DEBOSYON KADA MIYERKULES

1. NOVENA SA INAHAN SA
KANUNAYNG PANABANG

2. 1. O BIRHEN MARIA
O Birhen Maria, Ig-ampo mo kami
Sa mga panulay, Panlabanan mo kami
Ave, Ave, Ave Maria
Ave, Ave, Ave Maria
Bitoon sa dagat, dan-agan mo kami
Sa oras nga ikamatay, Panlabanan mo kami
Ave, Ave, Ave Maria
Ave, Ave, Ave Maria
2. PAG-AMPO SA KATILINGBAN:
Leader: Mag-ampo kita:
Tanan: Itugot kanamo, Ginoo, ang makanunayong
kaayohan sa kalag ug lawas. Ang mga pag-ampo sa
among Inahan sa Kanunayng Panabang
makapalingkawas unta kanamo sa mga katalagman karon
ug makahatag unta kanamo sa walay kinutobang mga
kalipay. Pinaagi ni Kristo among Ginoo.
3. TAPUS ANG EBANGHELYO
Leader: Pag-ampo sa Novena
Tanan: O Inahan sa Kanunayng Panabang tan-awa kami
nga imong mga anak. Among himaya nga kami imong
mga anak. Ug kalipay namo ang pagtawag kanimo nga
among Inahan, andam ikaw kanunay sa pagdawat bisan
unsay among kahimtang karon aron pagdasig kanamo sa
pagdugang pagpaningkamot sa pagka-maayo bisan pa sa
tanang mga pagtental ug sa among kahuyang.

3. Sa among pagtan-aw sa imong larawan nahinumdom
kami sa imong kinabuhi dinhi sa kalibutan. Nahiagum ka
sa daghang mga krus ug mga pagsulay apan na antigo
ka sa pagsagubang kanila. May pagtuo ka ug pagsalig
sa Dios. Nagsalig ka sa iyang mahigugmaon ug
amahanon nga kaayo. Tabangi kami sa pagsunod
kanimo. Nahiagum usab kami sa mga pagsulay ug
kagul-anan. Sa makadaghan naguol kami ug nalibog.
Tagai kami, sa kaisog. Tagai kami sa pagtoo. Tabangi
kami sa pagpadayon sa dugang pagpaningkamot, sa
higayon nga kawad-an na kami sa paglaum, sa imong
pagbarug sa tiilan sa krus nalibog ug naglisod ka sa
pagsabut ngano nga mitugot man ang Dios nga ang
iyang Anak nag-antos sa ingon nga kasakit. Apan bisan
pa niana, wala gayod ikaw kawad-i sa pagtoo. Tabangi
kami nga makakat-on gikan sa imong panig-ingnan sa
pagharong sa mga pagsulay uban sa paglaum ug
pagsalig sa Dios. Usahay, mahigugmaong Inahan,
hilabihan ang among kaguol tungod sa among mga
suliran mao nga mahikalimot na lamang kami sa Dios
ug sa mga kinahanglanon sa uban. Buot kami nga
mahisama kanimo. Nahikalimot ka sa imong
kaugalingon ug sa imong mga suliran diha sa pagkakita
nimo sa uban nga nagkinahanglan. Tabangi kami sa
paghinumdom nga ang mga kaguol ug kasakit sa uban
usahay mas dagko pa kay sa amoa. Busa, Maria among
Inahan, bisan naga-ampo kami kanimo alang sa lain-
lain namong mga tuyo among giapil silang tanan nga
imong mga anak nga dunay mga kinahanglan. Ang mga
masakiton ug himalatyon, ang mga gimingaw ug naguol.
Ang mga kabus ug mga way pangita, sa usa ka pulong,
ang tanan nga nagkinahanglan sa imong kanunay nga
panabang. Amen.

4. 4. LITANIYA SA MGA PANGAYO:
Motubag ang tanan sa kada pangayo: INAHAN,
TABANGI KAMI KANUNAY.
 Inahan namo sa Kanunayng Panabang, kaming
imong mga anak, nagsangpit kanimo.
 Aron sa kanunay imo kaming lamdagan.
 Aron hatagan mo kami sa kaisog dinhi sa among mga
kalisdanan.
 Aron makita namo unsay gipasabut sa mga kalipay
ug mga kasakit sa kinabuhi.
 Aron ang among pagsalig sa Dios makadasig usab sa
uban.
 Sa panahon nga maglisud kami paghukom unsay
among buhaton.
 Kon pangayoan kamig sakripisyo alang sa kaayohan
sa uban.
 Kon pakaulawan kami atubangan sa mga tawo.
 Kon may makapahiubos kanamo ug matental kami sa
pagpanimalos.
 Sa panahon nga dunay masakit sa among banay.
 Sa among kaguol tungod sa kawad-on.
 Kon saypon kami pagsabot sa mga tawo nga among
gihigugma.
 Sa pagtabang namo sa mga batan-on aron mosalig
sila sa ilang kaugalingon ug aron mahimo silang mga
tawo nga responsable.
 Sa panahon sa pagpatalinghog kon ang Dios
magtawag kanamo sa pagka-pari o pagka-relihiyoso.
 Sa among pagpili sa mga lingaw-lingaw o
lolinghayaw.

5.  Aron sa among pagka-ginikanan makakat-on kami sa
pagsabot sa among mga nagtubo nga mga anak.
 Aron sa among pagka-magtutudlo dili kami
mabugnaw diha nga ang mga tinun-an magtuki sa
among mga opinyon.
 Aron ang mga tinun-an magpakitag pagmahal kanila
nga nagsakripisyo alang sa ilang edukasyon.
 Aron dili kami modangop sa mga drugs o ilimnon
alang sa paglingkawas sa mga suliran sa kinabuhi.
 Aron sa among paningkamot sa pagpanginabuhi
gamiton namo kanunay ang matarong nga paagi.
 Aron sa among pagpangita sa gahum ug bahandi dili
kami maaghat sa kadawo ug kasina.
 Aron among ikapasigarbo kanunay ang mga
maayong pagtuman sa among trabaho.
 Aron ang mga mamumuo tagaan sa husto nga suhol
tungod sa husto nga buhat.
 Aron dili gayod kami mamintaha sa uban pinaagi sa
suborno o panumpa sa bakak.
 Aron dili lamang ang among kaugalingong kaayohan
ang among hunahunaon diha sa among pag-alagad
sa katilingban.
 Aron hunahunaon namo kanunay ang katahum sa
among yutang natawhan ug ang kaayo sa among
dakbayan.
 Aron buhaton namo kutob sa mahimo ang
pagpatunhay sa katarong ug kagawasan alang sa
tanan.
 Aron dili kami magpalabig kamapahitas-on hangtod
sa panghunahuna nga makahimo na kami bisan
walay Dios ni relihiyon.

6.  Kon madangat na namo ang mabug-at nga sakit ug
makamatngon na kami nga haduol na ang
kamatayon.
 Kon ang among mga minahal tawgon na ngadto sa
puluy-anan sa langitnong Amahan.
 Sa among pag-ampo nga ang among mga minahal
nga nangamatay makaambit unta sa hingpit nga
kalipay sa pagkabanhaw ni Cristo.
 Alang sa nagkalain-lain namong mga tuyo ug alang
sa mga tuyo nga gipadala niining semanaha.
5. ANTIPHONA:
Tanan: Santa Maria nagatabang ka kanunay sa tanan nga
nagkinahanglan,naglipay ka sa mga naguol, nagdasig ka
sa nawad-an sa paglaum ug nagtabang kanila aron
magpuyog maayong kinabuhi nga kristohanon. Ubani
kami karon sa among pagpangayo sa Amahan aron
tultulan ug agakon kami niya.
6. PAG-AMPO:
Leader: Mag-ampo kita:
Tanan: O Ginoong Dios imo kining pagbuot nga magtigum
kami karong adlawa aron pagpasidungog kang Maria nga
among Inahan nga andam kanunay sa pagtabang
kanamo. Himoa nga kami nga nangamuyo sa iyang
inahanong panabang makadangat unta sa dakong gasa
sa kaluwasan. Kini among gipangayo pinaagi ni Kristo
among Ginoo. Amen.

7. 7. MGA PAG-AMPO SA PASALAMAT:
Leader: Mag-ampo kita:
Tanan: O Inahan sa Kanunayng Panabang kuyog kami
kanimo uban sa mapasalamaton nga mga kasingkasing
aron pagpasalamat sa Dios tungod sa tanang mga
kaayohan nga iyang gibuhat alang kanamo.
O Dios among Magbubuhat nagpasalamat kami
kanimo tungod sa kinabuhi ug tungod sa mga gasa sa
kinaiya ang among mga balatian ug mga galamhan, ang
among mga kahibalo ug kaantigohan. Nagpasalamat kami
kanimo tungod sa imong pagbuhat kanamo sa imong
larawan ug kasamahan ug tungod sa imong paghatag
kanamo niining kalibutan aron among gamiton ug
ugmaron aron among mandoan ug atimanon. Bisan pa sa
among mga kapakyasan nagapadayon ka sa pagpakita sa
imong gugma kanamo karong adlawa pinaagi sa
pagpalambo sa kinabuhi sa imong Espiritu dinhi kanamo
diha sa Santa Misa.
Sa katapusan, nagapasalamat kami kanimo,
mahigugmaong Amahan tungod sa paghatag nimo
kanamo kang Maria Inahan sa imong Anak nga maamong
Inahan sa Kanunayng Panabang. Mapasalamaton kami
tungod sa tanang mga kaayohan nga among nadawat
pinaagi sa iyang pangaliya. Naga-ampo kami nga kadtong
nangagi nga mga hatag magdasig kanamo sa pagdugang
sa among pagsalig sa imong mahigugmaong kalooy ug sa
pagpangayo sa hinabang sa among Inahan sa Kanunayng
Panabang.

8. 8. INAHAN SA DIOS
Inahan sa Dios, Inahan sa Dios,
Unsay gihangyo ko?
Dungog, pagdayeg ug bulawan
Wa tinguhaa ko
Apan, Inahan sa Dios, Inahan sa Dios
Maoy gipangayo ko
Ang gugma sa Dios, Ang anak mo Jesus
Langitnong Bahandi mo.
Inahan sa Dios, Inahan sa Dios
Siya gimahal mo
Sa Belen ug sa Nazaret
Hangtod sa Kalbaryo.
Busa, Inahan sa Dios, Inahan sa Dios
Sa imong pagkugos
Ning bata mo, itugyan ako,
Sa atong mahal nga Jesus.
Inahan sa Dios, Inahan sa Dios
Panalipdi ako
Dinhi ning walog nga luhaan
Diin gihinginlan ko
Ug, Inahan sa Dios, Inahan sa Dios,
Sa pagpakita ko
Sa hukmanan sa Dios nga Anak mo Jesus
Ikaw manlalaban ko.