1. TEMA 2 NATURAIS 6º OS ANIMAIS
Os animais son seres heterótrofos (aliméntanse doutros seres vivos) e
pluricelulares, que realizan as 3 funcións vitais: nutrición, relación e reprodución.
A célula animal é eucariota (núcleo
ben definido). Diferéncianse das células
vexetais en que non teñen nin
cloroplastos, nin membrana plasmática.
Están formadas por membrana
plasmática, citoplasma e orgánulos
(núcleo, entre outros).
As células agrúpanse en tecidos:
*tecido epitelial: células fortemente unidas (vasos sanguíneos, pel,...)
*tecido conxuntivo: función de soporte.
*tecido muscular: formado por células que poden contraerse. Permiten movernos.
*tecido nervioso: ten a función de procesar a información.
Os tecidos agrúpanse en órganos. Os tecidos dun órgano funcionan de xeito
coordinado, para realizar unha función (ollo, pulmón,...) Os órganos asócianse en
aparatos (dixestivo, respiratorio...) e sistemas (nervioso).
FUNCIÓN DE NUTRICIÓN: consiste en obter materia (para medrar, reproducirse,...)
e enerxía (para realizar tódalas actividades (moverse, pensar, ver...).
A función de nutrición lévase a cabo mediante catro procesos:
Dixestión: transforma alimentos que inxerimos en substancias que podemos usar.
Respiración: cáptase osíxeno e elimínase dióxido de carbono.
Circulación: leva substancias útiles a todas células e de refugallo para eliminar.
Excreción: permite a eliminación de substancias de refugallo cara ao exterior.
Para proceder á dixestión, primeiro é necesario coller o alimento: algúns obtéñeno a
través da pel (tenias); outros son filtradores (toman auga e filtran o alimento.-
esponxas ou baleas); outros toman líquidos (lampreas, vampiros, samesugas);
outros son depredadores (atrapan presas .- león, serpe); outros son herbívoros
(aliméntanse de plantas .-vaca, camelo).
O aparato dixestivo encárgase de transformar o alimento en substancias sinxelas.
A respiración consiste en captar o osíxeno que necesitan (do aire / auga) para vivir.
Ademais expúlsase dióxido de carbono. O aparato respiratorio realiza o intercambio
de gases. Tipos de respiración:
.- cutánea (a través da pel): animais de ambientes húmidos (ra, píntega,...)
.- traquea, a través de traqueas (condutos moi finos); dáse en insectos e
artrópodos terrestres.
.- branquial, a través de branquias (os peixes e certos vermes mariños)
.- pulmonar, a través de pulmóns (órganos con forma de saco); nos vertebrados.
A circulación ten a función de distribuír polo corpo as substancias necesarias e
recoller as de refugallo. A maioría dos animais téñeno formado polo sangue, vasos
sanguíneos e corazón.
Algúns invertebrados carecen del; nos moluscos e insectos é moi simple.
A excreción consiste na expulsión ao exterior das substancias de refugallo. En
moitos animais, os órganos que a realizan son pulmóns, branquias ou traqueas (CO2)
o fígado, as glándulas sudoríparas e os riles (filtran o sangue formando os ouriños).
FUNCIÓN DE RELACIÓN: encárgase de obter información (exterior – interior) par
tomar as decisións adecuadas. Interveñen nela ...
.-órganos sensoriais: captan os estímulos. Son os órganos dos sentidos. Pero hai
máis: algunhas serpes detectan o calor; algúns peixes comunícanse mediante sinais
eléctricos; outros detectan o campo magnético terrestre (abellas, bolboretas...)
.-sistema nervioso: procesa a información e elabora respostas (cerebro, medula).
.-órganos efectores: executan a resposta (músculos...)
2. FUNCIÓN DE REPRODUCIÓN: proceso para ter descendencia. Nos animais danse
dous tipos de reprodución:
.-asexual: un proxenitor dá lugar a novos individuos iguais a el (esponxas, medusas...
.-sexual: necesítanse dous proxenitores (macho/femia). Cada un produce gametos
(óvulos a femia // espermatozoides o macho). Cada individuo ten un aparato
reprodutor. A unión destes gametos recibe o nome de fecundación.
*fecundación interna (dentro do corpo animal –mamíferos, aves, insectos).
*fecundación externa (fóra do corpo animal, en medios húmidos) peixes e
moitos invertebrados.
Despois da fecundación, comeza a desenrolarse o novo individuo. Algúns
animais sofren metamorfose (cambios drásticos para adquirir aspecto de adulto)
Dáse nalgúns insectos e anfibios.
CICLO VITAL DA RA: