Mga naging kasama ni Andres Bonifacio sa pagtatag ng Katipunan (KKK)

1. TEODORO PLATA, LADISLAO DIWA at
VALENTIN DIAZ

2. Palmilyar ba kayo sa mga
pangalang ito?

4. Ang KKK o mas kilalang Katipunan ay
itinatag sa pangunguna ni Andres Bonifacio
kasama ng kanyang mga kaibigan.

6. Teodoro Plata Ladislao Diw Valentin Diaz
Silang tatlo ay naging miyembro rin ng La Liga
Filipina ni Dr. Jose Rizal.

7. Paano nga ba Nagsimula ang
Katipunan?
Dahil sa pagkabigo ng mga
kilusan ng pagbabago na
matamo ang kanilang mga
hangarin, nagpasya ang mga
makabayang kasapi mula sa
La Liga Filipina na baguhin ang
paraan ng pagtatamo ng
kalayaan.
Sa pangunguna ni Andres Bonifacio kasama sina Teodoro
Plata, Ladislao Diwa, at Valentin Diaz isinulong nila ang
kilusang mapanghimagsik.

8. Nang mapabalita ang pagkaka-
aresto kay Rizal at ipatapon ito sa
Dapitan.
Noong Hulyo 7, 1892 sa Kalye
Azcarraga, itinatag ang kilusang
mapanghimagsik o mas kilalang
Kataas-taasan, Kagalang-galang
na Katipunan ng mga Anak ng
Bayan (KKK) o Katipunan.

9. Layunin ng kilusan ang maisulong ang pagbabago at
higit sa lahat hangarin nito na matamo ang kalayaan o
kasarinlan mula sa Kastila.
Nagkaroon din ng
sanduguan kung
saan inilagda ang
kanilang pangalan
sa isang kasunduan
gamit ang sarili
nilang dugo.
Sina Deodato, Arellano, Ladislao Diwa ,
Andres Bonifacio, Teodoro Plata,
Valentin Diaz at Jose Dizon ang mga unang
Lider ng Katipunan

11.  Ipinanganak noong 1866
sa Tondo, Manila.
 Ang kanyang mga
magulang ay sina
Numeriano Plata at
Juana De Jesus.
 Naging asawa niya si
Espiridiona Bonifacio na
kapatid ni Andres
Bonifacio.
 Kapatid nya si
Hermogenes De Jesus
Plata

12. Tinapos niya ang pundasyon ng pag-aaral sa Escuela Municipal at
naitalang nag-aral ng abugasya kahit hindi natapos. Sa Binondo siya
unang namasukan bilang Oficial de Mesa.
Si Tedoro ay kabilang sa unang trianggulo kasama sina Andres
Bonifacio at Ladislao Diwa. Ikalawang trianggulo ay binuo naman ni
Andres kasama sina Restituto Javier at Vicente Molina. Inimbitahan
naman ni Ladislao Diwa sina Ramon Basa at Teodoro Gonzales sa
ika-tatlong trianggulo. At inanyayahan naman ni Teodoro Plata sina
Valentin Diaz at Briccio Pantas para sa ika-apat na tranggulo.
Nang unang buuin ang Supremong Konseho siya ay nahalal bilang
kalihim, at noong 1893 ay nahalal naman siyang tagapayo. Nang
maging supremo si Andres Bonifacio hinirang siyang Kalihim ng
digmaan.

13. Taong 1894 nang tanggapin ni Teodoro ang pagiging escribano sa
Court of First Instance sa Mindoro, dito marami siyang hinimok na
sumapi sa Katipunan.
Nang nabunyag na ang Katipunan, pinaghahanap siya ng mga
awtoridad at ipinakulong sa Fort Santiago. At noong Pebrero 6, 1897
pinatay sya sa Bagumbayan.
Maaring hindi man pisikal na nakipaglaban sa mga Kastila si Teodoro,
subalit ang pakikisangkot nya sa pagtatayo ng katipunan at paglagay
nya ng kanyang sarili sa bingit ng kamatayan maitindig lamang at
mapalawak ang Katipunan at higit sa lahat pag-alay nito ng kanyang
buhay alang-alang sa kalayaan ay kabayanihang maituturing na.
Si Teodoro Plata ay dapat saluduhan at tawaging pundasyon ng
kalayaan.

14.  Ipinanganak noong
Hunyo 27, 1863 sa
San Roque, Cavite .
 Ang kanyang mga
magulang ay sina
Mariano Diwa at Cecilia
Nocon.
 Pangatlo siya sa
sampung anak

15. Si Ladislao Diwa ay nagtapos ng Bachelor of Arts sa Colegio de San
Juan de Letran, at nag-aral din siya ng abugasya sa Unibersidad ng
Santo Tomas kung saan nakilala niya at naging kaibigan si Andres
Bonifacio na noon ay nag- aabot ng mga propagandang sulat nina
Jose Rizal at Marcelo H. Del Pilar.
Nung hulihin at ipatapon si Rizal sa Dapitan, nag-isip si Ladislao ng
isang organisasyong hindi repormasyon ang layunin kundi rebolusyon
at dito naisilang ang Katipunan.
,
Ibinase ni Ladislao ang Katipunan sa Triyumbarito ng Rebolusyong
Pranses at sa Triyumbarito ng sinaunang Roma kung saan nagsimula
sa unang trianggulo ang organisasyon. Wala itong presidente at bise
presidente upang walang maghangad ng mataas na posisyon.
Si Ladislao ay kabilang sa unang trianggulo kasama si Andres
Bonifacio at Teodoro Plata. Siya ay kilala sa tawag na “Balite” ng mga
katipunero.

16. Nang manungkulan si Ladislao bilang curial de jusgado sa
Pampanga ay lumawak ang naitulong niya at nakahikayat ng
maraming miyembro ang Katipunan na mula sa Bulacan,
Nueva Ecija at Tarlac.
Nag madiskubre ang Katipunan noong, 1897, hinuli si Ladislao
sa Bacolor, Pampanga at ikinulong sa Fort Santiago at
makalipas ang 5 araw ay pinalaya siya.
Hindi nahinto ang pagiging rebolusyunaryo ni Ladislao dahil
nakipagtulungan ito sa mga Amerikano hanggang sa magapi
ang mga Kastila at nahalal ito bilang Colonel. Matapos
iproklama ang kalayaan ng Pilipinas noong Hunyo 12, 1898,
inihalal siya bilang Gobernador ng Cavite.
Siya ay namatay noong Marso 12, 1930 sa edad 67 dahil sa
sakit na nephritis . Si Ladislao Diwa ay isang matapat na
bayani sa kanyang kapanahunan.

17.  Ipinanganak noong
Nobyembre 1, 1849 sa
Paoay, Ilocos Norte .
 Ang kanyang mga
magulang ay sina
Geronimo Diaz at Maria
Villanueva.

18. Dahil sa lihim na mga buhay ng kasapi ng katipunan ay kaunti
lamang ang alam natin kay Valentin maging ang parte sa
edukasyun niya ay hindi rin natin alam. Subalit maaring
nakapag-aral siya dahil siya ay naging gobernadorcillo ng
Tayug , Pangasinan at bukod dito iginagawad lamang ng mga
Kastila ang naturang posisyon sa mga miyembro ng mga
mahahalaga at mayayamang pamilya
Si Valentin Diaz ay naging miyembro rin ng La Liga Filipina at
isa sa mga nagtatag ng Katipunan kasama sina Andres
Bonifacio, Ladislao Diwa, at Teodoro Plata.
Nang sumiklab ang labanan sa pagitan ng mga Pilipino at mga
Kastila, lumaban si Diaz bilang isang rebolusyonaryo sa hukbo
ni Andres Bonifacio.

19. Isa rin siya sa mga signatories ng kasunduang “Biak-na-Bato”
noong Nobyembre, 1, 1897. Ito ay pansamantalang pagtigil ng
labanan sa pagitan ng mga Pilipino at mga Kastila kapalit ng
kondisyon ng kasunduan na pagpapatapon kay Aguinaldo at
Diaz sa Hong Kong.
Noong sumiklab naman ang digmaang Pilipino-Americano
(1899-1902), muling nagsilbi si Diaz sa Philippine Army bilang
Koronel. Sumailalim siya kay Artemio Ricarte at kay Antonio
Luna.
Si Valentin ay namatay nong 1916 sa edad na 67. Dahil sa
kanyang mga sakripisyo, ginawaran siya ng historical marker
(ng National Historical Institute) sa kanyang lugar ng
kapanganakan sa Paoay, Ilocos Norte.

20.  Sina Teodoro Plata, Ladislao Diwa at Valentin Diaz
ay tunay ngang mga bayani. Hindi man sila kasing
sikat tulad nina Jose Rizal, Andres Bonifacio,
Apolinario Mabini, at Gomburza, ay hindi naman
matatawaran ang naging papel at kontribusyon nila
sa katipunan para pakikipaglaban sa mga Kastila
tungo sa pagkamit ng inaasam na kalayaan.
 Ang kanilang paninindigan, paglagay ng sarili sa
bingit ng kamatayan at pagmamahal sa bayan ay
talagang kahanga-hanga at nararapat lamang na
ipagbunyi.
 Kung walang Plata, Diwa at Diaz marahil ay walang
naitatag na Katipunan.

21.  Aisha Marie V. Galgo
 Krisha Jane Talabucon
 Keturah Moselle Arbis
 Hazel Ann Alcotora
 Raphael James Arquisola
 John Dale Roxas
 Wilkerson Pericon
Inihanda nina: