2. Tungkol saan ang modyul na ito?
Sa modyul na ito, matutuhan mo ang tungkol sa apat
na uri ng pangungusap.
Naghanda ako ng mga aralin at gawain na
makatutulong sa iyo upang lalo mong maintindihan ang
paksa.
Mayroon din itong mga pagsasanay upang lalo kang
humusay sa pagbuo at paggamit nito.
Ano ang matututunan mo?
Sa modyul na ito, inaasahang matatamo mo ang mga
sumusunod na kasanayan:
1. Nakikilala at nakabubuo ng iba’t ibang uri ng
pangungusap ayon sa gamit
Paturol o Pasalaysay
Patanong
Pautos
Padamdam
2. Gayundin, makabuo ng iba’t ibang uri ng pangungusap
na nagsasalaysay, nagtatanong, nag-uutos o nakikiusap,
at maaaring nagsasaad ng matinding damdamin.
3. Pangungusap
Ang pangungusap ay lipon ng mga salitang
nagpapahayag ng buong diwa. Ito ay may simuno at
panaguri.
Ang simuno ay ang paksa o pinag-uusapan sa
pangungusap.
Ang panaguri naman ay ang nagsasabi tungkol sa
simuno.
Ang pangungusap ay nagsisimula sa malaking titik at
nagtatapos sa bantas o pananda.
May Apat na Uri ng Pangungusap
1. Paturol o Pasalaysay
2. Patanong
3. Pautos
4. Padamdam
Paturol o Pasalaysay
Ito ang pangungusap na nagsasalaysay. Nagtatapos
ito sa tuldok.
4. Halimbawa:
Tandang-tanda ko ang petsa noon: Hulyo 16, 1990.
Pauwi na ako. Biglang yumanig ang buong paligid.
iba pang halimbawa ng pasalaysay
1. Tumatakbo ang bata.
2. Nagsasayaw sina lolo at lola.
5. Patanong
Ito ang pangungusap na nagtatanong. Nagtatapos ito
sa tandang pananong (?).
Halimbawa:
Saan ka ba nanggaling?
iba pang halimbawa ng patanong
1. Nasaan na ba ang aking apo?
6. 2. Kaya mo bang buhatin iyan?
Pautos
Ito ang pangungusap na nag-uutos. Tinatawag itong
pakiusap kung nakikiusap. Parehong nagtatapos ito sa
tuldok. May kasamang paki- o kung maaari ang
nakikiusap na pangungusap.
Halimbawa:
Pautos – Balik ka rito, bata!
Pakiusap– Kung maaari, umalis ka riyan.
Pakidala mo nga ang aklat ko.
7. iba pang halimbawa ng pautos
1. Magdilig ka ng halaman.
2. Pakainin mo ang iyong alaga.
8. Padamdam
Ito ang pangungusap na nagsasaad ng matinding
damdamin. Nagtatapos ito sa tandang padamdam (!).
Halimbawa:
“Lumilindol! Lumilindol!” sigaw ng mga tao.
iba pang halimbawa ng padamdam
1. Naku! Ang daming insekto!
9. 2. Bilisan mo! Umuulan na!
Ilan lahat ang mga uri ng pangungusap ayon sa gamit?
Apat ang uri ng pangungusap
Ano-anong bantas ang ginagamit sa bawat uri?
1. Paturol o Pasalaysay → tuldok (.)
2. Patanong → tandang pananong (?)
3. Pautos → tuldok (.)
4. Padamdam → tandang padamdam (!)
10. Magsanay Tayo
Pagsasanay 1
Sagutan ang mga sumusunod.
1. Ito ay lipon ng mga salitang nagpapahayag ng buong
diwa. Ito ay may simuno at panaguri.
a. Pangungusap
b. Paturol o Pasalaysay
c. Patanong
d. Pautos
e. Padamdam
Sagot
a. Pangungusap
2. Ito ang pangungusap na nagsasalaysay.
Nagtatapos ito sa tuldok.
a. Pangungusap
b. Paturol o Pasalaysay
c. Patanong
d. Pautos
e. Padamdam
Sagot
b. Paturol o Pasalaysay
11. 3. Ito ang pangungusap na nagtatanong.
Nagtatapos ito sa tandang pananong (?).
a. Pangungusap
b. Paturol o Pasalaysay
c. Patanong
d. Pautos
e. Padamdam
Sagot
c. Patanong
4. Ito ang pangungusap na nag-uutos. Tinatawag itong
pakiusap kung nakikiusap. Parehong nagtatapos ito sa
tuldok. May kasamang paki- o kung maaari ang
nakikiusap na pangungusap.
a. Pangungusap
b. Paturol o Pasalaysay
c. Patanong
d. Pautos
e. Padamdam
Sagot
d. Pautos
12. 5. Ito ang pangungusap na nagsasaad ng matinding
damdamin. Nagtatapos ito sa tandang padamdam (!).
a. Pangungusap
b. Paturol o Pasalaysay
c. Patanong
d. Pautos
e. Padamdam
Sagot
e. Padamdam
Pagsasanay 2
Sabihin kung anong uri ng pangungusap ang mga
sumusunod.
1. Maraming tao ang nagsisimba sa araw ng pista.
a. Paturol o Pasalaysay
b. Patanong
c. Pautos
d. Padamdam
Sagot
a. Paturol o Pasalaysay
13. 2. May palaro ba sa plasa?
a. Paturol o Pasalaysay
b. Patanong
c. Pautos
d. Padamdam
Sagot
b. Patanong
3. Papasukin mo ang mga bisita.
a. Paturol o Pasalaysay
b. Patanong
c. Pautos
d. Padamdam
Sagot
c. Pautos
4. Naku! Dumulas ang bata sa palosebo.
a. Paturol o Pasalaysay
b. Patanong
c. Pautos
d. Padamdam
Sagot
d. Padamdam
14. 5. Masakit ang tiyan ko!
a. Paturol o Pasalaysay
b. Patanong
c. Pautos
d. Padamdam
Sagot
d. Padamdam
WAKAS
15. Sanggunian
Hiyas sa Wika – Filipino 4
(Pahina 8~12)
Pagdiriwang ng Wikang Filipino 2
(Pahina 155~159)
http://www.slideshare.net/JenyHernandez/mga-
uri-ng-pangungusap-filipimo-i
http://www.slideshare.net/soltera12/mga-uri-ng-
pangungusap