1. TEMA 1 NATURAIS 6º ORGANIZACIÓN DAS PLANTAS
As plantas son seres vivos que non se desprazan. Fabrican o seu propio alimento mediante a
fotosíntese (grazas á luz do Sol). Son seres vivos pluricelulares. As plantas divídense en
células, que se agrupan en tecidos, órganos, aparatos ata chegar á planta enteira.
A célula vexetal e de tipo eucariota (núcleo ben definido). Realiza as 3 funcións vitais
(nutrición, relación e reprodución). Está formada por:
Parede celular: envoltura ríxida que
rodea á célula.
Membrana plasmática: envoltura fina
que rodea á célula.
Citoplasma: líquido viscoso do interior da
célula.
Orgánulos: flotan no citoplasma e
realizan distintas funcións. Entre eles
están o núcleo e os cloroplastos (teñen
clorofila, substancia verde que permite
captar a enerxía do Sol).
Os tecidos vexetais teñen funcións
determinadas: encárganse do
crecemento, da protección, de absorber, soporte... e condutores (vasos leñosos – [zume
bruto] levan substancias da raíz ata a folla; vasos liberianos – [zume elaborado] levan
substancias da folla ao resto da planta).
O reino vexetal divídese en anxiospermas (producen flores e sementes; raíz, talo, follas e
flores); ximnospermas (como as anteriores, pero a semente non está nun froito –piñeiro);
fentos (raíz, talo e follas .- reprodúcense por esporas) e as carrizas (reprodúcense por
esporas e non teñen órganos verdadeiros).
Nas plantas atopamos 2 grandes aparatos: vexetativo (formado por raíz, talo e follas), e o
aparato reprodutor (formado por flor, semente e froito).
Raíz: órgano subterráneo. Ten as funcións de soster a planta, absorber auga e minerais do
solo e transporte destes cara ao talo. Algúns almacenan substancias de reserva (cenoria).
Talo: dá soporte e permite transporte de nutrientes. Algúns serven para almacenar
substancias de reserva (cacto).
Poden ser herbáceos (fráxiles -herbas) ou leñosos (ríxidos e duros –árbores e
arbustos).
Follas: fabrican o alimento mediante a fotosíntese. envés face
Débenlle a cor verde á clorofila (substancia que
capta a enerxía do Sol para realizar fotosíntese). As plantas respiran (collen O2 e expulsan
CO2). Por outra banda, durante a fotosíntese, captan CO2 e expulsan O2. Este intercambio
de gases realízase a través dos estomas (pequenos orificios situados no envés das follas).
As algas e algunha bacteria tamén realizan a fotosíntese.
REPRODUCIÓN DAS PLANTAS: pode ser asexual (non están implicados gametos
masculinos e femininos) e sexual (o aparato reprodutor, a flor, ten gametos masculinos –
graos de pole dos estames - e femininos – óvulos do pistilo. Únense mediante a
fecundación).
A FLOR só aparece durante a época reprodutiva. A maioría das flores son hermafroditas
(teñen órganos masculinos e femininos)
O óvulo é o gameto feminino que se forma no pistilo. O pistilo está composto polo
estilo, o estigma e mais o ovario.
O pole é o gameto masculino e fórmase nos estames. Os estames están compostos
pola antera e o filamento.
A SEMENTE fórmase na flor a partir do óvulo fecundado polo pole. É un órgano que contén
un novo ser vivo, o embrión. Compoñentes dunha semente:
*O embrión, que dará orixe a unha nova planta.
*Tecidos de reserva, a partir dos que o embrión se nutrirá nas primeiras fases do
desenvolvemento.
*Tecidos que forman unha cuberta protectora.
OS FROITOS poden ser secos (noz, abelá, améndoa...) ou carnosos (mazá, pera, pexego...).
Célula
Tecido
Órgano Aparato
Individuo