2. Bumuo sa Pagsusulat ng Modyul
Manunulat: Heide F. Carlos
Editor: Amalia C. Solis, EPS
Tagasuri: Myrna G. Soriano, PSDS
Tagaguhit: Name
Tagalapat: Name
Tagapamahala: Malcolm S. Garma Regional Director
Genia V. Santos, CLMD Chief
Dennis M. Mendoza, Regional EPS In Charge of LRMS and
Regional ADM Coordinator
Maria Magdalena M. Lim, CESO V, Schools Division Superintendent
Aida H. Rondilla, CID Chief
Lucky S. Carpio, Division EPS In Charge of LRMS and
Division ADM Coordinator
Araling Panlipunan – Ikaapat na
Baitang Alternative Delivery Mode
Unang Markahan – Modyul 1: Ang Pilipinas ay Isang
Bansa Unang Edisyon, 2020
Isinasaad sa Batas Republika 8293, Seksiyon 176 na: Hindi maaaring
magkaroon ng karapatang-sipi sa anomang akda ang Pamahalaan ng Pilipinas.
Gayonpaman, kailangan muna ang pahintulot ng ahensiya o tanggapan ng
pamahalaan na naghanda ng akda kung ito ay pagkakakitaan. Kabilang sa mga
maaaring gawin ng nasabing ahensiya o tanggapan ay ang pagtakda ng kaukulang
bayad.
Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit
sa modyul na ito ay nagtataglay ng karapatang-ari ng mga iyon. Pinagsumikapang
matunton ang mga ito upang makuha ang pahintulot sa paggamit ng materyales.
Hindi inaangkin ng mga tagapaglathala at mga may-akda ang karapatang-aring
iyon. Ang anomang gamit maliban sa modyul na ito ay kinakailangan ng pahintulot
mula sa mga orihinal na may-akda ng mga ito.
Walang anomang parte ng materyales na ito ang maaaring kopyahin o ilimbag sa
anomang paraan nang walang pahintulot sa Kagawaran.
Inilathala ng Kagawaran ng
Edukasyon Kalihim: Leonor
Magtolis Briones
Pangalawang Kalihim: Diosdado M. San Antonio
Inilimbag sa Pilipinas ng
Department of Education – National Capital Region
Office Address:
Telefax:
E-mail Address:
4. ii
Mga Tala para sa Guro
Ito'y naglalaman ng mga paalala, panulong o
estratehiyang magagamit sa paggabay sa mag-aaral.
Paunang Salita
Para sa tagapagdaloy:
Malugod na pagtanggap sa asignaturang Araling Panlipunan 4 ng Alternative
Delivery Mode (ADM) Modyul para sa araling Ang Pilipinas ay Isang Bansa !
Ang modyul na ito ay pinagtulungang dinisenyo, nilinang at sinuri ng mga
edukador mula sa pambuliko at pampribadong institusyon upang gabayan ka, ang
gurong tagapagdaloy upang matulungang makamit ng mag-aaral ang pamantayang
itinakda ng Kurikulum ng K to12 habang kanilang pinanagumpayan ang pansarili,
panlipunan at pang-ekonomikong hamon sa pag-aaral.
Ang tulong-aral na ito ay umaasang makauugnay ang mag-aaral sa mapatnubay at
malayang pagkatuto na mga gawain ayon sa kanilang kakayahan, bilis at oras.
Naglalayon din itong matulungan ang mag-aaral upang makamit ang mga
kasanayang pan-21 siglo habang isinasaalang-alang ang kanilang mga
pangangailangan at kalagayan.
Bilang karagdagan sa materyal ng pangunahing teksto, makikita ninyo ang kahong
ito sa pinakakatawan ng modyul:
Bilang tagapagdaloy, inaasahang bibigyan mo ng paunang kaalaman ang mag-
aaral kung paano gamitin ang modyul na ito. Kinakailangan ding subaybayan at
itala ang pag-unlad nila habang hinahayaan silang pamahalaan ang kanilang
sariling pagkatuto. Bukod dito, inaasahan mula sa iyo na higit pang hikayatin at
gabayan ang mag-aaral habang isinasagawa ang mga gawaing nakapaloob sa
modyul.
5. iii
Para sa mag-aaral:
Malugod na pagtanggap sa Araling Panlipunan 4 ng Alternative Delivery
Mode (ADM) Modyul ukol sa Ang Pilipinas ay Isang Bansa
Ang modyul na ito ay ginawa bilang tugon sa iyong pangangailangan. Layunin
nitong matulungan ka sa iyong pag-aaral habang wala ka sa loob ng silid-aralan.
Hangad din nitong madulutan ka ng mga makabuluhang oportunidad sa
pagkatuto.
Ang modyul na ito ay may mga bahagi at icon na dapat mong maunawaan.
Alamin Sa bahaging ito, malalaman mo ang mga
dapat mong matutuhan sa modyul.
Subukin Sa pagsusulit na ito, makikita natin kung
ano na ang kaalaman mo sa aralin ng
modyul. Kung nakuha mo ang lahat ng
tamang sagot (100%), maaari mong
laktawan ang bahaging ito ng modyul.
Balikan Ito ay maikling pagsasanay o balik-aral
upang matulungan kang maiugnay ang
kasalukuyang aralin sa naunang leksyon.
Tuklasin Sa bahaging ito, ang bagong aralin ay
ipakikilala sa iyo sa maraming paraan tulad
ng isang kuwento, awitin, tula, pambukas
na suliranin, gawain o isang sitwasyon.
Suriin Sa seksyong ito, bibigyan ka ng maikling
pagtalakay sa aralin. Layunin nitong
matulungan kang maunawaan ang bagong
konsepto at mga kasanayan.
Pagyamanin Binubuo ito ng mga gawaing para sa
malayang pagsasanay upang mapagtibay
ang iyong pang-unawa at mga kasanayan sa
paksa. Maaari mong iwasto ang mga sagot
mo sa pagsasanay gamit ang susi sa
pagwawasto sa huling bahagi ng modyul.
Isaisip Naglalaman ito ng mga katanungan o
pupunan ang patlang ng pangungusap o
talata upang maproseso kung anong
natutuhan mo mula sa aralin.
Isagawa Ito ay naglalaman ng gawaing
makatutulong sa iyo upang maisalin ang
6. iv
bagong kaalaman o kasanayan sa tunay na
sitwasyon o realidad ng buhay.
Tayahin Ito ay gawain na naglalayong matasa o
masukat ang antas ng pagkatuto sa
pagkamit ng natutuhang kompetensi.
Karagdagang
Gawain
Sa bahaging ito, may ibibigay sa iyong
panibagong gawain upang pagyamanin ang
iyong kaalaman o kasanayan sa natutuhang
aralin.
Susi sa Pagwawasto
Naglalaman ito ng mga tamang sagot sa
lahat ng mga gawain sa modyul.
Sa katapusan ng modyul na ito, makikita mo rin ang:
Sanggunian Ito ang talaan ng lahat ng pinagkuhanan sa
paglikha o paglinang ng modyul na ito.
Ang sumusunod ay mahahalagang paalala sa paggamit ng modyul na ito:
1. Gamitin ang modyul nang may pag-iingat. Huwag lalagyan ng anumang
marka o sulat ang anumang bahagi ng modyul. Gumamit ng hiwalay na
papel sa pagsagot sa mga pagsasanay.
2. Huwag kalimutang sagutin ang Subukin bago lumipat sa iba pang gawaing
napapaloob sa modyul.
3. Basahing mabuti ang mga panuto bago gawin ang bawat pagsasanay.
4. Obserbahan ang katapatan at integridad sa pagsasagawa ng mga gawain at
sa pagwawasto ng mga kasagutan.
5. Tapusin ang kasalukuyang gawain bago pumunta sa iba pang pagsasanay.
6. Pakibalik ang modyul na ito sa iyong guro o tagapagdaloy kung tapos nang
sagutin lahat ng pagsasanay.
Kung sakaling ikaw ay mahirapang sagutin ang mga gawain sa modyul na ito,
huwag mag-aalinlangang konsultahin ang inyong guro o tagapagdaloy. Maaari ka
rin humingi ng tulong kay nanay o tatay, o sa nakatatanda mong kapatid o sino
man sa iyong mga kasama sa bahay na mas nakatatanda sa iyo. Laging itanim sa
iyong isipang hindi ka nag-iisa.
Umaasa kami, sa pamamagitan ng modyul na ito, makararanas ka ng
makahulugang pagkatuto at makakakuha ka ng malalim na pang-unawa sa
kaugnay na mga kompetensi. Kaya mo ito!
7. 1
Alamin
Ang modyul na ito ay dinisenyo at isinulat para sa iyo. Ito ay naglalayon na ikaw
ay matulungang maging mahusay sa mag-aaral tungkol sa ating bansa. Ang
modyul na ito ay gumamit ng iba’t-ibang pamamaraan ng pagkatuto. Filipino ang
wikang ginamit sa modyul na ito upang lubos mong maunawaan ang mga paksang
tatalakayin .
Ang mga aralin ay isinaayos alinsunod sa itinakdang batayan kasanayan sa
pagkatuto na itinuturing na pinakamahalaga sa “new normal” na kalagayan sa
kasalukuyan. Isinaalang-alang pa rin ang mga mithiin at layunin ng Kurikulum ng
K to 12 .
Ang modyul na ito ay tumatalakay sa:
1. Pilipinas bilang isang bansa
2. Mga Elemento ng Pagkabansa
Pinakamahalagang Kasanayan sa Pagkatuto: Natatalakay ang konsepto ng
bansa.
Matapos mong basahin at sundin ang mga gawain sa modyul na ito, ikaw ay
inaasahang:
1. Naipaliliwanag ang apat na elemeto ng pagkabansa;
2. Nailalarawan ang Pilipinas batay sa apat na elemento ng pagkabansa;
3. Nakapagbibigay ng mga halimbawa ng bansa;
4. Natatalakay ang pagkakaiba ng bansa sa estado; at
5. Napahahalagahan ang bansa.
8. 2
Subukin
Panuto: Piliin ang titik ng tamang sagot. Isulat ang napiling sagot sa papel.
1. Ano ang tumutukoy sa lugar o komunidad na may naninirahang mga grupo
ng tao, may tiyak na teritoryo, may kalayaan o soberanya at matatatag na
pamahalaang namumuno dito?
A. bansa
B. lalawigan
C. lungsod
D. teritoryo
2. Ano ang tumutukoy sa lawak ng lupain at katubigan kasama na ang
himapapawid at kalawakan sa itaas na nasasakupan nito?
A. bansa
B. lalawigan
C. lungsod
D. teritoryo
3. Ilan ang anyo ng soberanya?
A. apat
B. dalawa
C. isa
D. tatlo
4. Aling katangian ng soberanya ang tumutukoy sa kapangyarihan ng estado
na hindi maaaring alisin ng sinuman habang may mga mamamayan na
naninirahan sa sariling teritoryo nito at mayroon itong sariling pamahalaan?
A. pansarili
B. walang hanggan
C. malawak ang saklaw
D. palagian o permanente
5. Paano nakakamit ng isang bansa ang pagiging isang estado?
A. nakikipagkalakan ito sa ibang bansa.
B. mayroon itong matatag na sandatahang lakas
C. ito ay kinikilala ng ibang bansa bilang estado
D. mayroong pagkakaisa ang mga mamamayan nito.
9. 3
a. malusog b. sumuporta c. makapag-aral d. batas e. disiplina
Aralin
1 Ang Pilipinas ay Isang Bansa
Ang Pilipinas ay bahagi ng mundo at matatagpuan ito sa Timog-silangang
Asya. Dito tayo naninirahan at namumuhay. Ito ang ating teritoryo at nagtatamasa
rin tayo ng kalayaan. Mayroon ding pamahalaan ang ating bansa. Ang ating
pamahalaan ay naglulunsad ng mga programa at proyekto upang makapagbigay ng
mga serbisyong kailangan natin. Naalala mo pa ba ang iba’t- ibang mga programa
at proyektong inilulunsad ng ating pamahalaan? Mahalaga ba na tayo ay makiisa
at makisali sa mga ito? Bakit?
Balikan
Panuto: Punan ng wastong salita ang patlang upang mabuo ang mga
pangungusap. Piliin ang titik ng tamang sagot mula sa kahon.
1. Kapag tayo ay mas madali nating matutupad ang ating
mga tungkulin.
2. Mahalagang tayo at malinang natin ang ating mga talino.
3. Ang taong may sa sarili ay kusang gumagawa nang mabuti
at tumutupad sa tungkulin nang hindi na kailangang pagsabihan pa.
4. Dapat tayong lumahok at sa mga proyektong inilulunsad ng
ating pamahalaan.
5. Ang kawalan ng paggalang sa ay nagdudulot ng
kaguluhan.
10. 4
Mga Tala para sa Guro
Pangunahing layunin ng modyul na ito na matutuhan at
maunawaan ng mga mag- aaral ang mahahalagang kasanayan
sa pagkatututo . Binigyang pansin din sa mga Gawain ang
paglinang sa 5Cs na kasanayan: pakikipagtalastasan
(Communication); pagtutulungan (Collaboration);
malikhain(Creativity); mapanuring pag-iisip (Critical Thinking);
at pagbuo ng pagkatao (Character Building). Makikita rin ang
aralin na ito online.
Bilang tagapagpadaloy ng modyul na ito inaasahang:
1. Magsagawa nang masusing pagsubaybay sa progreso ng
mga mag-aaral sa bawat gawain.
2. Magbigay ng feedback sa bawat linggo sa gawa ng mag-
aaral.
3. Magkaroon ng pakikipag-ugnayan sa magulang/
guardian upang matiyak na nagagawa ng mga mag-aaral
ang mga gawaing itinakda sa modyul.
4. Maisakatuparan nang maayos ang mga gawain sa
pamamagitan ng pagbibigay nang malinaw na
instrukyon sa pagkatuto.
11. 5
BANSA
Tuklasin
Ang watawat ng Pilipinas, simbolo ng bansa
Ang watawat ng Pilipinas ay natatangi. Ito ay idinisenyo ni Emilio Aguinaldo. Ito ay
tinahi sa loob ng limang araw sa Hongkong nina Marcela Agoncillo, Lorenza
Agoncillo, at Delfina Herbosa Natividad.
Iniladlad sa unang pagkakataon ang watawat ng Pilipinas sa bintana ng bahay ni
Emilio Aguinaldo noong Hunyo 12, 1898.
Tingnan ang watawat ng ating bansa sa kanan
at sagutan ang mga sumusunod na tanong.
Ano-ano ang tatlong pangunahing kulay ng
ating watawat?
Ano ang sinasagisag ng bawat kulay?
Ano-ano naman ang mga simbolo makikita rito?
Ano ang sinasagisag ng bawat simbolo? https://www.graphicmaps.com/philippines/flag
Ang watawat ng Pilipinas ay isang simbolo ng ating bansa. Ano-ano ang mga salita
ang naiisip mo na may kaugnayan sa salitang bansa? Kopyahin sa hiwalay na papel
ang Cloud Chart at sagutan ito.
12. 6
Suriin
Tayo ay mga mamamayan ng isang bansa. Ang bansang ito ay tinatawag na
Pilipinas. Tulad ng Estados Unidos, Greece, Japan, at Brunei, ang Pilipinas ay
bansa rin.
Ang mga bansa sa mundo ay napapangkat ayon sa kontinente. May pitong
kontinente sa daigdig: Asia, Africa, Europe, North America, South America,
Australia, at Antartica. Ang Pilipinas ay nasa Asia, ang pinakamalaking kontinente
sa lahat.
https://www.pinterest.ph/
Ang bansa ay lugar o teritoryo na may naninirahang mga grupo ng tao na may
magkakatulad na kulturang pinanggalingan kung kaya makikita ang iisa o pare-
parehong wika, pamana, relihiyon, at lahi.
Ang isang bansa ay maituturing na bansa kung ito ay binubuo ng apat na
elemento ng pagkabansa – tao, teritoryo, pamahalaan, at ganap na kalayaan o
soberanya.
13. 7
APAT NA ELEMENTO NG PAGKABANSA
TAO o
MGA MAMAMAYAN
TERITORYO PAMAHALAAN SOBERANYA
o GANAP NA
KALAYAAN
Ang pinaka-
mahalagang elemento
ng isang bansa ay ang
mga tao o mamamayan
nito. Sila ang
naninirahan sa loob ng
isang teritoryo na
bumubuo ng
populasyon ng bansa.
Maaaring nagkaka-iba
ang bilang ng mga
mamamayan sa bawat
bansa.
Maaari ding ang
mga mamamayan ng
isang bansa ay
pinaghalong mga
katutubo at
dayuhan.Tinatayang
ang pinakamaliit na
bansa sa mundo ayon
sa bilang ng mga
mamamayan ay ang
Vatican sa Roma.
Samantalang ang
Tsina naman ang may
pinaka- malaking
bilang ng mga
mamamayan sa
mundo. Samantala,
tinatayang nasa
109,439,758 ang
bilang ng mga
mamamayang nakatira
sa Pilipinas sa
kasalukuyang taon,
2020,
Ang teritoryo ay
tumutukoy sa
lawak ng lupain at
katubigan kasama
na ang
himpapawid at
kalawakan sa
itaas nito. Ito rin
ang tinitirhan ng
tao at
pinamumunuan
ng pamahalaan.
May pagkakaiba
ang sukat ng mga
lupang sakop at
teritoryo ng iba’t-
ibang bansa.
Ang pamahalaan
ay isang samahan
o organisasyong
politikal na
itinataguyod ng
mga grupo ng tao
na naglalayong
magtatag ng
kaayusan at
magpanatili ng
sibilisadong
lipunan.
Ang soberanya o
ganap na
kalayaan ay
tumutukoy sa
kapangyarihan
ng pamahalaang
mamahala sa
kaniyang
nasasakupan.
Tumutukoy rin
ito sa kalayaang
magpatupad ng
mga programa
nang hindi
pinakikialaman
ng ibang bansa.
https://www.worldomet
ers.info/world-
population/philippines-
population/.
14. 8
Dalawang anyo ng soberanya – panloob at panlabas. Ang panloob na soberanya
ay ang pangangalaga ng sariling kalayaan. Ang panlabas naman ay ang pagkilala
ng ibang bansa sa kalayaang ito.
Mga Katangian ng Soberanya
Itinuturing na isang estado ang Pilipinas dahil sa pagkakaroon nito ng soberanya.
Ang sumusunod ay mga katangian ng kapangyarihan ng soberanya:
1. Palagian o permanente
Ang kapangyarihan ng estado ay palagian o permanente at hindi
maaaring alisin ng sinuman habang may mga mamamayan na
naninirahan sa sariling teritoryo nito at mayroon itong sariling
pamahalaan.
2. Pansarili
Ang kapangyarihan ng estado ay pansarili lamang. Ito ay para sa mga
mamamayan at sa teritoryong nasasakop nito. Hindi ito maaaring
masaklaw ng ibang estado.
3. Malawak ang saklaw
Ang saklaw ng estado ay ang buong teritoryo nito.Sakop din nito ang
lahat ng mga mamamayang naninirahan dito kasama na ang
kanilang magiging anak. Bawat mamamayan, bata man o matanda at
anuman ang kanilang kalagayan sa buhay, ay may mga karapatan at
tungkulin sa estadong kanyang kinabibilangan.
4. Di-naisasalin at lubos
Ang kapangyarihan ng estado ay hindi maaaring isalin o ibigay
kaninuman. Walang ibang estado o tao ang makapipigil sa
kapangyarihan nito. Ang isang estado ay maaaring makipag-ugnayan
o makipagkalakalan sa ibang bansa o estado, ngunit ang
pagkamakapangyarihan nito ay hindi maibibigay o maisasalin sa iba.
5. Walang hanggan
Ang bisa ng kapangyarihan ng isang estado ay walang hanggan.
Mananatili ang bisa nito ngayon at hanggang sa mga darating na
panahon.
15. 9
Ang kaibahan ng Bansa sa Estado
Hindi lahat ng bansa ay kinikilala bilang estado. Maaaring ang isang pangkat
ng mga tao o mamamayan ay may sariling teritoryo o lupang sakop at pamahalaan
ngunit hindi ito maituturing na isang estado kung wala itong soberanya.
Ang Pilipinas ay maituturing na isang estado. Kinikilala at iginagalang ng ibang
mga bansa ang soberanya nito. Patunay nito ang pagiging kasapi ng ating bansa sa
mga organisasyong kinikilala sa buong mundo tulad ng United Nations (UN),
Association of Southeast Asian Nations (ASEAN), Asia Pacific Economic Cooperation
(APEC), at iba pa.
Mga bandila ng mga kasapi sa United Nations
https://www.epsu.org/article/more-300-civil-society-organizations-73-countries-urge-real-reform-
united- nations
16. 10
Pagyamanin
Gawain 1: Blockbuster Game- Alam Ko!
(Mapanuring Pag-iisip)
Panuto: Buuin ang “blockbuster” sa pamamagitan ng pagtukoy ng inilalarawan sa
bawat pahayag.
1. Ito ay lugar o teritoryo na may naninirahang mga grupo ng tao na may
magkakatulad na kulturang pinanggalingan kung kaya makikita ang iisa o
pare-parehong wika, pamana, relihiyon, at lahi.
2. Tumutukoy sa lawak ng lupain at katubigan kasama na ang himpapawid at
kalawakan sa itaas nito.
3. Isang samahan o organisasyong politikal na itinataguyod ng mga grupo ng
tao na naglalayong magtatag ng kaayusan at magpanatili ng isang
sibilisadong lipunan.
4. Tumutukoy sa grupong naninirahan sa loob ng isang teritoryo na bumubuo
ng populasyon ng bansa.
5. Ito ay ang kapangyarihan ng pamahalaang mamahala sa kaniyang
nasasakupan
17. 11
Gawain 2- Mga Bansa, Kilala Ko!
(Mapanuring Pag-iisip)
Panuto: Lagyan ng tsek (/) kung ang tinutukoy ay bansa at ekis (X)
kung hindi. Ilagay ang sagot sa puwang bago ang bilang.
1. Malaysia 6. Ilocos Norte
2. Palawan 7. Jakarta
3. Tokyo 8. China
4. New York 9. Hawaii
5. South Korea 10. Australia
Gawain 3- Pagpapaliwanag, Kaya Ko!
(Mapanuring Pag-iisip)
Panuto: Sagutin ang mga sumusunod na tanong.
1. Sa iyong palagay alin sa mga elemento ng pagkabansa ang
pinakamahalaga? Bakit
2. Alin sa mga elemento ng pagkabansa ang hindi maaring magbago?
Bakit?
3. Paano mo masasabi na ang Pilipinas ay isang bansa at isang estado?
18. 12
Mga
elemento ng
pagkabansa
Isaisip
Ang bansa ay lugar o teritoryo na may naninirahang mga grupo ng tao na
may magkakatulad na kulturang pinanggalingan kung saan makikita ang
iisa o pare-parehong wika, pamana, relihiyon, at lahi.
Ang isang bansa ay maituturing na bansa kung ito ay binubuo ng apat na
elemento ng pagkabansa – tao, teritoryo, pamahalaan, at ganap na kalayaan
o soberanya.
Ang Pilipinas ay isang bansa dahil may mga naninirahan ditong tao, may
sariling teritoryo, may pamahalaan, at may ganap na kalayaan.
Isagawa
Gawain 4 – Pagguhit Magagawa Ko! .
(Pagkamalikhain, Mapanuring Pag-iisip, Pakikipagtalastasan)
Panuto: Gumuhit ng katulad na Flower Chart at isulat sa loob ng bawat talulot
ang mga elementong dapat mayroon ang isang lugar para matawag itong bansa.
Ipaliwanag ang bawat isa.
19. 13
Gawain 5- Mabuting Mamamayan Ako!
(Pagbuo ng Pagkatao, Mapanuring Pag-iisip)
Panuto: Bilang isang mamamayan ng bansa paano mo naipakikita ang pagmamahal
dito? Sagutin ang mga sumusunod na tanong nang buong katapatan.
1. Ako ay isang mabuting mamamayan ng Pilipinas sapagkat
2. Ipinagmamalaki ko ang aking bansa dahil
3. Ipinapakita ko ang pagmamahal sa aking bansa sa pamamagitan ng
4. Makatutulong ako sa aking bansa ngayong panahon ng pandemic
na COVID 19 sa pamamagitan ng
20. 14
Tayahin
Panuto: Isulat ang titik ng tamang sagot patlang bago ang bawat bilang.
1. Pahayag na naglalarawan ng isang bansa.
A. Ang isang bansa ay lupaing sakop ng mga dayuhan.
B. Ang isang bansa ay tirahan ng mga iba-iba ang wika at kultura.
C. Ang isang bansa ay binubuo ng tatlong elemento lamang.
D. Ang isang bansa ay lugar o teritoryo na may naninirahang mga grupo ng
tao na may magkakatulad na kulturang pinanggalingan kung kaya
makikita ang iisa o pare-parehong wika, pamana, relihiyon, at lahi.
2. Tumutukoy sa isang samahan o organisasyong politikal na itinataguyod ng mga
grupo ng tao na naglalayong magtatag ng kaayusan at magpanatili ng isang
sibilisadong lipunan
A. pamahalaan B. mamamayan C. soberanya D. teritoryo
3. Katangian ng soberanya na tumutukoy sa kapangyarihan ng estado para sa mga
mamamayan nito, teritoryong sakop nito, at hindi ito maaaring masaklaw ng
ibang estado.
A. palagian o permanente C. malawak ang saklaw
B. pansarili D. di-naisasalin at lubos
4. Dahilan kung bakit hindi maituturing na bansa ang isang lugar?
A. kapag ito ay pinamamahalaan ng ibang bansa
B. kapag ito ay nakikipagkalakan sa ibang bansa
C. kapag ito ay may mga mamamayang naninirahan
D. kapag ito ay may teritoryo
5. Patunay na ang Pilipinas ay itinuturing na isang estado.
A. pagiging sagana sa likas na yaman ng ating bansa
B. pakikiisa ng ating bansa sa mga usaping pangkapayapaan
C. pagiging kasapi ng ating bansa sa mga organisasyong kinikilala sa buong
mundo
D. pagsusulong ng ating bansa ng mga programang nagpapahalaga sa
kultura
21. 15
Karagdagang Gawain
Gawain 6- Pilipinas ang Bansa Ko!
(Mapanuring Pag-iisip, Pagtutulungan)
Panuto: Taglay ng Pilipinas ang mga elemento ng pagkabansa. Ilarawan ang
Pilipinas bilang isang bansa at estado sa pamamagitan ng pagpuno sa talaan.
Maaring hingin ang tulong ng magulang o nakatatanda kasama sa tahanan sa
pagasagot.
Ang Pilipinas Bilang Isang Bansa
TAO TERITORYO PAMAHALAAN SOBERANYA
Populasyon o
Bilang ng mga Tao
Tawag sa
Mamamayan
Lawak /Sukat ng
Teritoryo
Lokasyon
Uri ng Pamahalaan
Pinakamataas na
Pinuno
Anyo ng Soberanya
22. 16
Sanggunian
Mga Aklat
Antonio, E. et al. Kayamanan 3, Edisyon Rex Book Store, Inc. 2015.
Antonio, E. et al. Kayamanan 4, Edisyon Rex Book Store, Inc. 2017.
Milambiling R. Doon Po sa Amin... Bansang Pilipinas 4, Edisyong K to 12
Cebu City, IEMI Innovative Education Materials Inc., 2014.
Mga Sangguniang Elektroniko
https://www.epsu.org/article/more-300-civil-society-organizations-
73- countries-urge-real-reform-united-nations
https://www.graphicmaps.com/philippines/flag
https://www.pinterest.ph/
https://www.worldometers.info/world-population/philippines-population/