1. Banghay-Aralin sa Filipino 3
I. Layunin
1. Natutukoy ang wastong gamit ng mga pang-ukol na para sa at para kay.
2. Nakagagawa ng pangungusap gamit ang pang-ukol na para sa at para kay.
3. Naipakikita ang pagbibigay respeto sa kapwa tao.
II. Paksang Aralin
A. Paksa : Pang-ukol na para sa at para kay
B. Sanggunian : MELCS ( F3WG-llli-j-7)
C. Kagamitan : Visual aids, TV, Laptop
III. Pamamaraan
A. Panimulang Gawain
Pagdadasal
Pambungad na pagbati
Pagtsek sa attendance
B. Balik-aral
Alin sa mga sumusunod ang hindi kabilang sa grupo?
1. Mela Lito Ben guro
2. guro pulis Pia mag-aaral
3. Susan Lisa bata Edwin
4. Toyota Mitsubishi Ford kotse
5. Oppo Samsung Vivo telepono
2. C. Pagganyak
Ang guro ay magtatanong sa mag-aaral at ang
mga mag-aaral ay magbabasa
ng isang maikling teksto
Ano ang ginagawa niyo sa tuwing araw ng mga
puso?
3. Basahin nang mabuti ang maikling kuwento at sagutin ang mga sumusunod na tanong.
Paggunita sa araw ng mga Puso
Si Ana ay isang mag-aaral sa Mababang Paaralan ng Marcela Agoncillo sa ikatlong baitang. Mapagmahal na
anak at mapagbigay sa kapwa itong si Ana kaya naman natutuwa sa kanya ang kanyang mga magulang
Isang araw pagpasok sa paaralan ni Ana ay nakita niya ang napakaraming nagtitinda ng ng mga bulaklak sa
daan. Napaisip ito at naalala niya na malapit na ang araw ng mga puso. Kung kaya’t napahinto at bumili ito ng
dalawang bulaklak. Ang isa ay para sa kanyang guro at ang isa naman ay para kay Lara, na matalik niyang kaibigan.
Nang makarating na siya sa kanyang paaralan, ay agad niyang binati ang kanyang guro, “Maligayang araw
ng mga puso Gng. Cruz” ang sabi ni Ana sabay abot ng bulaklak. Natuwa si Gng. Doniego at nagpasalamat kay Ana.
Sagutin ang mga sumusunod na tanong:
1. Ano ang pamagat ng kuwentong binasa?
2. Sino sino ang mga tauhan sa kuwento?
3. Ano ang ipinagdiriwang sa tekstong nabasa?
4. Para kanino ang isang bulaklak na binili ni Ana?
5. Para kanino naman ang isa?
4. D. Pagmomodelo
Sa araw na ito ay ating tatalakayin ang pang-ukol na para sa at para kay
Ginagamit natin ang ang pang-ukol na para sa kung ang kasunod na salita ay hindi isang partikular, o
tiyak na ngalan ng tao, o bagay. Ang kasalitang sunod ng sa ay sinisimulan sa ng maliit na letra.
Halimbawa;
1. Para sa pusa ang pagkaing ito.
2. Para sa ale ang damit na ito.
3. Ang bahay na ito ay para sa anak ko.
5. Samantala ginagamit naman ang pang-ukol na para kay kung ang kasunod na salita ay tumutukoy
sa natatangi o tiyak na ngalan ng tao at at nagsisimula ito sa malaking titik.
Halimbawa:
1. Para kay Jun ang baso na ito.
2. Para kay Gng. Agnes ang libro.
3. Bumili ako ng regalo para kay Merry.
6. Ginabayang Pagsasanay
Isulat sa patlang ang wastong pang-ukol ng mga sumusunod na pangungusap.
1. Ang regalo na ito ay _____________ Lanie.
2. Ang medalya ay ____________ magsasaka.
3. ____________ Luis at Gabriel ang mga pagkain sa mesa.
4. Ang mga damit na ito ay ______________ mga nasalanta ng bagyo.
5. Ang nilutong adobo ni Mariel ay ________ lahat.
7. Pangkatang Gawain
Pangkat 1: Bilugan ang pang-ukol sa bawat pangungusap
1. Ang mga tubig na ito ay para sa mga nasunugan.
2. Para kay Agnes ang mga salamin na ito.
3. Ang premyo na ito ay para sa aking mga magulang.
4. Ang kanyang nilutong pagkain ay para kay Arnold.
5. Ang aklat na ito ay para sa mga mag-aaral.
8. Pangkat 2. Punan ng wastong pang-ukol ang mga sumusunod na pangungusap.
1. Bumili ako ng bagong sapatos ____________ Reymar
2. Ang mga damit na binigay ng Kapitan ay _____________ sa mga nasunugan.
3. Ang mga mag-aaaral ay sumasayaw ________________ para sa mga bisita.
4. _______________ Arnold ang bolang binili ni Gian.
5. Bumili ako ng regalo ______________ Merry.
9. Pangkat 3: Magpakita ng maiksing dula-dulaan tungkol sa pagbibigay respeto sa
mga kapwa katutubo at mga may kapansanan na ginagamitan ng pang-ukol na para
sa at para kay.
Pamantayan sa pagmamarka
Pamantayan Indikator Puntos
Nilalaman Nagpapakita ng
paggalang sa kapwa at
nakagagamit ng pang-
ukol na para sa at para
kay
2
Pag-arte Naipapakita ng maayos
at akma ang pagkilos.
2
Kaayusan Maayos at hindi magulo
ang presentasyon
1
Kabubuan: 5
10. Paglalahat
Ano ang pang-ukol? Magbigay ng halimbawa ng pang-ukol.
Ang pang-ukol ay mga salita nag-uugnay sa mga pangngalan, panghalip, at iba pang mga salita sa pangungusap.
IV. Pagtataya
Basahin ng mabuti ang bawat pangungusap at guhitan ang wastong pang-ukol sa loob ng panaklong.
1. Ang mga bulaklak na ito ay (para kay, para sa) Denise.
2. Ang sariwang prutas ay (para kay, para sa) Lola Nadya.
3. (Para sa, Para kay) kanilang kaligtasan ang pagpapalikas sa ibaba ng bulkan.
4. (Para sa, Para kay) ikinabubuti ng lahat, pinapayuan ang lahat na magsuot ng
sa tuwing lalabas ng bahay.
5. Ang aking biniling meryenda ay (para kay, para sa) Lolo Arnold.
V. Takdang-Aralin
Mag-search sa google at isulat ang mga pangungusap na gumagamit ng pang-ukol na laban sa, ayon sa. Isulat ang
sagot sa iyong kwaderno sa Filipino.
