1. HAUSNARKETA
Artikuluak, IKT-ekin praktika ona zein den azaltzen du. Lan honek, unibertsitateko ikasle batzuek errealitatean existitzen ez den eskola baten blog-a aurkeztu egiten digu. Pixkanaka-pixkanaka irakasleak blog-a egiteko pausuak azaltzen ditu; eta ikasleak pausu horiek jarraituta IKT-ekin lortzen diren helburuak ere.
Gaur egun, gero eta teknologia gehiago dago. Irakaskuntzan ere teknologiak aurrerapauso izugarria izan du azken hamarkadetan. Horregatik, kontuan izan behar dugu, teknologiak eta zehazki IKT-ak Aurrera egiten duen heinean, guk ere gizakiok, horrekin egin behar dugu bidea, ez baitugu atzean geratu nahi. Artikuluak dioen bezala, nahiz eta IKT-ak erreminta bezala erabiltzen hasi, praktika guztiak ez dira onak izaten. IKT-ak ondo erabili behar ditugu, zehaztutako helburuak lortzeko. Teknologiak berez ez du ikaskuntza bultzatzen edo ematen; helburuen, método didaktikoen eta ikasleak egiten dituzten jardueren araberakoa baita.
IKT-en baliabideetako bat blog-a da. Blog-a oso erabilgarria da, azkar eta eraaz lan egiteaz gain, ikasleak helburu asko lortzera pasatzen direlako.Blog-a taldean egiten denez, kolaboratzailea da, eta ikasleak elkarlanean aritzea sustatzen du. Haur Hezkuntzako blog-a denez, haur horien ezaugarriak zeintzuk diren finkatzen dituzte, honela, behaketa, ebaluazioa eta geroan, ikasleen beharrak zeintzuk diren landuz.
Bi ezaugarri hauek lantzeko, IKT-en aldetik, ikasleak erreztasuna hartzen dute internet- a erabiltzeko eta web orrialde desberdinak duten informazioa buruan ondo finkatzeko. Adibidez, eskolak duten koordinazio organoak, zuzendaritza-saila… Ikasleak beste blog batzuk ikusita eta bertan dagoen informazioa hartuta, haien curriculuma eta unitate didaktikoa sortuko dute; honela, programazio antzeko bat eginez.
Badakigunez, gurasoen edo familien eta eskolaren arteko elkarlana oso garrantzitsua da, haurren garapenean laguntzeko. Horregatik, garrantzitsua da ere, familia hauek blog-a nola erabiltzen den jakitea. Jakin badakigu, familia batzuk inmigrante digitalak direla, hau da, teknologiarekin ez direla ondo konpontzen. Honez gero, komenigarria izango litzateke formakuntza izatea, honela errez erabili ahal izateko. Beste alde batetik, ikasleak blog bat sortzen dutenean dimentsio desberdinak lantzen dituzte, hala nola, kognitiboa, antolatzailea, komunikatiboa, didaktikoa eta teknologikoa. Inkontzienteki; askotan ohikoa ez den beste era batean lan egiten dugu, hau dinamikoagoa izanik. Hala ere, kontuan izan behar dugu, irakasleak ere izugarrizko eragina duela praktika on eta dinamika hauetan.
Azkenik, esan behar dut, praktika on hauek irakasleak ( eta ikasleak) ondo erabiltzen baditu soilik funtzionatzen dutela. IKT-ak arrakasta izango du bere erabilera egokia eta hezigarria bada.
