1. Reaksiyon ng mga
Pilipino sa Kristiyanismo
Araling Panlipunan 5 – 3rd Quarter | Topic 3 Part 2
Prepared by: Eddie San Z. Peñalosa
2. Sa kabila ng pang – aabuso at pagmamalabis ng mga
pari na nasilaw sa yaman ng Pilipinas, lubusang niyakap
ng maraming katutubong Pilipino ang
pananampalatayang Kristiyanismo sa ilalim ng Simbahang
Katolika. Ang sakramento ng binyag ang simula ng
pagiging kasapi ng Simbahang Katolika.
3. Naging bahagi na ng buhay ng maraming
katutubo ang pagsisimba na nagbibigay daan
upang makilala at tanggapin nila ang banal
na katawan at dugo ni Hesukristo. Sa tirahan
ng pamilyang Katoliko ay makikita ang altar,
rosary, at sari-saring imahen ng mga poon.
4. Itinuro rin sa mga Pilipino ang nilalaman ng
Bibliya, ang banal na aklat ng mga Kristiyano.
Natutuhan din nila ang pagdarasal ng orasyon sa
pagsapit ng alas-dose ng tanghali o alas-seis ng
gabi. Dinasal din nila ang rosaryo bilang pagkilala
kay Birheng Maria na ina ni Hesukristo.
5. Mahalaga rin para sa mga Pilipino ang
paggunita sa naging paghihirap at
kamatayan ni Hesukristo sa krus bilang
pagtubos sa kasalanan ng sangkatauhan na
ginugunita tuwing panahon ng Kuwaresma
(Lent).
6. Nagsisimula ito sa pagpapahid ng abo
sa noo tuwing Miyerkules de Senisa (Ash
Wednesday).
8. Kabilang sa mg anakaugalian nang
gawin ng mga Katoliko ang pagbabasa ng
Pasyon sa paawit na paraan at
pagtatanghal ng senakulo sa maraming
panig ng bansa.
9. Ipinakilala rin ng mga Espayol sa mga Pilipino ang pagdiriwang ng mga
Pista. Isinasagawa ang pista bilang pagpupugay sa santong patron ng isang
bayan o pamayanan at paraan ng pagpapasalamat para sa mga biyayang
natamo.
10. Ipinagdiriwang din ng mga Pilipinong
Kristiyano ang Pasko tuwing Disyembre 25, ang
araw ng kapanganakan ni Hesukristo.
11. Ginagawa rin ang paggunita sa alala ng
mga yumao, Nobyembre 2, at tinatawag na
Araw ng mga Kaluluwa o Undas.
12. Ang pagtanggap ng iba pang banal na sakramentong Katoliko bukod pa sa
binyag ay natutuhan din ng mga Pilipino tulad ng kumpil, kasal, pangungumpisal.
At pagbebendisyon sa maysakit at malapit nang yumao. Mayroon ding mga
Pilipino na pinipiling maging bahagi ng simbahan at magsilbi bilang pari at
madre. Mayroon ding para sa kabataang lalaki, ang pagsasakristan.