1. SOAL EVALUASI DAN PENELITIAN
DI SMK NEGERI 2 DENPASAR
KELAS XI
I. Pilih silih sinunggil pasaur (a, b, c, d miwah e) sane karasa patut ring sor puniki!
1. Babon Aksara Baline mawiwit saking aksara….
a. Pallawa miwah Dewanegari
b. Pallawa miwah Pradewanegari
c. Dewanegari miwah Pradewanegari
d. Pallawa miwah Semi Pallawa
e. Dewanagari miwah Duranegara
2. Sane mawasta pangangge tengenan ring sor puniki…
a. suku, suku ilut
b. nanya, suku kembung, guwung
c. cecek, surang, bisah
d. cecek, bisah, surang, adeg-adeg
e. Suku, surang, bisah
3. Aksara Baline sane durung polih sandang suara utawi pangangge aksara kawastanin
a. Aksara Wreastra
b. Aksara Lagna
c. Aksara Ardasuara
d. Aksara Dirga
e. Aksara Anusuara
2. 4. Sane mawasta pangangge ardasuara ring sor puniki..
a. ulu, suku, taleng, tedong
b. ulu, suku, taleng, tedong, pepet
c. cecek, bisah, surang
d. nanya, suku kembung, guwung
e. suku, nanya, bisah
5. Ta latik, da madu, na rambat ngranjing warga aksara?
a. Talawia
b. Dantia
c. Ostia
d. Murdania
e. Kantia
6. Ida Sang hyang Surya pinaka upasaksin I manusa rikanjekan ngawenten karya sarahina.
Kruna surya yening surat antuk aksara Bali patut ngangge….
a. Suku ilut
b. Suku kembung
c. Tengenan
d. Taleng
e. Tedong
7. Ida Sang Karna sampun patut uning sareng sami. Sajeroning sasuratan Bali kruna patut
ngangge…
a. Na rambat
3. b. Na biasa
c. Na kojong
d. Na ilang
e. Na rana
8. Kruna sane kaucapang kaping kalihang, wau madue arti sakadi katang-katang, kupu-kupu,
pici-pici, miwah sane tiosanan ngranjing kruna….
a. Kruna dwi sama lingga
b. Kruna dwi maya lingga
c. Kruna dwi purwa
d. Kruna dwi samatra lingga
e. Kruna dwi wesana lingga
9. Manyama ajak dadua eda anake pati dengkak-dengkik, bapa marase lek pesan teken
pisagane. Kruna dengkak-dengkik ngranjing kruna…
a. Kruna dwi sama lingga
b. Kruna dwi maya lingga
c. Kruna dwi purwa
d. Kruna sematra lingga
e. Kruna dwi wasana lingga
10. Sane encen krunane ring sor ngranjing kruna dwi wesana lingga?
a. Jegeg-jegeg
b. Paketel tel
c. Sesari
4. d. Cerik-kelih
e. Kunang-kunang
11. Singih Ratu Peranda, rahinane sane benjang titiang pacang ka Griya. Punika ngranjing
lengkara
a. Alus Singgih
b. Alus Mider
c. Alus Sor
d. Basa Madya
e. Basa Kasar
12. Ipun durung nunas. Lengkara punika kabaos….
a. Alus Singgih
b. Alus Mider
c. Alus Sor
d. Basa Kasar
e. Basa Madia
13. Inggih para semeton sinanmian sane wangiang titiang, sane prasida tur ledang ngrauhin
meriki, titiang sakulaw nyuksmayang pisa pasuecan ida dane sareng sami. Mungguing gawen
titian g rahina mangkin pacang muputang pangupakaran pianak titiang sane kapartama sane
wastanin titiang Putu Subagia ipun sampun nemuang jatukarma prasida makurenan sareng Ni
Ketut Sukerti saking banjar Kawan. Ring dinane mengkin gawenang titiang upakara matatah
miwah mawidiwidanaan saparisolah anak makurenan. Ipun sampun nemuang jatu karma
prasida makurenan ring Ni Ketut Sukerti. Lengkara ring ajeng sane macetak miring
nyinahang….
a. Lengkara alus sor
5. b. Lengakra kasar
c. Lengkara alus mider
d. Lengkara alus singgih
e. Lengkara alus madia
14. Wacana sane kasurat ring ajeng kawastanin…
a. Pidarta
b. Dharma wacana
c. Sembrama wecana
d. Gatra Bali
e. Gatra radio
15. I Kelor, ri kala ngraos ring putrid raja kabaos…
a. Mabaos
b. Mapajar
c. Matur
d. Mawecana
e. Ngomong
Wacen wacana ring sor, tur cawis pasaur no 1, 2, miwah 3!
Om Swastyastu,
- Ratu singgih Peranda sane dahat suciang titiang.
6. - Dane Jero Bendesa, Klian Banjar Pakraman, lan Klian Banjar Dinas sane kusumayang
titiang.
- Asapunika taler para Panglingsir, karma adat lanang istri sareng sami sane kusumayang
titiang.
- Ida Dane para atiti sane kusumayang titiang, pamekas sang kalih sane ayat mawiwaha
sane banget tresnasihin titiang.
Maka purwakaning atur, lugrayang titiang ngangganin sane madrue yadnya ngaturang manah
angayu bagia pisan mantuka ring ida Sang Hyang Parama Kawi, riantukan sangkaning asung
kerta wara nugrahan Ida, ida dane sareng sami sida kasidan sareng sami mapupul iriki aturin
titiang ngupasaksi lan sapisan ngrestitiang upacara yadnya pawiwahan ipun sang kalih, mogi-mogi
sida lanus kapungkur wekas, rahayu sidanin don kadi pangaptine.
Ida Dane Sane Wangiang Titiang
Maka atur panyembraman titiang, pinih riin titiang ngaturang dahat parama suksma antuk
sapangrawuh ida dane sareng sami, pamekas sampun sida nagingin mungguing atur pinunas
titiang malarapan antuk terapi sane sampun katur ring ida dane sareng sami. Tios ring punika,
tiang ten lali ngelungsur agung rena sinampura antuk kawentenan titiang asapuniki, majanten
pisan genah payadnyan titiang kasekan, asapunika taler banget titiang tunas, saha lajok
risajroning panyembrama, napi malih genahe tan sida nganutin tata lungguh sane becik, samaliha
atur-atur titiang kalintang kawon tan sida nganutin basa basita sane becik ketaha ring Bali. Taler
ring galah sane becik kadi mangkin, titiang ngaturang dahat sukema ring ida dane karma banjar,
gustin titiang, suryan titiang, lan semeton wargin titiang sareng sami.
Ida Dane Sareng Sami,
Ring galah suba dewasa kadi mangkin, taler patut uningayang titiang mangda sauninga
mungguwing upacara yadnya sane margiang titiang, inggih punika marupa upacara
pawiwahan. Inggihan sangkalih sane mawiwaha sane mangkin, ipun sane kapurusa (mempelai
laki-laki diperkenalkan sesuai dengan autobiografinga secara lengkap, termasuk alamat dan
orang tuanya) alaki rabi ring ipun sane predana (mempelai wanita juga diperkenalkan
7. sebagaimana memperkenalkan mempelai laki-laki, termasuk asal daerah dan aktivitas lainnya
secara singkat dan juga orang tuanya)
Pamargi pawiwahanne puniki, wastu sida kasinanggeh jangkep manut bacakan grehasta
asrama asapuniki, maka pangawit sampun kadulurin taler antuk ngemargiang darma suaka ring
kulawarga wadone duk ring rahina Sukra Umanis wuku Marakih. Wus punika malih pitung
rahinane Sukra Pon tambir kalanturang antuk darma pangrarasan, sapisanan ngatur-uningayang
indik pangrancana padewasan pangambilan, rauhing terima – katerima saking kulawarga predana
kapurusa, mangdane sangkalih jangkep nincap grehasta asrama. Raris ring rahina Buda Paing
Uye sasih Kapat nuju tanggal apisan sane kawastanin dina kamajaya, dewasa ayu mawiwaha
kaucap, rikala punika kamargiang darmaning papadikan, nunas anake istri kasaksi antuk
kulawarga lanang wadon sami, kasarengin antuk manggala desa , saking desa adat miwah dinas,
katanggepin taler antuk upakara sapatut ipun. wus punika kamargiang upacara pabeyakawonan,
gumanti marisuda sang kalih, wastu ical sahanan sebel kandel lan leteh-letuh ipun sag kalih
cuntaka pakerab- kambean sane kapuput antuk sulinggih (sebutkan siapa yang muput) raris sane
mangkin rhina Sukra Wage wuku Uye, isaka warsa 1929 tanggal masehi 14 September 2007,
kamargiang upacara widhi widhana, maka cihna ngadegang Sang hyang Semara-Ratih mangda
sang kalih kadirgayusan nangun pumahang, wastu sida ngadahang preti sentana, putra – suputra
sane becik sane kabaos sadhu gunawan. Maka pamuput pamargine raris majaungan, masuksma
ngiket pakulawargan sang kalih maduluran antuk upacara sapatut ipun. wus punika puput
sampun sapulah-palihing jangkep alaki- rabi sekala niskala (trikang sinanggeh saksi : manusa
saksi, bhuta saksi lan dewa saksi).
Ida Dane Sareng Sami,
Asapunika nganinin indik pamargi upacara pawiwahan sane tangunang titiang ring galahe
puniki, dumadak sapangrawuh I ratu ida dane sareng sami, nyaksiang maduluran pangrestiti sane
becik. Titiang sapunika taler ipun sang kalih sane mawiwaha sida nemu karahayuan.
Sadurung puput titiang, titiang nunas mantuka ring para atiti, mangda wenten sinalih
tunggil makewala nyangkepin ring sekala, ledang ugi ngicenin sambramawacana mangda wenten
anggen titiang, pamekas ipun sang kalih, marupa titi pangancan miwah sepat siku-siku pamatut
8. rikala ngemargiang urip mapumahan wekasan, gumanti maka wirasa pangrestiti saking atiti
(undangan) sane rauh.
Ri sampune puput sapulah-palihe parikrama puniki, ida dane sareng sami aturin titiang
masanekan paraya katuran bhoga samatra.
Inggih wantah asapunika atur panyembraman titiang, kirang langkung titiang nunas
sinampura, maka wesananing atur puputang titiang antuk parama santih.
Om Santih Santih Santih Om.
1. Sapasira sane mabaos ring panyembrama punika?
2. Bebaosan sane encen kawastanin pangastuti?
3. Napi unteng daging bebaosan panyembrama punika?
4. Napi sane kabaos surat?
5. Indayang bahbahang soroh surat manut dagingnyane!
GURU BIDANG STUDY
BAHASA BALI