2. Bukod sa iyong pamilya, ang pinakamalapit na tao sa
iyong buhay ay ang iyong kaibigan. Sila ang madalas mong
nakakahalubilo at nakakasama. Dahil dito, maari silang
magkaroon ng impluwensiya sa iyong pag-iisip, pagkilos at
pananalita. Hindi lahat sa kanila ay may mabuting maidudulot
sa iyo, kung kaya’t mahalagang maging maingat ka sa pagpili
ng iyong mga magiging kaibigan.
3. Ano nga ba ang kahulugan ng salitang pagkakaibigan?
Maaring iba-iba ang pakahulugan nito para sa bawat isa, ngunit
ayon sa Webster’s Dictionary, ang ibig sabihin ng pagkakaibigan ay
pagkakaroon ng ugnayan sa isang tao dahil sa pagmamahal o
pagpapahalaga.
Samakatuwid, itinuturing mong kaibigan ang isang taong
malapit sa iyo dahil siya ay mahal mo at pinahahalagahan mo.
4. Ayon kay Aristotle, isang Griyegong pilosopo, “Ang tunay na
pakikipagkaibigan ay sumisibol mula sa pagmamahal ng mga taong
malalim na nakilala ang pagkatao sa pananaw ng sarili at iba. Ito ay
natatanging damdamin para sa espesyal na tao na mas higit ang
halaga sa isang ordinaryong kakilala lamang. Hindi ito pumapanig sa
kabutihan ng iisa kundi para sa isa’t isa. Naiaangat nito ang antas ng
buhay tungo sa positibong ugnayan ng isang lipunan.”
Ayon nman sa paniniwala ni Ralph Waldo Emerso, isang
Amerikanong makata, “Ang biyaya ng mabuting pagkakaibigan ay
hindi lamang makakamit sa ngiti at saya ng isang pangkat ng
magkakaibigan o ng tulong at pabor na maibibigay nila. Kundi, ito’y
mararamdaman sa inspirasyong nagmumula sa taong naniniwala at
nagtitiwala sa atin.”
5. Kaugnay naman nito ang tinuran ni William James, Ang wagas
na pagkakaibigan ay bunga ng pagsisikap na dalisayin at patatagin
ang ugnayan sa pangmatagalang panahon.
Tatlong Uri ng Pagkakibigan Ayon kay Aristotle
1. Pakikipagkaibigang nakabatay sa pangangailangan
Ito ay isang napakababaw na uri ng pagkakaibigan
sapagkat kulang ito ng kabutihan, katarungan, pagmamahal
at pagpapahalaga, at nakabatay lamang sa pangangailangan
ng isang tao sa kaniyang kapwa.
6. 2. Pagkakaibigang nakabatay sa pansariling kasiyahan
Ito ay isang uri ng pagkakaibigan na mas mataas sa
naunang uri. Nakabatay ito sa kasiyahang nadarama ng isang tao
na dulot ng kaniyang kapwa. Hindi rin ito pangmatagalang uri ng
pagkakaibigan dahil tanging ang mga katangiang pagpapasiya
lamang sa isang tao ang nais niya mula sa kaniyang kapwa at
hindi ang buong pagkatao nito.
7. 3. Pagkakaibigan na nakabatay sa kabutihan
Ito ay isang uri ng pagkakaibigan na tunay na tunay na
nagtatagal at mayroong higit na kabuluhan kumpara sa mga
naunang uri. Nakabatay ito sa pagkagusto at paggalang ng
dalawa o higit pang magkakaibigan sa isa’t isa, at karaniwang
nabubuo lamang makalipas ang mahabang panahon. Ang mga
taong may ganitong uri ng pagkakaibigan ay kadalasang
nagtataglay ng parehong mga pagpapahalaga, layunin, at
pananaw sa buhay at sa mundo.
8. Paggamit ng Matatag na Pagkakakilanlan at
Kaganapan ng Sariling Pagkatao sa Pamamagitan
ng Pakikipagkaibigan
1. Nakakalikha ito ng mabuting pagtingin sa sarili
2. Natututo kung paano maging mabuting tagapakinig
3. Natutukoy kung sino ang mabuti at hindi mabuting kaibigan
sa pamamagitan ng mga tunay na kaibigan
4. Natutuhang pahalagahan ang mabuting ugnayan sa
pakikipagkaibigan sa kabila ng ilang hindi pagkakaintindihan
5. Nagkakaroon ng mga bagong ideya at pananaw sa
pakikipagkaibigan
