TO ALL FAMILY MINISTRY LORD'S DAY CELEBRATION GUIDE (BISAYA)

1. ANG PAGSAULOG SA
ADLAW SA GINOO
CFC SINGLES FOR CHRIST

2. Ang Pagdagkot sa Kandila
Awit : (magpili sa awit nga sibo sa
panahon sa tuig)
Pagbasa : (magpili ug usa gikan ning
mosunod)
Juan 1:1-18
Eph. 1:3-14
Juan 1:1-5
Col. 1:15-20
CFC SINGLES FOR CHRIST

3. PAG-AMPO
Pangulo : Makagagahum nga Amahan, agig pasidungog sa
Imong Anak, ang kahayag sa kalibutan ug tinubdan
sa kinabuhi, amo karong sugdan ang seremonyas pagdagkot
sa kandila alang sa Adlaw sa Ginoo, kay kini anaa sa Kasulatan: “nga imong
kalipay ang Adlaw sa Ginoo ug nga kining Balaang Adlaw usa ka pasidungog
alang sa Dios”, ug hinaut nga pinaagi sa among pagtuman ning maong
kasugoan; among madawat ang madagayaong grasya ug langitnong
panalangin; nga magapadayon ang Imong kaluoy kanamo; ug nga unta imong
ipadala ang Espiritu Santo aron magpuyo kanamo kauban sa Iyang langitnong
mga gasa.
Amahan nga maloloy-on, ipadayon Imong mahigugmaong kaayo kanamo.
Himua kining angayan nga mulakaw subay sa dalan ni Kristo, nga matinud-
anon sa Iyang pagtulun-an ug walay hunong sa paghigugma ug pag-alagad.
Ipalayo kanamo ang tanang kabalaka, kangitngit ug mga kagul-anan ug ihatag
ang kalinaw, kahayag ug kalipay nga magpuyo kanunay sa among panimalay
kay Ikaw ang tuburan sa kinabuhi, ug sa Imong dan-ag among Makita ang
kahayag.
Tubag : Amen.
CFC SINGLES FOR CHRIST

4. (Ipandong sa Pangulo ang iyang mga kamot sa kandila nga wala pa
madagkoti samtang himoon ang musunod nga pag-ampo.)
Pangulo : Atong dawaton ang Adlaw sa Ginoo.
Tubag: Hinaut unta nga ang iyang dan-ag
maghatag ug kahayag sa atong mga
kasingkasing samtang atong dagkotan
kandila.
Pangulo : Ang kahayag maoy timailhan sa atong
Ginoong Jesukristo.
Tubag: Ang Dios maoy akong kahayag ug
kaluwasan.
PAG-AMPO
(Responsorial Prayer)
CFC SINGLES FOR CHRIST

5. Pangulo : Ang kahayag maoy timailhan sa tuyo sa presensya sa
Ginoo dinhi kanato.
Tubag : Siya mao ang matuod nga kahayag nga
nagadan-ag sa matag-usa kanato.
Pangulo : Ang kahayag maoy timailhan sa tuyo sa Ginoo ug
Iyang mga pamaagi.
Tubag : Ang Iyang Pulong maoy iwag sa akong
tiil ug ang kahayag sa akong dalan.
CFC SINGLES FOR CHRIST
PAG-AMPO
(Responsorial Prayer)

6. Pangulo : Ang kahayag maoy tima-an sa misyon diin kita
gitawag sa Ginoo.
Tubag : Ikaw ang kahayag sa kalibutan; ipadan-
ag ang Imong kahayag ngadto sa katawhan aron
ilang makita ang Imong maayong mga buhat ug sila
magahimaya sa Imong Amahan sa langit.
CFC SINGLES FOR CHRIST
PAG-AMPO
(Responsorial Prayer)

7. ANG PANALANGIN SA KANDILA
Pangulo : Busa, ning atong paghinumdom nga
ang Ginoong Jesukristo maoy tinubdan sa tanang
kahayag ug kinabuhi, ug duyog sa tanan natong
mga igsoon, ug uban sa tanang mga santos ug
mga angheles, atong dagkotan kining kandila.
(Ang asawa o kaabang modagkot sa kandila dayon
uban sa pagpandong sa mga kamot sa
dinagkotang kandila, mag-ampo ning mosunod:)
CFC SINGLES FOR CHRIST

8. BERAKAH : “Himayaon ka O, Ginoo nga
among Dios, Hari sa tibuok kalibutan kinsa
nagbalaan kanamo pinaagi sa Imong
mahigugmaong Pulong ug nagtudlo
pagpadan-ag sa kahayag alang sa Adlaw sa
Ginoo.”
CFC SINGLES FOR CHRIST
ANG PANALANGIN SA KANDILA

9. AWIT : (The Light of Christ, etc.)
Pangulo : Amahan nga mahigugmaon, Imong
gihimaya ang kalibutan diha sa kahayag sa Imong
nabanhawng Anak, ang among Ginoong Jesukristo.
Pinaagi Kaniya gipadala mo ang Espiritu Santo dinhi
sa kalibotan aron among masinati ang kainit sa Imong
gugma. Himoa nga kami nga nagkatigom sa Iyang
ngalan magkahiusa unta sa pagpuyo diha sa kahayag
sa Iyang kamatuoran aron ang among paghigugma
sa usag-usa magpadayon sa paglambo matag adlaw.
CFC SINGLES FOR CHRIST
ANG PANALANGIN SA KANDILA

10. ANG PANALANGIN SA BINO
Pangulo : Mga igsoon, atong dawaton ang Adlaw
sa Ginoo, sa tumang kalipay ug kalinaw. Sama sa
usa ka Pangasaw-onon, masanag ug malipayon
ang Adlaw sa Ginoo. Nagahatag kini ug panalangin
sa atong mga kasingkasing, ihiklin ang
paghunahuna sa mga kabalaka ug sa inadlaw nga
gimbuhaton. Ang kasilaw sa Diosnong kahayag
magtug-an kanato nga ang Balaang Espiritu sa
gugma nagapuyo sa atong panimalay.
CFC SINGLES FOR CHRIST

11. Pangulo : Niini nga kahayag, ang tanan natong
panalangin madugangan, ang mga suliran ug
kagul-anan, mogaan. Niining taknaa, ang Hari sa
Kalinaw ania uban kanato aron paghiusa sa atong
mga kasingkasing ug maglig-on sa relasyon ngadto
sa usa ka lunsay ug tiunay nga panag-igsoonay nga
anaa sa Balaang Kasulatan.
CFC SINGLES FOR CHRIST
ANG PANALANGIN SA BINO

12. Pangulo : Ginoo, tungod sa Imong kaayo aniay bino,
timaan sa kalipay. Ning among pagsaulog sa Adlaw sa
Ginoo, kami nagapasalamat Kanimo tungod sa tanang
panalangin ning miaging semana; sa kinabuhhi, kahimsog
sa kusog; sa imong paghatag kanamo ning panimalay,
gugma ug pagdait; sa among pagbuntog sa mga panulay
ug kalisdanan diin kami nahimong lig-on; ug tungod sa
mga bunga sa among kakugi ug paghago. Imo kaming
gipanalanginan diha sa among panginabuhi, ug sa imong
gugma ug kaayo Imo kaming gibalaan pinaagi sa
paghatag kanamo ug adlaw sa pagpahulay sumala sa
imong kasugoan:
CFC SINGLES FOR CHRIST
ANG PANALANGIN SA BINO

13. “Unom ka adlaw nga ikaw maghago ug magtrabaho apan ang
ikapito maoy Adlaw alang sa Ginoo imong Dios.”
Tubag : Amen.
(Ang Pangulo mo-isa sa kopa sa bino ug molitok sa mosunod
nga panalangin.)
BERAKAH : “BALAAN KA, O GINOO AMONG DIOS, HARI
SA KALIBOTAN KINSA MAOY TINUBDAN SA TANAN.”
(Ang Pangulo moinom sa bino ug motunol niini, ilibot
CFC SINGLES FOR CHRIST
ANG PANALANGIN SA BINO

14. Pangulo : Ginoo, tungod sa Imong kaayo ania kining pan.
Timaan kini sa among panagigsoonay ug panaghiusa,
tungod kay kining pan nagagikan man sa daghang lugas sa
trigo. Timailhan kini sa Imong pag-atiman ug gugma
kanamo matag adlaw. Sa among pagdawat niining pan, amo
usab unta ikapaambit sa hingpit ang among kinabuhi sa
usag-usa pinaagi sa gahom sa Espiritu Santo, ang Ginoo ug
tuburan sa kinabuhi.
Tubag : Amen.
CFC SINGLES FOR CHRIST
ANG PANALANGIN SA PAN

15. (Ang pangulo nga nagunit sa pan moisa niini ug molitok sa
mosunod nga pag-ampo.)
Pangulo : “BALAAN KA, O GINOO AMONG DIOS, HARI
TIBUOK KALIBUTAN KINSA MAOY NAGHATAG UG ABOT
YUTA ALANG SA PAGKAON SA TANAN.”
(Ang pan pikas-pikason ug i-apod-apod sa tanan. Sa dili pa kini
kaonon, litukon una ng pag-ampo sa pasalamat.)
ANG PANALANGIN SA PAN
CFC SINGLES FOR CHRIST

16. (Samtang maggunit sa kapiraso sa pan nga gilibot, ang matag usa molitok
sa pag-ampo sa pasalamat sa iyang kaugalion pinulongan gumikan sa mga
grasya nga iyang nadawat sulod sa semana, susama niini:)
“ Nagpasalamat ako kanimo Ginoo ning malipayonog adlaw uban sa
akong pamilya.”
“Daghang Salamat Ginoo nga imo kaming gihatagan ug ulan.”
“Salamat Lord sa kalinaw sa among panimalay.”
(Muhimo usab kon litokon ang “Berakah”)
“BALAAN KA, O GINOO AMONG DIOS, HARI SA TIBUOK KALIBUTAN
NGA NAGHATAG KANAMO SA…”
ANG PAGHIMAMAT SA ADLAW SA GINOO
PASALAMAT
CFC SINGLES FOR CHRIST

17. (Human sa pagpasalamat, ang tanan mokaon sa pan samtang ang pangulo
molitok sa mosunod:)
“MAO KINI ANG ADLAW SA GINOO…MAGLIPAY KITA UG MAGSADYA!!!
Tubag : Amen.
(Ang keso ug olibo, kon aduna man ugaling, ipanghatag.)
AWIT : (Magpili sa mga alawiton sa pagdayeg ug pasalamat.)
(Dinhing bahina, idulot ang panihapon.)
CFC SINGLES FOR CHRIST
PASALAMAT