Paksa 3 sa Edukasyon sa Pagpapakatao 7

2. PAKSANG TATALAKAYIN
• Teorya ng multiple intelligences
• Uri ng intelligence

3. THEORY OF MULTIPLE INTELLIGENCES
Ayon kay Dr. Howard Gardner, ang tao ay maraming uri ng talent. Ginagamit natin ang isa
o higit pang talent upang mas magkaroon ng epektibong pagkakatuto.
Ayon kay Gardner, mayroong siyam na uri ng talent ang tao.

4. URI NG MULTIPLE INTELLIGENCES
• Verba/Linguistic
• Logical-Mathematical
• Musical/Rhythmic
• Visual/Spatial
• Bodily Kinesthetic
• Interpersonal
• Intrapersonal
• Naturalist
• Existential

5. VERBAL/LINGUISTIC INTELLIGENCE
Ang taong may ganitong talent ay sensitibo sa kahulugan at gamit ng mga salita, pasulat
man o pasalita. Siya ay nagtataglay ng lubos na kaalaman sa wika. Mahusay siya sa
pagbabasa, pagsusulat, pagkukuwento, at pagsasaulo ng salita at petsa. Madali rin siyang
matuto mula sa pakikinig ng panayam, diskurso, at debate. Magaling din siya sa pagtuturo
at pagpapaliwanag. Angkop sa mga taong may ganitong talino ang maging manunulat,
mananalumpati, guro, abogado, mamamahayag, makata, pulitiko, o pilosopo.

6. LOGICAL-MATHEMATICAL INTELLIGENCE
Ang taong may ganitong talent ay may kakayahan sa pangangatwiran. Kahanga-hanga
ang kaniyang galing sa matematika, chess, computer programming, at iba pang mga
gawaing may kinalaman sa lohikal at matematikal na Gawain. Karapat-dapat siyang
maging siyentipikong, pisiko, matematiko, inhenyero, manggagamot, ekonomista, o
pilosopo.

7. MUSICAL-RHYTHMIC INTELLIGENCE
Ang taong may ganitong talent ay sensitibo sa ritmo, tunog, at musika. Siya ay nakakaawit,
nakakalikha ng awit, at nakakatugtog nang mahusay. Dahil mahusay ang kanyang
pandinig, mas madali siyang matuto sa panayam. Madali ring malinang ang kaniyang
kasanayan sa wika. Angkop sa mga may ganitong ang maging mang-await, orchestra
conductor, disc jockey, orator, at mangangatha ng tugtugin at awit.

8. VISUAL/SPATIAL INTELLIGENCE
Ang taong may ganitong talento ay may tiyak na pagtingin sa mundo, sinisikap niya itong
gayahing muli sa kaniyang isipan sa pamamagitan ng kaniyang talento sa sining.
Maaaring maging alagad ng sining, disenyo o arkitekto ang may ganitong talento.

9. BODILY-KINESTHETIC INTELLIGENCE
Ang taong may ganitong talent ay may kakayahang igalaw nang buong husay ang
kaniyang katawan. Mahusay siya sa pisikal na gawain tulad ng sports o sayaw. Siya ay
maaaring maging isang mahusay na manlalaro, mananayaw, musikero, artista, surgeon,
manggaggamot, sundalo, o pulis.

10. INTERPERSONAL INTELLIGENCE
Ang taong may ganitong talent ay magaling sa pakikipag-ugnayan. Ang interes ng taong
ito ay hindi sa sariling damdamin, kundi sa buhay, sa kapaligiran, at sa mga tao. Madali
niyang nalalaman ang mga damdamin at pangangailangan ng kapuwa. Nakikiisa siya sa
mga gawain bilang kasapi ng lipunan. Magiging epektibo siya sa pagtuturo, pulitika, o
pagiging tagapamahala.

11. INTRAPERSONAL INTELLIGENCE
Ang taong may ganitong talent ay may kakayahang linangin ang sariling damdamin,
saloobin, at kilos. Sa pamamagitan ng pagninilay, natutuklasan niya ang sariling
pangangailangan at nauunawaan niya ang sarili. Ang ganitong uri ng tao ay mas pinipiling
mapag-isa, maging sa pagtatrabaho. Aangkop sa kaniya ang maging theologian, pilosopo,
sikologo, abogado, at manunulat.

12. NATURALIST INTELLIGENCE
Ang taong may ganitong talent ay mapagmasid hindi lamang sa kalikasan, kundi sa
kaniyang kapaligiran. Bagay sa kaniya ang maging magsasaka, maghahalaman, o
naturalist.

13. EXISTENTIAL INTELLIGENCE
Ang taong may ganitong talent ay mahilig tumuklas ng katotohanan tungkol sa kaniyang
sarili, at sa kaniyang gampanin sa mundo. Angkop sa kaniya ang maging shaman, pari,
pastor, siyentipiko, pisiko, cosmologist, o matematiko.