang identidad bilang isang Pilipino.
Ang mahalaga ay maabot ng mga bata ang mastery o pagkabihasa sa nasabing larangan, mapunan ang mga
hinihiging pamantayan na ginawa ng DepEd at kanilang mapatunayan ito sa pamamagitan ng mga pagsusulit
tulad ng diagnostic (not graded), formative (not graded) at summative (graded) exams.
Ilan lamang ito sa mga nalaman ko sa nasabing talakayan. Dito ko rin nalaman na hindi na pala
kailangang balikan ng isang bata ang isang taon ng kanyang naibagsak o ibinagsak na asignatura bagkus ay
babalikan na lang niya kung anong quarter siya pumalya at pag ito ay kanyang naipasa, magiging maayos na
ang lahat (DepEd’s Bridging Program). Dito ko rin nalaman na hindi mass promotion ang layunin na
inilulunsad ng Dep Ed bagkus ay ang pagiging bihasa ng mga bata sa lahat ng kanilang mga asignatura; umulit
man sila kung sila ay bumagsak o hindi. Ako ay natuwa bilang isang guro sa hinaharap sapagkat bukod sa
marami akong nalaman at natutunan na magagamit ko sa aking pagtuturo ng asignaturang Pilipino, dito ko
nalaman na hindi ko na kailangang kumahon sa curriculum na ibibigay ng DepEd. Maaari na akong kumuha ng
ibang mga materyal na maaari kong gamitin sa pagtuturo basta’t ang mahalaga ay maging bihasa ang aking mga
estudyante sa pagkatuto sa nasabing asignatura. Noong una ay hindi talaga ako sang-ayon sa K to 12 ngunit
nang nalaman ko ang mga bagay na ito, nasabi ko sa aking sarili na, “Oo nga. Baka ito na ang solusyon sa
problema sa aspetong pang-edukasyon sa ating bayan. Bakit hindi natin subukan ang pagbabagong ito?”. Bilang
isang guro sa hinaharap, nararapat lamang na bukas ang aking pintuan sa mga maaaring maging pagbabago sa
larangan ng edukasyon. At ito, itong pagbabagong ito, handa akong tanggapin ito at gawin ang lahat upang
maging maganda ang kalalabasan ng pagbabagong ito hindi lang para sa akin kundi para na rin sa aking mga
estudyante.