<iframe src="//www.slideshare.net/slideshow/embed_code/key/kezGJQfvnhCwa0" height="612" width="572"> </iframe> <div> <strong> <a>თანამედროვე ტექნოლოგიების გამოყენება копия (1)</a> </strong> from <strong><a>Makvala Mamuladze</a></strong> </div>

1. თანამედროვე ტექნოლოგიების გამოყენება უცხოური ენის გაკვეთილზე
მაყვალა მამულაძე
სსიპ ქალაქ ბათუმის #6 ფიზიკა-მათემატიკის საჯარო სკოლის პედაგოგი
რეზიუმე
ახალგაზრდობა დიდ ინტერესს იჩენს თანამედროვე ტექნოლოგიებისადმი,
ადვილად ეუფლება მას და იყენებს არა მარტო ინფორმაციის მისაღებად, არამედ
გასართობადაც. სასწავლო პროცესის გაუმჯობესებისათვის საჭიროა ახალი ტექნო-
ლოგიების გამოყენება, რადგანაც მოსწავლისა და მასწავლებლის ერთობლივი
საქმიანობა თანამედროვე განათლების არსია.
სტატია ეძღვნება საგანმანათლებლო პროცესში ახალი ტექნოლოგიების გამოყენებას.
საკვანძო სიტყვები: თანამედროვე ტექნოლოგიები, ინფორმაციულ-საკომუნიკაციო
საშუალებები, მობილური ტელეფონი.
ჩემი, როგორც პედაგოგის, საქმიანობის მიზანია მოსწავლეებში თანამედროვე
ტექნოლოგიების გამოყენებით რუსული ენისადმი ინტერესის გაღვივება და
სწავლის ხარისხის ამაღლება.
მიზნის მისაღწევად მიხდება შემდეგი ამოცანების გადაწყვეტა:
1. რუსულ ენაში მყარი და ღრმა ცოდნის მისაღებად გაკვეთილზე და
კლასგარეშე სწავლების პროცესში მოსწავლეებზე ყოველმხრივი ხელშეწყობა;
2. სხვადასხვა წყაროებიდან ინფორმაციის მიღება, მისი დამუშავება და რეალურ
სიტუაციებში მოსწავლეებზე მიწოდება;
3. მოსწავლეების შემეცნებითი უნარის განვითარება;
4. თითოეულ მოსწავლეზე შემოქმედებითი განვითარების ხელშეწყობა.
სწავლის მეთოდები:
1. განმარტებით-ილუსტრირებული;
2. ნაწილობრივ-საძიებო;
3. პრობლემური;
4. კვლევითი.
-1-

2. გამოყენებული ხერხები:
 ახსნა-განმარტება პრეზენტაციის გამოყენებით;
 ახსნა-განმარტება ვიდეოფრაგმენტების გამოყენებით;
 პრობლემის გადაწყვეტის გზების ძიება;
 ნებისმიერი მოვლენის, ობიექტის კვლევა;
 პროგნოზირება.
თანამედროვე ტექნოლოგიების ეფექტური გამოყენება:
- ახალი მასალის ახსნისას;
- შესწავლილი მასალის გამეორებისას;
- შემაჯამებელ გაკვეთილებზე და სხვა.
ინფორმაციულ-საკომუნიკაციო ტექნოლოგიების გამოყენება საშუალებას იძლევა
გააქტიურდეს მოსწავლეთა ანალიტიკური აზროვნება. იგი მოსწავლეზე
ორიენტირებულია, ავითარებს მოსწავლეთა თავისუფალ შემოქმედებასა და ზრდის
გაკვეთილის ეფექტურობას. მასწავლებელს აქვს შესაძლებლობა წინასწარ მოამზადოს
საჭირო მასალა (ილუსტრაციები, სქემები, ვიდეორგოლები, ანიმაციები) და
თანმიმდევრობით დაალაგოს, ამით თვალსაჩინოების პრობლემაც აღმოიფხვრება.
გაკვეთილის ტიპიდან გამომდინარე, თანამედროვე ტექნოლოგიები
სხვადასხვაგვარად შეიძლება იქნეს გამოყენებული:
- პრეზენტაციის ჩვენება. (მაგალითად, პუშკინის ბიოგრაფია, ან გრამატიკული მასალა:
ტაბულები, ტესტები, შედარების სქემები და მრავალი სხვა);
- მუსიკალური კომპოზიციების გამოყენება ან სიმღერის სწავლისას კლიპების
მოსმენა. (მაგალითად, ჩაიკოვსკის „წელიწადის დროები“);
- ვიდეოფილმების ჩვენება;
- მხატვრული ფილმების ჩვენება. (მაგ.: «Повесть о настоящем человеке»);
- დოკუმენტური ფილმების ჩვენება («Доктор Рошаль»).
მწერლის ფერადი პორტრეტის, ილუსტრაციისა და სხვა გამოსახულებების
პროექტორის საშუალებით ჩვენება ფართო ეკრანზე ახალისებს გაკვეთილს და
-2-

3. მოსწავლეებს გაკვეთილისადმი ინტერესს აღუძრავს. ამით მასწავლებელს შეუძლია
მოსწავლეებს უკეთესად უჩვენოს გაკვეთილის მიზნები, შესასწავლი ლექსიკა,
შეფასების კრიტერიუმები და დამატებითი გრამატიკული სავარჯიშოები.
თანამედროვე ტექნოლოგიების გამოყენებით ჩემი მოსწავლეები ამზადებენ
ბუკლეტებსა და პრეზენტაციებს თემებზე: «Времена года», «Мой любимый фильм»,
«Страны, в которых мы живём»; იღებენ ფილმებს ( «В супермаркете», «Наш город»);
მუშაობის პროცესში დავრწმუნდი, რომ მოსწავლეებზე ინტერნეტის
გამოყენებით დავალების მიცემისას:
- წერილობით უნდა შევთავაზო სანდო საიტები;
- მოვახდინო ფოკუსირება ამოცანის სირთულეზე, გავაფრთხილო ქსელში
მუშაობისას შემხვედრ მოულოდნელ სიურპრიზებზე:
- დავალების შესრულებისთვის მივცე საკმარისი დრო;
- გავაცნო მუშაობის შეფასების კრიტერიუმები;
- მივუთითო ნამუშევრის მნიშვნელობაზე, ვთხოვო პასუხისმგებლობით
მოეკიდნონ დავალების შესრულებას, რამეთუ საუკეთესო პრეზენტაციები
გამოყენებული იქნება სასწავლო რესურსად. აქვე ვესაუბრო საავტორო
უფლების შესახებ და ვთხოვო მომცენ მათი პრეზენტაციების გამოყენების ნება.
თანამედროვე ტექნოლოგიად შეიძლება ჩავთვალოთ აგრეთვე მობილური
ტელეფონიც. დღეს ის ყველა მოსწავლისათვის ხელმისაწვდომია. მიუხედავად
აკრძალვისა, მოსწავლე მაინც ცდილობს გაკვეთილზე მის გამოყენებას: თამაშობს ან
წერს sms-ებს. გადავწყვიტე გაკვეთილის ჩატარებაში ხელისშემშლელი ეს ფაქტი
თვით გაკვეთილის სასარგებლოდ გამოვიყენო. რაკი უფროს კლასებში ყველა
მოსწავლისათვის მიუწვდომელია კომპიუტერი, მაგრამ არის უსადენო ინტერნეტი,
მობილური ტელეფონი ინფორმაციის მიღების საშუალებად გამოიყენება.
უცხო ენის მასწავლებლებმა იციან, თუ რაოდენ მნიშვნელოვანია მოსწავლის
პერსონალიზაცია მოტივაციის ამაღლებისთვის. პირადი ინფორმაციის გამოყენება
შეიძლება ჯგუფური მუშაობის დროსაც, გაკვეთილზე დისკუსიების მოსაწყობად და ა.შ.
მაგალითად, მოსწავლეები საუბრობენ არდადეგებზე, საყვარელ ცხოველზე, ოჯახზე,
გატაცებებზე, მუსიკასა თუ ფილმებზე.
მობილური ტელეფონი, როგორც ჩამწერი საშუალება, გვეხმარება აუდიო /ვიდეო
-3-

4. ჩაწერაში. მეტყველების განვითარებისათვის მოსწავლეები იწერენ ინტერვიუს. მათ
ძალიან მოსწონთ დიალოგების ან მონოლოგების ჩაწერა და შემდეგ მოსმენა.
შეცდომის აღმოჩენის შემთხვევაში დიალოგის თავიდან ჩაწერაა შესაძლებელი.
ამგვარად, შეგვიძლია ეფექტურად ვიმუშაოთ მოსწავლეების მეტყველების
განვითარებაზე, ინტონაციასა და სიჩქარეზე. ცხადია, ასეთი პროცესების დროს
რეფლექსიის, თვითანალიზის უნარი ვითარდება. ამიტომ მობილური ტელეფონის
გამოყენება ერთ-ერთი მნიშვნელოვანი ინტერაქტიური მეთოდია.
თანამედროვე ტექნოლოგიების გამოყენება კლასგარეშე მუშაობაშიცაა
შესაძლებელი. მოსწავლეთა უმრავლესობას ინტერნეტი სახლშიც აქვს და მათ
ნებისმიერ დროს შეუძლიათ განავითარონ თავიანთი უნარები, მოიძიონ სხვადასხვა
ინფორმაცია, გამოიყენონ ინტერაქტიური სავარჯიშოები, ლექსიკონები და ა.შ.
ყოველივე ამით იზრდება მოსწავლეთა მხრიდან სწავლის ეფექტურობა. ინტერნეტში
აუდიო-წიგნების და მუსიკის მოსმენა ხელს უწყობს უცხო ენის ადვილად
დაუფლებას. რაკი ენის ძირითადი ფუნქცია ადამიანებს შორის კომუნიკაციაა,
ამიტომ მას ყოველმხრივი განვითარება სჭირდება და თანამედროვე პირობებში ამ
მხრივ ტელეფონი და ინტერნეტი ფართოდ გამოიყენება.
დასკვნა
პიროვნებაზე ორიენტირებული საგანმანათლებლო პროცესის დროს მოსწავლე
მიღწეული შედეგით ვითარდება. ამ პროცესის ორგანიზატორი და წარმმართველი
მასწავლებელია. იგი ვალდებულია გამოიყენოს სწავლის ყველა მეთოდი, რათა
მოსწავლეს აღუძრას ინტერესი შესასწავლი საკითხების მიმართ. თითოეული
მოსწავლის ცოდნის დონის ამაღლებისათვის მასწავლებელმა უნდა მიმართოს
სწავლების სხვადასხვა მეთოდსა და სტრატეგიას, ფართოდ გამოიყენოს
თანამედროვე ტექნოლოგიები.
გამოყენებული ლიტერატურა:
1. მასწავლებლის სტანდარტი.
2. http://mastsavlebeli.ge ინტერნეტგაზეთი „მასწავლებელი“
-4-