AMANOTHI EPHEPHA LESITHATHU ANGASETSHENZISWA ABAFUNDI ABASEBANGENI ATHE THUTHU

1. ISIZULU ILIMI LWASEKHAYA
AMANOTHI EPHEPHA LESITHATHU (P3)
MTSHALI BONGUMENZI
SEBENZAKUSAKHANYA
SECONDARY SCHOOL

2. ISIZULU ULIMI LWASEKHAYA
AMANOTHI EPHEPHA LESITHATHU (P3)
OKUQUKETHWE
IMIBHALO EDLULISA IMIYALEZO
 UMLANDO KAMUFI
 INCWADI YOBUNGANI
 INCWADI YAKOMKHULU
 INKULUMO ELUNGISELELWE
 I-AJENDA NAMAMINITHI OMHLANGANO
 UMBIKO OBEKELWE UMGOMO

3. ISIZULU ULIMI LWASEKHAYA P3 IBANGA 12 B.MTSHALI
Iphepha lesithathu
Isiqephu B : Imibhalo edlulisa imilayezo
Okulindelekile
Umlando kamufi
Ngaphambi kokubhala funndisisa umbuzo uthole embuzweni ukuthi lomuntu obhala umlando wakhe
ungumuntu okanjani isib. Umfundi wesikole, umhlengikazi noma umuntu osekhulile njll. Uma usukutholile
lokhu bheka ubudlelwano bakho naye isib. Umngani wakho, umkhulu wakho noma umalume wakho njll.
Uma usukutholile konke lokhu bheka izinga akulona nezinto okungabe usezizuzile.
Uma usubhala qaphela lokhu okulandelayo
 Uma abazali bakamufi bengashadile uyabashadisa ubabize ngesibongo esisodwa
 Uma kungukuthi umufi ubengakashadi uwukuvezi ykuthi ubesenengane noma nezingane
ISIHLOKO
 Bhala ngosonhlamvukazi isihloko.
 Bhala amagama kamufi aphelele.
Isib. Umlando Kamufi uThokozani Magubane.
ISINGENISO
 Bhala amagama kamufi aphelele.
 Bhala amagama abazali bakamufi.
 Bhala usuku azalwa ngalo nashone ngalo.
 Bhala indawo azalelwa kuyo. (HHAYI ESIBHEDLELA)
UMZIMBA (isigaba sokuqala)
 Veza amazinga emfundo adlule kuwo.
 Amabanga aphansi
 Amabanga aphezulu
 Imfundo yakonqondonkulu
UMZIMBA (isigaba sesibili)
 Veza imikhakha asebenze kuyo, kuyancomeka uma ubale izindawo ezimbili noma ngaphezulu.
 Iqhaza alibambile ekuthuthukiseni umphakathi wangakubo
ISIPHETHO
 Abantu abayigazi abashiyile emhlabeni.
 Uma umufi ubeseshadile awube usababala abakwabo nabazali bakhe kepha ubala izingane zakhe
nomkakhe okunguwona mndeni wakhe awushiyile emhlabeni.
EKUGCINENI
Phetha ngomusho wokuvalelisa
 Lala ngoxolo
 Lala uphumule
 Sohlala sikukhumbula
(kuyancomeka uma usuphetha ukuthi ubize umufi ngezithakazelo zakubo)

4. Ukwabiwa kwamamaki
1. Ulimi, istayela kanye nokukuhlela (10)
2. Okuqukethwe, amalungiselelo nesakhiwo (15)

5. ISIZULU ULIMI LWASEKHAYA P3 IBANGA 12 B.MTSHALI
Incwadi Yobungani
Ngaphambi kokubhala incwadi fundisisa umyalelo uthole ukuthi lomuntu ombhalelayo
ukanjani nawe nesizathu sokubhala kwakho. Uma usubhala qaphela ulimi olusebenzisayo
kanjalo nerejista.
Okulindelekile
Ikheli
 Ikheli elilodwa lobhalalyo.
 Ikheli lihamba nosuku.
Isib: 987 Mbhense Street
Sthembile location
Glencoe
2930
14 Mandulo 2018
Ukubingelela
 Bingelela ombhalelayo sakukhuluma, lokhu kungaphinde kutshengise nobudlelwano
bakho nombhalelayo isib: Gogo,Baba,Mngani, Malume njll.
Isingeniso
Isigaba sokuqala
 Qalisa isigaba sokuqala ngelilodwa lamagama akulesi sigejana samagama alandelalayo
Ngiyathemba,Ngiyathokoza ,Ngabonga,Ngiyaxolisa,Ngiyadumala.
 Kuye ngesizathu sokubhala kwakho incwadi.
Umzimba
Isigaba sesibili
 Phindela embuzweni uwufundisise uthole ukuthi ukuyalela ukuba ubhale ngani.
Isib :Umalume wakho uthenge imoto bhala incwadi umbongele uphinde umeluleke
ukuthi ayiphathe kanjani.
 Esibonelweni esingenhla ubhala incwadi ubongele uphinde ululeke umalume wakho
othenge imoto.
 Lokhu kusho ukuthi esigabeni sesibili ulindeleke ukuthi ubongele uphinde ululeke.
Isiphetho
Isigaba sesithathu
 Lapha usuyayiphetha incwadi yakho.
 Ukudlulisela obhalelwayo umyalezo noma umkhonzo.

6. Ukuvalelisa
 Valelisa ukhombise ukumazi ombhalelayo bese ubhala igama lakho liqale ngonkamisa u
‘u’ omncane.
Isib: yimina umzala wakho
u-Azenokuhle
Incwadi Yakomkhulu
Ngaphambi kokubhala fundisisa umyalelo uthole ukuthi isizathu sokubhala incwadi isib.
Ukukhalaza esikhungweni esithile,Ukucela isikhala somsebenzi njll. Ulimi olusetshenziswayo
olimi oluhloniphayo nethoni ephansi kwazise usuke ubhalela umuntu omkhulu kanti nezinto
ozishoyo kumele zishaye ngqo kungabi imibono.
Okulindelekile
 Ikheli lobhalayo esandleni sokudla.
 Usuku okubhalwe ngalo incwadi.
 Ikheli lalapho incwadi iya khona.
 Ukubingelela (Mnumzane/Nkosikazi/Nkosazane).
 Isihloko esibhalwe ngosonhlamvukazi (Isizathu sokubhala incwadi).
 Isingeniso (Ukuchaza isihlokwe).
 Umzimba (Ukunaba kabanzi ngesihlokwe ngokubeka amaphuzu okusekela okushoyo).
 Isiphetho
 Ukuvalelisa: Yimina ozithobayo
Igama nesibongo
Isikhundla sakho
Ukusayina

7. Isibonelo sencwadi yakomkhulu
5 Masibumbane Road
Mhlabuhlangene Township
Mondlo
4009
14 Nhlolanja 2019
Isikhundla salowo obhalelwayo
Sebenzakusakhanya secondary school
P.O Box 231
Glencoe
2930
********************************
Mnumzane/Nkosikazi/nkosazane
********************************
Isizathu sokubhala incwadi
********************************
Isingeniso: Isizathu sokubhala incwadi.
*******************************
Umzimba : Ukunaba kabanzi ngokubeka amaphuzu okusekela okwethulayo. Kungaba
izigaba ezimbili kuya kwezintathu.
*******************************
Isiphetho: ukubeka umbono wakho.
******************************
Yimina ozithobayo
T Msomi
(uNobhala)

8. IMIBHALO EDLULISA IMIYALEZO
INKULUMO ELUNGISELELWE
25 AMAMAKI

9. IPHEPHA LESITHATHU
UMBIKO OBEKELWE UMGOMO
25 AMAMAKI
OKULINDELEKILE
Isihloko
 Bhala isihlokwe ngosonhlamvukazi
Isib: Umbiko Mayelana Nabantu Abadla Imali Kahulumeni Ngokungemthetho
 Bhala usuku ukubhale ngalo umbiko.
 Isingeniso : aiveze ukuthi umbiko umayelana nani fuythi ucelwe ubani ukuthi wenze umcwaningo nglokho
okuphenyayo.
 Umzimba
 Izindlela ezisetshenzisiwe zokuqoqa ulwazi oludingekayo.
 Okutholakele ngocwaningo.
 Iziphakamiso ezivela emuva kocwaningo.
 Ukuphetha ucwaningo.
 Isiphetho
 Ukuveza ukuthi ubhalwe ngubani umbiko.
Isib: Ubhalwe nguThathezakhe Mhlaba
(isikhundla sakhe)

10. OKULINDELEKILE
UKUBINGELELA
 Akuvele ukuthi inkulumo yethulwa ngubani.
 Ukuvele nohlobo lomcimbi owethanyelwe.
 Othula inkulumo akabingelele izithameli zakhe ngokuhlukana kwezikhundla zazo.
 Othula inkulumo akabonge ithuba lokuthula inkulumo yakhe
ISINGENISO
 Kulindeleke ukuthi othula inkulumo engenise ngokuchaza isihlokwe.
 Ungenisa inkulumo yakhe enamathele engqikithini.
UMZIMBA
 Ukunaba kabanzi ngesihlokwe.
 Lokhu ungakwenza ngothula amaphuzu azosekela lokho okushoyo.
 Amaphuzu owathulayo mawangabi imibono kodwa kude amaqiniso anobufakazi.
 Ungachaphuna nolwazi lwakho lwempilo ukusekela okushoyo.
 Ungaphinde uyithake nangamahlaya inkumo yakho kodwa kungabi aphumayo egqikithini.
ISIPHETHO
 Ungayiphetha ngokululeka nangokugqugquzela abantu ukuthi benze nto ethile kuye ngokuthi ubukhuluma
ngani.
 Ukukhombisa obunye ufakazi balento obukhuluma ngayo okungaba amashadi njll.
 Ama”website” lapho kuthathwe khona obunye obufakazi obuthuliwe.
UKUVALELISA
 Ukubonga ithuba lokuba yisikhulumi.

11. IPHEPHA LESITHATHU
I-AJENDA NAMAMINITHI OMHLANGANO
25 AMAMAKI
OKULINDELEKILE
Ngaphambi kokubhala fundisisa umbuzo uthole imininingwane mayelana nomhlangano ozobhala amaminithi awo.
I-AJENDA
Lapha ukhipha isismemo wazise wonke umuntu othintekayo kulowo mhlangano. Kumule kuvele isisizathu sokubizwa
komhlangano nalokhu okulandelayo:
 Indawo
 Usuku
 Isikhathi
AMAMINITHI
o Ukuvula
o Ababekhona
o Abaxolisile
o Amazwi kasihlalo
o Ukufundwa kwamaminithi omhlangano odlule.
o Ezivuka emaminithini
o Ezosuku
 Iziphakamiso
 Izinqumo
o Izingxubevange
o Usuku lomhlangano olandelayo.
o Ukuvala
Qinisekisa ukuthi amaminithi akho ahamba ne ajenda.
Amaminithi omhlangano awabhalwe ngenkathi edlule.