1. HAUSNARKETA:
Gaur egungo gizarteak etengabe aurrera egiten du eta bilakaera horren elementu
nagusi bat zalantzarik gabe, teknologia izan da. Izan ere, egun teknologiak gure
bizitzaren esparru gehienetan edo ia guztietan aurkitzen da. Esparru horien artean,
hezkuntza aurki dezakegu non beste esparruetan bezala teknologia erabiltzen hasi da.
Baina horren erabilera ematen al da?
Egia da gaur egun gero eta normalagoa dela eskoletan, teknologia elementuak
erabiltzea. Hala ere, horrek ez du esan nahi erabilera horren egoera egokia denik. Izan
ere, teknologia era probetxugarri batean erabili ahal izateko, ez da nahikoa teknologia
aparatuak eskoletan instalatzearekin. Horrez gain, TICen erabilera helburu batekin
erabili behar da. Eta noski helburu horrek, ikasleen prestakuntzarekin erlazionatuta
egon behar da.
Tamalez, gaur egun egiten ari dena zera da elementu horiek eskoletan instalatzea
eta listo, gero ikasleek noizbehinka erabiltzen dituzte, baina gehienetan helbururik gabe,
soilik erabiltzeagatik. Adibidez, lehen hezkuntzako klase gehienetan ordenagailuak
instalatzen ari dituzte, baina ikasleek horiek gehienetan motibazio gisa erabiltzen dituzte
proiektu bat aurrera eramateko erabili ordez.
Borobilduz, nahiz eta egun hezkuntzan, ordenagailuen eta beste elementu
teknologikoen agerpena nabaria izan, oso gutxitan erabiltzen dira era probetxugarri
batean. Beraz, ahalegindu behar gara hori aldatzen. Izan ere, ikasleek teknologiatik
gauza asko ikas dezakete, baina noski teknologiaren erabilpena era apropos batean
erabiliz gero.
