worship weekly sermon

1. PBC SUNDAY
WORSHIP

2. I.
A.Pagbati
B. Texto: Mateo 28:15-20
ibinigay na sa akin ang lahat ng kapangyarihan sa langit at sa
lupa, kaya humayo kayo at gawin ninyong alagad ko ang lahat ng
bansa. Bautismuhan ninyo sila sa ngalan ng Ama at ng Anak at ng
Espiritu Santo. At turuang sumunod sa lahat ng ipinag-utos ko sa inyo.
Tandaan ninyo, ako’y laging kasama ninyo hanggang sa katapusan ng
sanlibutan.
C.Opening Prayer

3. II.A Pambungad
bago ang pagbibigay ni Jesus ng Kanyang dakilang atas sa kanyang labing-
isang alagad, tingnan muna natin ang mga unang kaganapan. Mateo 28:16
Nang malaman ng mga alagad mula sa mga babae na nabuhay uli si Jesus hindi
sila agad nagpunta sa Galilea. Nagpunta muna sina Pedro at Juan sa libingan para
tingnan kung totoo ang sinasabi ng Dalawang babae (Lucas 24:9,12; Juan 20:1-3)
Ngunit kahit Nakita nilang walang laman ang libingan dahil sa takot sa mga Judio
(Juan 20:10-19) at doon nagpakita sa kanila si Jesus nang dalawang beses (Lucas
24:36; Juan 20:19,26) Pagkaraan lamang noon saka lamang sila nagpunta sa Galilea
ara katagpuin si Jesus.
Nang Makita Siya ng labing isang alagad, sinamba nila Siya. Ngunit ang ilan ay
nag-alinlangan.

4. Marahil ang mga nag-alinlangan ay yaong mga alagad at
tagasunod ni Cristo na hindi pa nakakakita sa Kanya mula
noong namatay Siya at muling nabuhay. Sinabi ni Pablo na si
Jesus ay nagpakita ng sabay-sabay sa mahigit na limandaang
Kapatid (I Corinto 15:6) Sa simula, nagalinlangan ang ilan sa
kanila. Tulad ng mga alagad, marahil ang inisip nilang multo
ang kanilang Nakita (Lucas 24:37)

5. III. Mga Tanong na dapat sagutin
1. Bakit nakatitiyak tayo na mapangyayari ang dakilang atas
Panginoong Jesus?
Sagot: Dahil nasa kanya ang lahat ng kapamahalaan sa langit at sa
lupa. Lumapit sa kanila si Jesus at sinabi: Naibigay na sa akin ang
lahat ng kapamahalaan sa langit at sa lupa. Walang ordinaryong
taong makapagsasabi nito. Ang Anak lang ng Diyos ang maaring
magsabi nito.

6. Minsan ay inalok ng diyablo kay Jesus ang lahat ng kaharian sa sanlibutan (Mateo 4:8-9)
ngunit ngayon, dahil sa pagiging masunurin Niya sa kanyang Ama ay hindi lamang ang
kapamahalaan sa lupa ang tinaggap Niya kundi pati ang kapamahalaan sa langit o sa
buong sansinukob (Efeso 1:20-22, Filipos 2:9-11)
Sa simula, bago manaog si Jesus dito sa lupa, nasa kanya ang lahat ng pamamahal sa langit
at sa lupa. Ngunit bagaman Siya ay nasa mismong likas na pagiging Diyos, kusa niyang
hinubadang lahat ng ito, at kinuha ang kalikasan ng isang alipin nang siya’y magkatawang
tao (Filipos 2:6-7). Sa ibang salita habang narito Siya sa lupa ay pansamantala Niyang
Binitiwan ang kanyang kapamahalaan. Ngunit kinuha Niya uli ito pagkatapos ng kanyang
muling pagkabuhay.

7. 2.Anong mga pangunguspa na pautos ang mga bumubuo sa
Dakilang Atas ng Panginoong Jesus?
Mateo 28:19-20a
- Humayo kayo at gawin ninyong alagad ko ang lahat ng
bansa.
- Bautismuhan ninyo sila sa ngalan ng Ama at ng Anak at ng
Espiritu Santo.
- Turuan sumunod sa lahat ng ipinag-utos ko sa inyo.

8. Dahil na kay Jesus ang lahat ng kapamahalaan, kaya
sinabi Niya sa kanyang mga alagad na gawing alagad
ang lahat ng bansa! Sapagkat si Jesus ang Panginoon
ng sansinukob marapat lang na humayo tayo at itatag
ang kanyang kapamahalaan sa lahat ng panig ng
daigdig. Siya ang Panginoon ng lahat ng bansa kaya
kailangan tayong humayo sa lahat ng bansa.

9. Sinabi sa atin ni Jesus na humayo tayo at gumawa ng mga alagad, hindi
lang para magturo at mangaral kundi para gumawa ng mga alagad.
Katunayan ang salitang “gumawa” ang pangunahing pandiwa sa Mateo
28:18-20. Pantulong na pandiwa lamang o secondary verbs and
“bautismuhan” at “turuan”. Makikita natin dito sa Dakilang atas na ito ang
pinakamahalagang elemento ay ang pagawa ng mga alagad. Dapat
nating Patatagin sa pananampalataya ang bawat tagasunod ni Cristo.
Dapat nating tulungang lumago ang buhay-espiritwal ng bawat Cristiano.
Kung magkagayon, mabubuo natin ang Iglesya upang maging matatag at
tapat sa kanyang Panginoon.

10. BAUTISMUHAN NINYO SILA SA NGALAN NG AMA, AT NG ANAK
AT NG ESPIRITU SANTO
Bawat mananampalataya ay dapat bautismuhan sa pangalan ng
Ama, ng Anak at ng Espiritu Santo. Ang Ama, Anak at Espiritu
Santo ay iisang Diyos, hind tatlo. Ang Dios ay may tatlong
persona. Siya ang manlilikhang Makapangyarihan sa lahat.
Lumikha ng langit at lupa. Siya ang Anak, Si Jesus ang iisa at tunay
na katawang tao ng Dios. Nanaog Siya rito sa lupa para iligtas
tayo mula sa kapangyarihan ng kasalanan..

11. At ituro sa atin ang daan ng kaligtasan. Ikatlo, Siya ang Espiritu
Santo, na naninirahan sa puso ng lahat ng mananamplataya at
nagdudulot ng bagong pamumuhay ng buhay espiritwal na hindi
magmamaliw magpakailanpaman. Ito ang Diyos na ating
sinasamba. Ang pagpapabautismo sa kanyang pangalan ay
nangangahulugang tayo ay sa kanya. Sa pagtanggap natin ng
bautismo, sa kanyang pangalan para na nating sinabi sa buong
daigdig “Ako ay sa Diyos, Ako ay kay Cristo” (2 Corinto 13:14)

12. Sa simula ng kanyang ministeryo rito sa lupa sa mga Judio lamang
ginawa ni Jesus ang kanyang pangangaral at pagpapagaling (Mateo 10:5-
6; 15:24) At ngayon ngang magbangon Siya mula sa mga patay, nagtaglay
ang kapamahalaan sa buong sansinukob, inuutusan Niya ang kanyang
mga alagad na humayo sila sa lahat ng bansa. Ngunit sa simula sa mga
Judio, muna sila naglingkod. Ang mga alagad mismo ay mga Judio.
Matagal-tagal din bago nila naunawaang dapat itatag ang Iglesia ni Cristo
sa lahat ng bansa sa lahat ng tao. Kinailangan pang ipakita ng Diyos kay
Pedro ang isang natatanging pangitain para makumbinsi siyang mangaral
sa isang tahanang Hentil (Gawa 10:9-20)

13. Ngunit unti-unting naikalat nila sa buong mundo ang
Ebanghelyo ni risto. Sinabi ni Jesus sa kanila…
magiging saksi ko kayo sa Jerusale, sa buong Judea, at
sa Samaria, hanggang sa dulo ng daigdig (Gawa 1:8) at
nagkaganon nga (Marcos 16:15-16)

14. *TURUANG SUMUNOD SA LAHAT NG IPINAGUUTOS KO SA
INYO.
Ano ang pangunahing Gawain ng isang alagad? Ang
pagsunod. Sinabi ni Jesus sa kanyang mga tagasunod,
“Gawin ninyo silang mga alagad. Turuan ninyo silang
sumunod sa lahat ng iniuutos ko sa inyo.” Ang alagad na
hindi marunong sumunod ay hindi talagang alagad.

15. Ang dakilang utos na ito ay hindi lamang sa labing-isang alagad
ibinigay kundi sa lahat ng tagasunod ni Jesus sa lahat ng panahon.
Sinabi ni Jesus na unang labing isang alagad na turuan ang lahat ng
magagawa nilang alagad na suunod sa lahat ng iniutos ko sa inyo at
mangyari pa kabilang rin dito ang dakilang utos. Bawat Cristiano ay
dapat sumunod sa utos ni Jesus na humayo sa lahat ng bansa at
gumawa ng mga alagad. Marami pang hindi Cristiano ngayon sa
buong daigdig sapagkat maraming Cristiano ang hindi sumusunod sa
huling utos na ito ng Panginoong Jesus.

16. 3. ANONG PANGAKO ANG BINITWAN NG
PANGINOONG JESUS NA TUMITIYAK SA
KANYANG MGA ALAGAD NG TAGUMPAY?
Tandaan ninyo, Ako’y laging kasama ninyo
hanggang sa katapusan ng sanlibutan.

17. Sa wakas, matapos maibigay ni Jesus sa kanyang mga alagad
ang pangunahin nilang Gawain, ibinigay Niya ang pangwakas na
pangako. “Ako’y sumasainyong palagi. Sa bandang unahan
sinabi ni Jesus sa kanyang mga alagad “Hindi ko kayo iiwang
nagungulila, paririto ako sa inyo..Sapagkat ako’y buhay
mabubuhay rin kayo. Sa araw na iyon, makikilala ninyong akoy
nasa Ama at kayo’y nasa akin at ako’y nasa inyo (Juan 14:18-20)

18. Si Jesus ay hindi lang natin kasama o Siya ay nasa atin.
Naninirahan sa ating ang kanyang Espiritu Santo (Juan 14:17)
Ang Espiritu Niya ang nagbibigay sa atin ng kapangyarihan para
maging alagad ni Jesus at maging saksi Niya (Gawa 1:8) Kung
nasa atin si Jesus, nasa atin din ang kanyang kapamahalaan sa
buong sansinukob. Sa paghayo natin sa daigdig kasama nating
humahayo si Cristo . Hindi tayo nag-iisa kailanman. “Narito ako’y
sumasainyong palagi hanggang sa katapusan ng sanlibutan”.