1. ZERTARAKO BEHAR DUGU TEKNOLOGIA IRAKASLE IZATEKO?
Gaur egun, teknologiak ikasgelara ere iritsi dira, beraz irakasleak teknologia
horien berri izan behar dute. Hauek ondo erabili ezkero , oso baliagarriak izan daitezke
hezkuntzan. Alde batetik, informazio iturri oso zabalak direnez (bideoak, argazkiak…)
informazio ugari aurkitu, ikuspuntu ezberdinak ezagutu eta behar duguna hautatu
dezakegu. Bestalde, ikasketa modu ezberdinak abiatzeko aukera ematen digute; hala
nola, beste ikastetxe batzuetako ikasle batzuekin harremanetan jarriz, proiektu
ezberdinetan parte hartuz, programa ezberdinak erabiliz aurkezpenak eginez, bideoak
eraikiz, irratsaioak eginez… Horrela azalpenak xehetasun handiagoz eta modu
ulerkorragoan eman ahal izango dituzte ikasleek zein irakasleek.
Horrez gain, eskolaz kanpo harremanetan jartzeko erabilgarriak dira ikasle,
beste irakasle, guraso ,beste zentro eta antzekoekin komunikazioa erraztuz. Eskola
barruan bertan ere, lagungarriak izan daitezke administraziorako (notak jartzeko eta
gordetzeko, koaderno digitalak…) , era berean papera eta beste material batzuk (tinta,
fotokopiak…) aurreztuz.
NOLAKO TEKNOLOGIA BEHAR DUGU IRAKASLE IZATEKO?
Urte gutxitan teknologiak aurrerapauso handi bat egin du eta aniztasun handia
dago. Hala ere, ezaugarri batzuk izan beharko ditu teknologia horrek ikastetxean
erabilgarria izan dadin:
Aniztasun handikoa (ordenagailua, arbel digitala, argazki makina, telebista…)
Informazioa bilatzera bideratua
Erabilera praktikoa duena (inprimagailua, fotokopiagailua, ordenagailua…)
Azkarra: internet
Ulerkorra: aurkezpenak egiteko programak (powerpointa, PREZIa…), bideoak…
Eskolara egokitua
2. IRAKASLEEN PRESTAKUNTZA
Irakasleak maila altua beharko du gelan sortzen zaizkion arazoei aurre egiteko
eta ikasleentzako eredu baliagarria izan dadin. Izan ere, gaur egun teknologia gure
egunerokoan oso garrantzitsua da eta haurrek horiekin hazi behar dute txiki txikitatik.
Hori dela eta, irakasleak lagundu beharko dio.