IsiZulu Ulimi Lwasekaya

1. INCWADI YOBUNGANI

2. Imiphumela yesifundo
Emva kwalesi sifundo kumele ukwazi:
-Ukubhala ikheli lencwadi yobungani ngendlela efanele.
-Ukubhala incwadi yobungani usebenzise ulimi olukhululekile.
-Ukuhlukanisa izigaba zencwadi oyibhalayo ngendlela efanele.

3. Incwadi Yobungani
• Incwadi yobungani itheksthi ende engabekelwe mgomo ebhalelwa
umngani noma isihlobo ngesizathu esithize.
Izinhlobo zezincwadi yobungani
• Ecelayo
• Ebongayo/ Encomayo
• Exoxayo

4. IKHELI
• Incwadi yobungani iba nekheli elilodwa lalowo oyibhalayo.
• Ikheli lihamba nosuku olubhalwe ngokugcwele, akusetshenziswe
igama lenyanga yesiZulu noma lesiNgisi elibhalwe ngokwesiZulu.
Isib: 626B Mbonambi Street
Zola North
Soweto
1868
22 Mandulo 2022

5. Isibingelelo
• Bingelela ombhalelayo sakukhuluma, kusetshenziswa
isibingelelo sobungani esingabekelwe mgomo, sibe
ngezansi kwekheli lombhali.
• Ungambiza ngegama noma umthophe ngesithakazelo. Isib:
Sibongile, Mzala, Gatsheni, Gogo. Isibingelelo
masikhombise ubuhlobo.

6. Isingeniso
• Isingeniso kumele sikhombe ukuthi lona ombhalelayo
nivamisile ukuxhumana.
• Qalisa isigaba sesingeniso sakho ngelilodwa lamagama
alandelayo:
-Ngiyathokoza, Ngiyathemba, Ngajabula, Ngabonga, njll.
• Isingeniso sakho sizohambelana ngesizathu sokubhala
incwadi, akuphoqelekile ukuba usebenzisa amagama
angenhla njalo.
• Isingeniso singaqala ngqo ngesizathu esenza ubhale
incwadi, isib: ‘Ngibhala lencwadi ngoba ngifuna
ukukuxoxela ngohambo lwami engilithathe ngempelasonto’.

7. Umzimba
• Uma usubhala umzimba encwadini yakho, phindela futhi
embuzweni uwufundisise uthole ukuthi ukuyalela ukuba
ubhale ngani.
• Isib: Umfowenu uqeda kuthola iziqu zakhe zaseNyuvesi,
bhala incwadi yobungani umuhalalisele ngempumelelo
yakhe.
• Kulesi sibonelo, kusho ukuthi emzimbeni wakho wencwadi
uzobe ubongela umfowenu ngesenzo sakhe esihle
sokuthola iziqu zakhe zaseNyuvesi.
• Kungaba izigaba ezimbili noma ngaphezulu.

8. Isiphetho
• Lapha ususayiphetha incwadi yakho, isiphetho sibhalwa
sethule ubuhlobo.
• Udlulisela obhalelwayo umyalenzo noma uthi akukhonzele.
• Isib: ‘Umalume uthi uzophinde asihambise futhi siyobona
izilwane, ngingajabula uma ungasijoyina kuhambo lwethu
nawe’.
• Isib2: ‘Ukhonze kumalume nomalumekazi’

9. Ukuvalelisa
• Valelisa ukhombise ubuhlobo, igama lakho maliqale
ngonkamisa ‘u’ omncane.
• Asikho isidingo sokubhala isibongo uma ubhala incwadi
yobungani
• Isib: Yimina umngani wakho
uSibongile
noma Yimina umzala wakho
uVusi

10. Okunye okubalulekile
• Qaphela isipelingi nokwakheka kwemisho.
• Qaphela inani lamagama afunekayo uma ubhala.
• Qaphela izimpawu zokuloba.
• Qaphela ukweqiwa kwemigqa.
• Njengoba kuyincwadi yobungani, oyibhalayo uyibhala
ngolimi olukhululekile. Yize ibhalwa ngolimi olukhululekile,
oyibhalayo akumele asebenzise ulimi lwasemgwaqeni
okuwulimi olungavumelekile.

11. Isibonelo
sencwadi
yobungani

12. Umsebenzi wasekhaya
• Ubusemshungwini wezingane ezihlala emgwaqeni nidla
izidakamizwa. Nithathwe ngoSonhlalakahle baniyisa
esikhungweni sokuhlunyeleliswa kwezimilo. Bhala incwadi
uxolise kubazali bakho ubaqinisekise ukuthi ufundile
emaphutheni akho.
-Incwadi yakho mayibe amagama angama-80 kuya kwayi-
100.
-Amamaki: 25
-Usuku lokuletha umsebenzi: 01 KuMfumfu 2022

13. Ngiyabonga