2. Onurğalıların təbii immunitetinin
əsas komponentlərindən biri
sayılan komplement sistemini
qanda və toxuma mayesində dövr
edən, bir-biriləri ilə qarşılıqlı
təsirdə ola bilən 20-yə qədər
müxtəlif zülallar təşkil edir. Onlar
aktivləşərək yad hüceyrə və
mikroorqanizmlərin məhvində,
iltihab prosesinin yaradılmasında,
antigenlərin opsoninləşdirilərək
faqositoza uğradılmasında, immun
komplekslərinin parçalanmasında
və immunoloji reaksiyalar zamanı
limfositlərin aktivləşdirilməsində
mühüm rol oynayırlar.
3. Tarix
Komplement sisteminin mövcudluğu haqda ilk məlumat 1888-ci ildə
Q.Natoll tərəfindən verilmişdir. O, immunlaşdırılmamış təzə qan
plazmasının bakteriosid xassəyə malik olmasını göstərmiş və
müəyyənləşdirmişdi ki, bu aktivlik qanda miqdarı immunlaşdırmadan
asılı olmayan bir faktorla bağlıdır. Lakin, Q.Natollun məlumatı o vaxtlar
alimlərin nəzər diqqətini cəlb etməmişdir. Komplement sisteminin kəşfi
və öyrənilməsi o dövrdə Parisdə İ.İ.Meçnikovun laboratoriyasında
işləyən belçikalı alim J.Bordenin adı ilə əlaqələndirilir (1895). Bu sahədə
gördüyü işlərə görə o sonralar (1919) Nobel mükafatına layiq
görülmüşdür. Qanın plazmasındakı termolabil sitotoksiki aktivliyi
J.Borde aleksin (lat. alexo – qoruyuram, müdafiə edirəm), P.Erlix isə
komplement (lat. complementum – tamamlamaq) adlandırmışdı. P. Erlix
tərəfindən təklif olunan, anticisimlərin antigenə qarşı mübarizəsini
tamamlamağı nəzərdə tutan komplement termini elmi ədəbiyyatda qəbul
olunub saxlanılmışdır.
4. Komplement sistemin komponentləri
• Komplement sisteminin zülallarının özünəməxsus nomenklaturası var.
Klassik yolun aktivləşməsində iştirak edən zülallar C simvolu (complement
sözünün ilk hərfi) ilə işarələnir və ərəb rəqəmləri ilə nömrələnir – C1 (C1 –
C1q, C1r, C1s adlanan 3 cür zülaldan təşkil olunub), C2, C3, C4, C5, C6,
C7, C8, C9 zülalları və ya komponent-ləri. Bu zülalların çoxu normal halda
qanın plazmasında dövr edən profermentlərdirlər. Komplement sisteminin
aktivləşməsi zamanı onlar hidrolizə uğrayaraq aktiv formaya – fermentlərə
çevrilirlər. Aktivləşmiş hər bir komponent ardıcıl olaraq özündən sonrakı
komponenti aktivləşdirir. Aktiv fraqmentləri qeyd
• etmək üçün onların sələf molekulalarının simvollarının üzərinə tire (defis)
işarəsi qoyulur, məs., C1r, C1s və s. Parçalanma məhsulları isə simvollara
“a” və “b” hərfləri əlavə edilməklə qeyd olunur. C2 komponentinin
fraqmentləri istisna olmaqla kiçik fraqment “a”, böyük fraqment isə “b” ilə
göstərilir. Məs., C3 parçalandıqda – kiçik C3a və böyük C3b fraqmenti
yaranır. C2 komponentindən isə – C2a böyük və C2b kiçik fraqmentləri
əmələ gəlir. Alternativ yolun aktivləşməsində iştirak edən zülalları isə
faktorlar adlandırmaq qəbul olunmuşdur. Məs., B-faktoru, D-faktoru, P-
faktoru (properdin).
5. • Komplement sisteminin aktivləşməsi.Komplement
sisteminin aktivləşməsi immunoloji reaksiyalarda
yaranan məhsullar və ya mikroorqanizmlərin
səthlərindəki antigenlər vasitəsilə stimulə olunur.
Aktivləşmənin iki əsas mərhələsi C3/C5-
konvertazanın formalaşması ilə nəticələnən ilk
komponentlərin (C1, C4, C2, C3) yığılması və litik
kompleksin əmələ gəlməsi ilə nəticələnən son
komponentlərin (C5b-C9) yığılması fərqləndirilir.
İlkin komponentlərin yığılmasında əsas məqsəd
komplement sisteminin mərkəzi komponenti sayılan
C3 komponentini C3a (kiçik) və C3b (böyük)
fraqmentlərə parçalayaraq onu aktivləşdirməkdir. Bu
prosesi həyata keçirən ferment kompleksi C3-
konvertaza adlanır. C3-konvertazanın formalaşması
yollarından asılı olaraq aktivləşmənin klassik,
alternativ və bir də son zamanlarda aşkar edilmiş
lektin (C1-şunt) yolları müəyyən edilir. Klassik yolun
yığılmasında Ca2+ və Mg2+, alternativ yolun
yığılmasında isə yalnız Mg2+ tələb olunduğundan
onları in vitro-da asanlıqla fərqləndirmək olur.
6. • Klassik yolun aktivləşməsi. Komplement sisteminin aktivləşməsinin klassik yolu C1
komponentinin yad hüceyrə və mikroorqanizmlərin səthində yaranan antigen-anticisim
kompleksi ilə birləşərək aktivləşməsi sayəsində başlanır. Birləşmə yalnız o vaxt baş verir ki,
kompleksdə anticisimlər İgM və İgG molekulları ilə təmsil olunsunlar. İgA, İgE və İgD bu cür
xüsusiyyətə malik deyillər. İgG molekullarının də yalnız İgG1, İgG2 və İgG3 yarım sinfinə aid
olanları (insanda) bu aktivləşmədə iştirak edə bilir, İgG4 molekulları isə etmir.
• C1 komponenti qan zərdabında bir C1q, iki C1r və iki C1s molekullarından təşkil olunmuş
kompleks zülal şəklində olur. Kompleksin formalaşması Ca2+ iştirakı ilə gedir.
• Bütün bu proseslərin C1 komponenti səviyyəsində baş
• verdiyinə görə yaranmış C1q2C1r2C1s kompleksi C1-esteraza adlanır. Bu kompleksdə serin
proteaza aktivliyi C1s-ə məxsus olur.
• C1-esteraza çoxlu miqdarda C4-komponentini parçaladığına görə onun ətrafında hüceyrə
səthində C4b molekulasının klasteri yaranır və aktivləşmənin bu mərhələsində komplementin
kaskadının yığılmasının kəskin güclənməsi baş verir. Hüceyrə səthi ilə birləşmiş C4b özünə C2-
komponentini birləşdirir. C4bC2 kompleksində C2 C1s-in substratına çevrilir və onun katalitik
təsiri sayəsində C2 zülalı ətraf mühitə ötürülən kiçik C2b (30 kDa) və kompleksin tərkibində
qalan böyük C2a (87 kDa) fraqmentlərinə parçalanır. Nəticədə yad hüceyrə səthində serin
proteaza aktivliyinə malik olan və klassik yolun C3-konvertazası adlanan labil C4bC2a
kompleksi yaranır
• C3-konvertaza klassik və alternativ yolların mərkəzi komponenti sayılan C3-komponentini
aktivləşdirir.C3a fraqmenti anafilatoksik aktivliyə,C3b fraqmenti isə bəzi mikroorqanizmlərin
səthi molekullarına birləşmək qabiliyyətinə malikdir.
7. • Alternativ yolun aktivləşməsi. Alternativ yolun aktivləşməsinin mövcudluğu ilk
dəfə 1954-cü ildə L.Pillemer və əməkdaşları tərəfindən properdinin tapılması və
onun xüsusiyyətlərinin öyrənilməsi prosesində aşkar olunmuş, lakin onun kəşfi
alimlər tərəfindən düzgün başa düşülmədiyindən qəbul olunmamış və tezliklə
unudulmuşdur. Yalnız 16 il sonra, 1970-ci ildə C4 komponentindən məhrum dəniz
donuzunun tapılmasından sonra məlum olmuşdur ki, komplement sisteminin
aktivləşməsi klassik yoldan fərqlənən digər bir yolla, tamamilə başqa zülalların
iştirakı ilə də yerinə yetirilə bilir. Sonralar aktivləşmənin bu yeni yolu komplement
sisteminin aktivləşməsinin alternativ yolu adlandırıldı. Sistemin aktivləşməsinin
inisiasiyası C3 komponentindən başlayır. Qeyd olunduğu kimi, C3 komponentinin
nativ molekulu qeyri-stabil tioefir rabitəsinə malikdir. Mühitdəki suyun təsirindən
onun molekulasının az bir qismi (tioefir rabitələri nisbətən açıq konformasiyada
olan formaları) hidrolizə uğrayaraq quruluş və xassələrinə görə C3b-yə oxşar C3bi
adlanan fraqmentlər əmələ gətirir, yəni C3 komponenti spontan olaraq (öz-özünə)
aktivləşir. C3bi B-faktoru ilə birləşir və C3biB kompleksi yaranır. Əmələ gəlmiş
C3bBb kompleksi özünə əlavə olaraq C3b molekulları birləşdirir (klassik C3-
konvertazadakı kimi) və C5-konvertaza ((C3b)nBb) aktivliyi qazanır. Bu
kompleksdə katalitik aktivlik yenə də Bb fraqmentinə məxsusdur, C3b isə köməkçi
rol oynayır. Komplementin komponentlərinin yığılmasının sonrakı mərhələləri
aktivləşmənin bütün yollarında eynidir.
8. Tənzim mexanizmi
• Komplement sisteminə həmçinin sistemin aktivliyini tənzimləyən bir sıra
requlyator zülallar da aiddirlər. Onların adlandırılmasında həm hərfi
simvollardan (H faktor, İ faktor), həm də onların funksional aktivliklərini
ifa edən sözlərin abbreviaturasından istifadə olunur (DAF – decay
accelerating factor, yəni dissosiasiyanı sürətləndirən faktor). Komplement
sisteminin əsas komponentlərinin xarakteristikası aşağıdakı cədvəldə
göstərilmişdir. Komplementin komponentlərinin və onların fraqmentlərinin
xüsusi reseptorlar sisteminə malik olması onlara immun sisteminin digər
komponentləri ilə əlaqə yaratmağa imkan verir. Bu reseptorlar adətən
birləşdirdikləri liqandların abbreviaturalarına uyğun olaraq (məs., C3a –
reseptoru, C3b – reseptoru, C5a – reseptoru və s.), yaxud da CD
nomenklaturasına görə (məs., CD55, CD35, CD21) adlandırılırlar. C3
komponentinin fraqmentləri üçün ədəbiyyatda üçüncü bir nomenklatura –
CR-reseptorları (complement reseptor) da mövcuddur. Bu resseptorların 4
tipi – CR1, CR2, CR3, CR4 fərqləndirilir. Ona görə də müasir ədəbiyyatda
eyni bir reseptorun 3 cür sinoniminə rast gəlinir. Məs., C3b-reseptoru
həmçinin CR1 və CD 35 adını daşıyır.
9. Təkamül nöqteyi-nəzərindən
• Təkamül nöqteyi nəzərdən alternativ yolun aktivləşməsi digər yolların
aktivləşməsindən daha qədim hesab olunur. Onun klassik yoldan
funksional fərqi orqanizmə daxil olmuş patogenə qarşı cavab reaksiyasının
dərhal başlanmasıdır. Çünki, bu halda klassik yolun aktivləşməsindəki B-
limfositləri tərəfindən xüsusi İg molekullarının sintez edilməsi üçün tələb
olunan bir neçə günlük vaxta ehtiyac qalmır. Digər tərəfdən, anadangəlmə
immunitetlə qazanılmış immuniteti əlaqələndirən klassik yol alternativ yola
nisbətən immunoloji cavabın daha təkmil və effektiv yolu sayılır. Görünür
ki, təkamül prosesində bütün onurğalılarda alternativ yolun saxlanılmasının
bioloji mənası onun klassik yol işə düşənə qədər patogenə qarşı ilkin
müdafiəni təmin etməsi, klassik yol aktivləşdikdən sonra isə ona kömək
etməsindən ibarətdir.
10. Bioloji əhəmiyyəti
1.Ag-nin sitolizi və bakteriolizi baş verir.
2.Anafilotoksinlərin əmələ gəlməsi.
3.Faqositlərin aktivləşməsi.
4.Virusların neytrallaşması
11. Qocalma prosesindəki rolu
• Yaponiyadakı Osaka Universitetinin alimləri insan orqanizmindəki
komplement sistemindəki zülallardan birinin qocalma prosesinə birbaşa
təsir etdiyini aşkarlayıblar. Bu zülala təsir etməyi bacaran alimlər insan
orqanizmində qocalma prosesini praktiki olaraq tam dayandırmağın yolunu
tapıblar.
• Milli.Az “The Daily Caller“ə istinadən bildirir ki, yapon alimlər
araşdırmalar zamanı C1q zülalının hüceyrələrdəki qocalma prosesinə
birbaşa təsir etdiyini anlayıblar. Halbuki indiyədək həmin zülalın insan
komplementindəki başqa zülallar təki orqanizmin yad agentlərdən
qorunması və immun sisteminin formalaşdırılmasına xidmət etdiyi
düşünülürdü.