Ang Respeto sa magulang ay hindi mo dapat kaligtaan, saan ka man mapadpad ang mga payo at pangaral nila ay higit pa sa tunay na pag-ibig sa mga telenobela at pelikula. Ang mahalaga mahal mo sila at walang ano mang yaman ang makakapalit sa iyong ama't ina. Ang malayang PAG-IBIG.. -lUMAGO

1. SPOKEN POETRY/TUNGKOL SA
MAGULANG
“RESPETO”
ni: Luisito M. Gomez
Respeto ‘yan ang kailangan ng tao
Respeto sa magulang, respeto sa
kaibigan, respeto kanino man.....
Sa paglipas ng araw, bawat liwanag na
tinatanaw...
Mga matang sumusulyap....
Mga pusong ligaw.... Nagsusumigaw
Hindi mahanap, di mahagilap
Patuloy na nalulumbay sa hirap
Ang buhay na puno ng ligaya at sakit
Sakit na dulot nitong pag-ibig.
Sino nga ba? Pero teka, ang tanong ay
kung kailan ba?
Kailan ba ako nagpahalaga/
Kailan ba di ako umasa?
Kailan ba di ako naghanap?
Pag-ibig na aking hinahanap.
‘Yun bang pag-ibig na sayo’y umiibig
Pag-ibig na sayo’y di nanggagamit
Pag-ibig na ‘di nawawaglit
Pag-ibig na ‘di pinipilit
Pag-ibig na ‘di nanlilimos at
Pag-ibig na di naghihikahos.
Nais kong ipabatid
Ang tulang sayo’y aantig, giliw ika’y
makinig...
Salamat sa aking mga magulang
Kayo ang aking takbuhan
Takbuhan sa nimdim at pait
Ang buhay na di ipagpapalit
Kontento sa masayang pag-ibig
Palaging pag-asa ang sinasambit.
Ang mga magulang na nag-aruga
Bumuhay sa akin mula pagkabata
Sa paglaki at pagbibinata
‘di kayo nawala
‘di kayo nagpaubaya
‘di kayo nakaligta at
‘di kayo nagsawa.
Magulang sila ‘yung ating kailangan
Katuwang sa lahat ng ating dinaramdam
Sa saya, lungkot man o pagkabagot.
Si nanay at tatay ang siyang sagot.
Si nanay ang aking ilaw
Takbuhan sa tuwing may kadiliman
Kadiliman, kailangan ko’y kaliwanagan
Oh, aking ina tulungan mo ako nawa
Ilawan ang kalungkutan ng puso kong
naninimdim...naninimdim kailangan ko’y
lambing.
Hilumin mo ang aking puso
Pangaral mo ang siyang bubuo
Sa bawat katanungan
Alam kong may kasagutan.
Si tatay na haligi ng bahay
Kaagapay sa hirap ng buhay
Siyang gumagabay at umaakay
Tagapagtanggol kapag may kaaway
Lakas ni tatay natatangi ay inaalay.
Ang ating pamilya ay kaagapay
Karamay sa alin mang sitwasyon sa buhay.
Di mararating ang propesyon na nais
Kung sa magulang ay walang respeto at
pagmamahal. Sa tinatawag nating tatay at
nanay papa at mama, daddy at mommy.
Ano man ang tawag mo sa kanila
Pasasalamat ay sapat na
Igalang mo ang ‘yong ama’t ina
Magpasalamat sa buhay na bigay nila.