1. TEKNOLOGIA BERRIEN INGURUKO HAUSNARKETA
PERTSONALA
Gizartea eta egun bizi dugun egoera ikusita, bistakoa da teknologia
berriek dute indarra edota boterea. Azken finean, beharrezko tresnak bihurtzen
ari zaizkigu teknologia berriak. Egia esan, errealitatea begi bistako da, baina
lehenengo lana egin arte, hau da, IKT taula egin arte, ez nintzen pentsatzen
jarri ikastetxe bakoitzaren funtzionamendua nolakoa zen teknologia berrien
inguruan. Eta ikusi dudanez, hainbat proiektu eta eduki aurrera daramatzate
zenbait ikastetxek.
Teknologia berrien erabilera oso garrantzitsua bilakatu da. Gero eta
gorakada handiagoa sumatzen da, bai gizartean eta baita, hezkuntzan ere.
Baina, ez dugu inolaz ere ahaztu behar, hauen erabilpen egokia. Hauek ongi
erabiltzen ikasi behar dugu, eta hezkuntzari dagokionez, ez da irakaslearen
ordezkoa izango. Gainera, txiki - txikitatik garrantzi handia du, ongi erakustea
tresna hauen erabilpena. Jadanik, Haur Hezkuntzan, hauen presentziaz ohituta
daude, eta beraientzat ez dira tresna arrotzak. Hala nola; DVD aparatua,
ordenagailua, inprimagailua, CD ak… nik uste, haurren formakuntzarako eta
etorkizunerako oso garrantzitsua dela hauen erabilera.
Guzti honekin amaitzeko, aipatu nahi dut, egun hezitzaile naizen aldetik,
erabiltzen ditudala teknologia berrien inguruko tresnak. Hori bai, haurrak oso
txikiak direnez ( 0-2), hezitzaileok bakarrik erabiltzen ditugu gehienbat. Baina
egunen batean irakasle izango naizenez, argi daukat teknologia berriak
erabiliko ditudala, haurren heziketarako osagarri gisa. Ikasgaiari begira berriz,
esan dezaket, etorkizunera begira, oso baliagarria egingo zaidala ikasi dudan
guztia. Blogga sortzen, eginiko lanak slideshareren bidez igotzen, taldean lan
egiten… Teknologia berriak erabiltzearen arrazoia hurrengoa dela pentsatzen
dut; teknologia berriak barneratzeaz gain, eduki edota lanak, modu bisual
batean jasoko dituzte, azken batean, haurrentzat modu erakargarri bat izanik.