1. Op die troon of op die altaar?
Hand 2:38, Kol 1:13, Rom 12:1,
2. Twee items
Hand 2:38 En Petrus sê vir hulle: Bekeer julle, en laat
elkeen van julle gedoop word in die Naam van Jesus
Christus tot vergewing van sondes, en julle sal die gawe
van die Heilige Gees ontvang.
Kol 1:13 Hy wat ons verlos het uit die mag van die
duisternis en oorgebring het in die koninkryk van die
Seun van sy liefde,
Elke koninkryk het n koning
3. Rom 12:1 Ek vermaan julle dan, broeders, by die
ontferminge van God, dat julle jul liggame stel as ‘n
lewende, heilige en aan God welgevallige offer dit is julle
redelike godsdiens.
Die oomblik wat ’n persoon die offer op die altaar plaas
het hy eienaarskap verloor.
Mark 8:35 Want elkeen wat sy lewe wil red, sal dit
verloor; maar elkeen wat sy lewe om My ontwil en om
die evangelie ontwil verloor, hy sal dit red.
Elkeen bevind homself vanoggend op een van die 2
plekke
4. Kies die altaar!!
Luk 14:11 Want elkeen wat homself verhoog, sal
verneder word, en wat homself verneder, sal verhoog
word.
Op die troon of op die altaar?
Rom 12:2 En word nie aan hierdie wêreld gelykvormig
nie, maar word verander deur die vernuwing van julle
gemoed, sodat julle kan beproef wat die goeie en
welgevallige en volmaakte wil van God is.
Editor's Notes
#Twee items
Hier op die verhoog staan 2 items: ’n troon en ’n altaar. Hierdie boodskap is in Sjina gebore terwyl die Here daar met my gewerk het. Watter een van die 2 is die aantreklikste? Hoekom? Waar is ons as kinders van God veronderstel om te wees? Ons het vanoggend 3 teksverse gelees. Die 1ste 2 het gehandel oor die troon en die laaste een oor die altaar. Kom ons kyk weer na hulle
#Hand 2:38 ...
Wat het dit met ’n troon te doen? Die griekse woord wat gebruik word vir bekeer is metanoeō = to think differently or afterwards, that is, reconsider. Hoe kom ek tot bekering? Hoe begin ek anders te dink? Wanneer vind bekering / metanoeo plaas? Ek begin anders dink die oomblik wat ek na my self kyk soos Christus na my kyk. Wat sien Christus as Hy voor bekering na ons kyk. Hy sien dit wat ons in Rom 3:23 lees met die gevolg van Rom 6:23. Voor ek gekonfronteer word met die woord van die Here sien bitter min mense hulself so. Ons sien onsself as in beheer en as die een wat dinge moet uitsorteer. Ons sien onsself as stewig in die saal, op die troon van my hart. Bekering begin wanneer ek anders begin dink, begin dink soos Jesus dink. Die oomblik wat ek anders dink gaan ek anders begin doen.
#Kol 1:13 .....
Die oomblik wat ek begin anders dink begin ek anders te doen. Ek besef nou ek is in die moeilikheid en dat nie ek nie maar net Jesus my kan help om ’n gelukkige lewe te leef. Nou doen ek wat 1 Joh. 1:9 se. Twee dinge gebeur nou. In die 1ste plek vergewe Jesus my sonde en in die 2de plek kom verlos Hy my van sonde. Dit is wat hierdie vers se. Jesus vergewe nie net van sonde nie, Hy kom breek ook die mag wat sonde op jou en my lewe het. Jesus kom red my uit die k/k van duisternis. As jy iemand uit ’n plek red moet jy hom mos nou na ’n ander plek neem. Jesus neem my nou na Sy koninkryk
#Elke koninkryk het n koning
Dit is dus voor die hand liggend, ’n ander k/k ’n ander koning. Voor bekering dink ek op ’n bepaalde manier. Die hele lewe gaan oor my. My gerief, my gemak, my smaak, my voorkeur, my manier van doen. Ek is die Nbste persoon wat bestaan. Ek is egter ook self verantwoordelik om dinge te laat gebeur. Na bekering is daar nou nuwe Koning. Omdat ek nou deel geword het van God se K/k moet ek weet Hy is hier Koning. Nou gaan dit oor Hom. Ek het nou heerskappy afgegee. Ons is gewoonlik nie so mal om te hoor van die afgee en oorgee gedeelte nie. Ons hou as reël maar baie styf vas aan ons goedjies en veral aan ons sê. Ek wil die sê hê, dinge moet gebeur wat, soos wat en wanneer ek wil hê dit moet gebeur. Ons konsentreer baie keer so op dit wat ek moet afgee ek vergeet dat elke k/k ook voordele bied. Dit is ook nie anders met God se K/k nie. Die grootste voordeel is dat die Koning van die konings nou verantwoordelikheid vir my neem. Hy sê oa Fil. 4:6 ....... As ek dan nou nie meer op die troon is nie, waar is ek nou. Die skrywer van Romeine stel dit so ....
#Rom 12:1 .......
Ons 1ste reaksie is gewoonlik: Ag, nee. Predikers wat net daarop uit is om die gehoor se ore te streel sal moontlik reageer deur te sê: dit is nie goeie nuus nie. Die evangelie is mos goeie nuus. As ons die goed preek maak ons mos nie die K/k van God baie aantreklik nie. Ons kan nie die goed preek nie! U sien ons sal net so reageer wanneer ons nie verstaan wat die K/k van God behels nie. Luister met Hom op die troon van jou lewe is jy nou die verantwoordelikheid van die Koning van die konings, die Skepper van die hemel en aarde, die Een aan wie behoort die vee op ’n duisend berge, al die silwer en al die goud. Die een wat die son kan laat stilstaan. Die wind, see, diere visse, voëls en plante kan nie anders as om uitvoering te gee aan Sy opdragte nie. Hierdie offer van jouself is ’n 2de bevestiging dat jy eienaarskap van jou lewe oorgegee het. In die O/t
#Die oomblik wat ’n persoon die offer op die altaar plaas het hy eienaarskap verloor.
Hy kan dit nie meer terugneem nie, dit behoort nou aan die Here. God is nou die eienaar van hierdie offer (bul, ram, lam, duif, ens.) Die gedagte aan jouself gee as offer is nie iets aangenaams nie. Weereens, hoe dink u sal die goeie Vader werk met hom of haar wat hulself aan Hom gee? Hy is liefdevol, genadig en goed. Die woord sê mos in elk geval
# Mark 8:35 .....
As dit vir jou geen sin maak nie moet jy nie te veel daaroor bekommer nie. God se K/k werk volgens heel ander beginsels as ons.
#Elkeen bevind homself vanoggend op een van die 2 plekke
Of op die troon, of op die altaar. Rom 12 sê dan ook duidelik dat ons onsself gee as lewende offers. Ek sterf vir myself maar is lewendig en beskikbaar vir Hom om met my te maak soos Hy wil. Ek kan nie op al 2 gelyk wees nie. Ek kan ook nie tussen die 2 beweeg nie. Dit is óf die een óf die ander.
#Kies die altaar!!
Dit is so dat ek op die altaar kan wees en soms wil maak soos ek wil maar ek sal gou besef ek kan nie. Ek behoort nie meer aan myself nie. Dit gaan nie meer oor my nie, dit gaan oor Hom (x2).
#Luk 14:11 ...
As ek aftsand doen van die troon, sal die Koning, die ewige Koning my verhoog. Ek en jy sal nooit self kan kom waar die Koning ons wil plaas nie. Daar is egter net een manier om daar te kom. Staan op van die troon af en gaan sit jouself op die altaar.
#Op die troon of op die altaar?
Waar bevind jy vanoggend jouself? Toe die Here my met hierdie waarheid gekonfronteer het, het ek besef daar is nog baie areas van my lewe waar ek self koning is. Ek het nog nie gebuig voor die wil, plan, tydsberekening en metodiek van die Koning nie. Ek het ook besef dat ek dink ek kan op die troon en op die altaar wees. Ek kan nie. dit is óf die een óf die ander. Het jy al van gedagte verander (bekeer). Het jy al toegelaat dat God jou wys hoe Hy jou sien. Omdat jy die korrekte prentjie gesien het, het jy van gedagte verander. Hierdie verandering van gedagte SAL tot verandering van lewe lei. Sou jou en my lewe nog nie verander het en daagliks besig is om te verander nie, het bekering nog nie plaasgevind nie.
#Rom 12:2 .....