PAG-AMPO SA SANTOS NGA ROSARY PANAHON NIINING COVID-19 PANDEMIC

1. ANG PAG – AMPO SA SANTOS NGA ROSARYO
(In Time of Pandemic)
PASIUNA: Maayong adlaw, mga igsoon diha ni Kristo. Maghalad kita karon
niining pag-ampo sa Santos nga Rosaryo alang sa paghangyo sa grasya ug kalooy
sa Ginoo aron mahunong na kining sakit nga mikuyanap sa tibuok kalibutan tungod
sa Corona Virus ug sa paghangyo sa panabang sa Mahal nga Birhen Maria alang sa
kaayohan niadtong nahiagum sa maong sakit ug alang sa dugang kusog ug
panalipud sa tanang mga Frontliners ug sa tanang katawhan.
OPENING HYMN (Marian Song – to be played in a sound system)
Leader : Sa ngalan sa Amahan ug sa Anak ug sa Espiritu Santo.
Tanan : Amen.
PASIUNANG PAG-AMPO
O Mahal ug Santos nga Birhen Maria, Rayna sa Santos uyamot nga Rosaryo,
kami nagahangyo kanimo, nga imong dasigon dinhi sa among mga
kasingkasing ang usa ka tim-os nga gugma alang sa pag-ampo sa Santos
nga Rosaryo. Diha sa pagpamalandong sa mga misteryo sa kaluwasan nga
gihinumduman dinhi, amo untang madawat ang mga grasya ug mga maayong
hiyas nga among gipangayo, tungod sa pahanungdan ug kaayo ni Jesukristo,
among Ginoo ug Manluluwas. Amen.
ANG CREDO SA MGA APOSTOLES
Nagatoo ako sa Dios Amahan nga makagagahum sa tanan, magbubuhat sa
langit ug sa yuta. Nagatoo ako kang Jesukristo, ang iyang bugtong anak
atong Ginoo. Gipanamkon siya sa lalang sa Espiritu Santo ug natawo gikan ni
Maria nga ulay. Nag-antus siya sa sugo ni Poncio Pilato, gilansang sa krus,
namatay ug gilubong. Miadto siya sa mga nangamatay, sa ikatulo ka adlaw
nabanhaw siya. Misaka siya sa langit ug nagalingkod sa tuo sa Dios nga
Amahan makagagahum sa tanan. Mobalik siya aron paghukom sa mga buhi
ug sa mga minatay. Nagatoo ako sa Espiritu Santo, sa Santos ug Katoliko nga
simbahan, sa panag-ambit sa mga Santos, sa kapasayloan sa mga sala, sa
pagkabanhaw sa lawas sa tawo ug sa kinabuhing walay katapusan. Amen.
AMAHAN NAMO
Amahan namo nga anaa sa langit, pagdaygon ang imong ngalan, umabot
kanamo ang imong gingharian, matuman ang imong pagbuot dinhi sa yuta
maingon sa langit. Ang kalan-on namo sa matag adlaw, ihatag kanamo karon
adlawa, ug pasayloa kami sa among mga sala, ingon nga nagapasaylo kami

2. sa nakasala kanamo, ug dili mo kami itugyan sa panulay, hinonoa luwasa
kami sa dautan. Amen.
MAGHIMAYA KA MARIA
Maghimaya ka Maria, puno ka sa grasya, ang Ginoo anaa kanimo, bulahan
ikaw sa mga babaye nga tanan, ug bulahan usab ang bunga sa tiyan mo nga
si Hesus. Santa Maria, inahan sa Dios, i-ampo mo kaming mga makasasala
karon ug sa oras sa among kamatayon. Amen.
ANG HIMAYA SA AMAHAN
Himaya sa Amahan, ug sa Anak, ug sa Espiritu Santo. Maingon sa sinugdan
karon ug sa gihapon ug sa mga katuigan nga tanan. Amen.
PAG-AMPO SA FATIMA
O Hesus ko, pasayloa kami sa among mga sala, luwasa kami sa kalayo sa
impiyerno, dad-a ang mga kalag sa purgatoryo ngadto sa langit, ilabi na
kadtong nagkinahanglan pag-ayo sa imong kalooy ug panabang.
ANG MGA MISTERYO SA SANTOS NGA ROSARYO
Ang mga Misteryo sa Kalipay
(Lunes ug Sabado)
1. Ang pagpahibalo sa Anghel
2. Ang pagdu-aw ni Maria kang Santa Isabel
3. Ang pagkatawo ni Hesus didto sa Belen
4. Ang paghalad sa Diosnong Bata didto sa Templo
5. Ang pagkakaplag sa Diosnong Bata didto sa Templo
Ang mga Misteryo sa Kasakit
(Martes ug Biyernes)
1. Ang pag-ampo ni Hesus didto sa tanaman sa Getsemane
2. Ang pagga-id ug paghampak sa Ginoo
3. Ang pagpurong-purong kang Hesus sa mga tunok
4. Ang pagpas-an ni Hesus sa Krus
5. Ang paglansang ug pagkamatay sa atong Ginoo sa Krus.

3. Ang mga Misteryo sa Himaya
(Domingo ug Miyerkules)
1. Ang pagkabanhaw sa atong Ginoo
2. Ang pagkayab sa atong Ginoo ngadto sa langit
3. Ang pagkunsad sa Espiritu Santo
4. Ang pagdala sa Mahal nga Birhen Maria ngadto sa langit
5. Ang pagpurong-purong kang Maria nga Rayna sa tanang mga binuhat.
Ang mga Misteryo sa Kahayag
(Huwebes)
1. Ang pagbunyag kang Hesus sa Jordan
2. Ang pagpadayag sa iyang kaugalingon sa kasal sa Cana
3. Ang pagsangyaw ni Hesus sa Gingharian Sa Dios ug sa iyang tawag sa
pagkakabig
4. Ang mahimayaong pagkausab sa panagway ni Hesus
5. Ang pagtukod ni Hesus sa Eukaristiya isip Sakramentohanong pagpadayag
sa Paskal
ANG MAGHIMAYA KA RAYNA
Maghimaya ka Rayna, Inahan sa kalooy, kinabuhi, kinatam-is, ikaw gilauman
namo. Maghimaya ka, kanimo nagsangpit kaming mga hininginlang mga anak
ni Eva. Kanimo nangandoy kami, nagbakho ug naghilak niining walog sa mga
luha. Nan, among manlalaban, lingia kami nianang mga mata mo nga
maloloy-on ug tapos sa among paghingilin dinhi, ipakita kanamo si Jesus and
bulahang bunga sa tiyan mo. O maaghop, O maloloy-on, O matam-is nga
Birhen Maria.
Leader: I-ampo kami Santa nga Inahan sa Dios.
Tanan: Aron mahimo kaming angayan sa mga saad ni Kristo.
MAG-AMPO KITA
O Dios, kan kansang bugtong Anak, pinaagi sa iyang kinabuhi, kamatayon ug
pagkabanhaw, nakadangat alang kanamo sa mga ganti sa kaluwasang
tunhay. Nangamuyo kami nga itugot mo unta, nga pinaagi sa
pagpamalandong sa mga misteryo sa Santos uyamot nga Rosaryo sa
Bulahang Birhen Maria, makasunod unta kami sa ilang gipasabot ug
makadawat sa mga saad niini, pinaagi ni Kristo among Ginoo. Amen.

4. Litaniya sa Mahal nga Birhen
Ginoo, kaloy-i kami. Ginoo, kaloy-i kami.
Kristo, kaloy-i kami. Kristo, kaloy-i kami.
Ginoo, kaloy-i kami. Ginoo, kaloy-i kami.
Kristo, pamati-a kami. Kristo, pamati-a kami.
Kristo, patalinghugi kami. Kristo, patalinghugi kami.
Dios, Amahan sa kalangitan Kaloy-i kami.
Dios, Anak Manunubos sa Kalibutan Kaloy-i kami.
Dios, Espiritu Santo Kaloy-i kami.
Santa Trinidad, Usa ka Dios Kaloy-i kami.
Leader: Tanan:
Santa Maria I-ampo mo kami.
Santa nga Inahan sa Dios
Labing Santa sa Tanang mga Ulay
Inahan ni Kristo
Inahan sa Grasya sa Dios
Inahan sa Tim-os nga Gugma
Inahan sa Bug-os nga Kaputli
Inahan sa Way Bugto nga Kaulay
Inahan nga sa Kadautan Wala Maduhig
Inahan nga Angay Higugmaon
Inahan nga Katingalahan
Inahan sa Maayong Tambag
Inahan sa Magbubuhat
Inahan sa Manunubos
Inahan sa Simbahan
Ulay nga sa Kaalam Walay Ingon
Ulay nga Gitahod Namo
Ulay nga Kansang mga Kadayganan Giawit Namo
Ulay nga Labing Gamhanan
Ulay nga Labing Maloloy-on
Ulay nga Matinumanon
Salamin sa Kasantos
Tinubdan sa Kinaadman
Hinungdan sa Among Kalipay
Kalis sa Kinabuhing Espirituhanon
Kalis sa Kadungganan
Mabulukong Kalis sa Paghalad
Rosa nga Dili Matukib
Lantawan ni David
Lantawan nga Garing
Balay nga Bulawan
Arka sa Kasabutan

5. Ganghaan sa Langit
Bitoon sa Kabuntagon
Kaayohan sa mga Masakiton
Dalangpanan sa mga Makasasala
Maglilipay sa mga Naguol
Hinabang sa mga Kristyanos
Rayna sa mga Anghel
Rayna sa mga Patriarka
Rayna sa mga Propeta
Rayna sa mga Apostol
Rayna sa mga Martir
Rayna sa mga Konpesor
Rayna sa mga Ulay
Rayna sa mga Santos nga Tanan
Rayna nga Gipanamkon sa Walay Sala nga Panulondon
Rayna nga Gidala Nganha sa Langit
Rayna sa Santos Uyamot nga Rosaryo
Rayna sa Pamilya
Rayna sa Kalinaw
Leader: Kordero sa Dios nga nagawagtang sa mga sala sa Kalibutan.
Tanan: Pasayloa kami, Ginoo.
Leader: Kordero sa Dios nga nagawagtang sa mga sala sa Kalibutan.
Tanan: Patalinghugi kami, Ginoo.
Leader: Kordero sa Dios nga nagawagtang sa mga sala sa Kalibutan.
Tanan: Kaloy-i kami, Ginoo.
Leader : Nga ang mga matuohong nangamatay pinaagi sa kalooy sa
Ginoo makabaton sa pahulay nga dayon.
Tanan : Amen.
ORATIO IMPERATA - BATOK SA COVID-19
UG PAG-AMPO ALANG SA MGA MEDICAL FRONTLINERS
Dios among Amahan, midangop kami kanimo sa among panginahanglan
aron imo kaming panalipdan batok sa COVID-19 nga naghulga ug mikalas na
sa daghang kinabuhi. Nagaampo kami nga imong giyahan sila nga gitahasan
sa pagkaplag sa tambal niining maong sakit ug pagpakgang sa iyang
pagkuyanap.

6. Panalipdi ang mga mananambal ug tanang medical frontliners aron moalagad
sila sa mga masakiton uban sa kahanas ug kalooy. Nagapasalamat kami sa
ilang pagtahan sa kaugalingon ug bayanihong pag-alagad aron panalipdan
ang kinabuhi sa katawhan.
Nagaampo kami alang niadtong nahiagom sa maong sakit.
Mamaayo unta sila sa dali nga panahon. Panalipdi sila nga nag-atiman kanila.
Ihatag ang kalinaw ug kinabuhing dayon alang sa mga nangamatay.
Niining panahon sa dakong pagsulay, hatagi kami sa grasya sa pagbuhat
alang sa kaayonhan sa tanan ug pagtabang sa mga nanginahanglan.
Nagahangyo kami kanimo nga mahunong na unta ang pagkuyanap niining
maong sakit ug luwasa kami sa among mga kahadlok.
Kini among gipangayo pinaagi sa among Ginoong Hesukristo, Imong Anak,
nga nagapuyo ug nagahari uban kanimo ug sa Espiritu Santo, Dios nga usa,
hangtud sa kahangturan. Amen.
Midangop kami sa imong panalipod, O Santa nga Inahan sa Dios.
Ayaw pakyasa ang among pag-ampo alang sa among mga panginahanglan.
Ug ipahilayo kami kanunay sa mga kakuyaw ug katalagman, O mahimayaon
ug bulahang Birhen Maria. Amen.
Santa Maria, kaayohan sa mga masakiton, Ig-ampo mo kami.
San Rafael Arkanghel, Ig-ampo mo kami.
San Roque, Ig-ampo mo kami.
San Lorenzo Ruiz, Ig-ampo mo kami.
San Pedro Calungsod, Ig-ampo mo kami.
CLOSING HYMN (Marian Song to be played in a sound system)
Leader : Sa ngalan sa Amahan, ug sa Anak, ug sa Espiritu Santo.
Tanan : Amen.
Prepared by:
Fr. Larry L. Espuerta, Jr., DCS
29 September 2020