Pananaw ng mga Guro hinggil sa Programang K-12

1. 1
PANANAW NG MGA GURO HINGGIL UKOL SA PROGRAMANG K+12
Isang Konseptong Papel
Na Inihaharap kay:
Bb. Uzziel Joy Arvesu
Instruktor sa Kursong Filipino 2
UNION COLLEGE
Santa Cruz, Laguna
Bilang Bahagi ng mga Kailangan
Para sa Kursong Filipino 2
Ikalawang Semestre
2017
MYRNA CASTILLO BANILAN

2. 2
DEDIKASYON
Malugod kong inaalay ang pag-aaral na ito sa mga taong importante sa akin
Una sa lahat sa aking mahal na asawa
Danny Banilan
Sa dalawang anghel ng buhay ko
Daven Andrei Banilan
Darren Gabriel Banilan
Sa lahat ng mahal ko sa buhay at mga kaibigan
Sa aking tagapayo
Bb. Uzziel Joy Arvesu
At higit sa lahat sa Poong Maykapal
M.C.B.

3. 3
PASASALAMAT
Bilang pasasalamat sa mga taong tumulong at naging inspirasyon upang
maisakatuparan ang pananaliksik na ito.
Bb. Uzziel Joy Arvesu, aming guro sa asignaturang Filipino. Para sa
pagbabahagi niya ng kanyang kaalaman at paggabay sa amin mula sa simula
hanggang huli. Naging mahirap ang paggawa ng isang pananaliksik ngunit
ginawa niya ang kanyang makakaya upang mahasa ang galing ng kanyang mga
estudyante. Ang pananaliksik na ito ay isang patunay na hindi nasayang ang
kanyang oras at pagsisikap na turuan kaming lahat.
Sa aking asawa Danny Banilan, para sa pagbibigay ng walang sawang
suporta lalo na sa tulong pinansyal. At sa aking Pamilya, kung wala sila wala din
ako sa aking kinatatayuan ko ngayon. Sila ang dahilan kung bakit ako
nagpupursige sa pag-aaral upang masuklian ang kanilang pagsasakripisyo.
Sa aking mga kamag-aral at kaibigan, para sa kanilang tulong at
pagpapakita ng suporta na siyang naging malaking ambag upang matapos ko
ang proyektong ito.
Sa lahat ng taong tumulong at nakibahagi ng kanilang oras at panahon sa
akin upang maisakatuparan ang gawaing ito.
At higit sa lahat, sa Poong Maykapal, sa Kanyang paggabay, pagbibigay
ng lakas at talino upang mapagtagumpayan ko ang pananaliksik na ito.
Marami pong Salamat!!!
M.C.B.

4. 4
Talaan ng Nilalaman
Pamagat ……………………………………………………………………………. 1
Dedikasyon ………………………………………………………………………… 2
Pasasalamat ……………………………………………………………………….. 3
Talaan ng Nilalaman ……………………………………………………………… 4
Panimula …………………………………………………………………………… 5
Kaligirang Pangkasaysayan ……………………………………………………… 7
Paglalahad ng Suliranin …………………………………………………………... 14
Saklaw at Limitasyon ……………………………………………………………… 15
Kahalagahan ng Pag-aaral ………………………………………………………. 15
Katuturan ng mga Katawagang Ginamit ………………………………………... 16
Kaugnay na Literatura …………………………………………………………….. 18
Paraan ng Pagkuha ng Datos …………………………………………………… 28
Instrumentong Ginamit ……………………………………………………………. 29
Paglalagom ………………………………………………………………………… 31
Konklusyon ………………………………………………………………………… 34
Rekomendasyon …………………………………………………………………... 35
Bibliograpiya ……………………………………………………………………….. 36
Kurikulum Bita ……………………………………………………………………... 37

5. 5
Panimula
“An academic curriculum must be more like the curriculum in law, design,
medicine, music, athletics and early literacy focused from the start on
MASTERFUL PERFOMANCE as the goal.”
Ang K+12 ay isang programang nagnanais na mapalawig ang kalidad ng
edukasyon sa bansa sa pamamagitan ng pagdaragdag ng dalawa pang taon sa
kurikulum ng mga mag-aaral. Isinabatas ito upang matugunan ang bumababang
kalidad ng edukasyon sa bansa. Ayon sa kanila ito ang magiging susi upang
mapadali ang buhay ng mga kabataan.
Maituturing na isang suliraning pambansa ang K+12 dahil kapakanan ng
lahat ng mamamayan ang usaping ito. Ang usaping ito ay para sa kinabukasan
ng mga mamamayan maging ng bansa kaya naman masusi dapat itong
binubusisi upang maiwasan ang pangmatagalang problema na maaaring
maidulot kung sakaling hind maging maayos ang pagkakapatupad rito.
At base sa nakalap ng Deped, ang Pilipinas ay hindi pa nakamit ang
istandard na kailangan ng mga estudyante para makipagkompetensya sa
internasyonal na lebel. Ang ating bansa ay nasa pinakamababang ranggo sa
asignaturang Matematika at Siyensya sa internasyonal na pagsusulit. Panahon
na para sa ating mga Pilipino na saklawan ang ganitong uri ng pagbabago
sapagkat tayo lamang na bansa sa Asya ang mayroong 10-taon na programang
basikong edukasyon.
Ang programang ito ay naglalayong mapataas ang kalidad ng edukasyon
ng bansa at ayon sa pag-aaral na ang 12-taong basic education curriculum ay
nagreresulta ng mas mainam o mas mahusay ang mga mag-aaral at sa

6. 6
pamamagitan ng karagdagang 2-taong pag-aaral ay mabibigyan ng magandang
kinabukasan ang kasalukuyan nating kabataan. Suportado ang programang ito
ng ilang sektor tulad ng mga nasa negosyo. Sa ganitong paraan diumano ay
maari ng makapagtrabaho ang mga Pilipino kahit high school lang ang tinapos.
Ang pananaliksik na ito ay naglalayong malaman ang pananaw ng mga
guro ukol sa K-12. Malaki ang papel ng mga guro ukol sa usaping ito at mas
dapat na maibigay at maipahayag ang kanilang saloobin sa nasabing programa.
Sa pananaliksik na ito, malalaman, masasagutan at matutugunan ang mga
katanungang hindi pa nalalaman ng karamihan.
Dito rin malalaman ang mga mabuti at di mabuting epekto nito sa
edukasyon sa ngayon at sa hinaharap. Nais kong maisawalat ang mga datos na
aking nakalap sa pananaliksik na ito. At maibahagi ang impormasyon ukol sa
tinatawag na K-12 at nais ko ring maipabatid ang layunin na pinagbatayan upang
maisagawa ang pananaliksik na ito. Ito ang mga sumusunod: (1) Upang
malaman ang reaksyon/tugon ng mga guro sa memorandum ng Dep-Ed na K-12.
(2) Malaman ang aspeto tungkol sa nasabing programa. (3) Kung ano ang
kanilang palagay tungkol dito. (4) Malaman ang mabuti at di mabuting dulot nito.

7. 7
Kaligirang Pangkasaysayan
Noong unang panahon, ang pagbuo ng kurikulum ay hango lamang sa
karanasan dahil wala pang pormal na edukasyon at hindi pa sibilisado ang mga
Pilipino. Hindi sagabal ito upang ang kurikulum ay hindi paunlarin, baguhin at
palakasin. Ang layunin ng edukasyon noong panahong bago pa lang nasasakop
ng Kastila ang Pilipinas na maturuang bumasa ang mga kabataan subalit higit pa
na maturuan upang maging huwaran sa kabutihan.
Sa kasalukuyan makikita sa talaan na bago pa ang 1925, marami ng
pagtatangka upang paunlarin ang batayang edukasyon na kurikulum at
maraming rekomendasyon ang naitala at naipamahagi na mula noon, sa
katunayan may K to 12 kurikulum na ngayon.
Isang mahalagang pokus ng edukasyon ang Filipino sa kurikulum ang
pagtatamo ng kasanayang akademik ng mga mag-aaral. Ang kalakaran sa
plataporma sa kurikulum at pagtuturo ng wika ay karaniwan nang sumusunod sa
mga kalakaran sa wika at sa mga pagbabagong-bisyon ng pamahalaan at ng
mga pangunahing ahensya na may kinalaman at interesado sa edukasyon. Kung
susundan ang mga reporma na naisagawa kaugnay ng kurikulum, mapapansin
na nagaganap ito kada humigit sa sampung taon. Halimbawa nito ay ang mga
reporma sa kurikulum ng Filipino nang 1973 (elementarya at sekondarya), 1983
(elementarya), 1989 (sekondarya) at 2002 (Batayang Edukasyon). Bawat isa ay
idinedebelop ayon sa kahinaan ng panahong iyon at upang tugunan ang mga
pangangailangan ng mga mag-aaral.

8. 8
At sa Batas Republika bilang 10533: “Batas sa Pinabuting Batayang Edukasyon
ng 2013.
SEK 1. Maikling Pamagat. - Ito ay isang batas na nagpapabuti sa sistema
ng batayang edukasyon sa Pilipinas sa pagpapalakas ng kurikulum nito at
pagdadagdag ng bilang ng mga taon para sa batayang edukasyon, Paglalaan ng
pondo para rito at para sa iba pang layunin.
SEK. 2. Pagpapahayag ng Polisiya. - Ang Estado ay magtatatag,
magpapanatili at magtataguyod ng isang ganap, sapat at nakapaloob na sistema
ng edukasyong tumutugon sa mga pangangailangan ng mga mamamayan, ng
bansa, at ng malawakang lipunan. Ipinapahayag na ang bawat nagtapos sa
batayang edukasyon ay magiging indibidwal na may kapangyarihan na matuto,
sa pamamagitan ng isang programa na nakaugat sa maiinam na prinsipyong
pampagkatuto at nakatuon sa kahusayan, ng mga batayan ng pagkatuto sa
buong buhay, ng kakayahan na maghanapbuhay at maging produktibo, ng
kakayahang makipamuhay sa isang mabungang pakikipag-ugnayan sa mga
komunidad na local at pandaigdig, ng kakayahan na makilahok sa isang
nakapgsasarili, malikhain, at mapanuring pag-iisip at ng kakayahan at
pagkukusang baguhin ang iba at ang sarili. Upang makamit ito kinakailangan
itong gawin ng Estado. (a) Bigyan ang bawat mag-aaral ng pagkakataon na
makatanggap ng mabuting edukasyon sang-ayon sa pamantayang pandaigdig
na batay sa isang kurikulum na may mainam na pedagohiya na katapat ng mga
pamantayan sa ibang bansa. (b) Palawakin ang mga layunin ng edukasyon sa
mataas na paaralan para sa paghahanda sa kolehiyo, mga oportunidad ng

9. 9
karerang bokasyonal at teknikal, gayundin sa mga malikhaing sining, palakasan
at empleong pang-enterpreneur sa isang kaligirang mabilisang nagbabago at
tumataas ang antas ng pagiging globalisado at (c) Gawing nakatuon sa nag-
aaral ang edukasyon at tumugon sa mga pangangailangan, kakayahang
kognitibo at kultural, mga kalagayan at kaibhan ng mga nag-aaral, mga paaralan
at mga komunidad sa pamamagitan ng angkop na wika ng pagtuturo at pag-
aaral, kasama na ang inang wika bilang isang bukal ng pag-aaral.
SEK. 3. Batayang Edukasyon. - Ang batayang edukasyon ay nilalayong
tugunan ang mga pangangailangan sa batayang pagkatuto na nagkakaloob ng
mga pundasyon na siyang pagbabatayan ng mga kasunod na pagkatuto.
Binubuo ito ng kindergarten, elementarya, at mataas na paaralan gayundin ang
mga sistema ng alternatibong pagkatuto para sa mga nag-aaral na out-of-school
youth at sa mga may espesyal na pangangailangan.
SEK. 4. Program sa Pinabuting Batayang Edukasyon. - Binubuo ang
pinabuting program ng batayang edukasyon ng isa (1) man lamang taon sa
edukasyong kindergarden, anim (6) na taon sa edukasyong elementarya, at anim
(6) na taon sa edukasyong sekondarya, sa ganoong pagkakasunod-sunod.
Kasama sa edukasyong sekondarya ang edukasyon na apat (4) na taon ng
junior high school at dalawang (2) taon ng senior high school.
Mangangahulugan ang edukasyong kindergarten ng isang (1) taon ng
edukasyong pampaghahanda para sa mga batang di bababa sa limang (5) taong
gulang bilang kinakailangan para sa Baitang l. Tinutukoy ng edukasyong
elementarya ang ikalawang yugto ng kinakailangang batayang edukasyon na

10. 10
binubuo ng anim (6) na taon. Ang edad ng pagpasok sa antas na ito ay
karaniwang anim (6) na taon.
Tinutukoy ng edukasyong sekondarya ang ikatlong yugto ng
kinakailangang batayang edukasyon na binubuo ng apat (4) na taon ng
edukasyon sa junior high school at dalawang (2) taon ng edukasyon sa senior
high school. Ang edad ng pagpasok sa mga antas na junior at senior na high
school ay karaniwang labindalawa (12) at labing-anim (16) na taon, sang-ayon
sa pagkakasunod.
Ipinapahatid ang batayang edukasyon sa mga wikang nauunawaan ng
mga nag-aaral sapagkat isang estratehikong papel ang ginagampanan ng wika
sa paghubog sa mga taon ng pagkahubog ng mga mag-aaral.
Para sa kindergarten at sa unang tatlong (3) taon ng edukasyong
elementarya, ang pagtuturo mga material sa pagtuturo at pagtatasa ay sa wikang
rehiyonal o katutubo ng mga mag-aaral. Magbubuo ang Kagawaran ng
Edukasyon (DepEd) ng isang programa sa transiyong pang-inang wika mula sa
Baitang 4 hanggang Baitang 6 upang dahan-dahang maipakilala ang Filipino at
Ingles bilang mga wikaa ng pagtuturo hanggang sa dalawang (2) wika ito ang
maging mga pangunahing wika ng pagtuturo sa antas sekondarya.
SEK. 5. Pagbubuo ng Kurikulum. - Magbubuo ang DepEd ng disenyo at
mga detalye ng kurikulum sa pinabuting batayang edukasyon.
Makikipagtulungan ito sa Komisyon sa Lalong Mataas na Edukasyon (CHED)
upang magbuo ng magkaugnay na mga kurikulum sa batayan at tersiyaryong
edukasyon para sa kasanayang pandaigdig ng mga Pilipinong nagsipagtapos.

11. 11
SEK. 6. Komiteng Kasangguni sa Kurikulum. - May bubuuing komiteng
kasangguni sa kurikulum na ang magiging tagapangulo ay ang Kalihim ng
DepEd o ang kaniyang pinahintulutang kinatawan mula sa CHED, TESDA,
DOLE, PRC, Kagawaran ng Agham at Teknolohiya (DOST), at isang kinatawan
mula sa sangay pangnegosyo tulad ng samahang pang- industriya sa
Information Technology –Business Process Outsourcing (IT-BPO). Ang komiteng
kasangguni ang titingin sa rebyu at ebalwasyon sa pagpapatupad sa kurikulum
ng batayang edukasyon at maaaring magmungkahi sa DepEd ng pagbubuo ng
kinakailangang pagpipino sa kurikulum.
SEK. 7. Pagtuturo at Pagsasanay sa mga Guro. - Upang matiyak na
natutugunan ang programa sa pinabuting batayang edukasyon ang mga
kahingian para sa mahuhusay na guro at pinunong pampaaralan, magsasagawa
ang DepEd at CHED ng mga programa para sa pagtuturo at pagsasanay sa
mga guro, sa pakikipagtulungan ng mga kaugnay na katuwang sa pamahalaan,
akademya, industriya, at mga samahang di- pampamahalaan.
SEK. 8. Pagtanggap sa Trabaho ng mga Nagtapos sa Agham,
Matematika, Estradistika, Inhinyera at Iba Pang mga Espeyalista sa mga Aralin
na may Kakulangan sa mga Katanggap-tanggap na Aplikante at Kaguruan sa
mga Kursong Teknikal-Bokasyonal at Institusyon ng Lalong Mataas na
Edukasyon. - Sa kabila ng mga probisyon ng Mag Seksiyon 26, 27, at 28 ng
Batas Republika Blg. 7836, na kilala rin bilang “Batas Propesyonalisasyon ng
mga Gurong Pilipino ng 1994” tatanggap ang DepEd at mga pribadong
institusyong pang-edukasyon.

12. 12
SEK. 9. Adbokasiya sa Gabay at Pagpapayong Pangkarera. - upang
magabayan nang wasto ang mga mag-aaral sa pagpili nila ng direksiyon ng
karera na balak nilang isulong, magsasagawa ang DepEd sa pakikipag-ugnayan
ng DOLE, TESDA, at CHED ng mga regular na gawaing pang-adbokasiya sa
karera para sa mga mag-aaral ng antas sekundarya.
SEK. 10. Pagpapalawak sa mga Benepisyaryo ng E-GASTPE. -
Papalawakin ang mga benepisyong ipinagkaloob ng Batas Republika Blg. 8545 o
ang “Batas sa Pinalawak na Tulong Pampamahalaan para sa mga Mag-aaral at
mga Guro sa Pribadong Edukasyon” sa mga karapat-dapat na mag-aaral na
pumapasok sa ilalim ng pinabuting batayang edukasyon.
SEK. 11. Mga Apropriyasyon. - Isasama ng Kalihim ng Edukasyon sa
programa ng Kagawaran ang pagpapatupad ng pinabuting programa sa
batayang edukasyon, na ang paunang pondo ay kukunin sa kasalukuyang mga
apropriyasyon ng DepEd.
SEK. 12. Mga Probisyong Pantransisyon. - Magbubuo ang DepEd, CHED
at TESDA ng mga angkop na estratihiya at mekanismong kinakailangan upang
matiyak ang maayos na transisyon mula sa kasalukuyang sampung (10) taong
siklo sa batayang edukasyon patungo sa pinabuting siklo ng batayang
edukasyon patungo sa pinabuting siklo ng batayang edukasyon ( K hanggang
12).
SEK. 13. Komite ng Pinagsamang Oversight na Pangkongreso sa
Programa ng Pinabuting Batayang Edukasyon (Programang K hanggang 12). -
Binubuo rito ang Pinagsamang Komite sa Oversight upang pangasiwaan,

13. 13
batayan at tayain ang pagpapatupad ng Batas na ito. Bubuuin ang Komite sa
Oversight ng tiglimang (5) kasapi mula sa Senado at mula sa Mababang
Kapulungan, kasama na ang mga Tagapangulo ng mga Komite sa Edukasyon,
Mga Sining at Kultura, at Pananalapi ng parehong Kapulungan. Ang bubuo sa
Komite ng bawat Kapulungan ay kailangang may dalawa man lamang oposisyon
o kasaping nasa minorya.
Ang Batas na ito na konsolidasyon ng Panukalang Batas ng Senado Blg.
3286 at Panukalang Batas ng Mababang Kapulungan Blg. 6643t ay naipasa ng
Mababang Kapulungan at ng Senado noong Enero 30, 2013.

14. 14
Paglalahad ng mga Suliranin
Ang pag-aaral na ito ay naglalayon matugunan ang ilan sa mga problema
na may kaugnayan sa Pananaw ng mga guro hinggil sa K+12 Kurikulum. Ang
mga problema na ngangailangan ng kaukulang pansin ay ang mga sumusunod.
1. Ano ang K to 12 Kurikulum?
2. Bakit kailangang magdagdag ng dalawang taon pag-aaral kurikulum
ng mag-aaral?
3. Sino ang makikinabang sa programang K+12?
4. Paano nakakaapekto ang 2 taong dagdag sa mga magulang ng mag-
aaral?
5. Paano mabibigyang solusyon ang mga suliraning kinakaharap sa
nasabing programa?
6. Ano ang pananaw ng mga guro sa programang K+12?

15. 15
Saklaw at Limitasyon
Ang pag-aaral na ito ay nakatuon lamang sa sampung (10) piling guro sa
Sekondarya. Ang naturang sampung (10) guro ay mula sa Union College at
Linga National High School ng Sta. Cruz Laguna. Nakatuon ang pag-aaral sa
K+12 upang malaman ang pananaw nila hinggil sa bagong Kurikulum.
Kahalagahan ng Pag-aaral
Ang naturang pananaliksik ay may kahalagahan sa mga sumusunod:
Sa mga Guro. Madagdagan ang istratehiya at maging epektibo ang paraan ng
mga guro sa pagtuturo, magkaroon ng malawak sa kaalaman tungkol sa bagong
kurikulum, maipahayag ang pananaw at impresyon sa pagpapatupad ng K+12
kurikulum at mabigyan ng gabay ang mga mag-aaral tungo sa magandang
buhay.
Sa mga Mag-aaral. Madagdagan at mapaunlad ang dating kaalaman, upang
magkaroon ng kalayaan sa pagpapahayag ng sariling saloobin at malaman ang
epektong dulot ng ng K+12 sa kanilang kinabukasan.
Sa mga Pamahalaan. Malaman at matugunan ang mga kasalukuyang suliranin
na kinakaharap ng mga guro, malaman ang kasalukuyang resulta ng
pagpapatupad ng K+12 kurikulum. Maunawaan ang mga kasalukuyang
damdamin ng mga guro sa pagpapatupad ng K+12 at maisaayos ang
pamamalakad sa edukasyon.

16. 16
Katuturan ng mga Katawagang Ginamit
Ang mga katawagang ginamit sa pananaliksik na ito ay binigyan ng sapat
na kahulugan upang sa mas mabuting kabatiran ng mga makakabasa nito.
Academics. ay batay sa pormal na pag-aaral lalo na sa isang institusyon ng mas
mataas na pag-aaral. Basic education- ay tumutukoy sa buong hanay ng mga
pang-edukasyon na Gawain na nagaganap sa iba’t ibang mga settings (pormal,
hindi pormal at impormal), na naglalayong matugunan ang pangunahing
pangangailangan sa pag-aaral.
DepEd. (Kagawaran ng Edukasyon ng Pilipinas ) ay ang departamentong
tagapagpatupad ng Pamahalaan ng Pilipinas na responsable sa pamamahala at
pagpapanatiling mataas ng kalidad ng edukasyon sa Pilipinas. Ito ang
pangunahing tagaisip ng mga polisiyang pang-edukasyon at responsable sa
sistemang pang elementarya at pang-sekondarya dito sa Pilipinas.
Edukasyon. ay kinabibilangan ng pagtuturo at pag-aaral ng isang kasanayan at
ilang bagay na hindi masyadong nadadama ngunit higit na malalim ang
pagbabahagi ng kaalman, mabuting paghusga at karunungan.
Guro. ay isang tao na nagbibigay ng edukasyon para sa mga mag-aaral. Ang
gampanin ng guro ay kadalasang pormal at umiiral, na isinasagawa sa
isang paaralan o ibang lugar ng edukasyong pormal.
Kurikulum. ay ang mga kurso na inaalok sa pamamagitan ng isang institusyong
pang edukasyon.
Mag-aaral. ay siyang taong nag-aaral at maaring bihasa sa talino. Ang
estudyante ay tinuturuan ng guro na mag-aaral at makadiskubre ng mga bagay.

17. 17
Magulang. ay isang ina o ama; na napupunla o nanganganak ng isang supling
at/o nagpapalaki nito. Iba't iba ang ginagampanan ng mga magulang sa buong
puno ng buhay, lalo na sa masalimuot na kultura ng mga tao.
Pamahalaan. ay isang organisasyon na may kakayanan na gumawa at
magpatupad ng batas sa isang nasasakupang teritoryo. Ito rin ay may
kapangyarihan na magbigay ng mga pangangailangan ng mga mamamayan ng
nasasakupang teritoryo.
Out of School Youth. ang tawag sa mga kabataang hindi nakapagpatuloy ng
pag-aaral o simula’t sapul ay hindi na nakaranas pumasok sa isang paaralan.
Universal Kindergarden. ay isang pang-internasyonal na kilusan access sa
preschool na edukasyon na magagamit sa lahat ng mga pamilya, katulad sa
abeylabiliti ng kindergarden. Nagtataguyod ng bata at iba pang mga kasapi ng
kilusan na ito ay naiiba sa mga tuntunin ng kung paano sila tukuyin na dapat
maisama at kung paano ito dapat na malagyan ng pondo.

18. 18
Kaugnay ng Literatura
Ang K+12 o K-6-4-2 Model ay pinaikling terminolohiya ng “Kindergarden +
12 years in elementary at highschool” na karaniwang ginagamit ng maraming
bansa sa mundo gaya ng mayayamang estado sa Amerika at Europa. Sa
sistemang K+12 ang elementarya ay bubuuin pa rin ng 6 na taon ngunit ang high
school naman ay mahahati na sa Junior at Senior. Idagdag pa dito ang
panukalang Universal Kindergarden na magbibigay oportunidad sa mga limang
taong gulang na bata na makapag-aral ng isang taon sa kindergarden sa mga
public at private schools. Sa madaling sabi, ang basic education ay binubuo ng
labintatlong taon (Papa, 2012).
Ang modelo K+12 ang tumutukoy sa isang taon ng kindergarten at 12 taon
ng pangunahing edukasyon. Ang bagong programa ay magdaragdag ng
dalawang taon sa kasalukuyang modelo ng edukasyon sa Pilipinas, ang tanging
bansa sa Timog Silangang Asya na nagpapatupad ng 10 taong modelo ng
edukasyon.
Ayon sa datos ng Social Weather Station noong 2010, tatlo sa bawat
sampung Pilipino na 18 taong gulang pataas ang walang trabaho. Ito umano ang
pinakamataas na adult unemployment rate na naitala ng SWS. Lubhang
nakakabahala ang pagkakaroon ng mahinang kalidad ng edukasyon s Pilipinas.
Ayon naman sa propesyunal at intelekwal, ang bagong sistema ay isang
long term goal para sa Pilipinas na dapat bigyan ng atensyon. Kung pag-
iibayuhin ang 12 year Basic Education System sa mahabang panahon tataas

19. 19
ang antas ng edukasyon at maaari nang makasabay ang ating bansa sa mga
first world countries sa mundo.
Ayon sa Sekretarya ng Edukasyon, Armin Luistro na pinagsama ang
programs ng DepEd, CHED, TESDA at mga mag-aaral sa mga pampubliko at
pribadong paaralan.
Dito sa Pilipinas inilabas nang Kagawaran ng Edukasyon ang detalye ng
kanilang planong pagdaragdag ng parehong isang taon sa primarya at
sekundarya o K+12. Ito ay bahagi ng President Benigno "Noynoy" Aquino III's
Educational Reform Program. Ang Administrasyong Aquino ay naniniwala na ang
pagdaragdag ng mas maraming taon sa pangunahing edukasyon sa Pilipinas ay
maaaring makatulong na malutas ang problema sa pagkawala ng trabaho,
panatilihing mataas sa mga global na pamantayan, at tulong sa mga estudyante
na magkaroon ng mas maraming oras upang piliin ang mga karera na
pinakamahusay na nababagay sa kanilang kasanayan.
Sinasabing ang K+12 ay ang pagdaragdag ng isang taon sa parehong
primary at sekundarya (kindergarten + 6 na taon sa primarya + 6 na taon sa
sekundarya). Kahit na ang mga opinyon at reaksyon ng publiko ay nahahati, ang
ilan ay sa pabor at ang ilan ay sa hindi. Kabilang sa mga pangunahing isyu na
may kaugnayan sa programang K+12 ay ang mga pinansiyal na kapasidad ng
mga magulang, ang bilang ng mga paaralan, ang bilang ng mga guro, at kahit na
ang pagkakaroon ng mga libro at iba pang kagamitang pang-eskuwela.
Upang ipatupad ang programa, ang Kagawaran ng Edukasyon (DepEd)
ay may trabaho sa Kongreso na baguhin ang umiiral na batas, ang Batas

20. 20
Pambansa 232 o ang "Education Act of 1982," na nagsasabing
ang pangunahing pormal na edukasyon ay 10-taong programa.
Pinangunahan na ng Kagawaran ang pagsasagawa ng konsultasyon
hanggang sa unang tatlong buwan ng susunod na taon. Pagkatapos ng
konsultasyon, ang batas ay maaaring maipasa sa 2013, bago ang susunod na
halalan, sinabi ni Luistro na ang pagtugon ng pamahalaan sa programang K+12
ay makatutulong upang ito’y maging possible.
Sinabi ni Luistro ng DepEd na ang pagpapasok ng 12-taong modelo sa
edukasyon ay batay sa mga kautusan ng Pangulo Aquino. Ganito ang
iminumungkahi ng DepEd na porma ng kanilang planong K+12 kung saan
nasasangkot ang (1) isang taon ng kindergarten, (2) anim na taon ng
elementarya (Grades 1-6), (3) apat na taon ng junior high school ( Grades 7-10),
at (4) dalawang taon ng senior high school (Grades 11-12).
Ang bagong K +12 kurikulum ay inaalok sa mga papasok na Grade 1
pati na rin sa Unang Taon sa Junior High School sa mga mag-aaral sa Hunyo
2012. Ang DepEd ay nagnanais na ipatupad ang Senior High School na
edukasyon sa taong 2016-2017. Maging ang nakapagtapos sa Sekundarya ay
madaling makahahanap ng trabaho. Ang programang K +12 ay tumutukoy sa
anim na taon ng mataas na paaralan na edukasyon na binubuo ng apat na taon
ng junior high school at dalawang taon ng senior high school. Ang mag-aaral ay
makakatanggap ng isang diploma sa pagtatapos sa junior high school. Sila ay
bibigyan ng isa pang diploma sa pagtatapos ng senior high school. Ang
dalawang taon ng senior high school ay naglalayong mabigyan ang mga mag-

21. 21
aaral na may kakayahan na tutulong sa kanila na madaling makahanap ng
trabaho. Ang kurikulum ay magbibigay ng espesyalisasyon batay sa mga
karerang gusto ng isang mag-aaral na ituloy.
Nilinaw ni Bro. Armin Luistro ng DepEd na ang dalawang taon ng senior
high school ay hindi katulad ng tersiyaryo edukasyon. Ipinaliwanag niya na ang
programang K+12 ay pinapayagan ang higit pa sa mga estudyante na sumapi sa
tersiyaryong edukasyon. "Kung sa senior high school [graduates] ay maaaring
madaling makahanap ng trabaho, doon ay dapat na mas nagsasarili,
nagtatrabaho ang mag-aaral," sinabi niya. Idinagdag niya na ang senior high
school graduates ay hindi kaagad irerehistro sa kolehiyo pagkatapos niya sa
sekundarya ngunit maaaring pumili ng trabaho para sa ilang taon upang
makapag-ipon ng sapat na pera para sa kanyang pag-aaral sa kolehiyo.
Ang DepEd ay nakatanggap ng mga kritisismo mula sa iba't ibang
grupo para sa kanilang umano'y 'maling prayoridad, na sinasabi na ang mga
karagdagang dalawang taon ay hindi sagot sa mga pangunahing problema ang
mababang kalidad ng edukasyon sa bansa. Sa kasalukuyan, milyong kabataan
ang hindi nabibigyan ng kanilang karapatan sa edukasyon dahil sa paglubog sa
kahirapan at pagtaas ng gastos sa edukasyon. Sa patuloy na hambalos ng taas
presyo na lalong nagpapahirap sa kasalukuyan ng hirap na badyet ng pamilya
ang edukasyon ng kabataan ay mapag-iiwanan.
Ang ibang grupo ay may sinabi rin na ang kakulangan ng badyet ay
makakaapekto sa pagpapatupad ng mga iminungkahing programa. May grupong
nagsasabing ang K+12 sa Kongreso ay minadali at ito ay kinondena ng

22. 22
Kabataan Party list at ACT Teachers’ Party list ang anila’y minadaling pagpapasa
sa second reading ng House Bill 6643 o ang K+12 sa Kamara sa kabila ng
anila’y hindi pagiging handa ng Department of Education para sa
implementasyon nito. Ayon kay Kabataan Rep. Raymond Palatino na ang mga
pangunahing nagpasa ng K+12 Bill na ang Department of Education ay nasa
pilot testing pa lang ng curricular reforms ng K+12 ang punto nia bakit minadali
ng Kongreso na ipasa ang panukalang batas na ito imbes na maghintay para sa
pagtatasa ng pilot testing.
Ayon sa pahayag naman ni ACT Teachers Rep. Antonio Trio, lumalabas
sa delibirasyon ng plenaryo noong committee hearing na bigo ang mga may
akda ng K+12 na patunayan ang kahandaan ng DepEd upang epektibong
maipatupad ang buong programa.
Sinasabi rin ni Mai Uichanco, pangkalahatang kalihim ng League of
Filipino Students, na magkakaroon ng hindi magagandang epekto sa mga mag-
aaral ang pagmamadali sa pagpapasa ng programa. Hindi pa umano
natutugunan ang DepEd ang mga kakulangan sa sector ng batayang edukasyon
at itinutulak ngayon ang K+12 kahit na ang mga paaralan, mga guro at maging
ang DepEd mismo ay hindi pa handa.
Napakalaki ng problema ng bansa pagdating sa edukasyon. Sa mga
pampublikong paaralan pa lamang ay masyadong siksikan sa mga silid. Bukod
sa walang maayos na bentilador ay hindi na rin matutukan ng maayos ng mga
guro ang kanilang mga estudyante sa sobrang dami. Sa kabila ng maraming
tapos at lisensyadong guro ay may kakulangan pa rin. Inirereklamo rin nila ang

23. 23
mababang pasahod sa mga guro. Taon-taon rin ay naglilimbag ng aklat pero
kinakapos pa rin. Ang matagal ng problemang ito ng bansa ay matagal ng
pinagpasa-pasahan ng ilang nagdaang administrasyon.
Marami ang naniniwala na kailangang pag-aralan muli ng DepEd ang
kurikulum ng K+12. Nangangamba sila sa integrasyon ng teknikal at bokasyonal
na mga kurso sa hayskul. Imbes na pagtuturo sa mga mag-aaral ng batayang
subjects na kakailanganin nila upang makapag-ambag sa pambansang
pagpapaunlad. Inihahanda pa ng gobyerno ang mga mag-aaral para ieksport.
Ayon mula sa mga grupong bumabatikos na hindi dapat gumaya ang
Pilipinas sa ibang bansa na dinagdagan ang bilang ng taon sa pag-aaral upang
tumaas lang ang kalidad ng edukasyon. Hindi nasusukat sa dami ng taong
pinasok sa eskwelahan ang katalinuhan ng tao. Kaya namang matutunan ng
mga Pilipino ang dapat na matutunan sa kasalukuyang umiiral na sistema. Ang
katunayan dito ay ang mataas na kalidad ng edukasyon sa mga pribadong
paaralan. Dahil ito ay suportado ng mga kagamitan at tamang pagtutok sa pag-
aaral ng mga bata ng kanilang magulang. May mga nananalo pa ngang
estudyanteng Pilipino sa mga patimpalak sa ibang bansa.
Gayunman, sinabi ni Luistro na ang karagdagang mga taon ng paaralan
sa ilalim ng sistemang K +12 ay sagot sa problema ng mababang kalidad na
edukasyon sa bansa. Sinabi din ni Luistro na ang programa ay may positibong
epekto sa ekonomiya ng bansa. Nabanggit niya rin na nagpapakita na ang mga
pagpapabuti sa kalidad ng edukasyon ay nagdaragdag ng kabuuang kita ng

24. 24
isang bansa. Ipinahayag din ng kalihim ng edukasyon na ang buong Kagawaran
ay tiwalang maipapatupad ang programang K+12.
Subalit marami ang nagsasabi na ang karagdagang taon sa pag-aaral ay
hindi malulunasan ang kahirapan at hindi rin solusyon upang mabawasan ang
mga Out of School Youth. Kahit sabihin pang libre ang pag-aaral sa mga
pampublikong paaralan ay gumagastos pa rin ang mga magulang sa mga pang-
araw-araw na baon ng mga bata. Ibig sabihin nito kapag dinagdagan ng taon ay
panibagong dalawang taon din ang dagdag pahirap sa mga magulang. Ayon sa
pag-aaral batay sa kasalukuyang average ng matrikula, ang isang magulang ay
nangangailangan ng hindi bababa sa Ph20, 000 upang pantustos sa matrikula pa
lamang upang makapag-enrol ang kanyang anak sa isang semester. Maliban sa
matrikula, ang mga magulang at mag-aaral ay dapat maging handa sa mga
dagdag na bayarin sa miscellaneous at gastusin para sa libro, gamit sa eskwela,
uniporme, proyekto sa paaralan at iba pa. Ang sinasabing para makapagtrabaho
na kahit high school lang ang tinapos ay hindi rin totoo. Sa kasalukuyan, kahit
may mga tinapos sa kolehiyo ay hirap makahanap ng trabaho.
Ipinaliwanag naman ng DepEd madadagdagan ng dalawang taon ang
basic education curriculum sa bansa subalit hindi umano ito dapat na ikalungkot
ng mga magulang at mag-aaral sapagkat kung titingnan sa positibong
perspektibo mas mapapataas pa ng programang K+12 ang antas ng kalidad ng
mga mag-aaral at ng basic education sa bansa. Sa pamamagitan umano ng
programang ito ay makakasabay na ang mga mag-aaral sa Pilipinas sa ibang
bansa sa Asya na may kahalintulad na kurikulum. Ayon rin sa kanya na ang

25. 25
kadalasang umanong nagiging hadlang sa paghahanap ng maayos na trabaho
sa ibang bansa ng mga Pilipino ang kakulangan sa bilang ng taon ng pag-aaral
sa basic education. Isa rin sa magandang adhikain ng programa ang matugunan
ang suliranin sa mataas na bilang ng mga bumibitiw sa kalagitnaan ng pag-aaral
na karaniwang kawalan ng kaalaman ang idinadahilan sa dami ng pinag-aralan
at kawalan na rin ng interes.
Upang ipatupad ang karagdagang dalawang taon ng senior high school
na programa simula ng taong pampaaralan 2016-2017, kinakailangan ng
Kagawaran ng Edukasyon ng pondong aabot sa P60-B para sa pagpapagawa ng
mga pampublikong paaralan, kakulangan sa guro, mga libro at iba pang
kagamitang pampaaralan. Sinabi ni Luistro na ang departamento ay may sapat
na oras upang maghanap para sa mga pondo. Nakikita ng Administrasyong
Aquino ang halaga ng pagbabago sa kalidad ng edukasyon ng bansa.
Subalit sinasabi naman ng Anakbayan nitong nakaraang taon ay naglaan
lamang si Aquino ng P238.8 Bilyon o nasa P7.00 kada estudyante kada araw
para sa edukasyon. Sa halip na 6% ng gross domestic product ang ginagastos
sa edukasyon ayon sa rekomendasyon ng United Nations Educational, Scientific
and Cultural Organization (UNESCO), umaabot na lamang ito sa 2.1%.
Bilang bahagi ng aking pananaliksik naghanda ako ng mga talatanungan
at pinasagutan sa mga Guro upang malaman ang kanilang Pananaw hinggil ukol
sa Kurikulum ng K+12.
Ayon sa pitong (7) guro mula sampung (10) respondente na ang layunin
ng programang K+12 ay mapalawig ang kaalaman ng mga estudyante,

26. 26
mapataas ang kalidad at antas ng edukasyon para sa mga kabataan upang
makasabay sa mahigpit na kumpetisyon ng mundong ating ginagalawan.
Batay sa sagot ng limang (5) guro na mula sa Linga National High School
na ang sakop ng pagbabagong K+12 ay mag-aaral mula Kinder hanggang Grade
12.
Ayon kay Gng. Adelaida Manipol guro ng Senior High School ng Linga
hindi pa lubos ang pag-aaral at paghahanda para ipatupad ang K+12 at marami
pang kakulangan ang dapat punan ng ating pamahalaan.
Batay sa aking nakalap na sagot mula sa limang (5) Guro mula sa Union
College na nagsasabing hindi solusyon sa dumaraming bilang ng Out of School
Youth ang K+12 dahil ayon sa kanila kahirapan ang dahilan hindi dahil sa
sistema ng edukasyon.
Mula sa sampung (10) guro na aking tinanong anim (6) na kaguruan ang
nagsasabing sapat na ang training ng mga guro sa nasabing programa at ayon
sa kanila ang guro ay laging handa sa anumang programa ng DepEd ngunit ito
ay dapat patuloy na suportahan ng DepEd sa iba’t-ibang paraan tulad ng
workshop, training, buildings, materials at patuloy na orientation.
Ayon sa mga kaguruan hindi sila naniniwala na ang K+12 ang sagot sa
suliraning kinakaharap ng ating bansa pagdating sa edukasyon. Ayon rin sa
kanila meron mabuti at di mabuting epekto ang programang K+12 ang mabuting
epekto ng nasabing programa na sa pamamagitan ng K+12 ay nabibigyan ng
kaukulang pansin ang mga di makakapagkolehiyo at magiging handa upang
magkaroon ng trabaho. At ang di mabuting epekto nito ay madadagdagan

27. 27
naman ng taon ang high school na sa tingin ng magulang ay dagdag gastos at
panahon.
Sampung (10) guro ang nagsasabing ang una nilang kinakaharap ay ang
kakulangan ng mga librong pamantayan, modyul, learning materials, at mga
kagamitang kailangan sa masusing pagtuturo.
At naniniwala sila na ang mag-aaral ang higit na apektado sa nasabing
programa dahil sila ang mas nabigla at di agad nakapag- adjust sa pagbabagong
ito.
At sa aking panghuling katanungan walong (8) guro ang nagsasabing
naniniwala sila na magiging matagumpay ang K+12 kung mabibigyan ng
agarang kasagutan ang mga suliraning kinakaharap at patuloy na susuportahan
ng ating Gobyerno ang mga pangangailangan ng mga kaguruan at mag-aaral at
higit sa lahat na kailangan ay ang kooperasyon ng bawat isa.

28. 28
Paraan ng Pagkuha ng Datos
Upang magtagumpay ang isang pananaliksik ay kinakailangan magbasa,
mangalap ng datos at maghanda ng mga kagamitang kapaki-pakinabang sa
anumang pag-aaral ang mga mananaliksik.
Sa bahagi naman ng pakikipanayam at pagbibigay ng talatanungan: Una,
ang mananaliksik ay gagawa ng mga talatanungan na ipapavalideyt upang
maging maayos ang daloy ng distribusyon: Ikalawa, hintayin ang hudyat ng
gurong tagapayo sa pananaliksik: Ikatlo, pagdulog sa punongguro ng paaralan at
paghingi ng pahintulot: Ikaapat, paglapit sa mga guro upang bigyan ng mga
talatanungan at kunin ang mga ito pagkatapos masagutan ng mga tumugon:
Ikalima, ang mga datos na natipon, nakalap ay aayusin sa talahanayan,
aanalisahin at bibigyan ng interpretasyon ng pananaliksik: at huli, ilagay ang
mahahalagang impormasyong nalikom sa isang maayos na pagkakahanay sa
nararapat nitong lugar sa tesis.

29. 29
Instrumentong Ginamit
Talatanungan
1. Ano ang layunin ng programang K+12?
________________________________________________________________
________________________________________________________________
________________________________________________________________
2. Sino ang sakop ng pagbabagong K+12?
________________________________________________________________
________________________________________________________________
________________________________________________________________
3. Masasabi bang lubos na ang naging pag-aaral at paghahanda para ipatupad
ang K+12?
________________________________________________________________
________________________________________________________________
________________________________________________________________
4. Ang K+12 ba ang solusyon sa dumaraming bilang ng out of School Youth?
________________________________________________________________
________________________________________________________________
________________________________________________________________
5. Sapat na ba ang training ng mga guro sa nasabing programa?
________________________________________________________________
________________________________________________________________
________________________________________________________________
6. Sa palagay mo ba ang K+12 ang sagot sa suliranin ng bansa pagdating sa
edukasyon?
________________________________________________________________
________________________________________________________________
________________________________________________________________

30. 30
7. Ano ang maganda at di magandang dulot ng programang K+12?
________________________________________________________________
________________________________________________________________
________________________________________________________________
8. Ano ang mga suliraning kinakaharap ng mga guro sa bagong Kurikulum?
________________________________________________________________
________________________________________________________________
________________________________________________________________
9. Sa nasabing programa sino ang higit na apektado? Bakit?
________________________________________________________________
________________________________________________________________
________________________________________________________________
10. Naniniwala ka ba na magiging matagumpay ang nasabing programa?
________________________________________________________________
________________________________________________________________
________________________________________________________________

31. 31
Paglalagom
Ang pananaliksik na ito ukol sa Pananaw ng mga Guro sa K to 12
Kurikulum ay may mga katanungan na may kinalaman sa; Ano ang K to 12
Kurikulum; Bakit kailangang magdagdag ng dalawang taon pag-aaral kurikulum
ng mag-aaral; Sino ang makikinabang sa programang K+12; Paano
nakakaapekto ang 2 taong dagdag sa mga magulang ng mag-aaral; Paano
mabibigyang solusyon ang mga suliraning kinakaharap sa nasabing programa; at
Ano ang pananaw ng mga guro sa programang K+12.
Ang K to 12 Program ng gobyerno ng Pilipinas ay tumutukoy sa
pagkakaroon ng mandatory o required na kindergarten at karagdagang 2 taon sa
dating 10-year Basic Education Cycle. Kung noon, pagkatapos ng anim na taon
sa elementarya at apat na taon sa hayskul (kabuuang 10 taon) ay maaari nang
makapagkolehiyo ang mga estudyante. Sa ilalim ng K to 12, bago
makapagkolehiyo, kailangan pa nilang dumaan sa karagdagang 2 taon
pagkatapos ng apat na taong hayskul. Sa bagong sistema, tinatawag na senior
high school o junior college ang karagdagang 2 taon. Ang apat na taon ng
hayskul sa lumang sistema ay tinatawag na junior high school. Sa kabuuan,
Grade 1-12 ang opisyal na tawag sa 12 taon ng Basic Education sa ilalim ng
Kto12.
Mababa ang kalidad ng edukasyon sa Pilipinas at sa pamamagitan ng K
to 12 ay mapatataas ang kalidad ng edukasyon sa bansa. Sa buong Southeast
Asia, ang Pilipinas na lang ang may 10-year Basic Education Cycle (ang ibang
bansa ay may 11-12 taon sa Basic Education Cycle). Sa buong mundo, ang

32. 32
Pilipinas ang isa sa 3 bansa na may 10-year Basic Education Cycle. Sa lumang
sistema, pagkagraduate ng hayskul ay di pa rin handa para magtrabaho ang
mga mag-aaral (masyado pang bata para makapagnegosyo at iba pa). Hindi
handang magkolehiyo ang maraming graduate ng hayskul sa lumang sistema.
Dahil sa lumang 10-year Basic Education Cycle ay hindi kinikilala o
nirerecognize ng ibang bansa ang mga propesyunal na grumaduate sa Pilipinas.
Sa Amerika, kailangan ang 12 taon ng Basic Education para sa mga engineer.
Sa Europa naman, kailangan ng 12 taon ng Basic Education para sa mga
gustong mag-aral sa mga unibersidad doon at para sa mga gustong magtrabaho
bilang propesyunal doon.
Ang mga kabataan o mag-aaral ang higit na makikinabang sa programang
K+12. Ang K to 12 ay magdudulot nang magandang bunga sa mga kabataan. Sa
pagdadagdag ng dalawang taon sa high school, ganap na mahahasa ang mga
mag-aaral. Masisiksik sila sa kaalaman, hindi katulad sa dating 10 taon lang
binubunong pag-aaral. Makapaghahanda ang mga mag-aaral sa sistemang ito
sa kanilang tatahaking career.
Ayon sa mga magulang ang K+12 ay dagdag pasanin, anila ang
pormulang ito sa kanilang pagpapaaral ng mga anak lalo't napakahirap ng
magpaaral ng mga anak sa panahon ngayon dahil patuloy na tumataas ang
singil sa tuition fee at kung anu-ano pang fees. Kung ito, anila, ang siyang
magiging daan upang lalong malinang ang karunungan ng mga mag-aaral ay pilit
nilang igagapang ang kanilang mga anak upang makapagtapos sa pag-aaral na
siyang mabisa at matibay na pundasyon para sa kinabukasan.

33. 33
Upang mabigyan ng solusyon ang mga suliraning kinakaharap sa
nasabing programa kailangan ng bukas na kaisipan sa pagtanggap ng bagong
kurikulum. Paglaanan ng panahon ang mga kakulangan sa pag-aaral tulad ng
libro, silid-aralan, guro at mga kagamitan para sa mabisang pag-aaral ng mga
mag-aaral. Ibig sabihin, ang karagda-gang taon ay ma-katutulong sa
pangangailan at pagkatuto ng mga mag-aaral gayun din sa ating komunidad.
Ayon sa mga guro na nagbigay ng kanilang opinion hinggil sa K+12. May
nagsasabing dagdag pahirap din sa kanila ang nasabing programa dahil
nadagdagan ang kanilang responsibilidad pero hindi naman nadaragdagan ang
kanilang suweldo. Subalit sang-ayon din naman sila sa layunin ng programa na
layuning mapataas ang kalidad ng edukasyon sa ating bansa.

34. 34
Konklusyon
Batay sa nabanggit na mga natuklasan ang mga sumusunod ay mga
konklusyon:
1. Hindi pa handa at nangangailangan pa ng sapat na panahon sa
pagpapatupad ng kurikulum. Pero dapat din nating malaman na kulang
din ang kalidad ng Edukasyon. Ang hangarin lamang ng Pamahalaan
ay mapataas ang huling kakulangan.
2. Ang programang K+12 ay makakatulong sa pagpapaunlad ng
kaalaman sa pagtuturo at nakapagbibigay ng estratehiya na magiging
epektibo upang magbibigay-daan sa malayang pagpapahayag ng
saloobin at opinyon ng mga mag-aaral sa pagkatuto sa bawat
asignatura
3. Sa kabila ng maraming suliranin na kinakaharap sa edukasyon tulad
ng kakulangan sa kagamitan sa pagtuturo at mga estratehiya sa
pagpapaunlad ng kaalaman para sa mga mag-aaral ang ating mga
kaguruan ay handang ibigay ang kanilang buong dedikasyon sa
pagtuturo para sa magandang kinabukasan ng ating mga kabataan.
4. Kailangan ng pagtanggap sa pagbabago at magkaroon ng bukas na
isipan sa bagong kurikulum at sa gayong paraan ay makatutulong tayo
sa ikagaganda ng kalidad ng edukasyon.

35. 35
Rekomendasyon
Pagkatapos ng maingat na pagsusuri ay inilahad ang mga sumusunod na
rekomendasyon.
1. Kumpletuhin ang mga kulang na silid paaralan. Magbigay ng mga aklat
na tama ang nilalamang impormasyon. Magdagdag pa ng mga guro at
dagdagan ang kanilang sahod at benipisyo.
2. Pagtuunan nila ng pansin ng mga magulang ang kanilang mga anak
lalong lalo na pagdating sa kanilang pag-aaral para masubaybayan
nila at hindi maligaw ng landas at magkaroon ng magandang
kinabukasan.
3. Pagbutihin ng mga guro ang kanilang pagtuturo. Huwag nilang
hahayaan ang mag-aaral na makatapos ng isang antas ng edukasyon
ng hindi naman angkop sa kanilang abilidad.
4. Pagbutihan ng mag-aaral ang kanilang pag-aaral nang sa gayun
magkaroon sila ng magandang kinabukasan at maging kapaki-
pakinabang na mamamayan ng bansa.
5. Ipagpatuloy o palawakin pa ng mga mananaliksik ang pag-aaral na ito
tungo sa pagtuklas ng marami at higit pang mahahalagang datos o
impormasyong maaaaring makatulong sa pagpapalawak ng kaalaman
hinggil sa pagdaragdag ng dalawang taon sa antas ng edukasyon.

36. 36
Bibliograpiya
Website
http://www.slideshare.net/joyieloo/pananaliksik-1
https://bayangpilipinas.wordpress.com/2011/11/16/ang-k12-sa-edukasyon-ng-
pilipinas/
https://prezi.com/grgnlo5kimp4/pananaw-at-impresyon-ng-mga-guro-sa-filipino-
sa-pagpapa-tupad ng K+12
http://www.gov.ph/2013/05/15/republic-act-no-10533/

37. 37
MYRNA CASTILLO BANILAN
Lacrence Subd. Brgy Pansol Pila Laguna
09199224081
PERSONAL NA DATOS
Kapanganakan : Oktubre 22, 1982
Edad : 34 taon
Lugar ng Kapanganakan : Batangas City
Kalagayang Sibil : May Asawa
Relihiyon : Katoliko Romano
ANTAS NG PINAG-ARALAN
ELEMENTARYA
MABABANG PAARALAN NG MALITAM
MALITAM BATANGAS CITY
1990-1996
SEKONDARYA
MATAAS NA PAARALAN NG BATANGAS
RIZAL AVENUE, BATANGAS CITY
1996-2000

38. 38
TERSYARYA
CRISTO REY INSTITUTE FOR CAREER DEVELOPMENT
RIZAL AVENUE, BATANGAS CITY
ASSOCIATE IN OFFICE MANAGEMENT
2000-2002
UNION COLLEGE OF LAGUNA
STA. CRUZ LAGUNA
BACHELOR OF SECONDARY EDUCATION