1. 186
8. ХҮНИЙ ХӨГЖИЛ САНГИЙН 2011 ОНЫ ТӨСӨВ
Хүний хөгжил санг ашигт малтмал, уул уурхайн салбарын орлогоос хуримтлал үүсгэж,
тогтвортой өсөн нэмэгдэх байнгын нөөц бүрдүүлэн иргэддээ тэгш хүртээх зорилгоор байгуулсан.
Сангийн үйл ажиллагааг 2010 оноос эхлүүлсэн бөгөөд иргэн бүрт 120 мянган төгрөг олгоход
зориулан 324 тэрбум төгрөг зарцуулахаар төлөвлөсөн. Энэ арга хэмжээг иргэний шинэчилсэн
бүртгэлийн үйл ажиллагаатай уялдуулан шийдвэрлэх зарчмыг баримтлан хэрэгжүүлж байгаа
бөгөөд 2010 оны эхний 8 сарын гүйцэтгэлээр 215 тэрбум төгрөг зарцуулаад байна.
Хүний хөгжил сангийн төсвийн зардлыг хүснэгтээр харуулбал:
2010 2011 төс Зөрүү
I. НИЙТ ЗАРЛАГА ба ЦЭВЭР ЗЭЭЛИЙН ДҮН 334.9 805.2 470.3
Байгууллага төлөх ЭМД-лын хуpаамж 0.0 9.3 9.3
Төр хариуцах иргэдийн хураамж 10.9 10.9 0.0
Иргэдэд олгох бэлэн мөнгө 324.0 702.5 378.5
Сургалтын төлбөрийн буцалтгүй тусламж 0.0 82.5 82.5
Хэмжих нэгж: тэрбум төгрөг
Хүний хөгжил сангаас 2011 онд иргэдэд хишиг хувь хүртээх чиглэлээр нийт 805.2 тэрбум
төгрөг зарцуулахаар төсвийн төсөлд тусгасан нь 2010 оноос 2.4 дахин нэмэгдэж байна. Хүний
хөгжил сангийн хөрөнгөөр дараах арга хэмжээг хэрэгжүүлнэ. Үүнд:
 Иргэн бүрт сар бүр 21 мянган төгрөг жилдээ нийт 252 мянган төгрөг олгохоор тооцож
байгаа бөгөөд энэ арга хэмжээнд 702.5 тэрбум төгрөг зарцуулна.
 Өмчийн хэлбэр харгалзахгүйгээр их, дээд сургууль коллежид суралцаж байгаа 165,000
оюутны 2010-2011 оны сургалтын төлбөрөөс оюутан тус бүрт 500 мянган төгрөгөөр
тооцож, 82.5 тэрбум төгрөг олгоно.
 Иргэний эрүүл мэндийн даатгалын тухай хуулийн 6 дугаар зүйлийн 6.1 дэх хэсэгт заасны
дагуу бүх иргэдийг заавал даатгалд хамруулах чиглэлээр одоо эрүүл мэндийн даатгалд
хамрагдаагүй байгаа 344.4 мянган иргэний 4.5 жилийн эрүүл мэндийн даатгалын
шимтгэлийг нөхөн төлөхөд 9.3 тэрбум зарцуулна.
 Төрөөс эрүүл мэндийн даатгалын шимтгэлийг нь хариуцдаг 1356 сая иргэний эрүүл
мэндийн даатгалын шимтгэлийг төлөхөд 10.9 тэрбум олгоно.
Иргэдэд бэлэн мөнгөөр хүртээх хувь хишгийг 2010 оны түвшингээс 2.1 дахин
нэмэгдүүлснээр иргэд, малчин өрхүүдийг банк болон бусад байгууллагаас авсан зээл, түүний
хүүгээ төлөх боломжийг бий болгоно гэж үзэж байна.