Reading material

1. Pagsasanay 1
SAGISAG NG BAYAN
Kaputol na kayo na may tatlong kulay
Ang nasa itaas ay kulay na bughaw.
Kapilas ng langit at ang kahulugan
Ang bayan ay marangal at may Kalayaan.
Puting anong linis ang nasa sa gitna
Sagisag ng bayang tahimik, payapa.
May araw, bituin ng bayang Malaya
Na di magmamaliw ang pagkadakila.
Sa gawing ibaba ay ang pulang kulay,
Dugo ng bayaning nagkasakit, naghirap.
Buong katapangang nagbuwis ng buhay
Upang makamtan lang mithing Kalayaan.
Mga Tanong:
1. Ano ang tinutukoy sa tula?
a. bantayog b. bandila c. bayani
2. Ilan ang kulay nito?
a. apat b. tatlo c. lima
3. Aling kulay ang kapilas ng langit?
a. puti b. pula c. bughaw
4. Anong kulay ang nasa gitna?
a. puti b. bughaw c. pula
5. Anong kulay ang nasa gawing ibaba?
a. puti b. bughaw c. pula
6. Ano ang kahulugan ng pulang kulay?
a. karangalan b. kapayapaan c. katapangan
7. Ano ang kahulugan ng bughaw?
a. karangalan b. kapayapaan c. katapangan
8. Ano ang kahulugan ng puting kulay?
a. karangalan b. kapayapaan c. katapangan
9. Ano ang ibinuwis ng mga bayani?
a. salapi b. kayamanan c. buhay
10. Ano ang naging bunga ng kanilang pagpapakasakit?
a. Kalayaan b. kahirapan c. kayamanan
Talasalitaan:
marangal makamtan
maithing kalayaan kapilas
Pagsasanay 2
ANG NAYON NI MARINA
Noon lamang nakarating sa lungsod si Marina. Lumaki siya sa isang nayong
hindi halos marating ng kabihasnan dahil sa kalayuan. Umiigib sila ng tubig s abatis
o kaya ay sa balon. Gasera ang ginagamit nilang ilawan. Halos araw-araw,
namimitas lamang sila ng gulay na maiuulam. Bihira silang makatikim ng isda at
karne sapagkat napakalayo ang pamilihan ng pinakamalapit na bayan sa kanila.
Mga Tanong:
1. Nasaan si Marina?
a. sa lungsod b. sa nayon c. sa bayan
2. Saan siya lumaki?
a. sa lungsod b. sa nayon c. sa bayan
3. Paano mo ilalarawan ang kanyang nayon?
a. maunlad c. hindi marating ng makabagong kabihasnan
b. makabago
4. Ano ang ginagamit nilang ilawan?
a. gasera b. elektrisidad c. kahoy
5. Saan sila kumukuha ng tubig?
a. sa poso b. s abatis at balon c. sa dagat
6. Ano ang madalas nilang ulam?
a. gulay b. isda c. karne
7. Ano ang bihira nilang matikman?
a. gulay b. bungangkahoy c. karne
8. Ano ang masasabi ninyo sa kanilang pamilihan?
a. lubhang malayo b. maliit lamang c. malaki at makabago
9. Saan sila namimili?
a. sa pamilihang bayang malapit sa kanila
b. sa pamilihang nayon
c. sa pamilihang bayan ng Maynila
10. Malaki ba ang pagkakaiba ng kanilang nayon sa lungsod?
a. Oo b. Hindi c. Marahil
Talasalitaan:
kabihasnan gasera batis

2. Pagsasanay 3
ANG PALAKA
Maaaring mabuhay sa tubig o sa lupa ang palaka. Sa ulo makikita ang mga
mata nito. Mayroon itong ilong na hingahan. Ginagamit nito ang dila upang makahuli
ng mga kulisap. Nasa likod ng mga mata ng palaka ang kanyang mga tainga.
May dalawang pares ng paa ang palaka: ang unahang mga paa at mga paa
sa hulihan. Higit na maliit ang unahang mga paa nito kaysa sa mga pang nasa
hulihan. Mahahaba ang mga paa sa hulihan. Kabit-kabit ang mga daliri dahil sa
lamad. Ginagamit na panlangoy ang mga ito.
Katulad ng kanilang kapaligiran ang kulay ng palaka. Palaging basa at
madulas ang kanilang balat.
Mga Tanong:
1. Saan nabubuhay ang palaka?
a. tubig lamang b. lupa lamang c. tubig at lupa
2. Saan makikita ang mga mata ng palaka?
a. mukha b. pisngi c. ulo
3. Anong bahagi ng palaka ang kanyang ipinanghuhuli ng kulisap?
a. paa b. dila c. bibig
4. Saan matatagpuan ang tainga nito?
a. sa loob ng bibig b. sa tabi ng ilong c. sa likod ng mga mata
5. Gaano kalaki ang unahang mga paa ng palaka kumpara sa hulihang mga
paa nito?
a. higit na mahahaba b. higit na maliliit c. higit na matataba
6. Aling pa anito ang ginagamit na panlukso?
a. unahan b. gitna c. hulihan
7. Bakit kabit-kabit ang mga daliri ng mga hulihang paa nito?
a. dahil sa balat b. dahil sa lamad c. dahil sa lumot
8. Saan ginagamit ang kabit-kabit na mga daliri nito?
a. paglukso b. paglangoy c. paglalakad
9. Saan katulad ang kulay ng palaka?
a. langit b. dagat c. kapaligiran
10. Anong bahagi nito ang lagging basa at madulas?
a. paa b. balat c. ulo
Talasalitaan: lamad kapaligiran kulisap
Pagsasanay 4
ISANG LIHAM
2522 Leiva
Sta. Ana, Manila
Ika-15 ng Nobyembre, 2004
Mahal kong Lolo,
Kamusta po kayo? Mag-iisang buwan na magmula nang magbakasyon
kayo riyan. Marahil mataba-taba na kayo ngayon. Sariwa ang hangin at tahimik
diyan at sagana pa kayo sa gulay di-tulad dito na lubhang maalikabok, maingay at
laging nagmamadali ang mga tao.
Ako po naman ay patuloy sa pag-aaral. Nahihirapan po akong lubha
sapagkat wala nang nagtuturo sa akin di-tulad noong naririto kayo.
Sana ay bumalik na kayo rito. Pasko na po sa isang buwan. Naririto sa
kayo sa Pasko.
Nagmamahal,
Gerrober
Mga Tanong:
1. Saang pook galing ang liham?
2. Kailan isinulat ang liham?
3. Kanino galing ang liham?
4. Kanino ipinadala ang liham?
5. Nasaan ang pinagdalhan ng liham?
6. Ilang buwan na siya roon?
7. Anong uri ng hangin mayroon doon?
8. Ano ang sagana roon?
9. Bakit nahihirapan sa pag-aaral ang sumulat ng liham?
10. Anong pagdiriwang ang idaraos sa susunod na buwan?
Talasalitaan:
sagana sariwa

3. Pagsasanay 5
ANG BATANG SI AGNES
Isang batang babae ang nakatawag ng pansin kay Lola Aning. Siya lamang
ang batang kaagapay ng matatandang nagkomunyon. Pagkatapos ng misa, hindi
pa rin tumitinag ang bata sa kanyang upuan. Wala namang lumapit sa kanya upang
yayain siyang umuwi. Hindi nakatiis si Lola Aning. Nilapitan niya ang bata at
kinausap.
Napag-alaman niyang Agnes Cruz ang pangalan ng bata at siyam na taong
gulang ito.
“Bakit ka nag-iisa?” ang tanong pa rin ng Lola.
“Nariyan po sa loob ng kumbento ang Nanay ko. Nakikipagpulong po siya.”
“Marunong ka bang magdasal? Ano ang sinasabi mo sa Diyos?”
“Dinarasal ko pong gawin niya akong guro paglaki ko.”
Hindi na nakapagtanong si Lola Aning sapagkat may lumapit na isang
magandang babae.
“Mano po, Inay,” ang sabi ni Agnes, sabay halik sa kamay ng ina.
Binindisyunan siya ng kanyang ina at sabay na silang lumabas sa
simbahan.