2. Tuwing ika-sampu ng Nobyembre ay bisperas ng pista sa San Diego. Handa
na ang lahat sa bisperas pa lamang kaya nakagayak na ang kani-kanilang mga
bahay ng pinakagarbong palamuti, kurtina at iba’t-ibang dekorasyon pati na
mga minana at antigong kagamitan.
Punong-puno ng iba’t ibang masasarap na putahe ang hapag kainan ng mga
mayayaman. Nariyan ang mga kakanin, panghimagas at mga inangkat na
mamahaling mga alak mula pa sa Europa. Para sa lahat ang mga pagkain dito
upang kahit na mga taga ibang bayan ay maging masaya din sa kapistahan.
3. Panay rin ang pagpapaputok ng mga kwitis, batingaw ng kampana at
tugtugan ng mga banda ng musiko. Ang mga matataong lugar kabilang na
ang plasa ng San Diego ay pinalamutian ng arkong kawayan. Nilagyan din
ng tolda ang harapan ng simbahan para sa prusisyon. May nakalaan ding
tanghalan para sa komedya at iba pang palatuntunan. Sina Kapitan Tiyago,
Kapitan Joaquin, ang intsik na si Carlos, at iba pang mayayaman sa bayan ng
San Diego ay may partisipasyon din sa kasayahan. Nakalaan namang
magmisa si Padre Damaso sa umaga.
4. Iginayak na rin ng mga magsasaka at mahihirap ang kanilang mga pinaka-
mainam na ani upang ihandog sa mga may-ari ng kanilang bukirin.
Samantala, tinatapos na ang bahay-paaralan na pinapagawa ni Ibarra malapit
sa kanyang tahanan sa pamamatnubay ni Nol Juan. Ang lahat ng gastos ay
sagot ni Ibarra. Magalang namang tinanggihan ng binata ang alok na tulong
ng mga mayayaman at ng pari sa kanya.
5. Katumbas ng mga paaralan sa Europa ang bahay-paaralan na ipinapatayo ni
Ibarra kung saan hiwalay ang mga babae sa lalaki. Mayroong lugar para sa
pagtatanim ng puno at gulay pati na rin bodega. May silid pang-disiplina din
para sa mga batang mag-aaral. Sa ginawang ito ni Ibarra ay maraming
humanga sa kanya ngunit sa kabilang banda nama’y marami din ang
kanyang naging palihim na mga kaaway.
6. Aral – Kabanata 26
Likas sa mga Pilipino ang pagiging masiyahin. Makikita ito sa
pagdiriwang ng mga Pista. Panahon pa lamang ng mga
mananakop ay nagbubuhos na ng panahon at salapi ang
mga Pilipino para sa mga pagtitipong tulad ng pista.
7. • antigong kagamit- mga bagay na matagal na o may edad na
• batingaw- anumang bagay na tumutunong kapag hinahampas ng bagay na matigas
• palatuntunan- ito ay isang gabay sa mga pagkakasunod-sunod ng pangyayari sa isang okasyon o
pagdiriwang
• bahay-paaralan- lugar kung saan natututo ng magbasa, magsulat ang mga bata at mga guro ang
nagsisilbing ikalawang magulang
TALASALITAAN
8. 1. Kailan ipinagdiriwang ang bisperas ng pista sa San Diego?
a. ika-tatlo ng Disyembre c. ika-walo ng Mayo
b. ika-sampu ng Nobyembre d. ika-pito ng Marso
2. Saan inangkat ang mga mahahaling mga alak?
a. Asya c. Australia
b. Africa d. Europa
3. Para kanino ang mga pagkain na inihahanda sa pista?
a. sa mayayaman c. sa lahat
b. sa matatanda d. sa mga bata
MGA TANONG:
9. 4. Sino ang nakalaan na mang misa sa umaga ng kapistahan?
a. Padre Damaso c. Kapitan Tiyago
b. Kapitan Joaquin d. Carlos
5. Sino ang nagpapagawa ng bahay-paaralan?
a. Elias c. Ibarra
b. Pedro d. Alperes
